Иртәгә Казан музейларына бушлай кереп булачак

Татарстан башкаласында яшәүчеләр һәм кунаклар 5 декабрьдә Казан музейларына бушлай керә алачак. Татарстан Милли музеена һәм аның филиалларына, «Эрмитаж-Казан» үзәгенә, ТР Табигый тарих музеена, «Манеж» күргәзмә залына, Туп сарае музеена, Татар халкы һәм ТР дәүләтчелеге тарихы музеена, Ислам мәдәнияте музеена һәм башка учреждениеләргә түләүсез керү мөмкинлеге булачак.

Сеанслар түбәндәге расписание буенча оештырыла:

һәр 15 минут саен – 10:00 сәгатьтән 17:00 сәгатькә кадәр «Эрмитаж – Казан» үзәгендә һәм Татарстанның табигый тарих музеенда;

һәр 15 минут саен – 10:00 сәгатьтән 17:30 сәгатькә кадәр Туп сарае музеенда, «Манеж» күргәзмә залында, Татар халкы һәм Татарстан Республикасы дәүләтчелеге тарихы музеенда, Благовещенск соборы тарихы музеенда, Гавами урыннар күргәзмә залларында;

һәр 15 минут саен – 9:00 сәгатьтән 19:00 сәгатькә кадәр Ислам мәдәнияте музеенда;

һәр 30 минут саен – 10:00 сәгатьтән 17:00 сәгатькә кадәр Спас манарасы музеенда.

Исегезгә төшерәбез, бу көнне Казан халкы һәм кунаклары шулай ук ТР Милли музеена һәм аның филиалларына килә алачак. Экскурсияләргә һәм музей программаларына барырга теләүчеләр алдан билетлар алырга тиеш, дип яза "Татар-Информ" МА.