30.12.2017 Шоу-бизнес

Иркә кызы кар ашый, Лилия Муллагалиева бер яшьлек улына кар көрәтә (ВИДЕО)

Артист халкы җырлый гына түгел, шәп итеп кышның матур көннәрен балалары белән дә уздыра белә, аларның күңелен күрә.

Мисал өчен җырчы Иркә туган ягы Аксубай районы Яңа Ибрайга әти-әнисе янына кайткан. Кечкенә кызлары белән бакча артына чана шуарга чыкканнар. Уртанчы кызы Әминә чана шуган арада, төпчеге Сөембикә кар ашарга да өлгерә. Моны күреп алган Иркә: “Ах, сине! Төпчек борыным, чебеш борынмы син? Нишләп син хәзер кулларыңны артка куйдың? Чөнки син кар ашадың”, — дип яратып кына орышып та куя.

Яна Ибрайнын бакча арты)))Кача кача берэу кар ашый..

Публикация от Иркә Шабакаева (@irke_official) Дек 27, 2017 at 1:23 PST

Җырчы Гөлназ Шәрипҗанова да иренең туган ягы Актанышта гаиләсе белән ял итә. Ире Илсур аларны кызы Асылбикә белән чанага утыртып урам буйлап тартып йөри. Менә кайда ул күңелле! Чын кыш! Чын ял! “Авылда шундый рәхәт! Кар көрәдек, чана шудык, бияләй суырдык. Рәхәтләнеп йоклыйбыз хәзер”, — ди Гөлназ.

“Башваткыч” тапшыруын алып баручысы Зөлфәт Зиннуров та кызларының күңелен күрергә онытмый. Төн дип тормаган, өй янында гына балаларына кардан тау ясап, аңа су сибеп, катырып куйган. “Балалар дигәндә нәрсә генә эшләмисең инде! Әйбәт булырга тиеш бу, Алла боерса! Тауга менә торган җирләре дә бар. Рәхәтләнәбез инде шуып”, — ди шоумен.

Төнлә дә ясарга була тау!))

Публикация от Зульфат Зиннуров (@zulfat_zinnurov) Дек 25, 2017 at 1:05 PST

Кызы Зәлияне чанада шудырырга да онытмый Зөлфәт. Яраткан этләре Назлы Зәлияне чанада тартып барган видеосын да урнаштырган әти кеше. “Иң рәхәте — авторитетка. Өйгә хәтле ятып кайта Назлы белән”, — ди ул.

Кичке һава сулау. Ике кызны да тартып йөрде чанада Назлы. Мультфильмнар искә төшә))) Нигә ул мультфильмда дядя Фёдорның әтисе шулай дип әйткән икән?) #назлы #авторитет #күкәмәч #Күлле #хатынтүз

Публикация от Зульфат Зиннуров (@zulfat_zinnurov) Дек 21, 2017 at 10:21 PST

Җырчы Лилия Муллагалиева өй тәрәзәсе аша гына бер яшьлек улы Ильясның әтисе белән бергә кар көрәгәнен күзәтә.

Кечкенэ улыбыз Ильясыбыз да кул арасына керэ башлады Аллага шокер!!!!! #аллагатапшырдым #аллагашокер #балаларбэхетлебулсын

Публикация от Лилия Муллагалиева (@lilia_mul) Дек 22, 2017 at 12:26 PST

Сабантуй

---
Матбугат.ру
№ --- | 29.12.2017