Татарның мең дә бер диалекты: «Матбугат.ру» укучылары кукының (яки какының) - 10нан артык, ә камканың - 30дан артык әйтелешен тапты

Кайбер татар сүзләре районы белән, хәтта авылы белән төрлечә әйтелә. Кемнәрдер моны диалект ди, икенчеләр җирле сөйләм ди. «Матбугат.ру»ның инстаграмында соңгы ара халыкны кузгатып алабыз. Теге яки бу сүз сезнең якта ничек әйтелә?

Менә, мәсәлән, камка (божья коровка) бөҗәгенең һәм какы үләненең (әллә кукымы?) төрле якта төрлечә әйтелешен белә идек. Әмма бу кадәрле күп диалект бар икәнен белмәдек тә. 200гә якын комментарий килде. Шулай итеп, укучыларыбыз кукының (какының димәкче идек) - 10нан артык, ә камканың - 30дан артык әйтелешен язды. Менә карагыз төрле район һәм төбәкләрдә ничек әйтәләр икән: