200 метрлы кыядан егылган егетнең җәсәден тапканнар

Бүген иртән язган идек: Татарстанда 200 метрлык кыядан егылган егетне эзлиләр. Татарстанның Кама Тамагы районында урнашкан “Юрьевские пещеры” дигән җирлеге республикабызда иң матур җирләрдән санала. 1986 елдан ул табигать һәйкәле дип исәпләнә. Монда Татарстаннан гына түгел, ә чит төбәкләрдән дә туристлар даими килә. Бу төнне исә мәгарә тирәсендә тыныч булмаган.

МЧС хезмәтенә һәвефле хәбәр кичә, ягъни 29 майда төнге унда килеп ирешә. Коткаручылар төне буе егетне эзлиләр. Танышлары хәбәр итүенчә, югалган дуслары салмыш булган.

"Матбугат.ру"га билгеле булганча, ниһаять, 10:20 сәгатьтә егетнең үле гәүдәсен тапканнар. Ул суда булган, ярдан 4 метр арада. Бу җирдә тирәнлек 1,5 метр чамасы. 1996 елгы егет ботинкалардан һәм өске киемнән була. Аның гәүдәсен өстән, хәтта дроннар белән эзләгәннәр. 

Моңарчы язган идек: Эчү яхшыга илтми: Татарстанда 200 метрлык кыядан егылган егетне эзлиләр (ФОТО)