Татар телендә әдәби әсәрләргә ябык бәйге җиңүчеләре билгеле

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе тарафыннан уздырылган татар телендәге әдәби әсәрләр конкурсының 9 номинациясе буенча җиңүчеләр исемлеге әзер. Бүген жюри әгъзалары журналистларны да чакырып конвертларны ачты.

«Повесть»

I урын. Әлеге дә баягы. «Шом». Фирдүс Гыймалетдинов.
II урын. Сөнмән. «Әлләче, татар – малай!» Марат Әмирханов.
III урын. Исмәгыйль. «Әлиф-ләм-мим». Лилия Гыйбадуллина.

«Хикәя»

I урын. Кош канаты. «Куеныңда ни бар?» Айзирәк Акчура (Төркия).
II урын. Янгура. «Юлаучылар». Рәҗәп Бәдретдинов (Балтач).
III урын. Солдат. «Мин кайтырга тиеш». Наилә Харисова (Әгерҗе)

«Поэма яки шигырьләр шәлкеме»

I урын. Кобогыл. «Татар җөе» (дастан). Ләис Зөлкәрнай.
II урын. Сәгадәт. «Көзге җыр» (шәлкем). Гөлсәрия Басыйрова (Чаллы)
III урын. Уф-ф-ф. Шигырьләр шәлкеме. Мөнир Вафин (Башкортстан)

Поэма яки шигырьләр шәлкеме (балалар һәм үсмерләр әдәбияты)

I урын. Таз малай. Шигырьләр шәлкеме. Рафис Корбан.
II урын. Карим. «Вакыт» (поэма). Айгөл Әхмәтгалиева.
III урын. Түбәтәй. Шигырьләр шәлкеме. Галимҗан Гыйльманов.

«Повесть» (үсмерләр әдәбияты)

I урын. Хафиз. «Без андый малай түгел». Айгөл Әхмәтгалиева.
II урын. Миллионер. «Миллион». Марат Кәбиров.
III урын. Тимрәй. «Game of Khans». Лилия Гыйбадуллина.

«Хикәя» (үсмерләр әдәбияты)

I урын. Айбүләк. «Азаматка сүз әйтмәгез!..» Ләлә Гыймадиева.
II урын. Алмаз Гали. «Тормышка ашкан план». Гөләндәм Галиева (Түбән Кама)
III урын. Алмачуар. «Басма». Илсөяр Иксанова.

«Хикәя» (балалар әдәбияты)

I урын. Икс Ипсилон Зед. «Саташулы көннәр». Фатыйма Гыйльметдинова (Башкортстан)
II урын. Хәят. «Бердәнбер данәдә». Лилия Фәттахова.
III урын. Каләм. «Батыр булу авыр». Галимҗан Гыйльманов.

«Кыска драма әсәрләре, скетчлар» (балалар әдәбияты)

III урын. Шуквәли «Зумерлар һәм бумерлар». Фатыйма Гыйльметдинова (Башкортстан).

«Әдәби тәнкыйть, рецензия»

I урын. Әдәби гурман. «Бикләр ачылырга тиеш». Лилия Хөснетдинова.
II урын. Әче миләш. «Мин сызланам, син дә сызлан әле, укучым!» Фәүзия Галиуллина.
III урын. Чын шигырь. «Өч шигырь». Хәбир Ибраһим.

Жюри «Повесть» (үсмерләр әдәбияты) номинациясендәге «Сине Каенсарда көтәбез» (псевдоним - Муста-Тунтури) повестенә кызыксындыру премиясе бирергә тәкъдим итте. Авторы – Гүзәл Шакирова.

Конкурс 10 номинациядә уздырыла. «Роман» номинациясе буенча җиңүчеләр 2024 елның 1 февралендә мәгълүм була. Барлык җиңүчеләр дә 2024 елның 21 февралендә – Халыкара туган тел көнендә тантаналы чарада бүләкләнәчәкләр.

Бүгенге көндә конкурска барлыгы 1629 эш кабул ителде. Беренче тапкыр уздырылган конкурста барлыгы – 1470 эш иде, дип хәбәр итә "Татар-Информ" МА.