• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
31.03.2014 Җәмгыять

Аракы колы

Үткән җәй базарда күрше авылдан Рәсим абыйны очраттым. Күптән күрешкән юк иде инде. Яше 45-47 тирәсе булса да, ул шактый бирешкән, таушалган, таякка таянган. Үзе башлап сүз кушмаса, танымас та идем. Рәсим абый белән ике арадагы сөйләшүне газета укучыларга да җиткерергә булдым. Алдын-артын уйламыйча эш итәргә яратучыларга сабак та булып куяр, бәлки...

«...Әти-әнием гомер буе малчылыкта эшләде. Без – алты бала фермада тудык, фермада үстек, – дисәң дә була. Үсә төшкәч апамнар өчесе дә җәй озыны сыер савып, алмаш савучы исәбендә йөрделәр, ә без – малайлар әтигә дә булыштык, басу каравылчысы булып та, амбарда да эшләп, азмы-күпме акча алып куана идек. Урта мәктәпне шулай эш тәрбиясе белән тәмамладык. Минем, төпчек булгач, авылда каласым килә иде. Район үзәгендәге училищеда шофер һәм электр, газ белән эретеп ябыштыручы һөнәренә укыдым да хәрби хезмәткә чакырылдым. Кече яшьтән үк спортны ярата идем, чаңгыны бигрәк тә. Аннан шахмат. Мәктәп елларында район ярышларында гел диярлек призлы урыннар алып йөрдем. Хәрби хезмәттә бу һөнәрләрем ярап куйды. Үзеңне бер күрсәтсәң җитә бит ул! Мактадылар, бүләкләндем. Борын күккә таба карый хәзер. Күбрәк җитәкчеләр янында буталырга тырышам. Тырышкан – табар, диләр ич... Таптым, штабка кереп «чумдым». Ә биредә бөтенләй икенче хезмәт икән. «Өлкәннәр» еш кына сыйланырга, төрле даталарны «отмечать» итәргә ярата булып чыкты. Миңа да «өлеш» чыга торды. Беренче абынуымны шунда дип уйлыйм...

Армиядән соң, дус егеткә ияреп, Казанга юл тоттым. Кая ди ул авылда эшкә калу?! Төзелештә эретеп ябыштыручы булып эшләдем. Мактанып әйтмим, эшне өзеп эшлим үзем. Алдынгылыкны яуладым, әллә ничә тапкыр гәзиткә яздылар, телевидениедән репортаж күрсәттеләр. Болай танылу алгач, кызлар да минем тирәдә бутала башлады. Минем йөрәк исә кранчы кыз Тәнзиләне сайлады. Килсә килә икән бит бәхет дигәнең! Өйләнешү белән фатир да биреп куандырды җитәкчеләр. Бер-бер артлы кыз һәм малай тупылдап туып куйды. Рәхәтлек күлендә йөз генә дә бит! Юк шул! Михтнәткә түзеп булса да, рәхәткә чыдап булмый диюләре хак икәненә үзем шаһит. Дөресен генә әйткәндә, минем һөнәр «халтурный». Эштән соң, ял көннәрендә бергә эшләгән иптәшләр, тегене эшләп алыйк әле, моны болай итеп бир әле, дип чакыра башлады. Эш хакы итеп, билгеле, «акбаш» куела. Мин эчмим, акча бирегез дияргә генә дә бит югыйсә. Исерек ирне кайсы хатын: «Кайттыңмы, бәгърем, тамагың ачыккандыр?» – дип, кочагын җәеп каршы алыр инде?! Гаиләдә әкренләп гауга күтәрелә башлады. Хатын яхшыга әйтә, ә мин киресен эшлим. Эшкә дә салмыш чыга башлагач, җитәкче чакырып алып «пешергәч», бер ярты еллап эчми түздем түзүен. Аннан тагы киткәли башлады...

Аракы томанында аңкы-миңке килеп эшләп йөргән чакта бер-бер артлы әнием дә, әтием дә вафат булды. Юньсезлегем өчен эштән дә куылдым. Нишлим инде, авылга – туган нигезгә кайтып егылдым. Монда исерекләр тулып ята икән. Алар мине тиз эзләп тапты. Акчам беткәнче, дуслар күп иде. Буш кул калгач, хәл дә белми башладылар. Тәнзиләм алтын минем, авылда берүзе бөтенләй юкка чыга бит, дип, балаларны алып, күченеп кайтты. Шунда ук төзелеш оешмасына эшкә дә урнашып алды. Участок табибы белән киңәшләшеп, мине эчкечелектән дәваланырга хастаханәгә салып куйды. Рәхмәт аңа! «Белеп тор, балалар хакына, элекке Рәсим хакына гына синең белән тагы яшәп карарга булдым. Әгәр дә ки яңадан «юлдан чыксаң», гаиләң юк дип исәплә», – диде. Бу сүзләр минем ярымтоманлы башымны айнытып җибәрде. Димәк, Тәнзиләм мине гафу итә, димәк, ярата! Дәваланып кеше рәвешенә кергәч, миңа да яраткан һөнәрем буенча эш тәкъдим иттеләр. Икәүләп эшлибез, балалар үсеп килә, укып йөриләр. Ләкин уртанчы улым белән катлаулы хәл килеп чыкты. Мәктәптә үк сыйныфташларының сумка-кесәләрендә чокына, әйберләргә сузыла башлаган иде. Һөнәрчелек училищесында инде эчәргә дә өйрәнеп алды. Административ комиссия каршына да бастык. Штраф түләдек. Тәнзиләм биреште, еш чирли башлады.

Минем башка кызым туенда эчеп исерү җитте. Берне күтәрсәң, икенче, өченчеләре үзләре авызга керә. Исереп туй өстәленә капланганмын, гөнаһ шомлыгы. Әле дә кодалар аңлы булып чыктылар, эшне зурга җибәрмәделәр, рәхмәт төшкере. Туйны атна буе «озатуым» соңында инсульт ятакка кадаклап та куйды. Тәнзиләм алтын бәрабәре шул. Өйдә дә, хастаханәдә дә гел янымда булды. Бөтен юньсезлегемә бары үзем гаепле...

– Хәзер хатыным Казанда эшли. Ә мин группада, уң ягым параличлы, – диде Рәсим абый. – Кызымның гаиләсе матур, ике оныгым үсеп килә. Кече улым вахта ысулы белән Себергә йөри. Тормыш иптәше рус кызы, ул үстерәләр. Ә менә уртанчы улымның срогын тутырып кайтыр вакыты җитә. Белүче бер Ходай, төзәлеп кайтырмы ул, әллә бөтенләй бозылыпмы?..»

* * *

Соңрак яман хәбәр ишеттем. Уртанчы улы, ишектән керүгә, әтисенең асылынып торган үле гәүдәсенә тап булган. Өстәлдә исә язу кисәге: «Улым, йөрәк ярам, гафу ит мине. Язмышың җимерелүдә бары мин генә гаепле. Дөрес тәрбия бирә алмаганмын...» 


Гөлүсә ГАЛИМОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№16 (873069) / 01.04.2014 08:15:02

Сәхрә чүлендә 160 000 000 халык яши. Россия урманнарында, далаларында, су буйларында 140 000 000 халык яши. Сәхрә майданы 5 000 000 кв.км. 1 кв.километрга 32 кеше туры килә. Россия майданы - 17 000 000. 1 кв. километрга 8 кеше.
Бу җиргә хуҗа табылыр. Дөмексен дип әйткәч, яңа хуҗалар калганнарын да дөмектерер.
Ә татарда 'Ир-ат баш. Хатын - муен'; дигәч. Гаебе хатын-кызда була. еш кына бәйрәмдәге табынга аракы тутырып куючы шул ук хатын-кыз була...

№15 (873064) / 01.04.2014 07:05:07

????, беренчедән, исерек ирләрнеке эшләми, аларның дәрте дә, дәрманы да юк, икенчедән исерекләр үлеп бетсеннәр дисез дә, йорттагы бөтен эшне дә хатын-кыз эшли алмый, бакчада да тегесен-монсын ремонтларга ир кеше кирәк, бераз айныган вакытларында барыбер эшли әле ул. Чит кешегә йомыш кушсаң, хатыны көнләшергә мөмкин, бәласы кирәкми.
7нче номерга, ир алкаш булганга ир үзе гаепле, һәркем үз тормышы өчен үзе җаваплы, хатын начавр дип эчәләр икән, хатынны алмаштырырга була, хәзер хатыннар күп.

№14 (873058) / 31.03.2014 23:43:47

Ирсез хатыннарны нитергә исрек ир бик ярап тора әле,аларны мыскыл итмәгез пуҗалуста ?

№13 (873057) / 31.03.2014 23:40:37

Шул баланы табучы КӘҖӘ,кемнән тапканын белмәсә ни эшләрсең ?. Печән ашатырсыңмы ?

№12 (873056) / 31.03.2014 23:37:28

Эчкечеләр арасында күбесе хатын-кызлар.Шулар үлеп бетсә,һәр калганына бер ир туры киләчәк.Шул сәбәпле,гулят-муляйтләр бетәчәк.

№11 (873054) / 31.03.2014 23:26:55

Хатын-кызлар! Сәрхүшләргә бирмәгез, балагыз да сәрхүш булачак. Лутчы аек күршегезгә кереп чыгыгыз, теге исерегегез барыбер белми калачак һәм белми калсын да. Балагызны кемнеке икәнен үзегез белсәгез, шул җитә. Ә ашатучысы кем булса да ярый!

№10 (873053) / 31.03.2014 23:10:06

Кара мөти, мин дә дөмексеннәрие дип әйтәм дә, без әйткән белән генә дөмекми шул алар. Әллә ниләр эчәләр: одикалон, технический спирт, косметический спирт һ.б. Тизрәк дөмексеннәр дип агу салып биреп булмый, әднәке.

№9 (873052) / 31.03.2014 22:54:00

Эчкечеләр күбрәк булган саен әйбәтрәк! Алар үлеп китеп баралар, дөнья чистарына. Җир планетасында халык саны кимрәк булган саен башкаларга рәхәтрәк. Аракыны күпләп чыгарырга кирәк, дөмексеннәр дуңгызлар!

№8 (873038) / 31.03.2014 21:07:59

Эчүчелеккә карата, бөек галим Пифагор: "Эчүчелек ул, аылдан язу буенча күнегү,"-дип язган...

№7 (873027) / 31.03.2014 20:10:05

Синен ирен алкаш булганга кем гаепле?Пушкин тугелдер бит.

№6 (873024) / 31.03.2014 20:06:46

Шул даруны эчеп, агу ашап үлә алмаган комак( крыса) кебек миңгерәп йөрүчеләр шактый.
Сез эчз торган дару аяк юарга гына ярый

№5 (873021) / 31.03.2014 19:48:21

Э бит аракы кемгэдер агу,кемгэдер дару.

№4 (873020) / 31.03.2014 19:44:30

Аракы эчеп кеше акылын югалта. Ул эш турында да, гаилә турында да уйламый, аңа бары тик бертуктаусыз эчеп исерергә кирәк. Бүтәнчә аңа тормышның яме юк. Бер буханка ипигә акча кызганса да, ул аракыга акчаны кызганмый, хотя кызганса, эчмәс тә иде. Бөтен ихтыяр көчен җыеп бик сирәк кеше генә бу коллыктан ычкына ала.

№3 (873017) / 31.03.2014 19:21:28

Аракы-шәрәб кеше өчен 3 дәрәҗәдә була.
- ашамлык,
- наркотик - "күңел күтәрткеч",
- агу - "таксикомания".
Төнъяк халыклар өчен ул агу була. Көчкенә балалар БФ иснәп аңграеп йөргән сыман була. Чукчага, төрки-татарга, Америка индианнарына аракы "агу". Безнең тәндә аны эшкәртеп бетерергә ферментлар җитми. Шуның белән алкалоид дәрәҗәсенә җитеп, тәндә калдык агу агулап-аңграйтып йөри кешене бетерә.
Европа халкына "наркотик" сыман күңелне күтәреп йөри. Ә урыс халкы аны ашамлык итеп кабул итә. Урыс телендә "водку откушал" дип йөриләр.
Шул аракы-шәрәб ашамлык буларак ике вазыйфаны үти; 1) энергия бирә, 2) кан тамырларында җыелып барган чүп-чарны өретеп , тирләтеп тәннән чыгара. Ләкин аракыда витаминнар җитми, булган витаминнарны өретеп чыгара да. Шуның белән бәйле, олы яштә витаминнарны үзләштерүгә кымачаулап, бик тиз кешенең гомерен өзеп куя. Урыс халык әкиятендә шул тырмыш дәҗрибәсе әкиятләрдә чагылып калган. "Җили-были старик со старухой. Было у них 3 сына. Когда сыновья подросли, родители умерли..." Ата-анага 40-45 яшь була. Бу мәкаләдә дә шул яшь күрсәтелә!!!
Аракы өчмәгән татар әкиятендә "Карт белән карчыкның баласы булмаган. Бер заман курчак ясап җан кергән. Камыр-батыр дип атаганнар. Монда ата-анага 50-60 яшь булганда бала туган. Аннары шул бала үсеп чыгып киленне алып кайта. Ата-анасы әле исән. Монда инде ата-анага 80 була!!!!

№2 (872983) / 31.03.2014 16:50:13

Син аек коенчэ дэ,укый алырлык пост яза алмыйсын икэн бит!

№1 (872980) / 31.03.2014 16:27:01

Бу мәкаләне исерекнең укы суга сәнәк белән язган. Мәңгедәдә укымыйлар. Укыган очарактада сабак алуы икеле. Чөнки андый кеше үзен эчүчегә санамый.Әйтсәңдә,"ты меня с кем то путаешь", дип кенә җибәрәчәк. Шулай булгачтан, бушлай киңәш бирүнең файдасы юк, стенага борчак ату белән бер. Әгәр киңәшне акча түләп сатып алсалар, бәлки уйланырлар иде. Тормышның төбенә төшеп, муйындан пычыракка баткач, акыл сатуның кызыгы юк. Андый "акыл сатучылар", авыл саен 10-15 ШТУК.. Ә шәһәдә йөрүчеләре чутсыз.
Үз егылган еламас..

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar