• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

12.11.2013 Җәмгыять

Нигә парсыз син, балам?

Хатлар укыйм. Аларның күбесенә газета укучыларыбызның серләре сыйган. Кайбер сорауларга җавап эзләгәннәр, бездән теге яки бу әйберне аңлатуны үтенгәннәр. “Сез, журналистларны акыллы кешеләр дип беләм. Әйтегез әле, нигә хәзер ялгызлар күп, нигә яшьләр гаилә корырга ашыкмый? Нәрсә көтә алар? Кызым Айгөл 32 яшькә җитте инде, кияүгә чыгу турында уйлап та карамый. Шушы яшенә җиткәч, өченче югары белем алырга кереште, имеш, юрист булачак. Хатын-кызның бәхете шундамы? Гаилә корып, балалар алып кайтырга тиеш бит ул, картлык та бар бит әле! Шуны аңлата алмыйм.

Мин авыз ачуга: “Акчаң булса, картлык куркыныч түгел, алтын бишеккә салып йөртәчәкләр”, – ди. Нинди хәл икән инде бу?” – дип язган Чаллы шәһәрендә яшәүче Флүрә Газиева. Ул да булмый, безнең белән һәрвакыт элемтәдә торучы Әлфия апа Харисова шалтыратты. “Хәлләрегез ничек?” – дим. “Начар минем хәлләр. Өч улымның берсе дә өйләнмәгән. Олысына – 36, уртанчысына – 32, төпчегенә 27 яшь. Бәлки “Яучы почмагы”на игълан бирергәдер? Өчесе дә сау-сәламәт, буй-сыннары да килгән, югары белемле. Пешереп, юып арыдым. Ирем дә бар бит әле. Дүрт ир-атны карау бик авыр, яшем дә бара. Иң кызыгы: безнең подъездда кияүгә чыкмаган өч кыз бар. Аларның да яше 34кә җиткән. Кечесенә 27 яшь. Күптән аралашып яшибез, табигать кочагына чыгабыз. Балалар да безнең белән баргалый. Уйнап-көлеп утыралар, су коеналар да, шуның белән бетә. Ул кызларның матурлыгын күрсәгез иде сез! Болар да ярамагач, кем кирәк икән соң аларга? Бәлки кызлар каршыдыр?

Бер көнне олы улым белән юл аркылы чыгабыз. Машинасының тәрәзәсен ачып миңа бер кыз акыра. Сүгенеп тә җибәрде. Башымны күтәреп карадым. Бер кулы рульдә, бер кулында телефон, авызында тәмәке. “Старая карга, куда прешь?” – ди. Улым шунда: “Менә шушы кызга өйләнимме соң, әни?” – дип тора”, – дип зар елады ул.

“Вакытым юк”


Хатларны укып чыктым да, тирә-юньгә күз салдым. Карале, мин әйтәм, янәшәмдәгеләрнең күбесе гаиләсез. Яшьләре 30га җитеп килүче кызлар, 50не тутырган хатыннар, шулай ук 30ны куып баручы егетләр дә бар! Югары белем алып берничә ел эшләүче кызлар хакында әйтеп тә тормыйм инде. Безнең чор кешеләренең балалары да 25 яшькә җитә икән, ләбаса! Әмма алар өйләнергә җыенмый... Ә нигә өйләнсеннәр? Гаилә тормышының җаваплылыгын аңлый торганнардыр инде, күптән “алсу” күзлекләрен салганнар бит. Ә монда рәхәт. Әни пешергән, юган, үтүкләп куйган, акча да сорамый. Мәсәлән, мин: “Балам, йокла, арыгансыңдыр”, – дип урынына кадәр җәеп бирәм улыбызга. Фатирга түләү, азык-төлек алу кебек “юк-бар” мәсьәлә белән дә башын катырмыйбыз. Суыткычны ачып кына аласы! Бу егетләр белән гаилә кору турында сүз кузгатсаң, “вакытым юк”, “эшем күп”, “кредит түлим” дип акланалар. Хатын әни түгел шул! “Син ир кеше, фәлән ит, төгән ит”, – диячәк. Акча сораячак! Аннан бала туачак. Әби-бабай тормышыңа кысылачак. Бу инде муеныңнан гаилә проблемаларына кереп баттың дигән сүз...

