Диләрә Илалетдинова әни булган: бәбиләп ике сәгать узуга ФОТОсын күрсәтте

Бүген Диләрә Илалетдинова әни булган: 15 сәгать 35 минутта дөньяга тәүге тапкыр уллары аваз салган. Җырчы бәбиләп ике сәгать узуга фотосын да күрсәтте. "Төпле аягың белән улым! Без иң бәхетле әти-әни!" дип уртаклаша ул.

"Матбугат.ру" ачыклаганча, сабый 3610 г авырлыкта, 53 см буйда булып туган. Әниле-уллы икесе дә үзләрен яхшы хис итә икән.

Хәтерләсәгез, Диләрә Илалтдинованың бәби көткәндә урнаштырган фотосы интернетта зур гына шау-шу тудырды. Ул вакыта, җырчы махсус фотосессия узган иде. Әлеге сурәт теләсә кайда түгел, ә махсус фоннар, утлар куеп җиһазландырылган студиядә төшерелгән. Комментарийларда Диләрәне берәүләр чын күңелдән котласа, икенчеләр исә фотосурәттәге образның артык ачык булуы өчен тәнкыйтьләде. 

Үзен әлеге фотосы өчен тәнкыйтьләгән кешеләргә Диләрә Илалтдинова "Матбугат.ру” аша җавап та бирде. Аны шушы сылтама аша узып укый аласыз.