• 07.04-02.05 "Мәхәббәт FM". Камал театры. 19:00
  • 13.04-14.04 "Шах...Мат!" моноспектакле. Премьера! Тинчурин театры. 18:30
  • 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 13 Апрель
  • Рамил Шарапов - шоумен
  • Абруй Сәйфи (1889-1960) - язучы
  • Айдар Әгъләмов - җырчы
  • Алмаз Гафиятов - журналист
  • Нәзифә Кадыйрова - җырчы
  • Альфред Вәлиев - сәясәтче
  • Илһам Кашапов - дәүләт эшлеклесе
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131
  • Продается земельный дачный участок, 7 соток, СНТ-11 (Авиастроительный район). Вода, электричество есть, газ планируется завести. Плoдoносящие деревья и кустарники. Прекрасное место для активного и семейного отдыха. Есть возможность сделать пруд. До сада хорошая асфальтированная дорога. Подьездные пути удобные, может заехать даже грузовик! Снт стремительно развивается благодаря председателю, что важно для дачников! Рядом автобусная остановка. Цена 500 т. Тел: 89274031387
  • Кер юу машинасы ,холодильник морозильник сатам тел.89520460614 вапсат или позванит.
  • Үзебезнең умарталыктан сыйфатлы чәчәк балы сатыла. Казан буенча китереп бирү мөмкинлеге дә бар. Рәхим итеп шалтыратыгыз: 89625497103
  • Мастер на час хезмэте курсэтэбез!!! Плотник,электрик,сантехник,сварчик,бакча да утын кису,бакча тирэсе тотабыз, казу эшлэрен башкарабыз 89274544590
  • Ботлата ит сатабыз,арткы боты 330,алгы 320 сум.Хэлэл.тел.89372834097 Узебез Апастан. Казанга алып килеп бирэбез
 
 

 
Архив
 

               

04.03.2014 Дин

Әдәп мөһимрәкме, гыйлемме?

Мөселманнарны нәрсә борчый? Һич арттырып әйтү булмас: мөфти Камил хәзрәт Сә­мигуллинның журналистлар белән очрашуында катнашкан кешеләр, бирелгән сорауларга карап, моны яхшы төшенгәндер. Нәзарәтнең матбугат үзәген­дә әйтүләренчә, мөфти хәзрәт мондый очрашуларны ай саен уздырмакчы.

Бирсен Ходай! Сорау-җавапларга керешкәнче, нә­зарәт җитәкчесе ил-көндәге яңалыкларга, кылынган һәм кылынасы гамәлләргә тукталды.

Яңа­лыкларның күңелсезрәген­нән башлыйк. Монысы хаҗга барырга теләүчеләргә кагыла. Со­гу­диялеләр Мәккәдә төзекләнде­рү, үзгәртеп кору эшләрен тә­мамлый алмаганга, быел да ру­сиялеләргә хаҗ квотасы 20 процентка кимрәк бирелгән. Ягъни быел да илебездән 20 мең түгел, 16 мең кеше генә олы хаҗ сә­фәренә юллама алу бәхетенә ирешәчәк.
Инде үзебездәге оештыру эшләренә килгәндә, нәзарәт быел ел имамы конкурсы игълан итәчәк. Әүвәл һәр мөхтәсибәт үз районында иң булдыклы имамны сайлый. Соңрак алар арасыннан берсе сайлап алыначак. Быел мөфтият мәдрәсәләр өчен утызлап дәреслек бастырырга җыена. Болар башлангыч, урта һәм югары мәдрәсәләргә адреслана. “Дәреслекләр бабаларыбыз укыган һәм укыткан нигездә булачак”, – дип аңлатма бирде бу уңайдан Камил хәзрәт. Былтыр дини идарә утызлап китап нәшер итсә, быел бу күрсәткечне җит­мешкә җиткермәкчеләр. “Мең ярым мәчет салып, Татарстанда Әбү Хәнифә исемендәге мәчет юк икән. Һичшиксез, якын арада салыначак бер күркәм Аллаһ йортына аның исемен бирербез”, – дип белдерде мөфти.

