Яңа ел киңәшләре

“Бәйрәмнәрне гаилә белән үткәрү – бу актив ял итү дә, тәмле һәм файдалы ризыклар әзерләү дә,  шулай ук якыннарны зыянлы гадәтләрдән баш тартуда хуплау мөмкинлеге дә”, – ди министр.

 

Ул шулай ук  ватандашларыбызга инфекция йоктырмас өчен  бәйрәм чорында медицина битлеге кияргә киңәш итте. Һәм инде, әлбәттә, аек булмаган килеш руль артына утырмау да мөһим.

 

Яңа ел төнендә русиялеләргә үз рационнарына күбрәк яшелчәләр, балык һәм диетик ит кертү яхшы булыр, ди ул. Тозга сак мөнәсәбәт тә мөһим – аның чамадан тыш артык булуы кан басымы күтәрелүгә сәбәпче, инфаркт, инсульт, ашказан яман шеше, остеопороз һәм симерү хәвефен дә арттыра.

 

“Тәмәке һәм “тагын бер бокал” алкоголь  сезгә сәламәтлек, көч, энергия, дәрт һәм дәрман өстәмәячәк, әмма икенче көнне “ватылуыгызга” сәбәпче булырга мөмкин”, – дигән Мурашко. Ул бәйрәмнәрдән соң көн режимын үтәргә чакыра   һәм өлкәннәргә – ким дигәндә 6, балаларгә 8 сәгать йокларга киңәш иткән.