поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
Adiplar.narod.ru онлайн энциклопедиясе

Adiplar.narod.ru онлайн энциклопедиясе

Әхмәт Дусайлы туплаган онлайн-энциклопедиядә әдипләр генә түгел, журналистлар, галимнәр, җәмәгать эшлеклеләре турында файдалы мәгълүмат, матбугатта чыккан язмалар урын алган.

ЗАКИРОВА ГӨЛҮСӘ

Бу шигырьләр озак ятты... Ниһаять, үрелеп, аларны яктыга, иреккә чыгарасы, бөтен дөньяга ачып саласы килгән көннәр аз булмады. Әмма, шулай да, үз вакытын сабыр гына көтә бирделәр – аларның тәмен, исен, рәхәтен яхшырак тояр өчен җәй азагы-көз башының һавасы, җиле, рухы... җәй азагы-көз башы кирәк иде... Урамда – август...

***
Төнем – озын. Ахирәтем – йокысызлык.
Каләмемне уйга манып шигырь тезәм.
Көздән иңгән моңсулыкка, сагышларга
Күңелемдә җитәр микән сабыр-түзем?

Төнем – озын. Җаным кабырчыгын ватып,
Сибелер күк мәрҗән кебек сөю хисем.
Көз кызарткан баланнардан, миләшләрдән
Кар суына манып язар синең исемең...

Уйлану

Бу дөньяда без бер тамчы, бер күзәнәк,
Зур Галәмнең кыйпылчыгы, атомы без.
Ярый әле Ходай биргән хыял-кошның
Канатында йолдыз булып атылабыз.

Сөю хисе йөрәгеңне ялмап алса, –
Олы рухың сыймас бәлки бу җиһанга.
Яшәү яме агар канда ул чагында
Шифа булыр сулышың да, сусаганга...

Вакланудан күзәнәктән артмас Кеше,
Бөек хистән чиксезлектә Җаны көчле!

Киек Каз юлы

Кылдан нечкә сират күпереннән
көн дә үтә Адәм баласы.
Түзә. Чыдый. Сабырлыгын сыный.
Сызласа да җанда ярасы.

Өмет белән Сөю нурларыннан
Иңә кинәт күктән бер хәбәр:
Йолдызларда шул күперне кичә
изге зат – Мөхәммәт пәйгамбәр.

Синле Казан

Синле Казан
учак кебек –
ашкындыра, сагындыра, ымсындыра...
Очып керсәм гүзәл яктысына
хыялларны утта яндыра...
Синле Казан
учак кебек –
ялкынланып дөрләсә дә, җылыталмый...
Гамьгә тулган йортлар, урамнардан
йөрәгеңә синең юл табалмыйм...

Әбиләр чуагы

Көзгә кергәч җылы яңгыр яуды,
Яшел келәм булды үләннәр.
Кояш нурын, җир сулышын тойса,
Күзне иркәләргә үсәрләр.

Һушын алыр сары яфракларның,
Үртәлерләр, бәлки, камышлар.
Тургайларны алдап басуларда
Шытып чыгар кабат арышлар.

Көзгә кергәч, җылы яңгыр яуды,
Табигатьме, минме ялгышам? –
Гашыйк күңелем бүген бар җиһанга
Гөлләр үстерергә ашкына...

Иртәнге хис

Таң кояшы көтмәгәндә үтеп керде
Шакымыйча күңел ишегемне.
Йөрәгемә алтын итеп чигеп куйды
Бик кадерле газиз исемеңне.

Су сипмәсәң, җан гөлләре кибә.
Хәзер йөрәк сине уйлап тибә.

Көтү

Эзләп табарсыңмы мине
Ялгызлык томаныннан?
Көннән-көн ныграк уралам
Синсезлек йомгагына.

***
Кояш баткач көннәр сагышына
Ай санаган төннәр агышы да –
Күрәсеңме, дидем, безгә бүләк!

Тик...

Без бөтенләй таныш түгел икән.
Күңел касәм чайпалганга гына
Кул биргәнмен... күрешергә теләп.

***
Боз тауларын эретерлек
Җылым барын күрмәдең лә!
...Салкынлыктан өши бугай
Кар бөртеге керфегемдә...

***
Серле төн хан бүген җиһанда.
Күзе – ай, сихерле елмая.
Йолдызлар серләшә үзара:
«Анда кыз ялгызы моңая... »

Тал-тирәк баш игән елгага.
Сак кына җиләс җил кузгала.
Сагышы чәчемә урала:
«Нигә син бик моңсу, кыз бала? »

Һай әкрен, бик әкрен уза көн:
Зарыгып көтәмен кичләрне.
Төн – сагыш йомгагы, җил сүтә
Болай да тузгыган хисләрне...

***
Кояшка карадым.
Елмайды.
Бүләге – битемдә сипкелләр.
Кояшның үзеннән оялып, яшердем.
Югыйсә, күз тияр.

***
Көттем гөрләвекләр булып
Елгага агасыңны.
Җимереп киртә-юлларны
Диңгездә каласыңны.
Хыялымны юлдаш итеп
Океаннар булсаңчы!
... Ишеткәндәй, күзләремнән
Тәгәрәде бер тамчы.

31 август

Сәер халәт...
Яшел яфрак оча күктә,
бөтерелә, әйләнә дә җанны урап,
әй, җилкенә!
Шәфәкъ нуры белән танго бии...
бии...

Онытылып, бишек кебек
уйнаклый ул җил көенә...

Бер минутлык бәхетеннән көнләшәмме?
Яфрак булып үзем очам түгелмени?
Хәтта кошлар аңлый алмас халәт миндә:
җан очышта, хис очышта...
җилпим канат-күңелемне.

Чуер ташлар, тузан серләр
асфальт юлда.
Яшел яфрак минем учта, минем кулда...
Бер мизгеллек бәхетемнең даһи мәле –
Көзгә кадәр тагын бер көн бар бит әле...


Идел, №8, 2012. 

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»