Җырчы Айдар Сөләйманов Мәскәүгә күченгән

Әлеге бәйгенең үзенчәлеге – катнашучыларның сәләтен сәнгать өлкәсендә танылган 100 белгечтән (!) торган жюри бәяләве. Һәр белгеч катнашучының чыгышы ошаса, аңа үз тавышын бирә. Нәтиҗәдә киләсе турга узар өчен 100 баллның кимендә 85ен җыярга кирәк.

 

Айдар Сөләйманов проектта Майя Кристалинскаянең «Нежность» җырын башкарып, 100 белгечлнең 93енең күңеленә хуш килә. Киләсе турда ул итальян башкаручысы Лучо Даллоның «Caruso» җырын җырлый. Айдар 100 баллдан 96ны җыеп, ярымфиналга уза. Бу җыр Айдар Сөләймановның русча әйтмешли, “визит карточкасы”.

 

Ярымфиналда Айдар Марина Цветаеваның «Реквием» шигыренә язылган җырны тәкъдим итә. 100 белгечнең 79ы Айдарның хисле башкаруына битараф калмый. Айдарның тавышы йөрәк түрләренә үтеп керә, җырларны ихлас яратып башкара ул. Кызганыч, җырчыга финалга чыгар өчен нибары 6 балл җитми.

Тик бу хакта башкаручы бер дә борчылмый. Айдар Сөләйманов белән хәбәргә чыгып, шоу турында сөйләштек.

- Җырчылар яңа проектлар, кастинглар белән кызыксынып тора. Бу проект Россия телевидениесендә иң дәрәҗәлеләрнең берсе. 3 меңгә якын гариза килгән иде. Шул кешеләр арасыннан 70 кешене сайлап алдылар. Мин дә алар рәтендә булдым. Үземнең тавыш мөмкинлекләрен тикшереп карыйсым килде. 100 кешегә дә җырны тулысынча җиткереп, йөрәгенә үтеп керү кыен. Һәр турга ныклап әзерләндем. Сайлаган җырларымны башка артистлар башкаруында тыңладым. Җырның иң камил вариантын булдырырга тырыштым. Иң мөһиме – туган ягым Зәй шәһәре данын якладым. Анда туганнарым, әти-әнием яши.

- Якыннарым, дусларым миңа көч биреп торды. Һәр чыгышым өчен дулкынландылар. Хезмәттәшләремә дә рәхмәт сүзләрен җиткерәм. Турларга әзерләнгәндә алар белән дә киңәшләштем. Минем иҗатымны яратучы һәркем алдында баш иям.

- Һәр бәйгенең үз кагыйдәләре бар. 100 кешедән торган жюри әгъзалары арасында татар җырларын белүчеләр бик аз. Ә бит төп максат - һәркемгә таныш булган җырны үзенчәлекле итеп башкару. Татар җырларын чын күңелдән яратам, хөрмәт итәм. Татарстанда уза торган чараларда гел ана телендә җырлыйм.

- Бу хәлне күңелгә якын алмадым. Проекттан соң, бик күпләр яхшы сүзләрен җиткерде. Социаль челтәрләрдә урнаштырылган видео астында да матур теләкләр генә язалар. “Татарстанда вокал мәктәбе бик көчле”, - дип әйтүчеләр бар. Туган ягым белән бик горурланам. Проекттан соң, күп кенә композитор һәм шагыйрьләр хезмәттәшлек итү теләген белдерде. 

- Төгәл генә әйтә алмыйм. Популярлык дәрәҗәсен җырчы түгел, тамашачы билгели. Тагын да ныграк танылу максатын, гомумән, куймадым. Сәхнәдә чыгыш ясаудан ләззәт алдым. 

- Һәркем үзе хәл итәргә тиеш. Минем үземне сынап карыйсым килде. Яңа тәҗрибә алдым. Аудиториясе булган танылган артист өчен конкурста катнашуның тискәре ягы да булырга мөмкин. Бу иҗат процессына, репутациягә тәэсир итә ала. 

- Тиздән “Үзгәреш җиле” проектында катнашачакмын. Хәзерге вакытта Мәскәүдә музыкаль продюссер булып эшлим. “НТВ” телеканалында күп кенә телешоулар өчен хезмәт куям. Мәскәүгә яңа белемнәр, тәҗрибә туплар өчен күчендем. Телеэкраннарда иң зур рейтинглар белән бара торган программаларның эчке “кухня”сын аңлыйсым килде. Алга таба аталарга, үсәргә кирәк.