10.11.2015 Юмор

Фейсбукта «Урамда кояш» дип язсаң, нинди комментлар булачак (уены-чыны бергә)

- Автор, синең миеңнең грамматика өчен җавап бирүче өлеше агып төште мәллә ул? “Урамда кояш” дефис белән языла.

- Дефис белән түгел, ә сызык аша. Хотя сезгә дефис та, сызык та бер үк инде.

- Акыллыбашлар, сызык белән дә язылырга мөмкин, сызыксыз да. Смотря нинди интонация белән язган аны автор.

- Автор, син аны нинди интонация белән яздың?

- Вообще-то, кояш ул урамда була алмый берничек тә. Астрономия дәресләрен тозлагансыз, күренеп тора. Кояш ул галәмдә!

- Өйдән караганда капка төбе дә урам, галәм дә урам. Так что кояшны урамда дип әйтү урынлы.

- Кояш берничек тә урамда була алмый. Чөнки ул урамга сыймый. Википедиядән: Средний диаметр Солнца - 109 диаметров Земли.

- Әмма ул бит галәмдә генә зур, ә бездә кечкенә. Чөнки ерак. Мә алайса Википедиядән: Удалённость Солнца от Земли — 149 597 870,691 км — приблизительно равна астрономической единице, а видимый угловой диаметр при наблюдении с Земли, как и у Луны, — чуть больше полградуса (31–32 минуты).

- И вообще, тән яна кояштан.

- Яна гына түгел, начар авыру да китереп чыгарга мөмкин.

- Минем күршем кояштан үлде.

- Әгәр кояш зыянлы булса, аны грек мифологиясендә ник шул хәтле зурлыйлар соң?

- Җенем сөйми грек мифологиясен. Мин ренессанс яратам.

- Нәрсә укыганың бар соң ренессанстан?

- Мин бит аны сиңа әйтер өчен укымыйм, үзем өчен укыйм.

- Вәт татжур, ә!

- Ой, сезне уку шундый күңелле!

- Это вы на каком языке тут общаетесь? Ваще непонятно)

---
Матбугат.ру
№ --- | 10.11.2015