поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
Adiplar.narod.ru онлайн энциклопедиясе

Adiplar.narod.ru онлайн энциклопедиясе

Әхмәт Дусайлы туплаган онлайн-энциклопедиядә әдипләр генә түгел, журналистлар, галимнәр, җәмәгать эшлеклеләре турында файдалы мәгълүмат, матбугатта чыккан язмалар урын алган.

ГАБДЕЛХАКОВА ЯЗИЛӘ

Габделхакова Язилә Марат кызы 1994 елның 5 мартында Мөслим районының Тойгельде авылында туа. Хәзерге вакытта Тойгельде урта мәктәбенең 7 классында белем ала. Буш вакытларында шигырьләр яза, музыка тыңларга ярата. Яшь язучыларның район күләмендә оештырылган конкурсларында катнашып ике тапкыр җиңү яулады. Шигырьләре район газетасында даими басыла. Язилә яшь язучыларның Мөслим районында оешкан Зөлфәт Маликов исемендәге клуб әгъзасы.

АНЫҢ ТУРЫНДА

Рәсимә Муллаянова. Соклану

Әгәр...

Гаилә җылы була әгәр,
Мичтә ялкын дөрләсә,
Туганнарың кайтып торса,
Күршеләрең бизмәсә.
Гаилә тату була әгәр,
Әти шешә сөймәсә.
Самоварлар куеп әни
Матур табын көйләсә.
Гаилә тулы була әгәр,
Әби-бабай сау булса.
Балаларның көлүеннән
Йорт-җирең гөрләп торса.
Гаилә матур була икән,
Бәрәкәтләр куна икән,
Әти-әни тигез булса,
Улым-кызым диеп торса,
Шул гаилә була икән.

Апама

Минем Айназ апам бар,
Ул мине бик ярата.
Ул кунакка кайтканда
Күчтәнәч алып кайта.
Аның белән таулардан
Чана-чаңгы шуабыз.
Җәйләрен урманнарда
Җиләк-җимеш җыябыз.
Мин апамны бик яратам
Аңа бәхет телимен,
Сау-сәламәт бул апам, дип
Шигырем төгәллимен.

Ап-ак инеш

Мин төш күрдем бүген таңда, имеш
Бакчабыздан агып чыккан инеш.
Эх,сулары ургып-ургып ага!
Хәйран калып, карап торам шуңа.
Ян ягында үсә җиләк-җимеш,
Авыл халкы суга агыла имеш.
Барысы да күбрәк алмак була,
Су савытын тутырып калмак була.
Җәйләр буе суга тилмерде шул,
Бу авылның барча яше-карты.
Җәйләр үтте, алтын көзләр килде,
Сусызлыктан тәмам туйдык инде.
Аларның соң әле җаны бармы,
Кая карый авыл хуҗалары!?
Өйләр тулды шакшы кием белән,
Аңлар микән алар нужаларны.
Төштә күрдем бүген ап-ак инеш,
Өндә калсын иде аккан килеш,
Бар халыкны шунда җыяр идем.
Уртасына улак куяр идем,
Сусызлыкка нокта куяр идем.

Кайда син әни ?

айда син әни, без әле нәни,
Синең бер сүзең безгә әллә – ни.
Чәйләрем тәмсез, өебез ямьсез.
Сөйләр сүзебез сиңа хасапсыз.
Бер сүз дә әйтми ташлап киттең син,
Ана назыннан мәхрүм иттең син.
Беләбез, әни, кайта алмыйсың,
Чәчләрдән сыйпап син юатмыйсың.
Рәсемеңә карыйм, күзләрең моңлы,
Рәнҗегән чагың безгә булдымы?
Барысы өчен дә кичер син безне,
Мәңге йөрәктә сакларбыз сине.

Әбиемне юату

Кайгыларга, әби, бик тиз бирештең син,
Озак елап кипте инде күз яшьләрең.
Төннәр буе уйланыплар ятасыңдыр,
Шуңа күрә авырткандыр йөрәккәең.
Ак бураннар күмеп китте эзләрен дә,
Күреп кала алмадым шул йөзләрен дә.
Шуңа күрә илерепләр елыйсыңдыр,
Нур калмады, әбекәем, күзләреңдә.
Әниебез яши безнең күңелебездә,
Йөз чалымы чагыла безнең йөзебездә.
Нык сагынсаң безгә карап юан,әбием,
Елама әле, син бик нык кирәк безгә.

Алар синең өлеш

Бик күп көннәр үтте синнән башка.
Язлар үтте,җәйләр җиттеләр.
Алмагачлар шау чәчәкләр атып
Җимешләрен җиргә сиптеләр.
Җыймадым мин аның җимешләрен
Бик-бик теләсәм дә өзәсем.
Эре-эре, сусыл алмаларны
Килде алларыңа тезәсем.
Җыелмады җимеш,
Алар синең өлеш.
Синең өлеш булып тоелды.
Агачлардан тып-тып җимеш тамды...
Күзләремнән яшьләр коелды.

Туган ил

Минем кебек татар булып туып,
Әби-бабам монда үскәндер.
Әти-әниемнең бишек җыры
Телем булып миңа күчкәндер.
Бик бәхетле татар илендә мин
Мактап җырлыйм татар төбәген,
Тик янәшә гомер иткән халыкларны
Бүлә алмыйм һич тә төргә мин.
Татарстаным, дим, Россиядә
Россия дә туган илем бит.
Чит ил халкы безне каршы ала
Россиянең гражданины дип.
Чагыштырып баксак әләмнәрне,
Бер генә төс башка ләбаса,
Күк йөзенең төсле күперендә
Бу ике төс һәрчак янәшә.
Бүлмик әле милләтләргә, зинһар
Бөек дәүләтне без вакламыйк.
Тату булса гына бөтен халкы
Көче кала илнең сакланып.

Әтием

Әтиләрнең күңеле каты,диләр
Әтиләрнең кулы каты, диләр.
Авырлыклар килгән чагында да
Еламыйлар, диләр, түзәләр.
Түгел икән, алар елый икән,
Кайгыларга башлар иелә.
Сыгылалар икән әтиләр дә,
Күзләрдән дә яшьләр түгелә.
Күңелләре бигрәк нечкә икән,
Куллары да җылы һәм назлы.
Әтиләрне юатырдай татлы,
Яхшы сүзне табып буламы?
Авырлыкка башың имә әле,
Сагышлардан сына күрмә син.
Ике канат – балаларың синең,
Безнең хакта ныклап уйла син.
Син әни дә, син әти дә безгә
Киңәшче дә, олы таяныч.
Авырлыкны әти бергә кичик,
Без булырбыз сиңа юаныч.

Төсләр

Яратмыйм сары төсне мин
Сагыш төсе булганга.
Күзләремне әчеттереп
Күз яшьләре тулганга.
Ак төсне дә үз итмимен
Кайгы китергән өчен.
Ак бураннар бәхетемне
Урлап киткәне өчен.
Яратмыйм кара төсне дә
Күңелгә шом иңдерә.
Кара кайгыларга салып
Башны түбән идерә.
Якын түгел кызыл төс тә,
Яшеле һәм зәңгәре.
Язмыш бәйле һәммәсенә
Ник белмәдем элгәре.
Бәлки миңа нурлы төсләр
Шатлык китерер әле.
Бәхетле бул бала, диеп
Шатлан әле, сөен, диеп
Кояш елмаер әле.

Әниемә хат

Өйдән киткәч бала
Сагынып хатлар яза.
Хатлар яза сагынып Әнкәсен.
Хатлар яза бала, ерак ләкин ара
Хатлар яза бала нишләсен.
Кайда минем Әни?
Нәни йөрәк әрни.
Нигә җавап хаты язмый соң?
Күпме хатлар яздым, инде көтеп ардым,
Аралашыр чара бармы соң?
Озын кышлар үтте,
Күчмә кошлар килде
Алар белән көттем хәбәрен
Тәрәзәмә килеп, үзәкләрне өзеп,
Сөйләделәр синең хәлләрне.
Синең Әниең, диләр
Җырчы коштай, диләр.
Ашты, диләр, зәңгәр болытка.
Кошлар кайткан чакта, хәбәр көткән чакта,
Болытларга кара. Онытма!
Җәйләр бик тиз үтә,
Соры көзләр җитә.
Күчмә кошлар курка суыктан.
Алар китә көзен, ә мин шундый түзем.
Ишетелә аваз болыттан:
“Салкын кышлар озын
Булчы балам түзем.
Ата-ана хакын хакла син.
Тырышып укы яме, тоеп яшәү ямен,
Олы юлдан горур атла син”
Бу хәбәрең синең
И, и газиз Әнием
Һаман безнең хакны хаклыйсың.
Булмасаң да янда, җаның безнең янда
Безнең белән бергә атлыйсың.
 

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»