• 21.08 "Зәңгәр шәл" спектакле. Камал театры. 19:00
  • 27.08 "Килә ява..." спектакле. Камал театры. 19:00
  • 28.08 "Әтәч менгән читәнгә". Камал театры. 19:00
  • 29.08 "Бию пәрие". Камал театры. 18:00
  • 29.08 "Казан кичләре". Филармония. 18:30
  • 30.08 "Кырыкта да кызыкта. Мунча ташы". Филармония. 18:30
  • 06.09 Хәмдүнә Тимергалиева. Өстәмә юбилей концерты. УНИКС. 17:00
  • 18.09 Рифат Зарипов концерты. УНИКС. 18:30
Туган көннәр
  • 12 Июль Люция Хәмитова
  • 12 Июль Матвей Апросин
  • 12 Июль Альберт Борһанов
  • 12 Июль Илдар Арсланов
  • 12 Июль Мирсәет Яруллин (1938-2009)
  • 13 Июль Марат Яхъяев
  • 13 Июль Айдар Галиәскәров
  • 13 Июль Рифкать Хисмәтов
  • 13 Июль Лилия Йосыпова
  • 13 Июль Алмаз Шәрифуллин
  • Холодильник сатыла, двухкамерный, биеклеге 1,80, яхшы эшли. Казан, ул. Губкина. Тел. 8 953 999 72 00
  • Продаётся комната в статусе КВАРТИРа 21.8 кв.м в Казане в Московском районе(район Восстания-Гагарина).Комната чистая,после косметического ремонта,Вся мебель и техника остаётся,заезжай и живи!Цена 1490000. Телефон для связи 89393937375.Документы готовы.СОБСТВЕННИК.
  • Казанда эре Җир җиләге сатабыз 89518954298
  • шпаклевка,штукатурим оконные ,дверные откосы,плитка ,обои недорого.89178887212
  • Казанда Диван кроват сатам яна тел89520460614
  • Кулай бәядән шкаф-купе сатыла.Тел 89272488945
  • Казан шэхэренен Мэскэу районындагы ике булмэле фатирнын Бер булмэсенэ иптэшкэ тэртипле Кыз эзлим.Метро Яшлек,Тандем,Д.К.Химиков белэн янэшэ.89272469637
  • Сниму квартиру в Актаныше, без мебели на длительный срок. с.т.8-9534014521
  • Казан шәһәрендә Зур Урам, 1 К адресы буенча квартира озак вакытка арендага бирелә. Кер юу машинасы, холодильник, телевизор бар. Бәясе 15 мең сум. т.89274345719
  • Сдается комната в Казани ул.Можайского д.12 кв 4/1 (Кировский р-н),10кв/м,цена 7000р, Тел.: 89274298213
 
 

 
Архив
 

               

11.09.2013 Җәмгыять

Уй уйланмый – туй туйланмый (Тамада язмасы)

Берничә ел элек “Татарстан яшьләре”ндә бер укытучы язмасындагы “Идән юучылар, урам җыештыручылар да бездән күбрәк хезмәт хакы ала бит” дигән сүзләргә дары кебек дөртләп кабынган идем.

Балаларга хезмәт тәрбиясе бирергә тиешле педагогның гади эш кешесенә мондый кимсетүле мөнәсәбәтенә бик тә нәфрәтләндем һәм “Кеше акчасын санамагыз!” исеме астында газетага җавап хаты юлладым. “Сезнең кеше артыннан пычрак, нәҗес җыеп караганыгыз бармы? Ни өчен үз эшегезне авыр хезмәт башкаручыларныкыннан өстенрәк бәяләнергә тиеш дип исәплисез?” кебегрәк сораулар да биргәнем хәтеремдә.

Мондыйрак фикерләүне аннан соң да, әйләнә-тирәдәгеләрдән дә күп ишеттем. Хәзер инде элеккечә кабынмыйм, бәхәсләшеп, нидер аңлатып та маташмыйм. Гомумән, газета аша мөнәсәбәтләр ачыклап, авторларның бер-берсен “каезлавын”, төрттереп яки ачыктан-ачык тетмәсен тетүен бик өнәп бетермим. Кайчак күңелгә бик нык тигән нәрсәләр күренсә дә, дәшмәүне мәгъкүль күрә башладым. Беренчедән, һәркемнең үз каланчасы диләр бит, кем ничек фикер йөртмәс, икенчедән, шөпшә оясына таяк тыгып болгау бер дә юньлегә түгеллеген беләм.

Ә менә Нурисә Габдуллинаның “Замана туеның яңа йолалары” дигән язмасын (“Т.Я.”, 20 август) укыгач ук, үз фикеремне белдермичә кала алмаячагымны аңладым. Әгәренки, әйтәчәк сүзләремдә усаллык-дорфалык та чагылып китсә, Нурисә үпкәләмәс дип уйлыйм. Чөнки ул үзе берәүләрнең һөнәрен, хезмәтен өнәмәвен яшереп маташмый, ә минем исәбем “алай түгел, болай ул!” икәнен әдәп кысаларыннан чыкмый гына аңлату.

Идән юучыдан кимрәк акча алып эшләүче укытучының позициясе болайрак: мин ми черетеп биш ел буе институтта укыган, ә берәүләр укымаган-нитмәгән килеш тә миннән күбрәк хезмәт хакы ала! Безнең Нурисә дә: “Тамада берничә сәгатьтә минем бер айлык хезмәт хакымнан күбрәк ала”, – дип, бөтенләй башка һөнәр иясен үзе белән чагыштыра.

Тамада дигән сүзне мин кабул итеп бетерә алмыйм. Безнең сүз түгел бит бу, шуңа да колагыма да, күңелемә дә ятмый. Эчәргә кыстаучы сыманрак күзаллана. Туй, бәйрәм алып баручы, табынчы, туйчы дисәң яхшырактыр. Туйчы һөнәре дә, Нурисә язганча, “яңа традиция” түгел. Шәйхи Маннур “Агымсуларга карап” дигән автобиографик повестендә Себер якларында дан казанган Туйчы бабай хакында, аның чыгышы белән Мамадыш ягыннан, Тәкәнеш авылыннан икәнлеген яза. Мин бер язмамда Мамадыш районы Козгынчы авылы (Тәкәнештән ерак түгел) егете, мәрхүм җизнәм Вакыйф Туйчинның әлеге Туйчы бабай нәселе дәвамчысы булуы ихтималын дәлилләп маташкан идем. Туйчиннар нәселенең туйчы токымы икәнлеген аңлау кыен түгел – барысы да моңлы җырчылар, гармунчылар, шаян-тапкыр сүзлеләр.