Исем дигәннән. Журналистларны да борчый бу мәсьә­лә. “Нәшриятыгызны нигә урысчалатып “Хузур” дип атадыгыз? “Хо­зур” дисәң, татарча яңгырар иде. Татар нәзарәте бит бу. “ДУМ РТ-Хадж” дигән килбәтсез исемне кайдан таптыгыз? “Идел-хаҗ”га охшатып, “Казан-хаҗ” дип кушып булмый идемени?” – дип сорады “ВТ” журналистлары. Кыс­кар­тыл­малар телебезгә хас тү­гел. Чын татарча, матур исем булса, җәлеп итеп тә тора. Аннан соң нигә хаҗ сәфәрен оештыру белән бер оешма – “ДУМ РТ-хадж” гына шөгыльләнә? Нәзарәт канаты астында хаҗ оештыру җәһә­теннән берничә оешма шө­гыль­­ләнсә, сайлап алу мөмкин­леге булыр; оештыручылар, күб­рәк кеше җәлеп итик дип, сәфәр хакын бераз төшерергә, көндә­шен­нән яхшырак эшләргә тырышыр иде. Бәлкем, “Идел-хаҗ” оеш­масына кабат мөмкинлек бирергә­дер? Нәзарәт җитәкчеле­гендә эшләүгә алар каршы түгел ич.

Мөфти хәзрәт очрашуны ачып җибәрүгә үк: “2014 елны  дини гореф-гадәтләребезне терге­зү елы дип игълан иттек”, – дип белдерде. Аның: “Казан мәчетлә­ренең барысында да җомга вә­газьләре фәкать татар телендә генә булачак”, – дип әйтүе йөрәк­кә сары май булып ятты. Дөрес, бу уңайдан берничә журналист, кайбер мәчетләрдә ярты сә­гатьлек вәгазьнең биш минутын – сыгынтысын булса да урысча сөйләргә кирәк; мәчеткә йө­рүче­ләр арасында мигрантлар гына түгел, туган телебезне белмәүче татар яшьләре дә шактый бит, дип искәрмә ясауны сорады. Чынлап та, кайнар канлы яшьлә­ребезнең аерым фатирларга җыелып намаз укырга, вәгазь­ләнергә гадәтләнеп китүе бар.

– Әхлаклы, әдәпле, гыйлемле татар имамнарын халкыбыз белеп торсын. Ел имамы ярышында җиңүчегә  хаҗга юллама бирә­чәк­без, – дип мөфти хәзрәтнең гыйлеме, абруйлы имамнарның кадерен белергә чакыруы да кү­ңелле. Әмма бу мәсьәлә бигүк гади түгел шул. “Кайбер районнарга барасың, укымышлы, гыйлемле имамнар бармак белән генә санарлык. Имам-мөхтәсибләр сафына очраклы гына килеп эләк­кәннәре, гыйлеме әллә  ни булмаса да, белемлерәк яшьләрне кү­ләгәдә тотарга тырышканнары да бар. Шул ук вакытта үз вакытында халык мәхәббәтен яулаган, абруйлы, укымышлы булып та, бу көннәрдә имамлыктан чит­ләштерелгән хәзрәтләребез дә аз түгел. Аларны үз урыннарына кайтарасы иде бит”, – дип мөрә­җәгать итте, мәсәлән, “Безнең гәҗит” вәкиле.

– Без инде бу юнәлештә эшли башладык. Гыйлемле, укымышлы кешеләрне төрлечә җәлеп итәр­гә тырышабыз, – дип җавап бирде моңа мөфти хәзрәт. Әйе, заманында “ваһһабчы” ярлыгы тагып, бездә ошамаса, әнә чит илгә китсеннәр, дигән җавапсыз бел­дерүләр дә булды. Шөкер, мөф­тият бу чирдән арынды. Мәсә­лән, нәзарәтнең уку-укыту бү­леге мөдире итеп Руслан хәз­рәт Та­һировны билгеләү­лә­рен дини җәмәгатьчелек уңай кабул итте.

– Бүгенге җәмгыять, мөсел­маннар төрле мәгълүмат йогынтысына бирелә. Моңа гыйлем белән генә каршы торырга мөм­кин. Әгәр күңелебезне иман, гыйлем белән баетмасак, зыянлы, кирәксез мәгълүмат, башка төрле мәдәният белән башны бутаячаклар. Хәтта газета, телевидение, Интернет ярдәмендә, ислам терминнарын белгән, чынлыкта дини хисләрдән ерак торган мөселманнар җәмгыяте тө­зергә телиләр кебек. Әүвәл һәр мөселман белергә тиешле минимум гыйлемне өйрәнергә кирәк, – дип мөфти хәзрәт журналистларны өч нәрсәгә – гыйлемгә, гамәлгә һәм ихласлыкка таянырга, халыкны да шуңа өндәргә чакырды.

