|
|
Бүген кемнәр туган
|
|
Архив
|
30.06.2023 Фаҗига
«Татнефть»тә ике кеше үлеменә китергән фаҗигане тикшерү өчен комиссия төзелдеТатарстанның Зәй районы Иске Маврино авылында ике кешенең үлеменә сәбәпче булган фаҗигане тикшерү өчен оператив рәвештә махсус комиссия төзелде. Бу хакта «Татнефть»нең матбугат хезмәтендә хәбәр иттеләр. «Татар-информ» агентлыгы Иске Маврино авылында «Елховнефть» нефть һәм газ чыгару идарәсе җайланмасында эшләгән вакытта ике кешенең һәлак булуы хакында элегрәк хәбәр иткән иде.
Якынча мәгълүматлар буенча, ир-ат һәм хатын-кыз нефть резервуарын чистарту белән шөгыльләнгән. Кайсыдыр мизгелдә ул шартлаган һәм янгын чыккан. Участок башлыгы һәм оператор һәлак булган.
Хәзерге вакытта тикшерүчеләр шартлау куркынычы булган объектларда иминлек кагыйдәләрен бозу турында җинаять эше кузгаткан. Ведомство хезмәткәрләре фаҗига булган урынны тикшерә.
«Һәлак булганнарның туганнары һәм якыннарының олы кайгысын уртаклашабыз. Компания аларның гаиләләренә кирәкле бөтен ярдәмне күрсәтәчәк», - дип искәрттеләр «Татнефть»тә.
Фото: фрипик.ком
--- |
Иң күп укылган
|