“Әниемә багышлап көй яздым”

— 2015 елгы чыгышымның видеоязмасын бер блогер телефонга төшереп, интернетка урнаштырган икән. Аны шундук миллионнан артык кеше караган. Икенче көнне иртәдән кичкә кадәр кемнәр генә шалтыратмады, газета-телевидение кызыксынды, — ди Алексей.

 

Алексей Яшел Үзәннең ятимнәр йортында тәрбияләнгән. Аның тумыштан ике кул чугы һәм бер аяк табаны юк, икенче аягы да зәгыйфь. 6 яшендә аны бер гаилә уллыкка алган. Әлеге гаиләдә Алексей 6 ел тәрбияләнгән, татарчага да шунда өйрәнгән. Әмма бу гаилә, үз балалары туачагын белгәч, Алексейны яңадан ятимнәр йортына кайтарган. Ул аларга рәнҗеми, рәхмәтле булуын искәртә, чөнки алар аңа гаиләнең ни икәнен төшенерлек тәҗрибә биргән...