ХӘЙРУЛЛИНА ВӘСИМӘ

Вәсимә Лотфулла кызы Хәйруллина (Латыйпова) 1943 елның 28 октябрендә Татарстанның Сарман районы Чураш авылында туа. Узган гасырның алтмышынчы елларында Минзәлә педагогия училищесын тәмамлап, укуын Казан дәүләт педагогия институтында дәвам иттерә, аннан кырык елга якын үз туган төбәгендә укытучы булып эшли.

В.Хәйруллинаның беренче шигырьләре район газеталарында алтмышынчы елларда күренә башлый. 1992 елда аның беренче китабы – «Тәгәрмәчле яңгыр» дигән шигырьләр җыентыгы басылып чыга. Аннары төрле нәшриятларда балалар тарафыннан яратып кабул ителгән «Чәчәкле төш», «Син бик кирәкле кеше», «Дуслык таганы», «Тылсымлы таяк» исемле китаплары дөнья күрә.

В.Хәйруллина – 2003 елдан Татарстан Язучылар берлеге әгъзасы.

ТӨП БАСМА КИТАПЛАРЫ

Тәгәрмәчле яңгыр: шигырьләр. – Казан: Татар. кит. нәшр., 1992. – 14 б.
Чәчәкле төш: шигырьләр. – Казан: Татар. кит. нәшр., 1997. – 54 б. – 5000 д.
Көмеш балдак: шигырьләр. – Чаллы: Чаллы типогр., 2002. – 108 б. – 1000 д.
Син бик кирәкле кеше: шигырьләр. – Казан: Татар. кит. нәшр., 2003. – 78 б. – 1000 д.
Дуслык таганы: шигырьләр, табышмаклар. – Казан: Татар. кит. нәшр., 2005. – 151 б. – 3000 д.
Тылсымлы таяк: шигырьләр. – Казан: РИЦ Школа, 2008. – 92 б. – 500 д.

ИҖАТЫ ТУРЫНДА

Сибгатуллина Ә. Таганлы балачак // Мәдәни җомга. – 2006. – 15 сент.
Габиди Ә. Өметле каләм килә // Мәйдан. – 2006. – № 9. – 113–115 б.