|
|
Бүген кемнәр туган
|
|
Архив
|
03.06.2020 Шоу-бизнес
Диләрә Илалтдинова: Ул “чир” миңа да йоктыҖырчы Диләрә Илалтдинованың соңгы елларда тормышында зур үзгәрешләр булды. Кияүгә чыкты, бәби алып кайтты. Кая югалды икән дип уйлаучылар, аны күз уңыннан югалтучылар да бардыр. Диләрә хәзер бәби ялында. Әмма иҗатны онытып бетерми. — Иң зур хыялым тормышка ашты — әни булдым! Бәби ялы шулхәтле рәхәт икән, — ди Диләрә. — Бакчада күп кайнашасың. Ниләр утырттыгыз? — Берничә ел элек кенә бакчага карашым үзгәрде. Иремнең әнисе — каенанам бакчаны бик ярата. Ул “чир” миңа да йокты. Хәзер шунда бергәләп кайнашабыз.
— Бәби ялы ничек үтә?
— Бик рәхәт икән! Улыбыз — ирем гаиләсендә беренче кадерле онык. Кая барсак та, кулдан төшермиләр, һәрберсенә тансык бәби (көлә). Данияр исемен сайладык. Бик сабыр, сәбәпсез еламый.
— Руслан белән ничек таныштыгыз?
— Танышу очраклы рәвештә юлда булды. Шул көннән бирле гел бергә.
— Табышлар белән бергә тормышыңда зур югалтулар да булды... Әти-әниең төшеңә кергәлиме?
— Кызганыч, якыннарымның берсе дә арабызда юк. 2008 елда — әтиебезне, 2014 елда әниебезне югалттык. Икесе дә 63 яшьтә китеп барды.
— Ә гаиләдә ничәү сез?
— Өчәү: абыем һәм апам бар. Абыем гаиләле. Апам әлегә насыйп ярын тапмады. Дус-тату торабыз, кунакка йөрешәбез. Аллага шөкер, якыннарым бар.
Лилия ЙОСЫПОВА |
Иң күп укылган
|