БАЙКИНА ГӨЛЧӘҺРӘ ӘХМӘТ КЫЗЫ

(1899–1997)

Әстерхан шәһәрендә туа.

1920 елда Әстерхан татар театрында эшли башлый. Соңыннан азәрбайҗан театрында, Бохара, Сәмәрканд, Ташкент, үзбәк театрларында, Камышино (Сталинград өлкәсе) рус театрында, Казанда һәм Мамадыш татар театрларында эшли. 1945–1959 елларда Татар академия театры сәхнәсендә хезмәт итә. Яшь чагында җырлый торган яшь кызлар ролендә уйный, соңрак төрле хасияттәге образлар иҗат итә.

Рольләре: Галиябану — «Галиябану» (М.Фәйзи), Гөлчәһрә — «Аршин мал алан» (У.Хаҗибәков), Мәйсәрә — «Зәңгәр шәл» (К.Тинчурин), Зөбәрҗәт — «Хуҗа Насретдин» (Н.Исәнбәт), Комри — «Ефәк сөзәнә» (А.Каххар), Валя — «Сирень бакчасында» (Ц.Солодарь), Халидә — «Тормыш җыры» (М.Әмир), Ольга — «Чит күләгә» (К.Симонов), Әсма — «Казан сөлгесе» (К.Тинчурин), Разия — «Профессор кияве» (Ш.Хөсәенов) һ.б.

ТАССРның атказ. арт. — 1957 ел.