поиск новостей
  • 19.03 "Ләйлә вә Мәҗнүн" Кариев театры, 18:30
  • 19.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 20.03 "Ут чәчәге" Кариев театры, 13:00
  • 20.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 21.03 "Анна Ахматова:Вакыт кайтавазы" Кариев театры, 13:00
  • 21.03 "Эх, алмагачлары!" Тинчурин театры, 18:30
  • 22.03 "Корт" Кариев театры, 18:30
  • 22.03 "Ай, былбылым!" Тинчурин театры, 18:30
  • 23.03 "Йосыф" Кариев театры, 18:00
  • 23.03 "Бәхетле көнем" Кариев театры, 13:00
  • 23.03 "Яратам! Бетте-китте!" Тинчурин театры, 17:00
  • 24.03 "Әлифба:Хәрефләр дөньясында" Кариев театры, 13:00
  • 24.03 "Мәдинә" Тинчурин театры, 17:00
  • 26.03 "Мио, минем Мио!" Кариев театры, 18:30
  • 26.03 "Җилкәнсезләр" Тинчурин театры 12:00 һәм 18:30
  • 27.03 "Гөлчәчәк" Кариев театры, 19:00
  • 27.03 "Идегәй" Тинчурин театры, 18:30
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
Бүген кемнәр туган
  • 19 Март
  • Татьяна Водопьянова - дәүләт эшлеклесе
  • Камил Гайнуллин - актер
  • Ренат Вәлиуллин - дәүләт эшлеклесе
  • Илшат Вәлиулла - язучы
  • Гөлнур Корбанова - шагыйрә
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Кому требуется шпаклевка, обои, по городу Казани также Арск обращаться по тел +7 (917) 266-37-64.
  • Яр Чаллыда 2-бүлмәле фатир сатыла:Яңа шәһәр, 30 комплекс. Мәйданы 52 кв.м. Планировкасы әйбәт - распашонка. Җылы, яхшы хәлдә. Хуҗасы сата. Телефон:8-9631571216
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
Архив
 
29.11.2022 Җәмгыять

Зиратта эшләүче Равил Ногманов: «Яшьләр күп үлә шул, ирләр хәтта 60 яшькә дә җитми…»

Ул эшкә зиратка йөри. Юк, кабер казучы түгел, язмамның герое мәрхүмнәрнең истәлегенә соңгы сүзләрне язучы. Питрәч районының Шәле авылында яшәүче Равил абый Ногмановның һөнәре әнә шундый бакый дөньяны гел искә төшерә торганнардан. Шуңа күрәдерме, тормышның кадерен белә. Хыялы – 120 яшькә җитү. Үзенә шулай дип вәгъдә биргән икән.

Зиратта эшләгәч, бик җитди, аз сүзле кеше дип күз алдына китергән идек Равил абыйны. Ялгышканбыз, шат күңелле булып чыкты ул. Гамәлләре дә, яшәү рәвеше дә сокланырлык. Хатыны Аэлита белән 37 ел яшәп, бер тапкыр да ачуланышканнары юк икән. Аэлита – татар кызы, иреннән ун яшькә яшьрәк. Гаилә башлыгына – 64 яшь. Шәлегә шәһәрдән күченеп кайткан Равил абый үз куллары белән яңа йорт төзегән. Авылдашлары ярдәм итәргә теләсә дә, “юк, үзем” дип, кырт кискән. Эштән кайткач, фонарь яндырып, шуның яктысында кирпеч өйгән. Моның өчен 4 ел вакыты киткән. Күршеләре шәһәр егетенең булдыклылыгына шаккаткан. Шаккатырлык шул ул!
 
– Казаннан күченеп кайтуыбызга 30 еллап үтте. Кечкенә чакта Саба районының Байкал авылына кунакка кайта идем. Авылны бик яратам. Шуңа күрә шәһәргә ерак түгел дип, Шәлене сайладык. Моннан беркая да китәсе килми. Авылда да эш бар, тырышырга гына кирәк, – ди Равил әфәнде.
 
Шәһәрдә яшәгәндә портретлар, картиналар иҗат иткән. Кулына пумала тота белгәч, 1983 елда кабер ташларына язып сынап караган. Менә шуннан бирле бу эшен ташламый. Хәзерге вакытта Курган, Киндери зиратларында эшли.
 
– Зиратка эшкә йөрү күңелгә авыр, әлбәттә. Кайда җиңел соң? Әрвахлардан куркырга кирәкми. Эшне бисмилла әйтеп башлыйм. Хезмәт белән барысы да онытыла. 100-200 килолы ташларны күтәрергә туры килә. Улым Камил белән көнгә 10-15 ташка язабыз. Заказ булуга чакырып торалар. Кулдан язсаң, бер ташка – 2-3, станок белән бер сәгать вакыт китә, – ди әңгәмәдәшем.
 
 
Равил абый сәламәт яшәү рәвеше алып бара. Эчми, тартмый. 12 яшьтән спорт белән шөгыльләнә. Хәзер дә штанга күтәрә, скандинавча йөри, йөгерә. Тик аягын авырттырганнан бирле артыгын куа алмый. Җайлап, тәмен белеп кенә йөри. Кайчан иртән сәгать 4тә үк чыгып китә икән басуга. Сәгать 8гә эшкә барып җитешәсе бар чөнки. Көн саен 15 чакрым җәяү йөрергә тырыша. Заманасында марафоннарда да катнашкан. 21 чакрымны 1 сәгать 43 минут эчендә үткән.
 
– Дару эчкәнем юк. Бөтен начар энергия тир белән чыга. Эштә тузан сулыйм бит, аны ничек тә булса, чыгарырга кирәк. Йөгергәч, үпкәләр киңәеп китә, сулыш алулары җиңеләя. Яшьләргә дә йөгерегез, хәрәкәтләнегез, диванда гына ятмагыз, дим, – ди Равил ага. – Яшьләр күп үлә шул, ирләр хәтта 60 яшькә дә җитми, кызганыч. Шул ук вакытта елга берничә тапкыр 100 яшькә җитүчеләр истәлегенә дә ташлар язгалыйм. Юк, минәйтәм, минем күбрәк яшисем килә, дим. Тормышны, хатынымны, балаларымны яратам. Безнең нәсел озын гомерле, 80-90 яшькә җитүчеләр дә бар.
 
Хатыным белән ачуланышкан юк, диде бит. Моның серен дә белдек.
 
– Аэлитага – 54 яшь. Тик аңа күпләр үз яшен бирми, 35 кенәдер дип уйлыйлар. Андыйларга: “Әйе, яшь күренә, ире яхшы бит аның”, –дип шаяртам. – Бүләген дә бирәм. Хатын-кыз өчен күп кирәкмени? Бер җылы сүз җитә. Әгәр беребез кызып китә башласа, икенчебез «тынычлан» дип, башка бүлмәгә чыгып китә. Менә шулай гаиләдә татулыкны, ярату хисен саклыйбыз. Яшьләрне дә бер-берсен хөрмәт итәргә өйрәтәсе иде, – ди Равил абый Ногманов.
Фото: Илдар Мөхәммәтҗанов

Сәрия МИФТАХОВА
Ватаным Татарстан
№ --- | 29.11.2022
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»