МОДЕСТОВ ВАЛЕРИЙ

Валерий Валентинович Модестов 1937 елның 19 июлендә Рязань өлкәсе Сапожка шәһәрендә журналист гаиләсендә туа.

1959 елда Мәскәү тимер юл-транспорт институтын тәмамлый. Аннан соң Коми АССР урман хуҗалыгында, 1960 елдан Сыктывкар шәһәрендәге Комигипро НИИмстройда баш инженер булып эшли.

1962 елда чирәм җир үзләштерергә китә. «Целинопроект» институтында, соңрак Ермакферраплавстрой идарәсендә эшли.

Ул 1967 елдан Казан шәһәрендә яши.

1955 елдан Мәскәүдә язучы, тәнкыйтьче, филология фәннәре кандидаты Ю.Белаш җитәкләгән әдәби түгәрәктә шөгыльләнә.

Беренче мәкаләләре 1957 елда «Инженер транспорта» һәм Рязань өлкәсендәге шәһәр һәм район газеталарында күренә башлый. Сыктывкарда нәшер ителүче «Молодежь Севера» газетасы битләрендә даими басыла.

1960 елда Коми АССР язучыларының I съездында Коми АССРның әйдәп баручы шагыйре дип таныла.

Казакъстанда эшләгәндә аның әсәрләре «Звезда Прииртышья», «Целинный край», «Казахстанская правда» (Алма-Ата) газеталарында, «Простор» журналында, «Иртышские напевы» күмәк җыентыгында басылып чыга.

1964 елда Куйбышев китап нәшриятында Валерий Модестовның беренче шигырьләр («Имена на снегу») китабы дөнья күрә. Шуннан соң 1965 елда «Гудок» газетасында, шул ук елны «Волга» һәм «Молодая Гвардия» журналларында җыентыгына карата уңай рецензияләр басылып чыга.

Ул 1965 елда Куйбышев шәһәрендә яшь шагыйрьләрнең Бөтенсоюз бәйгесендә җиңеп чыга.

1970 елда Татарстан китап нәшриятында «Признательность» исемле шигырьләр китабы нәшер ителә.

В.Модестов – 2001 елдан Татарстан Язучылар берлеге әгъзасы.

ТӨП БАСМА КИТАПЛАРЫ

Имена на снегу: стихи. – Куйбышев: Куйб. кн. изд-во, 1964. – 100 с. – 5000 экз.
Признательность: стихи. – Казань: Татар. кн. изд-во, 1970. – 100 с. – 4000 экз.
Сердцу в лад: стихи. – Казань: Мастер-Лайн, 2000. – 100 с. – 8800 экз.