• 30.08 "Болгар радиосы" бәйрәм концерты. Пирамида. 18:00
  • 29.09 Лилия Муллагалиеваның "Мин" концерты. Пирамида. 17:00
  • 30.10 ШТК югары лигасы. Уникс. 19:00
Туган көннәр
  • 20 Август Гази Заһитов (1921-1953)
  • 20 Август Ринат Нуруллин
  • 20 Август Рәшит Абдуллин (1951-2004)
  • 20 Август Альберт Исмаил
  • 20 Август Равил Вәли
  • 20 Август Наил Зыятдинов
  • 21 Август Ләлә Миңнуллина
  • 21 Август Харрас Әюпов (1946-2008)
  • 21 Август Фәнис Кәлимуллин
  • 22 Август Энҗе Басыйрова
  • Сдаю 1ком квартиру в Авиастроительном районе, 47 кв.м., с мебелью и техникой. Очень удобное расположение, рядом метро, магазины, школа, дет.сад. 16000 все включено. 89274271211
  • Корбанга сарык, халяль бройлер. 89270460272, 89274571977
  • Ямашев 25 адресы буенча моселман гаилэсенэ 2 булмэле фатир озак вакытка тубэн бэягэ арендага бирелэ. собственник. 89869175115
  • Чуйкова урамында бер булмэле тулай торак эзлим, примерно 4000-5000гэ, узем генэ керэм, 89991695025
  • Натяжной потолок урнаштырабыз. Килеп улчэу хэм консультация бушлай. Шулай ук электоромонтаж эшләре башкарабыз. КАЗАН. 89046768348
  • Песок, щебень, чернозём, торф, навоз.+79274286667 Айрат. Актаныш
  • Русча рәсми текстларны татар теленә тәрҗемә итәм. Тел. 89033446774, Гүзәл.
  • 2ая Азинская урамында 2 булмэле фатир арендага бирелэ. Академия правосудияга якын. ( т. 89172873213)
  • Казан хэм Татарстан буенча грузоперевозка. тел.89377752225
  • Совет районында барлык уңайлыклары булган 2 бүлмәле фатир озак вакытка арендага бирелә. Собственник 8-98-72-976-453

 

 

 
Архив
 

12.10.2016 Мәдәният

Фирдүс Тямаевны сәхнәдә бию буенча кем уздырыр? (ИНТЕРЬЮ)

Ленар Хәлиуллинның җырлары яңа гына ишетелә башлады, ләкин әле аның таныласы алда. “Яратам, яратам” дигән җырын ишетүгә үк көе күңелдә уелып калыр. Үзенә нәрсә кирәген белеп иҗат итүче яшь җырчының максатлары бик югары. Дөрес, һәркем шулай хыяллана диючеләр булыр, әмма Ленар хыялларын түгел, ә максатларын тормышка ашыра торганнардан.

 — Җыр өлкәсенә син әле күптән түгел генә кереп киттең. Иҗатны төп һөнәр итеп сайладыңмы?

— Вокал белән шөгыльләнә башлагач, минем укытучым җырлар яздыра башларга киңәш итте. Казанда композитор Айнур Шарапов белән очрашып, барысы турында да килешеп куйдык. Ул миңа җыр язып бирде һәм шулай иҗатның беренче баскычына атладым дисәк була. Айнур миңа нинди җыр кирәк икәнен белә, ул яктан аның белән бик җиңел эшләргә. Бәләкәй чакта үзем өчен караокега кушылып җырлый идем, ләкин сәхнә турында уйланулар булмады. Якынча ярты ел элек музыка белән ныклап шөгыльләнергә булдым. Мин бүгенге көндә төзелеш юнәлеше буенча 4 нче ел белем алам, ләкин җыр сәнгате күңелемә күбрәк ошый. Бу өлкәгә үзеннән-үзе кушылып киттем, сәхнә ошый башлады һәм шоу-бизнеста үземне сынап карарга булдым.
— Димәк, укуны тәмамлагач, белем алган юнәлешең буенча эшлисең килми?
— Юк, үземне бары сәхнә белән бәйле һөнәрдә күрәм.
— Яшь башкаручыларга күтәрелеп китәр өчен иҗатына шактый көч кертергә кирәк һәм матди чыгымнар да бихисап. Сиңа кем ярдәм итә яисә продюсерың бармы?
— Продюсерым әлегә юк, әмма мин эзләнүләрдә, чөнки шоу-бизнес өлкәсе минем өчен бөтенләй яңа дөнья, шуңа бар нечкәлекләргә әлегә төшенеп тә бетмәгәнмендер.Үземә генә иҗатны да алып бару, шулай ук оештыру эшләре буенча да йөрү авыр. Әлбәттә, янымда ярдәм итүче дусларым бар, әкренләп үз төркемемне җыям.
— Син Гөлдәрия Гыйззатуллина белән “Җырым аша” дуэтын башкарырга өлгердең. Җырчы белән ничек таныштыгыз?
— Гөлдәрия үзе Уфадан, ул Гүзәлия кебек артистлар белән чыгыш ясый. Без аның белән очраклы гына таныштык. Сөйләшү барышында иҗади якка кереп киттек тә, мин аңа уртак җыр эшләргә тәкъдим иттем. Ул ризалашты һәм бергәләшеп әлеге җырны иҗат иттек. Әлегә зур сәхнәдә дуэтны тәкъдим итмәдек, ләкин җырны тыңлаучылар яратып өлгерде.
— Алга таба кайсы җырчы белән дуэт эшләргә телисең?
— Татар эстрадасында лаеклы, үрнәк булырдай җырчылар бар, аларның иҗатын хөрмәт итәм һәм үзем дә шул үрләргә омтылам. Минем шәхсән Гүзәл Уразова, Фирдүс Тямаев белән җырлау хыялы бар.Алар популяр һәм аларның иҗаты миңа ошый.  Дөрес, моның өчен вакыт һәм үз дәрәҗәмне үстерү кирәк.
— Фирдүс Тямаев биеп, сәхнәне дәррәү тота торган җырчы. Сезнең юнәлешләр туры киләме?
— Мин бер урында гына тормыйм, сәхнәдә тагын да күбрәк биермен дип уйлыйм. Без хәзер хореограф белән шөгыльләнәбез, максатыбыз да шул –  барлык биюләрне, хәрәкәтләрне югары дәрәҗәдә кую. Һәрбер җырга тамашачыларга ошарлык, бар яктан да уйланылган номер әзерлибез.
— Сәхнәдә һәркем тамашачы игътибарын үзенә җәлеп итү өчен тырыша. Башка артистлар белән ярыша ала торган максатлар белән эшлисеңме?
— Тамашачылар кире кагар дигән курку юк, чөнки халык чыгышларны бик яхшы кабул итте. Беренче тапкыр, әлбәттә, икеләнү бар иде, ләкин халык бик җылы мөнәсәбәттә булгач, ул хис юкка чыкты. Дулкынлануга килгәндә, чыгыш алдыннан ул һәрбер очракта булачак. Тере кеше сәхнәдә дулкынланырга тиеш инде. Берничә ел буе сәхнәдә чыгыш ясый торган җырчы дусларым арасында да каушап, бик нык дулкынланучылар бар. Бу табигый нәрсә, артист тормышы аннан башка мөмкин түгел.
— Җырларың яшьләр өчен язылганмы?
— Беренче җырларым яшьләр өчен булса, яңа яздырган җырым тормыш турында, шуңа олырак аудиторияне дә кызыксындырырмын дип уйлыйм. Җырларны гадәттә үзем сайлыйм. Дөрес, башкалар өчен дә иҗат иткәнне исәптә тотып, якыннарымның фикеренә дә колак салам. Җыр текстына килгәндә, аны барыбер үземә яраклаштырам һәм тагын да камилләштерәм.
— Рус эстрадасын да яулау теләге бармы?
— Әйе, әлбәттә. Мин рус һәм татар җырларын да башкарасым килә, чөнки Татарстанда башка милләт вәкилләре дә яши, шуңа аларга да ярыйсы килеп, зуррак колач җәяр өчен башка телләрдә дә җырлар башкарырга телим.
— Акча эшләү теләге белән күп башкаручылар мәҗлесләрдә җырлыйлар. Кайберәүләр моны җырчының дәрәҗәсен төшерү дип саный. Синең фикерең нинди?
— Әйе, андый тискәре фикерләр бар, мин монда бернинди дәрәҗә төшерүне күрмим. Мәҗлесләрдә шул ук тамашачы, алар сине концертта күргән сыман үз бәйрәмнәрендә күрергә тели. Кайда булуына карамастан җырчы шул ук тамашачы өчен чыгыш ясый.
— Ленар, якын арада синнән нинди иҗат җимешләре көтәргә?
— Яңа концерт сезонына әзерлекләр бара. Чыгышлар турында килешәбез, әлегә кайда һәм кайчан икәнен әйтергә иртәрәк. Яңа елга беренче альбомны яздырып бетерү өстендә эшлибез. Шушы арада гына клипны әзерләп бетердек, тиздән эфирга чыгачак. Күтәрелү, җырлар яздыру, исем булдыру күп чыгымнар таләп итә, ләкин бүгенге көндә акча эшләүне беренче урынга куймадык.
 

 
Фотолар шәхси архивтан алынды.
 

Гөлшат МИНГАЗИЗОВА
Gong-TV
№ --- | 12.10.2016
Gong-TV печать

 
comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Себерке
Өмет
Диләфрүз
Татарстан Язучылар берлеге
comments powered by HyperComments