• 14.06-30.06 Дельфинарий в Казани. "Ак Барс" яшьләр үзәге. 11:00
  • 21.06 Мәхәббәт FM. Г.Камал театры 19:00
  • 28.07 "VII Мунчәли-Укулары" дини җыен Чүпрәле районы Мунчәли авылы
  • 01.08-19.08 Салават. 30 сезон. Юбилей концерты. Г.Камал театры. 19:00
Туган көннәр
  • 21 Июнь Ренат Галиаскаров
  • 21 Июнь Ранил Шәрифҗанов
  • 22 Июнь Әминә Сафиуллина (1925-2015)
  • 23 Июнь Әнәс Хәсәнов
  • 23 Июнь Римма Никитина
  • 23 Июнь Җәүдәт Миңнәхмәтов
  • 23 Июнь Әмирҗан Моталлапов
  • 24 Июнь Илназ Сафиуллин
  • 24 Июнь Вадим Захаров
  • 24 Июнь Эльза Әхмәтҗанова
  • Казанда, Авиастрой районындагы Тэцевский урамында 2 булмәле квартира сатыла. Бәясе 1900000. 89172603269 Мунир.
  • Правка дисков от 400 руб. Аргон. Шиномонтаж. 89274847770
  • Авиатөзелеш районы, Лукина урамында (Лукина тукталышында ук) 1 бүлмәле фатир арендага бирелә. Метрога 5 минут. Бәясе 10000. Коммуналь түләүләр шул бәягә кергән.89063258451
  • Казан үзәгендә урнашкан йорттан 1 булмәле фатир тәртипле кешелэргә озак вакытка арендага бирелә. Квартира чиста, жылы, остановкаларга, метрога якын. Бәясе коммуналь хезмәтләрне кертеп 18000 сум. Телефон +79172757475.
  • Биектау районы, Ямаширмә авылында "зааненский" токымлы ак төстәге, бер тапкыр бәтиләгән кәҗә сатыла. Сөте күп, тәмле. 89375996368
  • Совет районыннан 10 көнгә булмә снимать итәм тел.89586285508
  • Автомат коробкалы булган Лада калина (хэтчбек) машинасы сатып алам 8927 2460326
  • Бакчачылык турында тәмләп, тәфсилләп һәм яратып язучы кеше кирәк (журналист булуы мөһим түгел, иң кыйммәтлесе - каләме һәм матур телле булуы). Язмаларыгызны nailfa00@gmail.com га җибәрегез.
  • Бозау ите сатыла. Авылдан, шәхси хуҗалыктан. Кыйбат түгел. 89178761613
  • Казанның Галия Кайбицкая урамында 1 бүлмәле фатир вакытлыча арендага бирелә. Фатирда кер юуу машинасы, суыткыч, җиһазлар бар. 16 мең сум. Коммуналь түләүләр шушы бәягә кергән. Т.8-962-558-58-42

 

 

 
Архив
 
16.02.2016 Шоу-бизнес

Җырчы Гүзәлия: «Гаиләдә төпчек – унынчы бала булсам да, иркәләнеп үсмәдем» (ФОТО)

Сәхнәдә тамашачы мәхәббәтен яулау өчен армый-талмый эшләргә, халык күңеленә барып җитә торган җырлар башкарырга кирәк. Мәскәүдә яшәүче җырчы Гүзәлия Шәрәфетдинова (тамашачы аны Гүзәлия буларак белә) әнә шул максатны күздә тотып эшли. Тиздән Татарстанга гастрольләре уңаеннан, без дә аның белән сөйләшеп алдык.

 
– Гүзәлия, җырчылар күбрәк Казанга тартылырга тырыша. Ә Сез Мәскәүгә китеп баргансыз.
– Мин балачакта да Мәс­кәүдәге олы апам Эльмира янында елына дүртәр ай яшәп кайта идем. Шуңа күрә анда ияләшеп беттем.
 
 
– Татар мохитеннән читтә яшәүнең кыенлыгы да бардыр бит...
– Баштагы елларда бик кыен иде. Хәзер бер җайга салынгач, Ходай ярдәме белән, бара инде ул.

– Репертуарга җыр туплауда кыенлыклар юкмы?
– Репертуарга килгәндә, үзем көйләр язганга күрә, минем андый проблема юк. Аллага шөкер, җырлар языла, илһам килеп тора. Җырлап кына бетер. Җырларымны Хәния Фәрхи, Айдар Галимов, Булат Нигъмәтуллин, Радик Юльякшин, Алсу Әбелханова, Эльмира Сөләйманова, Илшат Вәлиев, Роберт Мортазин һәм Мәскәүдәге татар җыр­чылары да башкара.
 
– «Яныңа агылам» дигән җырыгызны Радик Юльякшин белән бергә җырлыйсыз. Аңа үзегез тәкъдим иттегезме?
– Бу җырны үземә дип язган идем. Радик та сорады. Шуннан соң без аны дуэт белән җырларга булдык.
 
 
– Сезнең «Авыл көйләре» җырына бик матур клибыгыз бар. Ул кайда төшерелде?
– Аны Чуашстанда, минем туган авылым Татар Согытында төшердек.
 
– Балачак хатирәләрен дә күңелдә яңартыгыз әле.
– Мин гаиләдә унынчысы, төпчек бала идем. Күбрәк әби белән бабай янында үстем дияргә була. Әби мине һәр иртәне: «Тор, кызым, тор, йокың туйгандыр инде. Матур кызлар чәй суыннан кайта торгандыр инде», – дип йокыдан уята иде. Апаларымның биек үкчәле туфлиларын киеп әби белән бабайга концерт яки спектакль куйганнан соң, әбинең: «Син, кызым, зур кеше булырсың», – дип, мине сөендергәне истән чыкмый.
 
 
– Авылыгызга еш кайтасызмы?
– Вакытым булган саен, авылга кайтырга тырышам. Мин чит илләргә, диңгез буйларына барып ял итә торган кеше түгел. Миңа апаларның бакчасында, авылда ял итү ошый.

– Әниегезнең матур җыр­лаганын да беләбез. Концертыгызны караганнан соң, ул Сезгә нинди киңәшләр бирергә ярата?
– Әйе, минем тавышымны да әнинең тавышына охшаталар. Ул миңа киемнәр хакында үз киңәшләрен күбрәк бирә. Авылда үзе дә мөнәҗәтләр әйтеп, кичәләр оештырып йөри.
 
– Сезнең башка милләт кешесенә кияүгә чыгуыгызга туганнарыгыз каршы килмәдеме?
– Мин бит яшьли кияүгә чыкмадым, акылга утыра башлагач кына. Шуңа күрә бер сүз дә әйтмәделәр. Бәхетле генә булсын дигәннәрдер. Әмма алар минем иремне бөтенләй кабул итәләр, дип тә әйтә алмыйм. Гәрчә ул кайбер татар, мөселман ирләренә караганда бик тә тәртип­ле, акыллы, җайлы, сабыр кеше. Олыны – олы, кечене кече итә белә. Ирем һәрбер эшемдә минем ярдәмчем. Ул мине аңлый,миңа ышана, Аллага шөкер.
 
 
 
– Гүзәлия, хәзерге заманда Сезне нәрсә шаккатыра?
– Кешеләрнең үзара мөнә­сәбәтләре, кырыслыгы шаккатыра. Хәзер кеше үзе турында гына күп уйлый. Башкаларның кайгы-хәсрәтенә исе дә китми.
 
– Дусларыгыз күпме? Араларында дуслыкка хыя­нәт иткәннәре булмадымы?
– Чын дуслар күп булмый. Олыгайган саен, кешеләрне аңлый барасың. Хәзер кайбер кешеләрне «сатып алып» та була. Кызганыч, тугрылык, тәртип дигән нәрсәләр сирәгәя бара. Хыянәт иткән дус гаилә үзебезнең дә булды. Мин андый кешеләр белән шунда ук араны өзәм. Миңа аның танылган кеше булуы да, байлыгы да кирәк түгел.

– Әгәр концерт куярга барырга чыкканда, юлыгызны мәче киссә нишлисез?
– Мәче юлымны киссә, игътибар итмим мин. Ә инде концерт буласы көнне көнбагыш ашамыйм. Тамашачы булмый, диләр.
 
– Тиздән Татарстанда гастрольләрегез башлана.
– Әйе, 25 февральдә – Кукмарада, 27се – Әтнәдә, 28е – Балтачта, 29ы – Сабада, 1 мартта – Арчада, 28 мартта – филармониянең концертлар залында, 30ында – «Юность» мәдәният сараенда, 31ендә – Сәетгалиев исемендәге мәдәният йортында. Анда Радик Юльякшин, Булат Нигъмәтуллин, Ранил Нуриев, Роберт Мортазин һәм башка талантлы егетләр катнаша.

Люция ХӘБИБУЛЛИНА
Шәһри Казан
№ --- | 15.02.2016
Шәһри Казан печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Себерке
Өмет
Диләфрүз
Татарстан Язучылар берлеге
comments powered by HyperComments