Улым гына түгел, сыйныфташ-ларының да күбесе буйдак. Сорау бирсәң, “кемгә өйләнергә соң?”дип сораулы караш ташлыйлар. Барысы да югары белемле, эшләре, машиналары, акчалары бар, әти-әниләре исән-сау! Кибеттән киенәләр, базарны санга сукмыйлар. Эштән дә курыкмыйлар. Алты ел укыдым дип тормыйлар, кулларына тотып эшлиләр, күбесе төзелештә көч түгә. Тәрәзәләр ясыйлар, куялар, кирәк булса, балкон тышлап, өй дә салып бирәләр. Ял көннәрендә җыйнаулашып мунчага баралар, бассейнга йөриләр, туган көннәрен, бәйрәмнәрне кафеларда уздыралар. Күп вакыт кызларын да ияртмиләр. Берсенең дә эчеп-исереп йөргәне юк. Аңлагансыздыр инде, мин “нормаль” егетләр турында сүз алып барам. Алардан “ник өйләнмисез?” дип сорадым.

– Мәхәббәтсез дә яшәмибез бит. Кызларның ниндие кирәк, рәхим ит! Кая чакырсаң, шунда баралар, “дос-тупный” хәзер кызлар, – ди Марат.

Димәк, егетләрнең өйләнмәү-ләренең беренче сәбәбе – әйбәт тормыш, әни дә янәшә. Бу бигрәк тә шәһәр балаларына кагыла. Гадәттә, авылныкылар читкә чыгып китеп, гаиләсез кала, ә боларның берни үзгәрми. Шуңа күрә, авыл егетләре иртәрәк тә өйләнә. Икенчедән, чыннан да, кызлар белән җитәкләшеп йөрергә вакыт яклары чамалы. Иртәдән кичкә кадәр эшлиләр, туктаусыз машина алыштыралар, буш вакытлары бөтенләй калмый диярлек. Өченчесе – бурыч, кредитлар. Туйны да матур итеп уздырасылары килә. Хәзер Казанда туйлар “бай” һәм “ярлы”га бүленә. Шулай булгач, барысының да лимузинга утырып, ресторанга киләсе, иң шәп тамада, артистлар чакырасы, икенче көнне дуслары, туганнары өчен коттедж “снимать итәсе”, аннан туй сәяхәтенә чыгып китәсе килә. Ә моның өчен бик тә зур акча кирәк!

Дүртенче сәбәп: кайбер егетләргә замана кызлары ошамый. “Алар үз-үзләренә ышанган, матур тормыш яраталар, акчага, байлыкка кызыгалар, ир-атларга охшап беткәннәр. Ялкаулары, җебегәннәре, бай гаиләдә үсеп, тормышта үз урыннарын таба алмый очып йөрүчеләре дә бар. Алар белән гаилә корыргамы?” – ди Динар.

Һәм иң зур сәбәп: фатир. Ярый да, безнең заманда “эштән бирерләр” дигән өмет бар иде. Ә монда сатып аласы! Анысы исә миллионнар! Ипотекага алсаң, икеләтә түлисең! Хатынны ата-ана янына алып кайтасы да, фатир бүлешәселәре дә, хатын фатирына кереп утырасылары да килми. Һаман “килер бер көн, без дә йөрербез төркем-төркем” дигәндәй, “ килер бер көн, акча күктән ява башлар” дигән принцип белән яшиләр. Әмма ул көн килми, акча яумый, ә яшь бара...