Мин туйчы һөнәренә биш ел буе ми черетеп институт тәмамлап түгел, ә гомерем буена килдем дисәм дә артык түгелдер. Туганнарым-дусларым күптәннән: “Бу – синең эш, тотын!” – дип тукысалар да, алынмадым. Бүтән һөнәр алу өчен ми череттем, үзешчән сәнгатьтә берничә дистә ел “рәхмәт”кә сәхнә тапташтыргалап йөрдем, ил-республика буйлап уздырылган конкурслардан алып кайткан дипломнар коллекциясен туплап, шуларга куанып яшәдем. Үзем белгәннәрне балаларыма тапшырырга омтылдым. 5-6 яшьтән улларымны “Нардуган” ансамбленә җитәкләп илттем, баяннан бераз башлары калка башлауга, музыка мәктәбенә йөртергә тотындым. Балалар нидер майтара башлагач, гаилә ансамбле оештырып җибәрдек. Барлы-юклы акчаларыбызга ни рәвешле музыка кораллары юнәтүебез үзе бер тарих... Беркем дә китереп бирмәде. Балаларның да башка яшьтәшләре сыман “иректә йөзәселәре” килеп, киреләнеп алган чаклары аз булмады. Музыка мәктәбен бетердегез, гармун-курай һ.б. уйныйсыз, ут очырып биисез. Инде җырлау сәләтен дә үстерик дигәч, кечесе вокал дәресләре дә алырга ниятләде. Бөтен кеше үз баласын юрист, икътисадчы, хоккейчы итеп күрергә хыяллана бит, шуңа да бездән дә авыз кыйшайтып көлүчеләр, сәерлектә гаепләүчеләр аз булмады. “Һаман җүләр сатып йөрисез икән әле”, – диде бер очрашуыбызда уңышлы гына кияүгә чыгып, байбичәгә әйләнгән элеккеге бер таныш. Ул чакта баш эшләп җиткермәгән, шул “бесплат” сәхнәдә йөрүне әйткән икән ул. Аннан, азмы-күпме танылу килдеме, мәҗлесләргә чыгыш ясарга чакыра башладылар. Әлбәттә, түлиләр! Хезмәтләренең нәтиҗәсен күрү балаларга да күңелле, тамашачы күңеленә хуш килүдән алган тәэсирләрне әйтеп тә тормыйм.

Дус-туган тагын үгетли: “Үзегез тотыныгыз, әйдә!” Ниһаять, гаилә белән киңәшеп, ниятләдек. Яңа аппаратура сатып алдык. Тик ул кадәр җиһазның безнең тыйнак кына машинабыз багажнигына сыймаячагы ачыкланды. Үзебез дә дүрт кеше, әле ничәмә-ничә гармун, гитара, колонка һ.б. да салырга кирәк әле! Баш миләребез кайнап чыга язды. Бурычыбыз муенга менеп җитә дип курыксак та, зуррак машинасыз яңа шөгылебезнең тернәкләнеп китмәячәге көн кебек ачык иде. Хуш, монысын да башкарып чыктык кебек. Өй эче кайнап тора башлады. Мәш килеп программа әзерлибез. Нурисә язганча “әзер сценарий” белән эшләүнең ни икәнен без белмибез. Каян алалар икән аны? Кемгә кирәк син ул чәйнәлеп, шаблонга әйләнгән программаң белән? Безгә үз йөзебез, башкалардан үзгәлек, яңалык кирәк иде. Иҗат кешесенең һәрберсе шуңа омтылып яши. Нурисә-журналист та беркемне дә кабатламыйча язарга тырышадыр бит? Әллә мин ялгышаммы?

Аннан тотындык кибетләр буйлап кирәкле реквизитлар юнәтергә. Казан, Чаллы, Түбән Кама кибетләреннән таба алганын табып, тапмаганын үзебез ясадык. Тегүчеләр ялладык. Ниндидер иске-москы костюмнар юнәтү, бөгәрләнгән, керле атрибутларны кунакларга тәкъдим итү безнең өчен ят нәрсә.

Кунаклар каршына джинсы-футболкалардан чыкмау, эчпошыргыч-оятсыз уеннар оештырмау, кемнедер кимсетерлек сүз, мәгънәсез анекдотлар сөйләп йөрмәүне дә үзебезгә максат итеп куйдык. Шөкер, филнең артына тибүе белән мактанган кырмыска кыйссасы белән кеше көлдерергә маташып интеккән юк, анысы. Үзем 30 ел буе мәзәкләр җыям бит.

Үз-үзеңне, өс-башыңны 100-120 кешелек мәҗлес каршында ким-хур булмаслык итеп карау да шактый чыгым сорый, мин сиңа әйтим, Нурисә якташ! Биюләр өчен милли костюмнар тектерергә күпме акча сарыф иткәнебезне әйтсәм, тагын үз хезмәт хакың белән чагыштырырсың дип куркам, музыка коралларын яңартып-өстәп торуны да өстәсәмме! Әле бит “яшьләрдән каерып аласы акча” кесәгә кермәгән. Менә шул рәвешле, ал-ялны белмичә ике-өч ай алдан ук алган заказыңа әзерләнәсең. Әле бит төп эш тә бар, анда барып, эшләп кайтырга кирәк.

Нурисә әйткәнчә, “каерып алу”ы нидер инде аның, белмим. Һәркем килешү буенча түли, ирексезләп талап алу юк бит. Җәй көне “такса” артуын да белми идем әле мин, Нурисә язды ярый. Кешесенә карап бәяне төшермичә ярамый. Ресторанга лимузиннар белән килгән Чаллы бае белән ирен җирләгәненә әле ел да тулмаган Мөслим апасына бер бәя куя алмыйм шул инде. Хезмәте дә җиңелләрдән түгел! “Ничәдер сәгать өчен каерып акча ала” дип фикер йөрткән кешегә: “Ә үзеңә кем мишәйтли шундый җиңел кәсепкә тотынырга?! Урыс агай әйтмешли, флаг тебе в руки!” – дияргә генә инде... Туй-юбилейга кадәр заказчы белән һәр нәрсәне килешү-сөйләшү өчен очрашулар, төп эшеңне ничектер җайлап юлга чыгу, бәйрәм чарасына кадәр республиканың әллә кайсы төбәгендәге шәһәр-районга ике сәгать алдан барып аппаратураңны кую-көйләү, 6-7 сәгать (кайчак артып та китә) үкчәле түфлидән кеше каршында басып торганнан соң кара тиргә чумып әйберләреңне төяп тагын юлга чыгу, таң алдыннан кайтып кереп аны бушатумы ул “берничә сәгать”?!

Еш кына эшләп кайтканнан соң берничә көн сыгылган лимон халәтендә йөрим, авырып та алгалыйм. “Күз тия сиңа!” – диючеләр бар. “Үземнеке үземә тисә генә инде”, – дип шаяртсам да, публикага эшләгәндә күпме энергия сарыф ителгәнен беләм. Ә халык арасында кемнәр генә очрамый. Һәрчак сөеп-сокланып кына карамыйлар бит. Хөсетле, авыр карашлылар да бар. Еш кына тискәрегә сукалаучы бер кунак та табыла. Мин ул адәмне мәҗлес башында ук чамалап куям. Кайчак, күренмирәк торса, ямансулый да башлыйм. Төнге юлдан һәркем үз уена чумып, арган тәннәрнең һәр күзәнәге белән “сөйләшеп” кайтканда, кинәт кенә искә төшеп: “Карагыз әле, теге тискәре персонаж тәки борынламады бит, егетләр, әйеме?” – дим дә, дәррәү көлеп җибәрәбез. Әйтик, шулай ук минем матди керемем күңелен тырнап торган бер абзый, башына исерткеч йөгерүгә: “Ыслушай, сеңел, мин синең гонорарыңа өлешкә кермим. Ну син миңа “Олы юлның тузаны”н җырларга вакыт бир!” – ди. Хуҗалар күзгә ялварып карый: “Зинһар, коткар, ул аны мәҗлес саен суза”, – димәсәләр дә, күзләреннән укып була. 60 проценты яшьләрдән торган туйда яшелле-мөшелле “вокал” бик тансыкмы? Менә шул агайны рәнҗетмичә генә урынына озату өчен психолог та була белергә кирәк шул. Әле бит зур-зур түрә-кунакларның туйны үзләре доклад сөйли торган аудитория белән бутап җибәрү очраклары да бар. Туйчы аңа “регламент!” дип кычкыра алмый, матур-әдәпле итеп сүзен түгәрәкләргә юнәлеш бирүдән башка чара юк. Туй ул җыелыш та, калыпка салынган концерт та түгел. Төрле ситуациягә әзер булуың да зарур. Синең хезмәтеңнән авыл кодасы да, шәһәр интеллигенты да, түрә агай да, кәләшнең дискотека гына көтеп утырган дус кызлары да канәгать калырга тиеш. Аннан соң шуны әйтим, Нурисә ханым авырып китсә нишли? Әлбәттә, теге бәләкәй зарплатлы эшенә өстерәлеп бармый, “больничный” алып, өендә дәвалана. Туйчының моңа ни хакы, ни хокукы юк. Авырсаң да, иңнәреңдә әллә никадәр борчу-хәсрәт өелеп торса да, берәүләрнең гомергә бер килгән бәйрәмен бозарга һич ярамый... Яшь аралаш елмаерга да туры килә. Тамактагы төер тавышны калтыратмаска тиеш, йөрәгеңне телгәләгән тойгылардан йөзеңә күләгә төшәргә тиеш түгел. Күптән түгел үзебезгә дә нәкъ шушы халәттә туй мәҗлесе үткәрергә туры килде. Монда Нурисә әйткән, “каерып алына торган хезмәт хакы”ның бер катнашы да юк. Һич кенә дә “акча дигәндә – аяк идәндә” түгел. Яшьләр белән апрель аенда ук килешеп-сөйләшенеп куелган, көне килеп җиткәч кенә баш тарту намуссызлыкның, әхлаксызлыкның соң чиге булыр иде, чөнки тиз арада җүнле туйчы табу мөмкин түгел.

Язмада элеккеге туйларны шаһитлар генә алып баруы, туйларның лыгыр булып исерешеп, еш кына сугыш-тукмаш белән бетүе хакында да әйтелгән. Менә шул чын һөнәрман алып бармаганга мәҗлестән мәхшәргә әйләнгән дә инде ул туйлар.

Әти-әниләрнең, шаһитларның кайсы өстәлгә, кем янына утырулары һич кенә дә яңа традициягә әверелде дип әйтә алмыйм. “Соңгы елларда туйларга йөрмәгән” Нурисә ханым бу мәсьәләдә дә ялгыша. Хәзер инде күп туйлар шаһитларсыз генә да уза. Яшьләр, әти-әниләр, шаһитлар бер өстәлгә утырган туйлар да, яшьләр үзләре генә утырган туйлар да бар. Йола түгел, һәркемнең үз теләге белән, төрле җирдә төрлечә эшләнә бу.

Бервакытны намазга баскан бер ханым миңа: “Ай-һай, гөнаһлы юлда йөрисең!” – дигән иде. Кыен булды мондый гаепләүне тыңлау. “Сез телевизордан концерт карыйсызмы?” – дип сорадым. “Карыйм, – ди ханым. – Тик артист сәхнәдә җырлый, ә сез исерекләр күңелен күрәсез!” Соң, халкыбыз гомер-бакый туй туйлаган. Мин йөрсәм дә, йөрмәсәм дә үтәчәк инде туйлар. Әйе, кызганыч, халык әлегә исерткечтән баш тарту дәрәҗәсендә түгел. Әмма барлык туйлар да исерткечле түгел. Нурисә дә хәзерге туйларның аеклана баруы хакында яза бит. Исерткеч куелса да, эчү-эчмәү һәр кешенең ихтыяры. Беркем дә егып салмый. Бәлки без җырларыбыз-биюләребез белән, уйнатып-көлдереп, халкыбызның милли уен коралларын күрсәтеп-яңгыратып эчүдән азмы-күпме читләштерәбездер? Чөнки туйларыбыздан соң бер генә исерек кеше дә күргәнем юк.

Авторның төн уртасында салют аттырып халыкның тынычлыгын алуга чик кую турындагы фикерләре белән килешәм. Хәзер инде аның вакытын соңга калдырмаска тырышалар. Ләкин бөтен җирдә дә түгел. Ә менә традиция дигәннән, мин аңламаган яңалыклар да бар хәзер. Үзем берничә тапкыр никах туе дигән мәҗлес үткәрүдән баш тарттым. Монысы болайрак үткәрелә дип аңлаттылар: мулла никах укый, аннан Коръән укылган шул табын артында җырлы-биюле мәҗлес дәвам итә... Курыкма, исерткечле мәҗлес түгел дисәләр дә, әллә никадәр акча вәгъдә итсәләр дә, күңелем кабул итмәгән эшкә алына алмыйм.

Язмамны эшемне рекламаларга маташу яки мактану дип уйлаучыларга шуны әйтим: моңа кадәр дә бер дә кирәксенмәдем каядыр белдерү биреп йөрүне. Әлегә шөкер, “халык радиосы” да эшсез тотмый, өлгер генә. Бары тик бер-беребезнең һөнәрен, хезмәтен бәяли, хөрмәт итәргә өйрәник дип кенә яздым.

Раушания ШӘЯХМӘТОВА
Татарстан яшьләре
№ |
Татарстан яшьләре печать

Фикерләр

Исем:
E-mail:
Текст:
 
№75 (854055) / 26.09.2013 18:30:12

кайдан алдың хәзрәтләрнең гади халыктан аерылып торуын? синеңчә алар фәрештә булырга тиеш?
ул хәзрәтләрне синең-минем шикеллеләр,үз араларыннан сайлап куйганнар! нинди халык,шундый правитель,шундый хәзрәт!

соң алай бик фәрештә икәнсең,ник үзең хәзрәт булмыйсың? күрер идек нинди ЭТАЛОНный булырга тиешен хәзрәтләрнең. кеше күреп утырма,"көзге"гә карап үзеңне күр!

№74 (854054) / 26.09.2013 18:00:05

ташбашлар,,,бу сузлэрне узен хэзрэт дип атаучы эйтэ,гади хапык шуна хэсрэт ди инде сезне,динсез-имансыз укытучыларны яклап утыручы.

№73 (854052) / 26.09.2013 17:31:51

Фәхишә дә үз хезмәтенең нечкәлекләрен авырлыкларын, кайсын ничек көйлисе икәнен шушылай тезеп яза ала.КЕмнәр укытучы белән авыз чайкый бит, хурлыгыңнан үләрсең.

№72 (852694) / 16.09.2013 08:27:20

Хэзерге туйларнын бер яме калмады,тамадалар белэн.Элекке туйларны мен кат искэ алырсын.Бик кунелле уза иде,бернинди бака туе булмый иде ул.Туйларда бер главныйны сайлап куялар иде дэ,шул чиратлап туганнарга,дусларга тост тэкъдим итэ иде.Хэзер ул Бака туе китте.Алып баручы беренче чиратта кешенен актык тиененэ кадэр каерып ала.6 сэгать буе концерты башлана аннары.Парлы тамадалар булса эш харап,берсен берсе уздырып тотыналар жырларга.Ни туганнарга,ни дусларга чират житми тост эйтергэ,котлау сузлэрен житкерергэ.Бераздан тотына лифчик ,трусик уены.Бераз гына оят кирэк.Туйларда бит гел шырдый бырдый гына тугел,була интеллигент кешелэр дэ,туй бер генэ кич булгач,була анын олысы,эти-энилэребез.Бердэ кызык тугел,э тамада кеше кэлдерэм ди инде.Тамада булгач узенне дэ бераз рэткэ китерергэ кирэк.Булдык бер туйда,тамаданын ул хатын-кыз затыннан,кигэн туфлиеннан ярты аяк залда йэри(укысалар таный ул тамада узен),кулмэгене арты алды май гына,неужели узенэ бер сэгать табып булмый.Бер яхшы туфлига акчасы юкмы инде?Исем китэ минем шундый пычрак хатын-кызга Тамада -ул акчага табынган кеше.Анын рэхэте,бэхете бармы юкмы ,ул акча эшлэп калырга тели.Хэрмэтле тамадалар!!!Йэрэгегезгэ авыр алмагыз.Мин сезне тэнкыйтлэмим ,бар булганыгызны,тормыштан алган куренешлэрне генэ яздым.Узегездэ узгэрешлэр кертегез.Кабатламагыз бер берегезне))))

№71 (852682) / 15.09.2013 22:44:58

20-25 еллар элек, абый-апаларымның туйлары бик күңелле үтте. Ул вакытта дуслар- туганнар арасыннан алдан ук оста егет-кызларны, апа-абыйларны алып баручы итеп чакырылып, гармунчы, җырчы авылдашлар, служаклар, классташлар, курсташлар.... "көйләп" куелган була иде...))) Свидетель , свидетельница - үтә җаваплы вазыйфа иде бугай. Үзем 1 туйга шул сыйфатта барганда 1 атналап әзерләнгәнемне хәтерлим))))

№70 (852680) / 15.09.2013 22:24:15

Туйлар руга кереп тамадалар битен актарсагыз курерсез,"искиткеч" урнэклэрне.
Бар да бот арасына шар кыстырган,кунакларга трусик лифчик кидергэннэр.
Замана ахыры шулдыр инде..
Акча житмэгэч,бар да шабашка эшли.Артисты да,китапханэчесе дэ,гэжитче дэ,журналчы да,тегесе дэ,бусы да.

№69 (852679) / 15.09.2013 22:18:59

Рәсим хәзрәт Хәбибулла, Алланың рәхмәте яусын!

№68 (852670) / 15.09.2013 20:54:08

Иии бер егет ,исеме истә калмаган инде аның, без кунак кына идек шул анда. Ну туйның уртасыннан чыгып китәр дәрәҗәдә булдым, җитмәсә янда кызларым.

№67 (852550) / 14.09.2013 19:26:02

Ания эйтегез эле туй итэсе бар бит=)

№66 (852538) / 14.09.2013 12:38:53

Ания,шул тамаданын исемен эйтсэгез,сез бик куп кешегэ файда курсэтер идегез.

№65 (852518) / 14.09.2013 00:43:03

Килешәм Гөлшат Закирова белән. Элеккеге кебек матур туйлар юк дәрәҗәсендә. Бернинди тамадасыз да менә дигән, итәк астына кермичә генә, башкарып чыга иделәр туйларны. Узган ел булдым туйда, оятымнан кая керергә белмәдем, бигрәк мәг*нәсез тамада алып барды.

№64 (852375) / 12.09.2013 21:58:38

Каждый должен заниматься своим делом

№63 (852354) / 12.09.2013 17:24:48

Әйе, әйе, бер дә начар яшәмибез, тик бу илнең һәр гаиләнең генә 2 миллион сум бурычы бар, халыкара банкларга (ил буенча триллион долларга якын).
Ел азагына 3 миллион булыр шәт, бер ун елдан - һәрберебез бер 50 миллион бурычлы булырбыз.
Адәм тәганәсенә калдык инде 2000-че елларда, нефтедән триллионлап акча кереп яткан бер вакытта да, мәктәпләрне тотарга да, болнисларны тотарга да, галимнәрне тотарга да, авылларга да, пенсионерларга да түләргә бер тиен акча таба алмыйбыз.
Акылың булса Финляндия кебек берәр нейтрал илнең граҗданлыгын алып калырга кирәк бүген, бу илне бернинди дә юнле тәкдир көтми!

№62 (852349) / 12.09.2013 17:07:04

Нихэл генэ укытучыны акчаны куп алуда гаеплэсэлэр дэ, шул ук кешелэр зрилищега акча табасыз икэн эле!
Димэк,начар яшэмибез. Начар яшэгэн кешенен зрилищеда хэсрэте булмас иде.
Тик шул хэтле акчаны уз-узен тэрбиялэу очен кеше,тиз генэ чыгарып саласызмы?
Сонгы тапкыр кургэзмэгэ яисэ житди концерт тынларга кайчан бардыгыз? Ничэ сум тулэп?Китапны еш аласызмы,алган очракта
ничэ сум китапка кызганыч?

№61 (852336) / 12.09.2013 16:30:19

Рәсим хәзрәт Хәбибулла,

№60 (852326) / 12.09.2013 12:17:03

Татар халкының үзаңы(менталитеты)шундыерак шул инде,бүген укытучыларны,иртәгә газчыларны,аннары башка һөнәр ияләрен тотып алып селкергә яраталар.Моның сәбәбе бер генә:"Ул миннән күбрәк акча ала,чиста киенеп йөри,ә мин күпме тырышып та акчаны аның хәтле эшли алмыйм"Бу - хөсетлек дип атала.Без-татарымызның төп авыруларыбызның берсе.
Күбесе, балаларны надан калдыралар, дигән сәбәп тапкан булалар.Югыйсә үзе дә белеп тора бит инде,үзе икеле-өчлегә укып,баласының алтын медальгә дәгъва кыла алмаганын.Ан нет,укытучыны чеметкәләргә кирәк,а то йоклап булмый,тамактан ризык үтми.

№59 (852322) / 12.09.2013 11:55:05

Мөхтәрәм гайбәтчеләр! Монда күпләрне чәйнәдегез инде. Әмма укытучыларга яла ягып чәйнәвегезгә сабыр итеп калып булмый.
Бүген, әлдә әле фидакарь укытучыларыбыз бар. Үзем укучы бала чагымда, авылда минем өчен иң якын кешеләр, әти-әнидән кала, укытучылар булды.
Бүген дә мәктәпләрдә төрле очрашулар (язучылар, галимнәр белән) уздырабыз, укытучылар һич авырсынмыйча шул очрашуларга балаларны хәзерлиләр, кайсысы җырлый, кайсысы бии, кайсысы Коръән укып күрсәтә. Шулай талантлы балалар ачыклана һәм шул очрашулардан соң балалар тырышыбрак укый башлыйлар. Боларны мәктәп директорлары белән бергә татар теле һәм әдәбияты укытучылары бер тиенсезгә шатланып хәзерлиләр. Ураза вакытында авылга кайтып ифтар мәҗлесләре уздырганда да укытучылар беренче сафтагы булышчылар булып калалар. Аларга зур рәхмәт. Шундый укытучылар булганда татар теле бетмәс әле, дигән өметләр уяна.
Аллаһы хакы өчен сорыйм, чәйнәмәгез укытучыларны, балаларыгызны яхшырак тәрбияләргә тырышыгыз! Сезнең "ташбашларыгыз" белән укытучылар изалана.

№58 (852319) / 12.09.2013 11:14:05

Эйе Иркә, бар андый осталар.Берэүләр тел белән эшләгәндә,кайберәүләр кул белән эшлиләр!

№57 (852315) / 12.09.2013 10:50:54

Мине фото фокустагы аю кызыксындыра))) Вәт осталар бар инде ичмаса. Чынмы икән ул, какой нидь шопмы икән?

№56 (852313) / 12.09.2013 10:15:42

Раушания шәп мәкалә язган. Иң нык ярсып тикшерелгән язма -аныкы. Академик журнал түгел, ә чын халык газетасы "Т.Я" өчен язманың укучыларын битараф калдырмый торган, бәхәс уятырдай булуы кыйммәт тә! Талантлы укытучыларга да акча эшләү җае бар - репититорлык.Химиядән укыткан сеңлекәшем районнан да Казаннан да белем эстәп килүчеләрне имтиханнарга әзерли. Химиядән укыткан укытучы балалары да аңа килә.
22 нче номер астында клон,макетчы лилипутлар әтрәте вәкиле ахры, мин булып нидер әйтергә азапланган.
http://rustemzaripov.blogspot.ru/2012/12/1.html

№55 (852292) / 12.09.2013 01:36:51

Матчада чыбык торса, бала итәгатле булыр ди татар.
Мәктәп класлары матчасының һәрберсегнә чыбык элеп куймый торып. мәктәптә тәртип булмаячак.

№54 (852290) / 12.09.2013 00:46:53

Ә ни өчен соң: "Минем 1 айлык зарплатамны 1көндә алалар!"- дигәч, үзләре дә тамада булып эшләмиләр? Берсе җайлы акча эшлиләр ди, икенчесе җинел эш тапканнар ди. Уфтангачы тормышка, - сикереп тор да, син дә эшли башла - күп сүз сөйләгәнче!
Тамада булып 10нчы класстан бирле эшлим. Бер дә җиңел эш димәс идем - һәркешенең күҗелен күрү - чынлап бирелеп һәм дөрес итеп эшләсә әлбәттә. Ә килдем-киттем тамадалар хәзер чынлап та күп...

№53 (852289) / 11.09.2013 23:57:17

Тоякларын ничек биргәннәр әле-саран булмаганнардыр. Тоякларын да саталар бит әле.ҮЗләре пешереп холдес ясасалар тәннәренә ит кунар иде,саран тәреләр.

№52 (852288) / 11.09.2013 23:53:38

Туйдым.Китәм мәктәбегездән.Үстерәм- дунгыз,үгез,сарык.КАзанга барып ит стам,эчен башын укытучылрга бирермен.Тукта-тукта,эчен башын бирмим
аяк башларын биремен.МИңа улда эләкмәде әле,алды исеме күтәреп йөрдем.

№51 (852286) / 11.09.2013 23:38:33

кембу, рәхмәт киңәшеңә. Шулай итим әле!

№50 (852285) / 11.09.2013 23:37:43

Үзләре үткәрсеннәр,ә без барырбыз кунак булып.Шунда шампуннарын таратырбыз. Не возраҗаем !

№49 (852284) / 11.09.2013 23:37:06

ВӘТ,

№48 (852283) / 11.09.2013 23:34:09

укы туйчыга. Бэлки сезгэ ата-аналар б-н берэр кунелле бэйрэм ("Папа, мама и я -спортивная семья и т. д.) уткэрергэдер,программага конкурслар кертеп, шунда жыелган шампуньнарын шул уеннарда жинуче ата-аналарга , балаларына таратыргадыр.

№47 (852282) / 11.09.2013 23:31:05

ИРтәгә укымыйбыз,мәктәб ябык. Укытучылар чөгендер алачаклар,ата-аналар исерешеп яталар.

№46 (852280) / 11.09.2013 23:27:32

ПЕДВУЗДА АКЧА БИРЕП УКЫМЫЙБЫЗ,техвузлардагы кебек.КЕрегез,укыгыз,булдыра алсагыз !

№45 (852279) / 11.09.2013 23:25:38

"Ә сез чиста-пөхтә генә барасыз да кайтасыз,укучылар белемсез кала." Узе укырга телэгэн бала беркайчан да белемсез чыкмый мэктэптэн, АНА сезнен балагызнын укырга телэге юктыр, балагызга кечкенэдэн укуга нинди монэсэбэт тэрбиялэдегез, анын б-н китаплар укыдыгызмы, ой эшлэрендэ ярдэм иттегезме, укытучылары янына барып сораштыгызмы укуы хакында... Укырга телэге булмаган балага укытучы башын ярып белем сала алмый, мин узем дэ ана кеше, боларны хавадан алып сойлэмим.Башлангыч классларда ук дэфтэрлэрен хэр кон карап, мэктэптэге эшлэре х.б. тур. кызыксынып тордык.Синен балан бит, син узен кызыксынырга тиеш ана буларак.

№44 (852278) / 11.09.2013 23:24:20

МИн күптән аңладым инде ата-аналарны.Шуңа күрә өстәмә дәрес бирергә җыенмыйм.Планымны үтим как полоҗено,бесплатно эшләргә не обязан.Башта күрсәтегез төртеп,бесплатно эшләүчегә,андыйлар булса ?

№43 (852277) / 11.09.2013 23:17:16

/тәҗрибәле, профессионалларны чакырыгыз.../

Укытучыларны чакырыгыз! Алар туйчы да, агитатор да, чөгендер утаучы да, сабантуй үткәрүче дә һ.б., һ.б. Ни генә йөкләмиләр укытучыга!

Ә сезнең бүләккә бирелгән шампуньнәр, "гель для душа"лар өйдә ике ящик җыелды инде!

№42 (852276) / 11.09.2013 23:14:14

Укытучы булып 2 дистэ елдан артык эшлим, беренче ата-аналар жыелышында ук эйтеп куям: булэк бирмэгез мина кирэкми дип, хэм алмыйм да, ата-ананын сыкрана-сыкрана акча жыеп алынган булэге коненэ калмаган укытучы. Алардан булэк алып аларга эжэтле булып йорисем килми эле, бэлки зур шэхэрлэрдэ алалардыр укытучылар булэкне.Ботен укытучыны бер калыпка салып гаеп ташлап ятмагыз. Мине ин гажэплэндергэне шул: мэктэптэн кеше булып чыгалар да кичэге укучылар укытучыга пычрак ата башлыйлар, начармы, яхшымы укытучы сина белем-тэрбия биргэн.Э менэ мин уземне чын укытучы итеп курсэтим эле дигэн чыгарылыш укучысына педвузларнын ишеге ачык, укып чык та курсэт узенне.

№41 (852275) / 11.09.2013 23:10:23

Кирзк түгел сезнең бүләгегез укытучыга. ЕГЭ (БДИ) кергәннән бирле укытучы көне-төне эшли. Чиста кием киясегез килгәч укытучы булырга иде. Мәктәпкә килеп эшләп карагыз. Ничә көн эшли алырсыз икән? Үзең эшләп карамаган, аны күз алдына да китермәгән һөнәр белән булышу үзе зууур түбәнлек, зыясызлык, наданлык.

№40 (852274) / 11.09.2013 23:09:33

Ашаган белми, тураган белә инде.
Бу, "укытучымы, табибмы, тамадамы" дип чагыштырып утыру "зәңгәрме, кызылмы, яшелме" дигән кебек. Мин мәсәлән суям дисәләр дә табиб хезмәтен башкара алмаячакмын. Но табибка микрофон тоттырып, "я, ни белән шаккаттырырсың инде?" дип утырган халык алдына чыгарып җибәрсәң ни эшләр иде икән?

Тозлы тозсыз конкурслар турында. Аларның булу булмавын җүнле алып баручы алдан, заказ бирүче белән очрашу вакытында ук килешеп куя. Кайвакыт үзләре атап сорый, без оялып тора торган халык түгел диләр.

Гомумән, туйның, юбилейның барышын, стилен чагыштырмача аныклап куярга кирәк. Кунакларга ни кирәген чамаламыйча чыгып басарга ярамый каршыларына. Иң мөһиме, туйда (мәҗлестә) җылы, "по свойский" мөгамәлә тудыру. Бер кеше дә кыенсынып, уңайсызланып утырырга тиеш түгел.

Нәсел барыбер бертөрлерәк була ул. Кайбер гаиләләргә әдәплерәк, мәдәни программа кирәк, кайберләренә без тормозов "гулянка" кирәк була.
Әйбәт тамада вакытында ашап-эчеп, аралашып алырга да вакыт калдыра, кирәк чагында җырлап та ала, сөйләгән сүзләре дә мәгънәсез булмый.
Шуңа күрә, әйбәт туй кирәк булса, акча кысып, аннан-моннан алып баручыларны чакырмагыз, тәҗрибәле, профессионалларны чакырыгыз...

№39 (852273) / 11.09.2013 22:59:20

Бүләк дип инде ни бирәсең хәзер.Берәр банка каймак һәм бер чиләк бәрәнге,шактый бит инде. Бездәдә бит әндрей казнасы юк.Бил бөгеп эшлибез иң авыр эшләрдә.Ә сез чиста-пөхтә генә барасыз да кайтасыз,укучылар белемсез кала.

№38 (852270) / 11.09.2013 22:48:23

Мәктәптә тән җәзасы кертелергә тиеш.
шунсыз бернинди дә уку булырга мөмкин түгел. Англиянеңэ иң элитар, королева һәи пэрлар балалары гына укый торган мәктәпләрдә тән җәзасы бүгенге көнгә кадәр бар һәм практиковатся ителә.
Теодор Драйзер үзенең автобиографиясендә Англияне мәктәп кенә күтәрде, мәктәптәге диссиплина, бер генә проступокны да тән җәзасыз калдырмау гына бөек ил итте дип яза.
Мин, әгәр дә мәктәптә (ә ул Англиянең иң элитар мәктәпләренең берсендә укыган) чыбык белән җәза бирү аркасында гына кеше булып кала алдым дип мең рәхмәт әйткән аны бозылудан вакытында тән җәзасы белән аралап калучы үз укытучыларына.

№37 (852269) / 11.09.2013 22:46:42

Юньле бүләк тә сайлый белмисез бит. Шулай булгач, өстәмә дәресләр дә бирмибез инде.

№36 (852268) / 11.09.2013 22:39:36

Ә.бит подарокны аласыз,оялмаенча. Шулай булгач өстәмә дәресләр дә бирегез инде.Без шулай өметләнәбез бит.

№35 (852263) / 11.09.2013 22:20:24

УКытучының эше-укыту.ТӘрбия бирү сезнең эш.Вәссәләм !

№34 (852262) / 11.09.2013 22:20:16

Билгесез, бик дөрес язгансың, килешми чара юк. Май чүлмәге тышыннан билгеле, дигәндәй, акыллы кеше икәнең күренеп тора.

№33 (852260) / 11.09.2013 22:16:56

Укытучыны биик тә яратабыз,Ул белем иясе бит.МЕнә ата-аналар каннарын эчмәсәләр тагы да хәйбәт булыр иде. Подарокны да чын күңелдән бирсеннәр,шундыйларны яратабыз.Врачларга биргәч,безне дә мәхрүм итмәгез инде ХИПТӘШЛӘР.

№32 (852259) / 11.09.2013 22:16:26

Кайсы идән юучының кеше баласы өчен җавап биргәне бар. Укытучы укудан тыш сезнең балагызның сәламәтлеге,куркынычсызлыгы өчен җавап бирә. Көйсез ата-аналарны көйли. Хезмәт хакын кем күпме язмас!Укытучы надан түгел, аны надан дип язуч үзе чи надан!!!

№31 (852255) / 11.09.2013 22:08:47

*гэ - монда тамада хонэре турында сойлилэр тугелме сон, укытучы тугел, ничек -каян элэктереп селкергэ белмисен укытучыларны, шулхэтле нинди начарлык курден алардан, рэхим итеп яз эле, бик белэсе килэ.

№30 (852254) / 11.09.2013 22:08:09

Билгесез,

№29 (852253) / 11.09.2013 22:04:19

Бу язмадан күренгәнчә, иң кирәкле һөнәр - тамада, ә иң кирәксез һөнәр - укытучы икән. Язмасы - чәчеп җибәргән утлы ташлар, автор үзе - чәчрәп китим. Мондый мышление белән туй алып барган "әдәп-әхлак" иясен күз алдына китерәм инде. Моның тирә-юньдәгеләренә дә җиңел түгелдер. Тагын бер сыйфаты сизелә язмадан. Ул да булса - наданлык. Күз алдына китерегез: надан булмаган кеше идән юучы белән укытучы һөнәрен чагыштырып утырмый. Аерма - җир белән күк арасы. Әйе, врач белән санитарка, рәис белән көтүче, директор белән гади разнорабочий арасындагы аерманы да белмәгән кешене надан дими кем дияргә була?
Язма башында ук күзгә аерым фразалар бәрелеп тора: дары кебек дөртләп кабынган идем,бик тә нәфрәтләндем,сүзләремдә усаллык-дорфалык та чагылып китсә. Ул аларны канатлы әйтем сыман шулай тиеш дип кабул итәргә гадәтләнгән, начар гамәлләр диеп уйлап та карамый, ачыктан-ачык шәрран яра.Күргәнегезчә, ул чагыштырмача бик түбән.Болар инде авторның тәрбия дәрәҗәсе турында сөйлиләр.
Һәм соңгысы. Автор тамада һөнәренең ифрат дәрәҗәдә авыр булуы,атнага бер көн эшләп, төнгә үзенең согы сыгылган лимон хәлендә калуы турында бәйнә-бәйнә, бик тәфсилләп сурәтләп биргән. Ләкин менә көн саен иртәдән кичкә кадәр балалар белән эшләгзн, төнгә инде иртәгәге дәресләргә хәзерләнеп балалар дәфтәрләре белән чиләнеп утырган укытучының нинди халәттә йокларга ятуы һәм хәрби кешеләр сыман, иртәнге сәгать 6 да сикереп торып тагын мәктәбенә чыгып йөгерүе турында уйларга да теләми хәтта. Бусы инде эгоизм билгеләре. Ул моны бик гади генә итеп "бер-беребезнең һөнәрен, хезмәтен бәяли, хөрмәт итәргә өйрәник" дигән лозунг кысаларына куып кертә.
Русларда мондый мәкаль бар: Сила есть, ума не надо. Кеше укырлык мәкалә язып эләр өчен дорфаланып дары кебек дөрләп кабынырга бөтенләй дә кирәк түгел, бәлки интеллектуаль акыл белән аек фикер йөртү сорала.

№28 (852252) / 11.09.2013 22:04:06

Подарокны алабыз инде биргәч,сорап алмыйбыз ич,нигә алмаска ди. Кем әле подароктан отказ биргәне бар,күрсәтегез шуны. Алмасаң үпкәләрләр дибез дә алабыз инде.Кирәкмәгән подарок булса артларыннан ук чүплеккә ыргытабыз.Нинди подарок,шундый караш инде балагызга,Үпкәләмәгез ?

№27 (852251) / 11.09.2013 21:57:16

Гамил Нурны мактыйлар.Тик ул алып барган жирдэ булганым юк.
Э болай,уз гомеремдэ бер генэ тамада очрады.Исеме истэ тугел. Тамада дип тэ атамыйлар иде эле ул чакта.

№26 (852250) / 11.09.2013 21:57:15

Актаныштагы МэгыйсАбый!!!!!!!!!

№25 (852249) / 11.09.2013 21:50:17

Әйтегезче, бармы соң бездә рәтле тамадалар? Кемнең исемен атый аласыз? "Туйлар.ру" да үз-үзләрен мактап утыралар алар анысы, тик бик шикләндерә.

№24 (852248) / 11.09.2013 21:44:16

шуна курэ бугазга басып бэя сораган кешегэ ризалашмаска кирэк. хэзер бит бездэ менэ бу тамада модада икэн анын сайласан типа крутой мэжлес була дип заказать итучелэр дэ кубэйде. эшнен нэтижэсенэ тугел ахырдан менэ безнен туйны УЛ уздырды дип дэрэжэ курсэтэлэр))))

№23 (852246) / 11.09.2013 21:31:45

Әле кайбер туй мәҗлесләреннән ярым-ач та кайткан бар,тамада куйган спектакльне карый-карый.Чцнки кунакларга ашарга да ирек бирми.Зарланып әйтүем түгел,"туйга барсаң- туеп бар" принцибы бн барам анысы.Просто тамаданың төрлесе булуын гына искәртеп үтәм.

№22 (852245) / 11.09.2013 21:30:28

Баш имем кайнап череде!!!

№21 (852241) / 11.09.2013 21:24:13

Тамаданы акчасын кая куярга белмәүчеләр һәм "эт чаба дип бет чаба"га туры килүчеләр чакыра инде.))))
Дорес, ул зур кешелэрнен балалары туйларын уздырганда Мэскэу артистлары белэн башланган иде,аннан инде гадэткэ эйлэнде.
Кунаклар белэн аралашырга сойлэшергэ дэ момкинлек калмый.

№20 (852238) / 11.09.2013 21:11:29

Күрегезче, ни яза татар сәхнәсе "йолдызы", үзе тамада Алсу Фазлыева: "Элек шул алып баручылар булмаганга,бака туе булган да инде". Сездәй "былбыллар" булмаса, нишләр иде халык, белгән юк. Тамаданы акчасын кая куярга белмәүчеләр һәм "эт чаба дип бет чаба"га туры килүчеләр чакыра инде.

№19 (852237) / 11.09.2013 21:02:12

Аракы эчкэнгэ генэ кунелле була иде.))
Мин алай димэс идем. 80 елларда шулай эчэ башладылар,килгэне истэ, кайтканы юк!
Мин барыбер ул туйларда,тамада бэйлэнэ дип кенэ уеннарга катнашканым юк. Урындык тирэли чабып йору минем очен тугел,Акча тулэп чакырылган шамакай жырын тынлаганчы,мина мэжлестэге кешене тынлау кызык.
Мэжлес-ул узешчэн "артистларнын" профессионалларча бирелеп,"эшлэп" кайту урыны.Башкача кайда курсэтсен ул осталыгын? Э хэзер туйда профессиональ жырчылар,узешчэннэр дэрэжэсендэге концерт курсэтэ.
Тубэнрэк тэ булмаса эле!банкетта осталык кирэк тугел.

№18 (852234) / 11.09.2013 20:58:04

Дорестэн дэ, караул кычкыра укытучы халкы.Балаларны надан калдырганда да,подароклар алганда да ник кычкырчын. Оятсызлар!

№17 (852233) / 11.09.2013 20:56:44

акыллы комментарийлар

№16 (852231) / 11.09.2013 19:56:33

Соры корт, тагын ике профессияне оныткансың! Футболист (үзе тибеп җибәргән тупны куып йөри) һәм таксист (бөтен кешене өенә илтеп куя, үзе җәяү каөта)

№15 (852229) / 11.09.2013 19:52:36

Тора ди сиңа... Әле бүген генә нишләп шушы өлкә профессиясен сайлаганмын дип уйлап яттым)))) Барып эш сәгатеңне эшләп кайтассың да, яшисең тынычлап. Көне төне ашарга кайдан табарга икән дип башыңны ватмыйсың)))))

№14 (852227) / 11.09.2013 19:43:10

Мәрьям

)))Чак кына ялгышасың. Сайтлардагы постларны укысаң, иң надан, кирәксез профессияләр булып, укытучы һәм табип һөнәре тора.)))

№13 (852225) / 11.09.2013 19:39:21

Аптырагандыр инде ул да. Алайса кешенең реакциясенә караганда дөньядагы иң кирәксез һөнәр ияләре җырчылар да, тамада-алып баручылар. Менә булмый карыйк әле, нишләрсез икән!)))))))))))

№12 (852224) / 11.09.2013 19:35:31

Мин,гомумән дә мәҗлесләрнең һәрберсенең алып баручысы булуы ягында.Сүз дә юк,һәр һөнәрнең үз авырлыклары бар.Бу мәкаләдә дип әйтимме соң инде,автор тамадалыкның авырлыгыннан бик каты зарланып язган бит,почти на грани.)))Ул, бу хезмәтнең хөрмәткә лаек икәнен түгел,ә алынган гонорарның хезмәтенә күрә тиеш икәнен аңлатмакчы була.Аның бит, син әйткәнчә ,дилетантлары да кайвакыт бәяне бугазыңа басып сорый.

№11 (852223) / 11.09.2013 19:15:38

Чын татар! Рушания үзенең чыгырдан чыгып интегүен түгел, ә туйчы һөнәренең дә бер дә җиңелләрдән булмавы, и соответственно хөрмәткә лаек һөнәр икәнлеген аңлатмакчы булган. Кабатлап әйтәм, һөнәр! Һәрбер һөнәр ияләре арасында дилетантлар булган кебек туйчылар арасында да бар, и комментлардан күренгәнчә әле сезгә гел шундыйлары гына очрап торган...
Туйчы иң беренче чиратта кешенең күзенә карап аның ни ишетәсе килүен белеп торучы бер дигән психолог булырга тиеш ул. Аннары сүз остасы,оештыручы, и җырчы, кайвакыт гармунчы и т.д. и т.п...
Тагын шунысы бар, элек туйларда поголовно аракы эчкәннәр. Әзрәк эчкәч тел ачыла, күңел күтәрелеп китә инде ул, сүз дә юк. Хәзер бит килгән кунакларның 70%ы эчми. Кайсы рульдә, кайсының цистернасы тулган була))) Хәзер гомумән эчү бик модада түгел инде. Аек кеше ни эшләп утырсын соң 6 сәгать буе, бер ияртеп баручы булмагач?
Мин үзем туйлар алып барам, шуңа күрә үзем ишеләргә карата шулкадәр предвзятое отношение (татарчасы ничек?) бик күңелгә тия. Туйлар, мәҗлесләр алып бара башлап, хәлләреннән килмичә ташлаучыларны бик күп беләм.
Әйе, авыр эш ул, но ахырдан, туйда булган 140 кешенең почти һәрберсе рәхмәтләр әйтеп, пачкалап визиткалар алып, саубуллашып (!алып баручылар белән!) чыгып киткәндә бик рәхәт!)))

№10 (852219) / 11.09.2013 18:28:13

Алсу Фазлыевага. Эти-энилэрнен туе видеосын карарга яратабыз.Бабай тальян белэн, эти-баянда,куршелэр,хэммэсенен кунелле итеп утырулары истэлеккэ генэ калган.Э хэзерге туйларга концерт карарга гына барасы, беркемдэ уз телэге белэн туйда катнашмый.Дорес,хэзерге туйлардагы трусик....оятсыз уеннарнын берсе дэ ошамый.

№9 (852217) / 11.09.2013 18:00:33

Йөзе юклар өчен бу эш үтергән. Тамадаларның татар мәҗлесләренә чакырылышы -маңкортлашу һәм маргиналлашу галәмәте.)))))))

№8 (852216) / 11.09.2013 17:54:43

Бигрәкләр дә нуҗарасың икән Раушания акыллым.Тамада булуны шулай авыр кичергәч нишләпләр генә алындың соң ул эшкә?Тем более төп эшең дә булгач.Ташла син андый хезмәтне,бетермә исәнлегеңне,әнә Нурисә барсын,төп эшеннән соң.(Гадәттә укытучының эше артыннан ияреп кайта өенә,ә туйлар эш атнасы беткәч була.Какраз укытучы эше инде туй алып бару.

№7 (852215) / 11.09.2013 17:48:47

кемнен укытучы буласы килэ, чиратка басыгыз, * ! сезне безучеред алабыз.

№6 (852213) / 11.09.2013 17:32:33

эле яшереп,эндэшмэсэлэр бер хэл иде,ул надан укытучылар безнен зарплатабыз аз дип караул кычкыралар,оятсызлар.

№5 (852211) / 11.09.2013 17:21:40

Идэн юучынын беркайчан да укытучыдан куп акча алганы юк.Надан укытучы халкы узенен зарплатасын яшерэ.29.500 дип куп тапкырлар язылды бит. Идэн юучынын алай куп булгач, куч тэ эшлэ.

№4 (852209) / 11.09.2013 17:15:44

“Сезнең кеше артыннан пычрак, нәҗес җыеп караганыгыз бармы? Ни өчен үз эшегезне авыр хезмәт башкаручыларныкыннан өстенрәк бәяләнергә тиеш дип исәплисез?” кебегрәк сораулар да биргәнем хәтеремдә." Р.Ш.
Автор логикасы буенча санитарка хирургтан күбрәк акча алырга тиеш. Тамада эшендә иң авыры, автор санаганнар түгел, ә йөзе барга публично йөз суы түгү. Йөзе юклар өчен бу эш үтергән. Тамадаларның татар мәҗлесләренә чакырылышы -маңкортлашу һәм маргиналлашу галәмәте.

№3 (852199) / 11.09.2013 16:35:40

Кузэтуче,гадэттэ шамакайлык(халтурка)-кешенен топ эшенэ эйлэнэ,тора-бара. Лимун урынына юкка сыгылсынмы?
Топ эшкэ юктан бер генэ барып кайталар. Чонки ул аларга стаж барсын очен генэ кирэк.

№2 (852189) / 11.09.2013 16:26:47

Раушания ханымнын топ эше кайда икэн, бик актив, укырлык эйберлэр яза, калэме дэ уткен. Вакытын да таба белэ. Афэрин!

№1 (852167) / 11.09.2013 15:16:47

Мин яратмыйм бу тулэуле Шамакайларны!
Кайчан кирэк була башладылар сон эле алар безгэ? Мин урта буын кешесе буларак эйтэм,безнен яшь чакта да юк иде бит алар!
Тамадасыз гына бергэлэшеп утырып жырлый идек, ишек алдына чыгып добердэтеп бии идек. Табын саен бер мэзэкче,бер жырчы табыла иде,туганнар ,дуслар арасында.
Э хэзер нэрсэ? Тавышларыннан колаклар тонып бетэ,лыр-лыр мэгнэсез сузлэреннэн башлар эйлэнэ башлый.....
Арып кайтасын туйлардан,юбилейлардан.
Эллэ нинди конкурс дип чыгарып кешелэрне колкегэ,унайсыз хэлгэ куялар, труси,презерватив булэк итэлэр халык алдында!
Кем иренми- шул тамада! Булыр,булмас тавышлары белэн жырлап азаплана кайберлэре.
Нинди сэбэп белэн килуенне онытып шуларга карап утырырга тиеш буласын.

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте