Казанда “Киленнәр” театраль солянкасын кабат күреп булачак

Узган сезонда шаулап-гөрләп узган әлеге тамашаны күрми калучылар өчен янә бер мөмкинлек туды, җәмәгать! Кабаттан “Киленнәр” театраль солянкасын карап була. Димәк, тагын бер кат егылганчы көлү, моңланып җырлау, бер сәхнәдә театр куйган күпләгән җырчыларны күрү мөмкинлеге туа дигән сүз бу!

Тамашаны юкка гына “Киленнәр” дип атамаганнар. Чөнки кич дәвамында “бунтарь” авыл егете Илдар Әхмәтовкә кәләш сайлаячаклар. Ә “киленнәр” аз түгел – дүртәү. Араларында шәһәрдән әбисе янына кунакка кайтучысы да, билгеле бер сәбәпләр аркасында кияүгә чыгарга атлыгып торганы да, бик нык “хисле күбәләк” тә, Илдарны “кияүгә алырга” әзер кыз да бар. Кайсысы Индива, кайсысы Ландыш Нигъмәтҗанова, кайсысы Ләйсән Гыймаева һәм кайсысы Хәмдүнә Тимергалиева икәнен үзегез барып күрегез!

Әле алай гына да түгел, Ленар Сәйфиевне – колхоз рәисе, Динә һәм Рафаэль Латыйповларны – кодалар, Илназ Баһны – йөремсәк ир, Гөлназ Сираеваны Илдар Әхмәтовның әнисе ролендә күрә алачаксыз. Сер пәрдәсен ачуны шушы урында туктатам.

Мең кат ишеткәнче, бер кат күреп калыгыз дияр идем, ике тапкыр күрү мөмкинлеге бар. “Киленнәр” концерт-тамашасы ике көн:

18 ҺӘМ 19 СЕНТЯБРЬ КӨННӘРЕНДӘ узачак. Очрашу урыны белән вакытын да билгелик:

“ФИЛАРМОНИЯ” КОНЦЕРТЛАР ЗАЛЫНДА, КИЧКЕ СӘГАТЬ 18:30да күрешкәнчегә кадәр!

Белешмәләр өчен телефон: 297 43 77.