поиск новостей
  • 11.12 «БОЛГАР РАДИОСЫ»НЫҢ IX МИЛЛИ МУЗЫКАЛЬ ПРЕМИЯСЕ ОНЛАЙН! "ТНВ-ТАТАРСТАН" һәм "ТНВ-ПЛАНЕТА" телеканалларында!
  • 14.12-19.12 Илсөя Бәдретдинова. "Фәрештә түгел". УНИКС
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 07 Декабрь
  • Наил Сәгъдиев - музыкант
  • Камил Саттаров - режиссер
  • Фирдәвес Гарипова (1941-2014) - галимә
  • Ләбибә Хөсәения (1880-1921) - мөгаллимә
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Агач өйгә тәрәзә читләре (наличники) эшләүче кирәк. Казан, Вахитов районы. 89655886519 Ватсапка языгыз.
  • Сдаю однокомнатную квартиру в Радужный, Осиново т.89655938461,89375278107
  • Иномарка сатып алам.Бюджет 800-850мең.Тел.89178808466
  • Актаныш жалюзи все виды качественно(эйбэт)89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • КАЗАН ШЭХЭРЕНДЭ КАР КОРЭУ, ГРУЗЧИК, ГАЗЕЛЬ ХЕЗМЭТЕ КУРСЭТЭБЕЗ. 89196271171
  • требуется дворник,центр Казань, 89377734777, в день2-3 часа
  • ДВОРНИК ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар

 

 
 

 
Архив
 
Әдипләребез

Әдипләребез

Әдипләребез: биобиблиографик белешмәлек. 2 томда.

Төзүчеләре Р.Н.Даутов һәм Р.Ф.Рахмани.

Казан: Татарстан китап нәшрияте, 2009.

Биобиблиографик белешмәлектә татар әдипләренең һәм соңгы елларда Татарстанда яшәп иҗат иткән рус телле язучыларның кыскача биографияләре, төп басма китапларының исемлеге, иҗатлары хакында кыскача мәгълүмат бирелә. Китап-белешмәлек татар әдәбияты белән кызыксынучы киң катлам укучыларга тәкъдим ителә.

ШӘРӘФИ ГАБДУЛЛА

(1926–1997)

Габдулла Шәрәфи (Габдулла Шәрәфетдин улы Шәрәфетдинов) 1926 елның 29 июлендә Татарстанның Биектау (элекке Дөбъяз) районы Кече Битаман авылында урта хәлле крәстиян гаиләсендә туа. 1936 елда гаиләләре белән Казанга күчеп киләләр.

Казанда ул башта 80 нче һәм 11 нче мәктәпләрдә, аннан, бишенче сыйныфтан алып җиденче сыйныфны тәмамлаганчы, Кабан күле буендагы 12 нче татар урта мәктәбендә укый, шунда тел һәм әдәбият укытучысы, дәреслекләр авторы Шакир Нигъмәтуллин җитәкләгән әдәби түгәрәккә йөри, түгәрәк утырышларында М.Җәлил, Х.Туфан, М.Әмир, А.Алиш, С.Урайский, Ә.Бикчәнтәева, Х.Вахитларны күрә. Мәктәптә укыган чорда Г.Тукайга ияреп язган «Батыр егет» исемле өйрәнчек әкият-поэмасы 1941 елда «Яшь ленинчы» (хәзерге «Сабантуй») газетасында басылып чыга.

Җиденчене тәмамлауга, Ватан сугышы башлана. Г.Шәрәфи, укуын ташлап, эшкә урнашырга мәҗбүр була. Аннары – җиде елга сузылган солдат хезмәте. Ул Япониягә каршы сугыш хәрәкәтләрендә катнаша, совет гаскәрләре составында Монголия далаларын, Гоби чүлен, Ханган тауларын кичә. Армиядән кайткач, биш ел Казан заводларында электромонтажчы булып эшли, кичке урта мәктәпне, читтән торып Казан дәүләт университетының рус теле һәм әдәбияты бүлеген тәмамлый, аннары озак еллар «Совет Татарстаны» (хәзерге «Ватаным Татарстан») газетасы редакциясендә бүлек мөдире вазифасын алып бара, 1962–1964 елларда Мәскәүдәге Югары партия мәктәбендә укый. Аны тәмамлагач, шул ук «Социалистик Татарстан» газетасында совет бүлеге мөдире булып эшли, 1967 елдан республика хатын-кызлар журналы «Азат хатын» (хәзерге «Сөембикә») журналы редакциясендә эшли. Башта – җаваплы секретарь, соңрак – редактор урынбасары вазифасында.

Сугышка кадәрге шигъри әсәрләрен (өйрәнчек шигырьләрен һәм әкият-поэмасын) исәпләмәгәндә, Г.Шәрәфи – тулысы белән проза, аның да, нигездә, балалар прозасы өлкәсендә эшләгән автор. Аның балалар өчен язган «Кәҗәләр, кыяр һәм без» исемле беренче хикәясе 1962 елда «Яшь ленинчы» газетасында басылып чыга. Аннан «Энҗе бөртекләре», «Тәфтиләү», «Мут Галләм», «Зәңгәр шәл», «Мирас», «Өмет» исемле хикәяләре, кече яшьтәге балалар өчен «Хикәяләр» җыентыгы (1966), япон самурайларына каршы совет гаскәрләренең сугышчан походын тасвирлаган «Сусыз дәрья» исемле документаль повесте (1969), табигатьне саклау темасына багышланган «Аккошлар кайтыр әле» (1976), «Күрше малае» (1981, 1991) кебек повестьлары дөнья күрә. «Сусыз дәрья» повесте рус теленә дә тәрҗемә ителеп, «Через Большой Хинган» исеме белән ике тапкыр (Казанда һәм Мәскәүдә) басыла.

Ул – Татарстан Республикасының (1976) һәм РСФСРның атказанган мәдәният хезмәткәре (1986). Матбугат һәм әдәбият өлкәсендәге хезмәтләре өчен Г.Шәрәфи Татарстанның һәм Россия Федерациясенең атказанган мәдәният хезмәткәре» дигән мактаулы исемнәргә лаек була.
Язучы 1997 елда Казанда вафат була.

Г.Шәрәфи – 1972 елдан СССР (Татарстан) Язучылар берлеге әгъзасы.

ТӨП БАСМА КИТАПЛАРЫ

Батыр егет: шигъри әкият. – Казан: Татар. кит. нәшр., 1959. – 23 б. – 8000 д.
Хикәяләр. – Казан: Татар. кит. нәшр., 1966. – 28 б. – 15000 д.
Сусыз дәрья: солдат язмалары. – Казан: Татар. кит. нәшр., 1969. – 95 б. – 7000 д.
Аккошлар кайтыр әле: повесть һәм хикәяләр. – Казан: Татар. кит. нәшр., 1976. – 208 б. – 14000 д.
Күрше малае: повесть. – Казан: Татар. кит. нәшр., 1981. – 72 б. – 13000 д.
Гомернең агышлары: повесть һәм хикәяләр. – Казан: Татар. кит. нәшр., 1986. – 351 б. – 13000 д.
Күрше малае: балалар өчен повесть һәм хикәяләр. – Казан: Татар. кит. нәшр., 1991. – 128 б. – 30000 д.
Тормыш арбасында: повестьлар һәм хикәяләр. – Казан: Татар. кит. нәшр., 1996. – 224 б. – 5000 д.

* * *
Через большой Ханган: докум. повесть и рассказы / пер. с татар. – Казань: Татар. кн. изд-во, 1975. – 112 с. – 50000 экз.
Через большой Ханган: докум. повесть и рассказы / пер. с татар. Т.Петелиной. – М.: Сов. Россия, 1982. – 128 с. – 50000 экз.

ИҖАТЫ ТУРЫНДА

Әпсәләмов Г. Сахраларны кичә егетләр // Соц. Татарстан. – 1969. – 12 дек.
Әгъзамов Ф. Кешелекле солдатлар // Казан утлары. – 1970. – № 2. – 160–162 б.
Төхфәтуллин Р. Алдыңда йолдыз балкыгач // Ялкын. – 1976. – № 7. – 18 б.
Ихсанова Л. Тереклекне олылау // Соц. Татарстан. – 1981. – 29 дек.

* * *
Хакимов Р. Повесть о трудном переходе // Комсомолец Татарии. – 1976. – 4 июля.
 

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar