• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

07.12.2011 Мәгариф

Мәктәп укытучысының бай коллегасыннан кай җире ким?

Бердәм дәүләт имтиханы гамәлгә кертелгәч тә, укытучылар күләгәсендә репетиторлар эшли башлады. Мәгариф өлкәсендә төптән булган үзгәрешләр шундый яңа һөнәр төрен китереп чыгарды.

Россия тарихында элек тә булган репетиторлар. Инкыйлабка кадәр кадет корпусларында яки ябык уку йортларында өй эшләрен башкарырга булышкан укытучыларны репетитор дип йөрткәннәр (“repeat” - инглизчә “кабатлау” дигән сүздән). Бүгенге көндә исә әлеге сүзне ишеткәч, күз алдына “бик бай укытучы” килеп баса.

 

Мондый укытучыларны чагыштырмача бай дип бәяләү дөреслеккә хилафлык китерми. Өйдә белем бирүче укытучыдан бер сәгать дәрес алу 250-600 сумга төшә. Дөрес, бу төр укытучыларның эш вакыты сәгатьләп түгел, ә минутлап билгеләнгән. Көненә 60 минут, 90 яки 120 минут дәвамында белгечләр балаңны БДИны ничек тапшырыга өйрәтә.

 

Адым саен “укытырга телиләр”

 

Хәзер репетитор эзләп ерак барасы юк. Тукталыш, игълан такталары, җәмәгать транспортында ябыштырылган кәгазьләр бик тиз арада мәктәптәге укытучыңа “яхшы алмаш” табарга ярдәм итә.

 

Интернет челтәрендә дә түләүле хезмәт күрсәтүчеләрнең рекламасы буа буарлык. Махсус сайтларда фотолары, эш урыны, фән дәрәҗәсе һәм башка шундый мәгълүматлар китерелгән. “Без – 60 тан артык укытучы – шәхси репетиторларны берләштерүче һөнәри берлек. Бу сайтта, мөгаллимнәрнең анкеталары белән танышып, үзегезгә туры килгәнен сайлый аласыз. Шулай ук үзебез дә сезгә туры килгән укытучыны тәкъдим итә алабыз. Бу төр хезмәт – бушлай. Сезгә бары тик укытучы дәресләрен генә түләргә туры киләчәк”, –  дип каршы ала махсус компаниянең 2010 елда Казанда эшли башлаган сайты.

 

Укытучының дәрәҗәсенә карап, исәп-хисап күләме та төрлечә күрсәтелгән. 30 ел укытучылык стажы булган Казан Дәүләт аграр университеты мөгаллименең математик анализ буенча дәресләре өчен сәгатенә 500-600 сум “кыстырып” килергә кирәк. Ә КФУның физика факультетын тәмамлаган беренче курс аспирантының дәресләре 400 сум тора. Укытучының үзен өйгә чакыртсаң, якынча 50 сум акчаңны өстәп тә бирергә кирәк. Башка фәннәр буенча 250, 350 сумга репетиторлар табыла.

 

Авылда укытучылар гына түгел, репетиторлар да җитми

 

Апас районының бер авылында лаеклы ялга чыккан укытучыга да “өйдә укытырга” туры килә. Гөлнур апа көн саен диярлек 6-7 балага өйдә белем бирә. “1963 елдан бирле математика укыттым. Авылда халык бер-берсен белә. Таныш-белешләрем балаларын БДИга әзерләүне үтенгәч, 1-2 баланы укыта башлаган идем, хәзер күбесе минем янга килә. Кайберләрен кире кагарга да туры килде”, – дип сөйли тәҗрибәле укытучы. Өйдә мондый эшчәнлек белән шөгыльләнүнең яхшы табыш икәнлеген белгән килеш, Гөлнур апаның керемнәре кызык тоелды. Шәһәр бәяләре белән чагыштырганда, 100 сумлык “авыл тарифы” күпләргә көлке тыелырга мөмкин.

 

Узган елгы чыгарылыш укчысы Ирек БДИ тапшырганда репетиторның ярдәме тигәнен яшерми. “Авылдан 20 чакрым ераклыкта, район үзәгендә яшәгән репетиторга атнасына 3 көн “попутка” белән йөрдем. Рус теленнән сәгатенә 250, җәмгыять белеменнән 300 сумга укыдым. Юлга да түләргә кирәк. Атнасына 1650-1700 сум тота идем инде”, – дип сөйли егет. Әнисе тәрбиясендә генә үскән авыл малае өчен мондый белем алу юлы аена 5 мең сумнан артып китә. Әле бу күрсәткечләр “авылча” исәп-хисәп тотканда. “Улым репетиторга барып, аларга аена 10 мең сум эшләтеп кайта”, – дип зарланды миңа  Казанда яшәүче әниләрнең берсе.

 

БДИ нәтиҗәләре

 

“Бердәм дәүләт имтиханы – мәгариф өлкәсендә иң зур алга китеш” дип, төптән үзгәрешләр булдырып ятканда, урта белемнең дә түләүлегә калуы күзгә ташлана. Дәүләт Конституциясендә язылган белем бирү турындагы бурыч кем җилкәсенә кала? Коллегалары - репетиторлар акча “көрәп” алганда, мәктәп укытучыларның “ипи, сөтлек” хезмәт хакына эшлиселәре килерме икән? Дөрес, укытучының дәрәҗәсе күтәреләчәк, дип сөйләнәләр. Тик кайсы укытучының? Дәүләткә эшләүче мәктәп мөгаллименекеме, әллә тагын өйдә үзе өчен укыта торган укытучыныкымы?


Алёна НИЗАМОВА
Интертат.ру
№ | 07.12.2011
Интертат.ру печать

Фикерләр

Исем:
E-mail:
Текст:
 
№44 (789845) / 20.12.2011 01:50:57

..пробный экзаменнарны бетереп тә аттылар !
"по многочисленным звонкам родителей", имеш
нәкъ җырдагыча:"..беркем белми аның серләрен"-
бәлки белүчеләр бардыр ?

ике улым бер бер артлы мэктэпне бетереп чыктылар. БДИ куркынычрак эйбер . укытучылар нык эзерлэделэр балаларны бдига. шунын остэвенэ безнен балалар икеседэ репититорга йорделэр репититорга йору ул баланын ангыра булуына ишарэ тугел. 2сэгэтенэ 100 сумга укыдык алланын рэхмэте яусын укытучыларга хэм репититор булып укыткан остэмэ укытучыларга белмэгэн эйберлэрен ныклап тошендерделэр укыттылар яхшы балл жыеп югары уку йортында белем алалар МИН БАРЛЫК УКЫТУЧЫЛАР АЛДЫНДА БАШ ИЯМ

№42 (789561) / 17.12.2011 20:39:57

шәһәрнеке, син укытучыны гаеплэмэ,э укытучыны шундый хэлгэ куйган дэулэтне гаеплэ.

№41 (789279) / 14.12.2011 23:40:45

укытучы халкын кызганып утырган була
кайда кусалар шунда барып, сүз әйтергә куркып үз авторитетын бетерде укытучы халкы...

минем балалар үзем төсле
синеке ниндидер

№40 (789141) / 13.12.2011 17:48:54

Укытучы булмавы сөенеп куйдым тагын бер кат ШӘҺӘРНЕКЕ!
Синең төслеләрнең балаларын укыткан укытучы халкына җиңел түгел шул....

№39 (789140) / 13.12.2011 17:24:04

Мин монда бер проблема да курмим. Уку курсы елдан-ел авырая, укытучы гына аны анлаталмаска да момкин 40 минут эчендэ кырык балага, дигэндэй. Укытучынын дэрэжэсе тоште, подработка момкинчелеге бар хотя бы узенэ нормаль тормыш ясар очен. Мэктэпкэ генэ сылтамагыз, балан бик укымышлы булмаса яки югары уку йортына укырга телэге булса, дополниельные занятия тулэуле була инде ул. А то бездэ барысы да буш булсын. Алай булмый1

№38 (789028) / 12.12.2011 03:25:46

"Билгеле мин",№ 35,ну аңлатып та куйгансыз мин "тәүфыйксыз"га
...мәктәпкә 8 тулырга 8 секунд кала килеп керү шәһәр баласының "укырга яратмау" сәбәбе инде синеңчә
...таң белән торып китү "укырга ярат"тырамы даааа
поддатая ошамаса, неподдатая училка син точно

№37 (789027) / 12.12.2011 02:23:03

вафа
ЕГЭ тапшыру серләрен алай яхшы белгәч,өйрәт инде
рус теленнән изложение белән сочинениены сотовый аркылы ничек язарга

№36 (789021) / 11.12.2011 21:57:39

Монда бер-беребез белән талашканнан ни дә булса үзгәрерме?! Һәркем үзенчә хаклы. ЕГЭ ның шулай зур тавыш чыгаруга сәбәбе -- аның югары уку йортларына керү ачкычы булуындадыр дип уйлыйм. Элек бит мәктәптә чыгарылыш дәүләт имтиханы бирәләр иде дә, таралыша иделәр. Аннары кем ничек булдыра ала инде (нинди ысуллар таба), шулай югары уку йортларына керә иделәр. Соңыннан гына билгеле була иде кем баласы кая кергәне. Ул вакытта да репетиторлар бар иде. Ләкин мондый зур куләмдә түгел!

№35 (789013) / 11.12.2011 20:42:15

мин училка тугел,син поддатый булганга карап кына эле!
Авыл баласы мэктэпкэ тан белэн торып китэ, э шэхэр баласы 8 тулырга 8 секунд калгач килеп кенэ керэ мэктэбенэ!
Укытучылар адресына шундый сузлэр эйтуен тэуфиксызлыгын турында сойли, балаларын да узенэ ошаса,дааа

№34 (789011) / 11.12.2011 20:25:17

Элек тэ шул ук дэулэт имтиханы биреш иде бит инде!Бер тавыш-тын,ажиотаж,тем более коррупция булмады.Исемен узгэрттелэр дэ,мэ сина!Акча корты бер кергэч тиз генэ чыкмый инде ул!Боздылар халыкны.Уку тугел,сплошь ЕГЕ,ГИА га эзерлэну.11ел уку нэрсэгэ кирэктер!10сы да бик житкэн.Бала остендэ эксперимент ясап мэш килэлэр.Мэктэп бетергэндэ психикасы тэмам беткэн була.

№33 (788943) / 10.12.2011 17:41:38

Сез нәрсә сөйләшеп утырасыз.БДИ-җинаятькә корылган нәрсә бит ул.Алдауга,коррупциягә.БДИны укучы бирми,аның өчен укытучы бирә.Бу бөтен җирдә шулай.Шул репитотор кесә телефоныннан сорауларны ала да бер сәг.эчендә эшләп тә җибәрә.Шуңа күрә \"2\"легә укыган бала,\"5\"кә БДИсын бирә дә чыга.ЭҺ,сез наивныйлар.Әллә белмәгәнгә генә сабышасызмы?

№32 (788939) / 10.12.2011 16:58:24

"Билгеле мин"08.12.2011 22.58.
Шәһәрнекеләр ялкаурак, укырга яратмый икәнне каян белдең, кем әйтте ?
Язуыңа карасаң, ярыйсы гына грамоталы да күренәсең ( дә не аерып, ни не кушып язгач соң !)-
фикерең хаталы.
Авылда укырга яраталармы ?
поддатая училка дыр син.

№31 (788884) / 09.12.2011 21:57:35

№ № 21,22гэ мескен,адэм рэтле ойлэнеп балалар устерергэ узенэ яраклы кыз таба алмыйсын мэллэ?Кемгэ баргансындыр андый тэкъдим белэн,ну мин андый тубэн кеше тугел,балаларым да, Аллага шокер,топ акыллы,бик эйбэтлэр,узебезне куандырып торган коннэре.Мин уз бурычымны утим,э син кирэкмэскэ тоссыз сузлэр язып утырма,яме

№30 (788804) / 09.12.2011 18:43:07

инде 4 нче тапкыр язам
код дөрес түгел ди дә чыга

баланы ГИА дан коткарып булмыймы дип сорамакчы идем
Татарстанда ГИА эксперимент кына булгач, мәҗбүри түгел дип аңлыйм
Январьда 250 сумлык пробныйлар китә

№29 (788737) / 09.12.2011 00:00:36

Нур-улы дөрес яза, укытучы катыннарга өйләнүдән сакланыгыз. Ул катын синеке булмый, ә мәктәпнеке.

№28 (788733) / 08.12.2011 22:58:31

Билгесез!
Көн саен ничә километр җир ураган балаларны и жәллим дә инде! Үзебез дә шулай укыдык бит! Авыл баласын әле өйдә дә ничаклы эш көтә!
Шәһәрнекеләр барыбыер ялкаурак, өй эшенә дә исләре китми, укырга да яратмыйлар.

№27 (788732) / 08.12.2011 22:40:46

Эльвира, балаларны көн саен 15.30 да өйләренә кайтарып җибәргәч, өй эшләрен мәктәптә үк эшләтергә кирәк. Бала кайчан ял итә соң, синеңчә. Иртәнге 8 дән алып 15.30 га кадәр белем алган укучының өйгә кайткач дәрес әзерләп утырасы килмәс шул инде. Балаларны кызганыр идең. Алар мәктәптә ничә предмет укыганын беләсең, ә син һаман шул бер предмет өстендә казынасың. Кирәк булса өйрәнерләр, егэсын да бирерләр, ә сиңа барыбер шул ук сумманы түләрләр, башыңнан да сыйпаучы, сине мактаучы булмас. Үзеңне дә бераз җәллә, бесплатно чиләнеп ятма.

№26 (788705) / 08.12.2011 21:22:05

Эльвира,сыйныфында 12 бала,9ы ой эше эшлэмэгэн.Эш нэтижэн ничэ процент?Сыйныфында шэхэрдэге кебек 30 бала булса ой эшен ничэсе генэ эшлэр иде икэн?Син монда узеннен булдыксыз укытучы икэненне курсэтеп утырма.Дэулэт яхшы яшэу очен сине тээмин итэ икэн,син дэ балаларын ой эшен эшлэрлек итеп укыт.Узенчэ кинэш биреп балаларнын вакытын алып утырма.Рэхмэт очен укытмыйсыз,акча аласыз.

№25 (788687) / 08.12.2011 19:46:17

Алдагыларын укымый гына язган идем, монда ялгыш язганымны аңладым. Укытучының хезмәтенә төкереп биргән кешеләр, иң наданнар гына язган икән монда. Мин укучыларымны яратам, дипломны да сатып алмадым. Без гаиләдә 5 бала, колхозчы балалары. Тырышып укыдык, һөнәрләр алдык. Эшемне дә яратам. Үземне надан, аңгыра дип тә санамыйм. Без 5 бала мәктәптә укыдык, әти-әни укытучыдан зарланып мәктәп саен чабып йөрмәде. Беркем дә дәрес тә хәзерләтеп утырмады. 5 км читтәге авылга йөреп укыдык. Имтиханнарны да уңышлы бирдек, уңышлы гына эшлибез дә. Ә кайда бик яхшы түлиләр соң. Колхозда әти 3000 ала, әни 4500 тирәсе. Ә мин хәерчелектән интекмим, авылда бөтен уңайлыклары булган өдә яшим. Мал асрыйм. Эшне яратсаң, авырлыгы сизелми аның.

№24 (788685) / 08.12.2011 19:31:44

Мин авыл укытучысы. Без укучыларыбыз артыннан БДИ га әзерләү өчен үзебез чабабыз. Менә бүген 12 баланың 9ы дәрес хәзерләмәгән иде. Үземчә киңәш бирергә тотындым, өй эшен үәзерләп йөрергә күнегергә кирәк дип кисәттем. Укучыларым миңа : \"Кайчан? Көн саен дәрестән соң имтиханга әзерләнергә калдырасыз, без 15.30 да өйгә генә кайтып җитәбез әле\" - диделәр. Бездә шулай кабул ителгән: имтиханны укучылар үзләре түгел, укытучы әзерләтергә тиеш. Безнең укытучылар көндәлек биремнәр биреп кайтара, укучылар вакыт юклыкка сылтап әзерләнми киләләр. Әти-әни күп эш биргән өчен укытучыны гаепли. Авылда шулай бит ул: акчасы да юк әти-әнигә аз гына булышам дип йөрисең дә, нәтиҗәдә нинди генә гайбәтләргә юлыкмыйсың. Укытучы барыбер сыгылмый, ел саен күрсәткечләр республиканыкыннан югарырак була. Нинди репититор, нинди акча. Рәхмәт тә әйтүче юк безнекеләргә.

№23 (788661) / 08.12.2011 15:43:17

Язган текстны куя алмыйча интегәм.Кодны җыям -дөрес түгел, диләр, яңасын җыям - тагын...Бу нәрсә соң ?

№22 (788650) / 08.12.2011 12:15:12

Е мое,күрше! Мин сиңа әйттем бит :\"юньле бала үзем ясап бирәм,\"-дип...Жалкы ие мени?
Тулыр-тулмасыңны кем,күпме укытса да тулк юк инде,наныем!Синең дә бурычын- әдәм рәтле бала үстерү бит!

№21 (788648) / 08.12.2011 12:11:20

Е мое,күрше! Мин сиңа әйттем бит :\"юньле бала үзем ясап бирәм,\"-дип...
Тулыр-тулмасыңны күпме укытсаң да юк инде,наныем!

№20 (788647) / 08.12.2011 11:19:44

Илхам,уз мэктэбеннэн алса законга каршы килэ диде безнен балаларнын класс житэкчесе.Ягъни укытучы дэрес кысаларында яхшы белем бирергэ бурычлы!

№19 (788642) / 08.12.2011 08:21:46

Сон, репититорларнын кубесе шул ук мэктэп укытучылары бит инде, бер смена мэктэжптэ, аннары ойдэ. Только уз мэктэплэреннэн балалар алмыйлар никтер...

№18 (788636) / 08.12.2011 01:07:29

Укытучы халкына берүк өйләнә күрмәгез!

№17 (788634) / 08.12.2011 00:50:41

РЕПЕТИТОР АКЧАГА ЭЙБЭТ АНЛАТА Э НИК ДЭРЕСНЕ ШУЛАЙ АНЛАТМЫЙ
1.репетитор индивидуально эшли толпа белән түгел
2.репетитор аңлатканны санаулылар гына(кызыксынганнар гына) тыңлый, тагын толпа тыңламый
3.Акчаны укучы үз кесәсеннән(гаилә бюдҗетыннан) түли, хөкүмәт кесәсеннән түгел, тыңлап, аңлап калмаса акчаны бушка түгәр иде, болай үз акчасы түгел бит
4.акыл хезмәтен физик хезмәт белән чагыштырган кеше гомумән бу эшкә борынын тыкмасын иде, идән юучы белән укытучының урыннарын алыштырудан ни дә булса үзгәрә алуына ышанасы кыен.
5.син биргән подарок белән хөкүмәт биргән акчадан баеп киткән укытучы күргәнем юк иде әле, баеп китсә ул укытучы булып эшләр иде микән? Минем бер дә бай укытучы күргәнем юк нигәдер, ә хәерчеләрне элек-электән ихтирам итмәгәннәр. Абзый белән тулысынча килешәм.
6. №17нең фикер чишмәсе сай булуы сизелә,мондый мышление белән ерак китеп булмый инде, билгеле, пычрак керләр эчендә казынырга гына кала.

№16 (788620) / 07.12.2011 22:56:14

мин, пед кызыгырлык жир булса нэчэлниклэр балаларын кертер иде.кызыгырлык жир булса баланны керт. кайчан укытучы хонэре кызыгырлык була шул чагында укытучылыкка белемлелэр,сэлэтлелэр килэчэк.

№15 (788609) / 07.12.2011 22:34:18

РЕПЕТИТОР АКЧАГА ЭЙБЭТ АНЛАТА Э НИК ДЭРЕСНЕ ШУЛАЙ АНЛАТМЫЙ БУ БИТ АНЫН ЭШЕ. УЛ АНЫН ОЧЕН КЕСЭ ТУТЫРЫЛ АКЧА АЛА.ЭШ АВЫР ДИЛЭР КЕМНЕН ЭШЕ ЖИНЕЛ. ЭЛЛЭ СЫЕР САВУЧЫНЫКЫМЫ. ЭЛЛЭ ЗАВОДТА ЭШЛЭУЧЕНЕКЕМЕ. ПЕДКА КЕРУ ЖИНЕЛ БУЛГАНГА КЕРЭЛЭРДЭ АННАН ДИПЛОМ АЛЫП ЭШЛИ БАШЛАГАЧ БЕРНЭРСЭ БУЛДЫРА АЛМЫЙЛАР АКЧА ЭЗ ЭШ АВЫР ДИП ЗАРЛАНАЛАР.БАРЫГЫЗ ИДЭН ЮАРГА ЭШТЭ ЖИНЕЛ АКЧАДА КУП. ЗАРЛАНМАГЫЭ. СЕЗ ХЭЗЕР АКЧАНЫ ПОДАРОКНЫ БИК ЭЙБЭТ АЛАСЫЗ БЭЙРЭМ САЕН КЕМГЭ ПОДАРОК БИРЭЛЭР.

№14 (788606) / 07.12.2011 22:11:39

кем бу га., алдынгы иллэр мэсьэлэн японнар ботен кешегэ югары белем биру турында уйлаганда кирегэ юл юк инде.

№13 (788603) / 07.12.2011 21:47:29

кем бу.
Сезнең фикер белән килешәм. Нигә ата анасы тәрбия бирәлмәгән бала белән укытучы интегергә тиеш . 40-50 еллардагы кебек, 7 класс белемне мәҗбүри ясарга... Әгәр укучы үзен үзе тота алмаса, укырга теләге булмаса... өйендә ата анасы укытсын..

№12 (788591) / 07.12.2011 20:43:01

10 ел күп бит әле ул,абзый,, бу вакытның срогын кыскартып булмыймыни? 

№11 (788541) / 07.12.2011 20:01:53

килэсе 5-10 елда мэктэплэрдэн белемле укытучылар китэ.Мэктэпкэ дэулэт йоз белэн борылса да мэктэплэргэ яхшы укытучылар 5-10 елдан гына килэ башлаячак.Димэк килэсе 10 елда мэктэпнен эшлэре бик хорти булырга момкин.

№10 (788540) / 07.12.2011 19:50:44

Аңгыра биби киңәше белән мәктәпләрне гомумән ябарга, барлык укытучыларга репетитор таныклыгы биреп өйләрендә генә укытып ятарга рөхсәт бирергә! Менә шуннан соң эшләр хутка китәр иде. Балалары да трай тибеп йөрмәс иде, аналары да тынычланып калыр иде, хөкүмәткә дә файда булыр иде.

№9 (788538) / 07.12.2011 19:49:51

Бәлки мәктәптә белем бирү, дөресерәге укытуны үзгәртергә кирәктер..5-6 класс белемне мәҗбүри итеп..7- 11 теләк буенча.. Укучының укырга теләге бармы, яисә мәктәпнеә укучыны укытырга теләге бармы. Нигә укырга теләге булмаган, башкаларга белем алырга комачаулаучыларны, аларны \"ботаник\" \"очкарик\" мыскыл итүчеләрне, торле яклап кыерсытучыларны көчләп мәктәптә укытырга. Утырсыннар өйдә, ата аналары түләп укытсыннар..әлбәттә мөмкинлекләре булса..

№8 (788535) / 07.12.2011 19:44:51

үзеңә охшаганнар...

№7 (788534) / 07.12.2011 19:41:51

))) Ә, минем ташбашлар, мәктәптә астрономия укытмыйлар дип, каяндыр астрономия укытучысы тапканнар да, шимбә, якшәмбе көннәрне өчәр сәгать шунда йөриләр.))) Әдәм рәтлеләр, ЕГЭ буласы фәнгә йөргәндә...

№6 (788531) / 07.12.2011 19:22:03

шулай шул.

шул "дилетант"ларга "дилетант" укытучылар 9-11 ел буена бер нәрсә дә бирә алмый шул.
Гөлнур апаларны "эштән куып",дилетантлар калды мәктәптә...

менә ул картлар!!! алар урын биләми генә эшлиләр!!!
эшләренең нәтиҗәсе күз алдында!

ә яшь укытучыларга кемдер мешает.
плохому тонцору всегда яйчки мешают.

№5 (788530) / 07.12.2011 19:17:16

Биби!
Надан укытучылар юк.. бары тик \"башсыз\" укучыларгына бар.. заяга гөмер уздырып, трай тибеп, ата - ана акчасына ышанып укымыйлар..
\"Бушлай бирелгән киңәшнең кадере юк, сатып алган киңәш кадерле\" Бу да шул очрак кына түгелме икән БИБИ ханым???

№4 (788529) / 07.12.2011 19:15:50

Биби, мэктэптэге бар укытучыларныда бердэй надан дип бэялэмэ.Суздэ юк,сонгы 10 елда мэктэпкэ килгэн укытучылар арасында наданнары да бар.Бу дэулэтнен укытучы хезмэтенэ тиешле бэя бирмэунен аяныч нэтижэсе.сонгы 10-15 елда пед. уку йортларына бик белемсез укучылар килде.аларнында эйбэтерэклэре мэктэпкэ бармады.

№3 (788526) / 07.12.2011 19:05:32

менә, 
Мондый ысул белән, репетитор ярдәмендә БДИ тапшырган укучы тирән белемле булалырмы..
Мәктәп прогаммасы үзләштерә алмаслык программа түгел.. Урысча итеп әйткәндә, "рассчитано для дилетантов"..Тик системалы рәвештә укып, бирелгән материалларны үзләштереп барганда белем алуның бернинди авырлыгы юк.Өйгә бирелгән материалларны үзләштерегә күп дигәндә 2-3 сарыф иткәндә бернинди репетиторның ярдәме кирәкми..
Мәктәптә 9-11 ел шәләй -вәләй килеп йөреп 2-3 дәвамында "белем сатып алып", түләп укырга кереп, көч хәл белән диплом алып чыккан кеше яхшы белгеч була алырмы.. Күпләрне бу кызыксындырмый, диплом, ни бары диплом кирәк.

№2 (788524) / 07.12.2011 18:54:12

Мэктэптэ кызым химия фэнен анламагач мин дэ репетиторга морэжэгэт иттем.Беренче дэрестэн ук кызым шатланып очып кайтты.Эни ул бик жинел икэн,аны ятласы да юк икэн дип шатланып сойлэде.Химия яраткан фэненэ эйлэнде.Репетитор уз фэнен балаларга жинел итеп акчага ойрэтэ торган кеше ул.Мэктэпнен надан укытучылары бушлай укытса да таман гына.

№1 (788515) / 07.12.2011 18:36:50

яхшы фикер бу
//өйдә үзе өчен укыта торган укытучыныкымы?//

менә татарлар үз балаларын, "үзе өчен укыта торган" укытучыларда УКЫТА (!) башласалар,алга китеш булыр иде. төпчек кызым шундый укытучыларда укып,КАИга кереп,бер 4ле белән бетерде КАИны. "үзләре өчен укытучы"ларның файдасын үзем күрдем.
бу очракта,түләгән акчам әрәм булмады. ЕГЭ ны да бирдек,шул баллар белән кердек. керү бер хәл,укыйсы да бар бит әле...

әйдәгез татарлар,нинди ысуллар белән булса да, балаларыбызны УКЫТЫЙК!!!

татар телен дә шулай укытырга була. татарстаннан читтә шулай укыталар ич.
барысы да үзебездән,үз аңыбыздан тора минемчә.

ризалашасызмы?

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar