09.02.2015 Җәмгыять

Хөрмәтле «Матбугат.ру» укучылары, сезнең ярдәмегез кирәк!

Хәтерләсәгез, "Матбугат.ру"да Әлмәт театры яңалыклары даими чыгып килә иде. Аны безгә Әнисә Таһирова җибәреп торды. Әнисә - редакциябезнең якын дусты, игелекле, ачык күңелле, ярдәмчел кеше. Әмма бүген аның үзенә ярдәм кирәк. Хөрмәтле "Матбугат.ру" укучылары! Һәркайсыгызга ярдәм сорап мөрәҗәгать итәбез!

Көтмәгәндә Әлмәт татар дәүләт драма театры артисты Рафик Таһировның гаиләсе хәсрәтле булды: хатыны Әнисә Таһирова 2014 елның декабрендә авыр операция кичергән.

Табиблар эчке органнарда IV дәрәҗә канцераматоз диагнозы куйган аңа. Тормышның тәмен тоеп яшәгән шат күңелле, игелекле Әнисәнең көннәре санаулы булуына ышанасы килми. Аңа әле 48 яшь кенә. Барысы да алда – уңышлар да, казанышлар да, бәхет тә. Өлкән кызы Ләйләгә 24 яшь, ә кече кызлары Әлмәттәге 2 лицейның 11 нче сыйныфын быел тәмамлаячак. Һәммәбезгә – гаиләсенә, дусларына, хезмәттәшләренә Әнисәнең яшәве кирәк.

Бүген Таһировлар Израильдәге RTMC Medikal клиникасы белән сөйләшүләр алып бара. Дәвалауны Израиль табиблары 90 мең доллар дип бәяли. Рафик та, Әнисә дә бюджет учреждениесендә эшли (Әнисә театрның әдәби бүлек мөдире), әлеге сумманы үз көчләре белән күтәрә алмый.

Кайгы килгәндә, хәсрәт басканда безнең халык берләшүчән. Бергәләп әлеге сумманы туплап, Әнисәне дәвалауга ярдәм итик!
Мөрәҗәгатебезгә битараф калмассыз, дип ышанабыз.

Карта Сбербанка:
676196000142849836

Счет в Сбербанке России:

БИК 049205603

ИНН 7707083893

Наименование банка: «Банк Татарстан» № 8610 ОАО «Сбербанк России»

Допофис 8610/0356

Корсчет 30101810600000000603

Номер счета 42307810262360316041

Счет открыт на Тагирова Рафика Рустамовича 89274623521

---
Матбугат.ру
№ --- | 09.02.2015