“Бердәмлек” юл ярып баручылардан булды

Нәтиҗәләре дә сокланырлык бит!

 

“Бердәмлек”нең 15 еллыгын бәйрәм иткән елда мин хаҗга барган идем. Рухланып, бар булмышы белән дингә инанып кайткан гади хатынның хаҗда күргән-белгәннәре “Бердәмлек” газе¬тасында басылып чыкты һәм киләчәк буын кешеләренә мирас булып калды. Мин моның өчен Рәфгать абыйга чик¬сез рәхмәтлемен.

 

2009 елда Россия Жур¬на¬лист¬лар берлегенең өлкә бүлеге оештыр¬ган XXVI спартакиада бәйгесендә “Бер¬дәм¬лек” газетасы коллективы да катнашкан иде. Ул вакытта Рәфгать Әһлиуллинның, шахмат буенча халык¬ара грос¬смейстер Павел Скачковка кар¬шы торып, диплом алганын хәтерлим. Рәфгать Нәбиулловичның зур башы¬на ниләр генә сыймый иде бит! Шул ча¬кларда Татарстан Республикасы пре¬зиденты Минтимер Шәймиев Указы нигезендә Рәфгать Әһлиуллинга “Та¬тарстан Рес¬пуб-ликасының Атказанган мәдәният хезмәткәре” исеме дә бирел¬де.

“Бердәмлек” газетасының 20нче туган көненә карата да газетада бик күп мактау, рәхмәт сүзләре языл¬ган иде. “Матбугат.ру” сайтында да аңа зур бәя бирүчеләр күп булды. Татарстанның иң популяр сайты аша “Бердәмлек” бөтен дөнья күләменә чыкты һәм аның битләрендә басылган иң кызыклы, мәгънәле язмалар белән даими танышып бару мөмкинлеге туды. Россия төбәкләрендә чы¬гып килүче милли басмалар арасын¬нан “Бердәмлек” юл ярып баручылардан булды”, - дип яза Мордовия Республикасының Россия жур¬налист¬лар берлеге әгъ¬засы Шамил Җәлимов.

 

 

Шулай ук Татарстанның “Без - бергә” айлык кушымтасы да - “Бер¬дәмлек”нең баш мөхәррире Рәфгать Әһ¬ли¬ул¬лин инициативасы бе¬лән туган бала. Бөтендөнья та¬тар конгрессының матбу¬гат хезмәткәрләре очрашуына бар¬ган саен ул шушы тәкъдим белән чыкты һәм, аның бу фикеренә таянып, “Шәһри Ка¬зан” редакциясендә эшләп чыгарылган саллы басма татар газета¬лары аша регионнарга да барып җитә башлады.

Самара өлкәсе хөкүмәте дә, татар га¬зетасында эш¬ләү¬че журналистларның хез¬мәте белән кызыксынып, бәйгеләр¬дә, конкурслар¬да катнашырга өндәп то¬ра. Димәк, ул елларда да, хә¬зер дә газетаның аб¬руе бар. Мәсәлән, Рәф¬гать Әһ¬ли¬уллин күпьеллык хез¬мәте өчен губернаторның “За труд во благо земли Самарской” күкрәк бил¬гесе бе¬лән бүләкләнде, ә Эльмира Шәвәлиева, өлкә журналистлар кон¬курсында катнашып, “Репортер” но¬минациясендә өченче дәрәҗә Диплом алу бәхетенә ирешкән иде. Шулай ук “Бердәмлек” газетасы коллективы Татарстанның “Бәллүр каләм” преми¬ясен яулаган милли басма да ул.

 

Газетаның 25 еллык юбилее да бик күркәм үтте. “Бер¬дәмлек”нең мат¬ди кыенлык¬ларын аңлап, өлкә “Дус¬лык” иҗади-иҗтимагый оешмасы пре¬зиденты Фәхретдин Канюкаев газетага зур бәя бирде, булышырга ышандыр¬ды һәм булышты да. Самараның “Победа” мәдәният йортында узган юби¬лейда без, өлкә “Ак калфак” хатын-кызлар оешмасы, күргәзмәләр оешты¬рып, бәйрәмгә милли аһәң кертергә бу¬лыштык. Ахырда, “Татар кафесы”нда кич утырганда, чит өлкәләрдән килгән кунаклардан шундый ук матур сүзләр ишетергә насыйп булды.

 

...Рәфгать абый биш ел инде дөньяда юк, ә аның “Бердәм булыйк, бергә булыйк!” дигән сүзләре әле дә актуаль булып кала. Без һаман “Бердәмлек” белән, без һаман да бергә!

 

Урыныгыз җәннәттә булсын, Рәфгать абый!