|
|
Бүген кемнәр туган
|
|
Архив
|
27.07.2023 Хәвеф-хәтәр
Табиб хатын элекке ирен үтертергә заказ ясаганПодмосковьеда яшәүче терапевт элекке ирен үтертергә заказ ясаган. Аерылышканнан соң алар Пушкино шәһәрендәге фатир өчен бәхәсләшкәннәр. Хәзер инде фатир урынына аны 20 елга кадәр төрмә камерасы көтә... 51 яшьлек Оксана Г. күптән түгел ире – Щёлково шәһәр дәваханәсе педиатры – белән аерылышкан. Мәхәббәте үтсә дә, фатирны үзенеке итү теләге көннән-көн көчәйгән генә. Шуннан хатын интернет челтәрендә бу мәсьәләне хәл итәрдәй киллер эзли башлый. Моны полиция хезмәткәрләре күреп кала һәм хатынга кирәкле кешене табарга “ярдәм” иткән. Шушы көннәрдә киллер, Ашукино поселогы дәваханәсенә килеп, башкарган “эше”нең фотосын (әлбәттә, фотолар ялган булган) хатынга күрсәткән. Фото кадрларында аның элекке иренең мәете, мобиль телефоны, паспорты һәм портмонесы да булган. Канәгать хатын киллерга акча чыгара башлаган, әмма кинәт кенә кабинетына полиция хезмәткәрләре килеп кергән. Алар табиб хатынны тоткарлаган. Аны суд көтә.
Чыганак: SHOT Telegram-каналы.
Әлфия Шакирҗанова |
Иң күп укылган
|