поиск новостей
  • 24.02 Яратам! Бетте-китте! комедия, Тинчурин театры, 17:00
  • 24.02 "Бәхетле көнем" Кариев театры,11:00
  • 24.02 "Рөстәм маҗаралары" Кариев театры 18:00
  • 25.02 Кияү урлау, комедия, Тинчурин театры, 17:00
  • 25.02 "Яратып туялмадым" Кариев театры, 18:00
  • 27.02 Беренче мәхәббәт, тылсымлы комедия, Тинчурин театры, 18:30
  • 27.02 "Ак чәчәкләр кебек..." Кариев театры, 18:30
  • 29.02 Полиционер, җырлы-биюле комедия, Тинчурин театры, 18:30
Бүген кемнәр туган
  • 24 Февраль
  • Алсу Гайнуллина - актриса
  • Сәгыйть Рәмиев (1880-1926) - шагыйрь
  • Фәрит Вәлиуллин - рәссам
  • Чулпан Әхмәтҗанова - җырчы
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
  • Сдам комнату в общежитии в Казани по улице Хлебозаводская д 6 , порядочной, чистоплотной девушке. 89033060513
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Сдам комнату порядочной, чистоплотной девушке по улице Хлебозаводская д6.общежитие.89033060513
  • Ремонт очков, ювелирных изделий, замена батарейки в часах, заточка парикмахерского и маникюрного инструмента. Качество и гарантия. Низкие цены. Опытный мастер. г.Казань, Амирхана, 71. +79600430099, Айнур
  • 2 булмэле фатирны тэртипле гаилэгэ арендага бирэм. Мебель бар. ЖК Салават купере. 89509488227 собственник.
  • Ялгыз егет. Казанда булмэ снимать итэм. Ватсапка языгыз. 89375249498
  • Казанда бүлмә яки студия снимать итәм без риелторов.89274823084
  • Продаю листы нержавейки 530х630,толщина 3,5мм,запчасти на УАЗ. тел.89178553159
Архив
 
09.11.2018 Дин

Аллаһы Тәгалә ярдәменнән калдырмасын

Похвистнево районының “Ак калфак” хатын-кызлар оешмасы әгъзалары, халыкны җирле мәчетләрнең имамнары белән якыннанрак таныштыру максатыннан, “Бердәмлек” тә алар турында мәкаләләр язып чыгарырга булды. Беренче язма Похвистневоның Җәмигъ мәчете имамы Илнур хәзрәт ГАЙНЕТДИНОВка ба-гышлана. Моның саллы сәбәбе дә бар, чөнки 2018 ел хәзрәт өчен юбилейларга бай булды. Быел аның имамәтчелек итә башлавына - 10, ә үзенә 30 яшь тулды.

Мөселманнарга туган көннәрне бәйрәм итәргә ярамый диләр. Чөнки кешенең бу дөньяга килгән көне генә туган көне дип санала. Шулай да, кеше бер елга олыгайган икән, димәк тәҗрибә туплаган, буйга гына түгел, акыл ягыннан да үскән. Аның һәр туган көнен тыйнак кына билгеләп үтәргә, эшләренә нәтиҗә ясарга да була. Ә Илнур хәзрәтебезнең башкарган изге эшләре шактый.

Илнар (бу Илнур хәзрәтнең тумыштан бирелгән исеме) Гайнетдинов 1988 елның 30 августында Камышлы районының Иске Усман авылында туа. Әти-әнисе Исмәгыйль һәм Гөлфия Гайнетдиновлар гаиләсендә ул икенче бала була. Малай бик тырыш, белемле булып үсә. Тугызынчы сыйныфны “бишле” билгеләренә тәмамлаганнан соң, ул укуын Гали авылы мәдрәсәсендә дәвам итә. “Кечкенәдән программист булырга хыялланган идем. Ә мәктәптә укыганда авыл мәчетенә йөреп, дин сабаклары алдым. Ринат хәзрәт Кәлимуллин намаз укырга, дин нигезләренә өйрәтте. Мәдрәсәгә укырга кереп, шушы белемемне ныгытырга гына теләгән идем, тормышымны дин белән бәйләрмен дип уйламаган да идем”, - дип сөйли Илнур хәзрәт.
 
Мәдрәсәдә укыган елларын, шәкертләрен ул җылы искә ала. Ике ел дәверендә шәкерт имам-хатыйб һөнәрен үзләштерә, ә аннан укуын Уфада, Россия Ислам университетында дәвам итә. Практикасын үтәргә якташыбыз Гали мәдрәсәсенә кайта. Тик бу уку йорты ремонтка ябылган булганлыктан, яшь дин әһелен Похвистневога җибәрәләр.
 
Беренче вакытларда Илнур хәзрәт шәһәр халкын гарәп теленә, намаз укырга өйрәтә. Ә 2009 елда аны Похвистневоның Иске мәчетенә имам итеп сайлап куялар. Халык моны куанып кабул итә. Тырыш, гыйлемле дин әһеле дүрт елдан соң районның имам-мөхтәсибе вазифаларын үти башлый. Ә 2016 елда Илнур хәзрәт Гайнетдиновны Похвистнево районының Җәмигъ мәчете имамы итеп куялар.
 
Илнур хәзрәт белән аралашканда аның тыйнаклыгына сокланмый мөмкин түгел. Дин юлында башкарылган эшләре шактый булса да, бу турыда кычкырып йөрергә яратмый ул. Ә бит мактанырлыгы да бар. Хәзрәтебез балаларны һәм өлкәннәрне дингә өйрәтә, бәйрәмнәр үткәрә, мәчет каршында балалар өчен җәйге лагерьлар оештыра, төрле оешмаларда очрашулар үткәрә. Хәзрәт районның татар авыллары (ә бу 18 мәхәллә) имамнары белән дә тыгыз элемтәдә тора. Төрле чараларны уздыруда ярдәм иткән иганәчеләргә рәхмәтләре чиксез аның.
 
Илнур хәзрәтнең шәхси тормышы да күркәм. Хатыны Азалия (үз исеме Венера) белән кызлары Ясминәне, уллары Ясин белән Әнсәрне (ул әле быел гына дөньяга килде) милли һәм дини гореф-гадәтләр буенча тәрбияләп үстерәләр. 2014 елда гаиләләре белән алты ай Мисырда яшәп, гарәп телен дә өйрәнгәннәр иде.
 
Быел Илнур хәзрәтнең тормышында тагын бер зур вакыйга булды. Самара мәдрәсәсе ректоры Али хәзрәт Сөләйманов, Камышлы, Исаклы, Кләүле районнары имам-мөхтәсибе Габдулла хәзрәт Мөхәммәткәрим, Камышлы районының Иске Усман авылы имамы Әнвәр хәзрәт Рамазанов белән хаҗда булып кайттылар.
 
“Тормышыгызда мөгаллим буларак кем зур роль уйнады?” дигән сорауга Илнур хәзрәт балачакта дин дәресләрен укыткан Яңа Усман имамы Ринат хәзрәт Кәлимуллинны атый. Гали авылы мәдрәсәсе укытучылары Наил хәзрәт Курмаев һәм Мөхетдин хәзрәт Гюнгёр да аны Аллаһы юлына бастыруда зур өлеш керткән шәхесләр. Соңгысы, Төркия гражданины буларак татарча яхшы белмәсә дә, шәкертләренә бөтен рухи һәм әхлаки көчен биреп укыткан.
 
Ринат хәзрәт Раев (бүген ул Курган һәм Чиләбе өлкәләре мөфтие вазифаларын үти) җитәкчелегендәге Россия Ислам университеты мөгәллимнәренә дә Илнур хәзрәт рәхмәтле. Шулай да үзенең остазы итеп ул Җәгъфәр хәзрәт Сыраевны (ул 2016 елда бакыйлыкка күчте, урыны оҗмахта булсын) атый. Похвистневоның Иске мәчете имамы вазифасына Илнур хәзрәт кандидатурасын нәкъ Җәгъфәр хәзрәт тәкъдим итә. Тәҗрибәле аксакал яшь дин әһелен үзе белгәннәргә, мәхәллә картлары, шәһәр кешеләре белән аралашу үзенчәлекләренә өйрәткән. Җиде ел буе алар бер-берсен тулыландырып, бик тату һәм дус эшләделәр.
 
Илнур хәзрәт остазларының ышанычын аклады. Ун ел инде ул үзе сайлаган дин юлыннан туры атлый. Аның тырышлыгы белән мәчеткә яшьләр дә тартыла башлады. Ә бит илебезнең киләчәге яшьләрдән тора.
 
Похвистнево районының “Ак калфак” оешмасы әгъзалары Илнур хәзрәтне быелгы юбилейлары белән котлап, изге эшләрендә уңышлар телиләр. Хөрмәтле Илнур хәзрәт! Аллаһы Тәгалә ярдәменнән калдырмасын. Сезгә, гаиләгезгә һәм якыннарыгызга исәнлек-саулык, бәхет телибез!
 
Гөлшат ХӘЙРУЛЛИНА,
 
Похвистнево районының “Ак калфак” оешмасы әгъзасы.
 

---
Бердәмлек
№ --- | 09.11.2018
Бердәмлек печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»