Elvin Greyның “Роза”сы, Гүзәл Уразованың “Килче, килче”се кебек 100дән артык хитлар авторы Анна Попова: "10 минут эчендә җыр язасың да куясың!"

Ә аларны бит шулай итеп иҗат итәр өчен нинди осталык кирәк?! Чынында исә, шагыйрь һәм җыр сүзләрен язучы – икесе ике нәрсә. Анна Попова – йөзләгән хитның авторы. Кайдан ул илһам ала? Җыр сүзләре ничек языла икән? Үзеннән сораштык.

- Әйе, элегрәк аеруча еш сорыйлар иде, хәзер, күрәсең, ияләшеп беттеләр. Мин – керәшен кызы һәм монда гаҗәпләнү өчен урын юк.

Җырлар иҗат итү – ул минем өчен бары тик хобби. Һөнәрем буенча мин юрист. Күрәсең, артык җитди эшемнән бераз ял итер өчен мин җыр сүзләрен иҗат итәм. Йөрәгем шулай эшләргә куша.

 

Җырлар язуга килгәндә,  2012нче елда ахирәтем белән “Татар җыры”на бардым. Анда ул мине үзенең педагогы, танылган композитор Лилия Таһирова белән таныштырды. “Әле сәхнәдә минем җырны башкаралар. Эх, җыр сүзләрен табу бик кыен! Шигырь – ул шигырь,ә җыр сүзләре – ул җыр сүзләре. Сирәк очракта гына шигырь көйгә туры килә”, - дип уфтанып алды ул. Ә ул вакытта мин әле бер җыр да иҗат итмәгән, ә бары тик эштә ниндидер корпоративка русча җырларның сүзләрен татарчага тәрҗемә ясап, кызык итеп иҗат иткән идем. Ахирәтем шунда: “Менә, Аня иҗат итә ала”, - диде. Мин: "Юк!" - дип тормадым һәм телефон номерлары белән алыштык. Танышуыбыз декабрьдә булса, февральдә миңа Лилия ханым шалтырата: “Аня, синең ярдәмең кирәк. 14 февраль көнне “Музыкаль десант”, ә иртәгәгә җыр әзер булырга тиеш”, - ди. Мин бераз шаккатып калсам да, ризалаштым. Композитор миңа әзер көйне җибәрде һәм 3-4 сәгать эчендә мин аңа сүзләр яздым. Җыр сүзләре аларга ошады һәм аны икенче көнгә яздырдылар да. Шул рәвешле минем тәүге җырым –Гөлназ Солтанова башкаруындагы “Сине табам” иҗат ителде.

 

 

- Кем ничек инде: миңа килгәндә, күпчелек очракта – көйгә сүзләр язам. Җырларның популяр булуының бер сере шулдыр да.

- Композиторлар миңа җибәргән көй! Кайчак аны бер тыңлау җитә, шундук сүзләр туа. Илһам көтеп утырырга вакыт юк. Шигырь язу – ул да хезмәт, утырасың да эшлисең. Аннары, синең иҗат җимешеңне халык яратып тыңлый, “күтәреп ала” икән, ул да бик илһамландыра. Аларның мәхәббәтен сизеп, тагы да иҗат итәсе килә.

 

 Ә җыр сүзләрен яза башлаган елларны күпкә күбрәк языла иде. Күрәсең, күңел дәфтәренә еллар буе җыелып килгән булган. Ә соңгы арада тәмләп кенә, ашыкмый иҗат итәм. Бер үк төрле темаларга язасым килми, башка авторларны һәм үземне дә кабатларга теләмим. Кайчак язарга тема да калмаган кебек тоела, ә аннары кисәк кенә шундый шәп фикер туа һәм 10 минут эчендә җыр язасың да куясың!

 

Холкым буенча мин – максималист: нинди генә эшкә алынсам да, аны яхшы итеп башкарырга һәм һәрвакыт беренче булырга тиешмен. Уңышның иң зур сере – шул. Аннары, мин җыр сүзләрен иҗат иткәндә аны киләчәктә кем башкарасын беләм. Үземне ул җырчы урынына куеп, берничә тапкыр җырлап карыйм. Сүзләре хәтердә кала, үзеннән-үзе җырлана икән, димәк, хит! Һәр җырны җырчыга туры китереп иҗат итү өчен алар белән якыннан таныш булуым да яхшы ярдәм итә.