“Сезгә нинди хатын кирәк соң?” дигән сорау да бирдем яшьләргә. Берсе “белемле, кыю”, дисә, икенчесенә сабыр һәм акыллыны давай, өченчесенә эше дә, машинасы да булсын, балалар алып кайтсын, йорт эшләрен дә башкарсын, акча да эшли белсен. Әле үзләре чибәр, матур гәүдәле һәм белемле дә булсыннар! Эчмәсеннәр, тартмасыннар, уйлап сөйләшсеннәр. Һавалы да булмасыннар. Мондыйларны каян табарга соң? Алай дисәң, янәшәм тулы шундый кызлар! Матурлар, җитезләр, барысы да белемле, акча эшли беләләр, машинада йөриләр, эчмиләр һәм тартмыйлар, сабырлык-лары да Аллага шөкер, тәмле-тәмле ризыклар әзерлиләр. Ләкин, никтер, ялгызлар!

“Кияүгә чыгасы килә...”

Егетләр турында язып утырганда “ярты як”, “сөйгән яр”, “парым”, “чиләгенә күрә капкачы” дигән сүзләр искә төште. Ничек матур яңгырыйлар! Ә боларның ярты яклары кайда икән соң? Кайда адашып йөри? Бәлки хәзер кайберәүләр парсыз гына яратыладыр? Чиләге булса, капкачы юк, капкачы булса, чиләк дефицит... Бәлки ул “пар” булырга тиешле кешеләр тиз-тиз генә бер-берсе яныннан узып киткәннәрдер дә, бер-берсен күрми калганнардыр? Без бит хәзер ашыгабыз, кабаланабыз. Ә инде яшьләре 30га җиткәч, бер-берсен танымыйлардыр... Аптырарсың, билләһи!

Безнең заманда башкачарак иде шул. Күрдең, гашыйк булдың, туй ясадың... Мәсәлән, мин 20 яшьтә кияүгә чыктым. Әле дә шул ярым белән гомер кичерәм. Алдын-артын да уйлап тормадык. Югыйсә, безнең дә торыр җиребез дә, акчабыз да юк иде, җитмәсә, икебез дә студент. Чемоданыбызны тотып, тулай торакның бер бүлмәсеннән икенчесенә күченеп тик йөрдек. Без аны шулай булырга тиеш дип уйладык. Янәсе, гаилә тормышы шулай башлана, аннан фатир, эш, акча була... Иң кызыгы, Аллага шөкер, барысы да булды бит! Ә бүгенге яшьләрнең күбесе башкачарак фикер йөртә: башта аякка басарга кирәк...

Инде кызларга күчик.

– Кияүгә чыгарга теләмәгән кыз юк, аларны кияүгә алмыйлар, – диде миңа озак еллар психолог булып эшләгән танышым.
Психологка каршы килергә ярамыйдыр, әлбәттә. Ләкин кызлар арасында уздырган сораштыру бүтәнрәк нәтиҗәгә китерде.

– Хәзер юньле егетләр юк диярлек, күпчелеге чүпрәк. Ә аларның мондый булуына без үзебез гаепле, тормыш йөгәнен әкренләп кулыбызга алабыз. Андыйлар безгә кирәк түгел. Безгә 24әр яшь, ләкин үзебезгә туры килердәй егет таба алмыйбыз, – дип уфтана Гөлгенә белән Дилбәр.

– Минем, мәсәлән, егетем юк, табып бирегез әле, – ди 21 яшьлек Луиза.

– Миңа озакламый 30 яшь тула, кияүгә чыгасым, бала алып кайтасым килә. Торыр урыным, машинам, эшем, кыяфәтем бар. Ләкин кияүгә чакыручы юк. Егетләр белән очрашып та торам, ләкин беренче күрешүдән соң гайрәт чигә. Алар бит тәүге очрашуга чәчәк тә тотып килә белми, – ди Элеонора.

– Элек минем фатирым бар иде. