поиск новостей
  • 27.02 Беренче мәхәббәт, тылсымлы комедия, Тинчурин театры, 18:30
  • 27.02 "Ак чәчәкләр кебек..." Кариев театры, 18:30
  • 29.02 Полиционер, җырлы-биюле комедия, Тинчурин театры, 18:30
Бүген кемнәр туган
  • 26 Февраль
  • Ганс Сәйфуллин (1941-2017) - композитор
  • Гөлзада Бәйрәмова - язучы
  • Гөлнар Гарифуллина - журналист
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
  • Сдам комнату в общежитии в Казани по улице Хлебозаводская д 6 , порядочной, чистоплотной девушке. 89033060513
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Сдам комнату порядочной, чистоплотной девушке по улице Хлебозаводская д6.общежитие.89033060513
  • Ремонт очков, ювелирных изделий, замена батарейки в часах, заточка парикмахерского и маникюрного инструмента. Качество и гарантия. Низкие цены. Опытный мастер. г.Казань, Амирхана, 71. +79600430099, Айнур
  • 2 булмэле фатирны тэртипле гаилэгэ арендага бирэм. Мебель бар. ЖК Салават купере. 89509488227 собственник.
  • Ялгыз егет. Казанда булмэ снимать итэм. Ватсапка языгыз. 89375249498
  • Казанда бүлмә яки студия снимать итәм без риелторов.89274823084
  • Продаю листы нержавейки 530х630,толщина 3,5мм,запчасти на УАЗ. тел.89178553159
Архив
 
09.02.2024 Шоу-бизнес

Булат Бәйрәмов: “Никахыма соңга калдым”

Танылган алып баручы Булат Бәйрәмов белән әңгәмәбезне дәвам итәбез.

– Социаль челтәрдәге видеоларның авторы кем?
– Юмор язу өчен – кешеләрне озак күзәтергә кирәк. Күп кенә мәзәкләрне үзем язам. Кайберләрен интернетта күреп алып “татарлаштырабыз”. Барыбер мәзәкне безнең милләт өчен яраклаштырырга кирәк. Юморлы җырларны да таныш мотивларга уйлап йөрим, алар үзеннән-үзе туалар. Элек тә такмаклар яза идем. Ләйсән дә кечкенә чагында актриса булырга хыялланган, шуңа күрә аңа төрле образларда уйнарга кыен түгел.

– Үзегезне яратасызмы?
– Үземә карата бик таләпчән. Үзеңә сокланып утыра башласаң, үсештән туктыйсың. “Эх, ахмак. Нигә алай эшләдең?” – дип тә әйтү дөрес түгел. Димәк, сиңа Аллаһ Тәгаләдән шулай эшләргә язган. Аны кабул итә белергә кирәк. Минем дә  акча югалтулар, ялгыш адымнарым күп булды. Үземне бик нык сүктем. Чынбарлыкта исә, бу ялгышлар – тәҗрибәм. Үзеңә ышанып яшәргә, белем алырга кирәк, камиллекнең чиге юк. Шуңа да “үземне яратам” дип әйтмим, ә “үземне ничек бар – шулай кабул итәм” – дим. 

– Бизнес ачканыгыз булдымы?
– Эшмәкәрлек белән бик күп тапкыр шөгыльләнеп карадым. Айга бер тапкыр чыга торган хатын-кызлар һәм ир-атлар газетасын ачтык. Хатын-кыз газетасына “Ләйсән” исеме куштым. Аннан акча отмадым. “Кулинарушка” аш-су газетасын 3-4 ел чыгардым. Бераз керемле булдым. Сочида Олимпиадага объектлар төзелеше башлангач, йөк машинасын эшкә куйдык. Машина аз гына эшли дә, ватыла. Имеш, Сочидагы эшчеләр безгә акча җибәрәчәк инде. Шуннан соң, бизнес булса, яныңда булсын дигән нәтиҗәгә килдем. Иң соңгы проектым гөмбә бизнесы иде. Шампиньоннар үстереп карадым, анда да акча янды. Киләчәк турында уйланасың бит, гел бәйрәмнәр алып барып кына булмас. Үзеңә эшлисе килә, гаилә бизнесы булдырасы килә. Эшмәкәрлеккә бирелү гаилә бюджетына сукты, билгеле. Ләйсәнгә дә авыр булды, безгә бирелгән сынаудыр бу. Эшләмәгән кеше генә ялгышмый, шулай бит?

– Тормышта хыянәт белән очрашкан булдымы?
– Дошман еракта йөрми, диләр. Иң якын дустыңнан хыянәт көтмисең бит. Шулай да бер дустым бик зур акчага алдады. Безнең белән мәчеткә йөргән булып, дин белән капланып, начар эшчәнлек алып барган икән. Бу хыянәтне авыр кичердем. Тагын тәҗрибә алдым инде. Якын дусларым күп түгел, алар рәтенә ике абыем да керә. Күрешеп, сөйләшеп торабыз. Гаиләдә хыянәт булмады һәм булмасын.

– Ләйсән белән ничек таныштыгыз?
– Арча көллиятен тәмамлагач, авылга кайтырга исәп бар иде. Шул вакытта әни: “Улым, сиңа югары белем алырга кирәк, “очно” укысаң яхшырак булыр, әйдә тырышып карыйк”, – диде. Әнигә тагын ким дигәндә 3 елга үзенә генә яшәргә туры килде. Мин аңа бик рәхмәтлемен. Ул вакытта, әнинең киңәшен тыңламасам, Ләйсән белән танышмаган да булыр идек. Ләйсәнне институтка керү имтиханнары вакытында беренче тапкыр күрдем. Янымнан горур гына узып китте. Шул минутларда: “Бу кыз минеке булачак”, – дип уйлап куйдым. Артыннан бик озак йөртте инде (көлә). 

– Ләйсән сезгә ни өчен гашыйк булды?
– Бу сорауга җавапны Ләйсән төгәлрәк әйтер инде. Үзе сөйләгәннәрне искә төшерсәм генә. Институтта укыганда һәрвакыт кул күтәреп җавап бирә идем, куркып, качып йөрмәдем. Укытучылар белән дә уртак тел таптым. Кыюлыгыма күз салгандыр. Әнигә булган җылы мөнәсәбәтемне күреп, нәтиҗәләр ясагандыр. Тулай торакта яшәгәч, күп вакытны бергә үткәрдек. Мин гитарада уйный идем, бүлмәләрне шау-гөр китерә идем, бәлки, шуңа да күзе төшкәндер. Ләйсәннең туган көненә “Курай” радиосына аның яраткан җырын куярга сорап шалтыратканым хәтердә. Хәзер дә юлга чыкканда ул җырны тыңлыйбыз. 

– Никахка соңга калган булгансыз. Бу хәл ничек килеп чыкты?
– Казан белән Мөслим арасы якын юл түгел. Без абыйның машинасына төялдек тә, юлга кузгалдык. Әле бит кыз да сорамаган идек. Ике куянның коерыгын бергә тотарга уйладык: кыз да сорыйбыз, никах та ясыйбыз. Машинаның кечкенә генә детале ватылды. Телефоннан шалтыратып булмый, элемтә дә юк. Бик озак машиналар туктаттык. Анда да могҗиза булды. Мөслимнән бер егет туктады, машинаны төзәтергә булышты. 3-4 сәгатькә соңга калдык. Безне инде кайтмыйлар дип уйлаганнар. Элемтә барлыкка килгәч кенә шалтыратып, аңлаша алдык.

– Ләйсәннең әтисе сезнең туган көндә вафат булган икән...
– Ул көнне туган көнемне зурлап үткәрмәдек. Ләйсәннең әнисе хастаханәгә эләккән иде. Әтисе бик борчылган күрәсең, йөрәгенә якын алган. Хатынымның энекәше Булат мине котлап чыкты да, өенә кайтып китте. Ләйсәннең әтисенең вафаты турында ул хәбәр бирде. Һәр туган көн саен бабайны да искә алабыз, дога кылабыз. Урыны оҗмахта булсын!

– Ләйсәннең үзенә дә авыр диагноз куйганнар иде. Ул көнне ниләр кичердегез?
– Табибка Ләйсән белән бергә бардык. Диагнозны әйтер алдыннан, пациентны чыгарып торып, гаиләсе белән сөйләшкәннәрен киноларда күргән бар иде. Монда исә, табиблар бер дә яшермичә: “Сезнең 2нче стадия рак”, – диделәр. Икебез дә катып калдык. Ләйсән елый башлады. Табиб миңа бер еллык тернәкләнү планын аңлатып бирде. Ә без әле бу яңалыкны кабул итә алмыйча, шок хәлендә торабыз. Беркемгә дә күрергә язмасын мондый хәләтне. Авыр булды, тик бу хисләремне Ләйсәнгә күрсәтмәскә тырыштым. Аллаһка ышану ярдәм итте. Ләйсәннең фикерләрен башкага юнәлтү өчен Истанбулга барып кайттык. Операциядә дә, тернәкләнү вакытында да Ләйсән белән булдым. Бу сынау мөнәсәбәтләребезне ныгытты, дип саныйм. Тормышка, гаиләгә, балаларга булган карашымны үзгәртергә этәргеч булды. Бу авыру артта калды дип ышанабыз, кире кабатланмасын. Беркем дә “миңа мондый сынау килмәячәк”, дип тә тәгаен  генә әйтә алмый. Аллаһ ярдәменнән ташламасын.  

– Балаларны ничек тәрбиялисез?
– Балаларны түгел, үзегезне тәрбияләгез, диләр бит. “Телефонда утырмагыз”, – дип әйтеп, үзең телефонда утырсаң, дөрес булмый. Балаларга матур гаилә үрнәге күрсәтергә тырышабыз. Хәләл ризык ашыйбыз, хәмер кулланмыйбыз. Алар безнең дога кылганны күреп үсәләр. Ләйсән балаларга таләпчәнрәк. Кызларны өй җыештырырга, табак-савыт юарга ул өйрәтә. Балаларны тормышка әзерләргә тырышабыз. Ал күзлекләр киеп үсмиләр, шөкер.
 

Илгизә ГАЛИУЛЛИНА
Шәһри Казан
№ --- | 09.02.2024
Шәһри Казан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»