“ЯҢА ГАСЫР” РАДИОСЫ ТЫҢЛАУЧЫЛАРЫН КОНЦЕРТКА ЧАКЫРА!

Күптән көтелгән вакыйга якынлаша! Ниһаять, “Яңа гасыр”ны тыңласаң – үзеңне ишетерсең!” радиоконкурсына нәтиҗәләр ясалды һәм җиңүчеләр билгеле булды.

300гә якын вокалист, вокаль ансамбль һәм төркемнәр катнашкан әлеге конкурсның җиңүчеләрен 13 декабрь көнне Казанның Химиклар мәдәният сараенда узачак Гала-концертта ишетеп һәм, ниһаять – күреп булачак!

Быелгы җиңүчеләрдән тыш, концерта конкурсның узган елгы җиңүчеләре Миләүшә Сафина, Валерий Шрыков, Гөлназ Хәлимова, Гөлчәчәк Шакированың да катнашулары көтелә. Махсус кунаклар да чакырулы: Зөбәрҗәт, Бәширә Насыйрова, Гөлнара Габидуллина, Нурзадә. Җиңүчеләрне конкурсның жюри рәисе Татарстанның халык артисткасы Хәния Фәрхи һәм җырчы-композитор Зөфәр Хәйретдинов та котлаячак.

Концертны «Яңа гасыр” радиосы ди-джейлары алып бара.

Башлана 17.30. 13 декабрь.

Белешмәләр өчен телефоннар: 543-05-12, 543-00-01