Гаффаризмнар

(Сатирик әсәрләр конкурсы)

• Сезгә мин кирәк чакта мин – бар, миңа кирәк чакта сез – юк.

• Үлүе авыр, яшәве - авыррак.

• Беркем дә безнең өчен үлмәс, үзебезгә туры килә.

• Сукыр әби әйткән: күрше тавыгы керсә, куып чыгармагыз, дигән.

• Лев Толстой үзенең “Сугыш һәм тынычлык” романын әллә ничә тапкыр күчереп язган.

  Кешелек тә шулай: сугышын да, тынычлыгын да кабат-кабат яза.

• Эшеңнең тар-мар ителүен теләсәң, аны югарыда килештерә башла.

• Бәрәкәтсез тотсаң, чишмә дә корый.

• Үлем сәбәбен үлемнән эзләмә.

• Кайдандыр җил иссә, татарның яфрагы леперди.

• Аерылышуы җиңел, бергә торуы авыр.

• Уй белән уй, йөрәк белән йөрәк, җан белән җан арасына төннек кирәк.

• Куркак адәм гел батырлык турында сөйләп йөри.

• Тарих янганда – үткәннәр үлә.

• Су ташырга – иләк, сүз ташырга – чиләк.

• Сөембикә манарасы үз астындагы кешеләр кайгысына чыдашмый авышкан.

• Дөреслек ялгышсыз гына була, ә ялгышуда бернинди дөреслек юк.

• Ымның мәгънәсе мең.

• Халык табагыннан ашаганнар кашык яламый.

• Һәрбер тантаналы фаҗига – мескен бәет.