Ахырда бер каләмдәшебез­нең: “Яшьләр мәчеткә керергә курка, чөнки алар надан хәзрәт­тән бернинди яңалык та ишетә алмый”, – дип зарлануына, мөфти хәзрәткә аларны тизрәк алыштырырга чакыруына да тукталып китәсе килә. Дини гыйбадәт-йо­лаларны җиренә җиткереп үтә­гәннәре, үз вакытында намаз укытканнары өчен без аларга фәкать рәхмәт әйтергә тиештер. Гыйлемгә бик ашкынасың икән, хәзер дини әдәбият тулып ята. Интернеттагы дини сайтларга керә аласың. Укыйм дисәң мәд­рәсәләр бар, анда читтән торып та укып була. Бу уңайдан яшь Шиһабетдин хәзрәт Мәрҗа­ни­нең  үз  заманында күрше авылдан үзләренә намазга йөри башлаган өммәттәшебезгә бир­гән киңәшен онытмыйк. “Үз авы­лыңда, үз имамыңа оеп намаз укуың саваплырак”, – дигән ул. Казанда мондый проблема юк кебек – алтмышлап мәчет бар. Гыйлемлерәк буласың киләме, саваплыракмы – бусы инде әдәп-әхлак мәсьәләсе.


Рәшит МИНҺАҖ
Ватаным Татарстан
№ --- | 28.02.2014
Ватаным Татарстан печать

Фикерләр

Исем:
E-mail:
Текст:
 
№7 (871061) / 08.03.2014 16:25:27


"Иң яман кешеләр – явыз галимнәр".
Чөнки явыз галимнәр белә торып, гөнаһ кылалар, бе-лә торып гөнаһ кылучылар исә, белмичә гөнаһ кылу-чыларга караганда яманрак. Хәдисләрдә бәян ителгәнчә, явыз галимнәр шундый затлар: 1) Гыйлемнәре белән гамәл кылмаучылар. 2) Гыйлемнәрен явыз нияттә һәм дөньяви максатлар өчен кулланучылар. 3) Галимнәр алдында мак-таныр һәм наданнар белән җиңешер һәм мәҗлесләрдә рәис булып утырыр һәм халыкларның йөзләрен үзләренә каратыр өчен гыйлем алучылар. 4) Аллаһы Тәгаләнең риза-лыгы ният ителмәгән хәлдә гыйлем алучылар. 5) Күз буяучы һәм монафыйклар. 6) Башкалардан көнләшүчеләр. 7) Мөселманнарның иманнары һәм гакыйдәләре белән шая-ручылар. 8) Мохтаҗ һәм лаеклы кешеләр булган вакыт-ларда бар гыйлемнәрен яшерүчеләр. 9) Кешеләрне хурлау-чылар. 10) Бар гыйлемнәрен юкка чыгаручылар. 11) Гый-лемнәре сәбәпле үзләре турында яхшы уйлаучылар. 12) Кешеләрне яхшылыкка боерып, яманлыклардан тыеп та, шул боерган һәм тыйган нәрсәләр белән үзләре гамәл ит-мәүчеләр. 13) Дин исеме белән дингә һәртөрле бидгать-хорафәтләр кертүчеләр. 14) Дәрвишләр һәм заһитләр ки-еме киеп гыйбадәт кылсалар да, яман уй, гайбәт һәм сүз йөртү кебек әхлаксызлыкларны үзләренә гадәт итүчеләр һ. б.
Явыз галимнәр җөмләсенә кермәс өчен иң соңгы чик – гыйлемен мал җыярга һәм мәртәбәгә менәр өчен корал итмәү һәм Ислам милләтенә аю хезмәте кылмау.
Имам Бохари:
إِنَّ اللَّهَ لا يَقْبِضُ الْعِلْمَ انْتِزَاعًا يَنْتَزِعُهُ مِنَ الْعِبَادِ وَلَكِنْ يَقْبِضُ الْعِلْمَ بِقَبْضِ الْعُلَمَاءِ حَتَّى
إِذَا لَمْ يُبْقِ عَالِمًا اتَّخَذَ النَّاسُ رُؤُوسًا جُهَّالاً فَسُئِلُوا فَأَفْتَوْا بِغَيْرِ عِِلْمٍ فَضَلُّوا وَأَضَلُّوا
"Аллаһы Тәгалә гыйлемне бер юлы бәндәләрнең күңелләреннән суырып алмый, бәлки галимнәрне вафат иттереп тора, хакыйкый галимнәр калмаганнан соң халыклар надан адәмнәрне үзләренә башлык итеп куялар һәм шу-лардан шәригать хөкемнәрен сорыйлар. Гыйлемнәре булмаган хәлдә биргән фәтвалары сәбәпле бу наданнар үзләре дә адашалар, башкаларны да адаштыралар",1 дип риваять иткән хәдистәге надан рәисләр дә шул явыз галимнәр җөмләсенә керсәләр кирәк. Хакыйкатьтә бу рәисләр галим булмасалар да, халык каршында галим булып хисапла-налар һәм хәләл белән хәрам хакында фәтва биреп тора-лар.

ҖКШ 152 нче хәдис

№6 (871013) / 08.03.2014 06:47:50



* 47اغْدُ عَالِمًا أَوْ مُتَعَلِّمًا أَوْ مُسْتَمِعًا أَوْ مُحِبًّا وَلا تَكُنِ الْخَامِسَةَ فَتَهْلَكُ*
"Галим, яки гыйлем өйрәнүче, яки тыңлаучы, яки гыйлемне сөюче бул! Ләкин бишенчесе булма, һәлак булырсың!"
Ягъни, әгәр кулыңнан килсә, галим бул, бу эш насыйп булмаса, шәкерт һәм гыйлем эстәүче бул, моңа да ирешмәсәң, гыйлем мәҗлесләрендә гыйлем тыңла, бу да булмаса гыйлемне дус күр. Ләкин болардан башка, ягъни, гый-лемне дошман күрүче булма. Чөнки һәлакәт шунда.
Гыйлемне дус күрү аның әһелен хөрмәт итү, аны халык арасына тарату, белдерү һәм өйрәтү, укучыларга һәм укытучыларга, мәктәп һәм мәдрәсәләргә матди һәм мәгънәви ярдәмнәр бирүдән, төрле шик һәм яман уйлардан, яки искедән мирас булып калган көнчелекләр сәбәпле гыйлем әһелләренә дошманлык кылулар һәм гайбәтләрен сөйләүләрдән һәм гыйлем-мәгърифәтне явыз ният белән кулланудан саклану һәм, гомумән, гыйлем юлында булган кешеләр белән яхшы мөгамәләдә булудан гыйбарәт.
Рәсүлүллаһ бу хәдистә гыйлемгә ихласы булмаган кешеләрне һәлак булучылардан саный. Гыйлемнең әһәмияте никадәр зур икәнлеген белдерү өчен шул җитә.

ҖКШ

№5 (870741) / 05.03.2014 10:19:30

"ел мөслимәсе" дигән кызларны да күрсәтә башларлар.

Хуплыйм!

№4 (870738) / 05.03.2014 08:30:25

Ул мөфтияттә күбесе урысча сөйләшә бит, аларга милләт кирәк түгел. Нигә татар мәгърифәтчеләре китапларын һаман чыгармыйлар, әллә нинди схоластик китаплар гына чыгарып яталар. Мөселманнарның гыйлемле булуларын теләми алар. Гыйлемле муллаларны эшләреннән генә куа беләләр.

№3 (870732) / 05.03.2014 06:59:47

языйм әле.
яртысына кадәр укыдым да туктадым, "ел имамы" ярыш кампаниясе ясыбыз дигәч .
азагы "җиңүчене" хаҗга җибәрү икән. "самый лоялный" имам җиңәчәк дигән шөбхә бар миндә....
имамнар арасында "корәнне дөрес уку" ярышы уздырылса, күпкә файдалырак булыр иде минемчә.

хаҗга баручы, үзенең хәләл малына барырга тиешле бугай,"отыш" акчасына түгел.

мөхтәрәм Ил ни әйтер? Кактус та читтә калмасын иде.

"ел укытучысы","2013 чибәре","ел батыры","ел савымчысы" шикеллерәк килеп чыга. мондый кампанияләр уздыру диния нәзәрәтенә килешми. ерак калмас, "ел мөслимәсе" дигән кызларны да күрсәтә башларлар.

ялгышуым да мөмкин. дөресләрсез.

№2 (870716) / 04.03.2014 21:42:53

Голназ, аны БГ җеннәр куа, кешедән җеннәр чыгара дип язган иде. Әгәр алар миндә булсалар, мин дә кудыртып карар идем. Ул аларның кешедә бармы-юкмы икәнен дә белә микән?

№1 (870710) / 04.03.2014 21:08:58

Нурулла мэчете мулласы Фэрит хэзрэт турында ишеткэнегез юкмы,жэмэгать.Ул дога белэн дэвалый дип ишеткэн идем.Языгыз эле,зинхар очен анын турында,белуче булса. Берэрегез дэвасын курмэдеме анардан?

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar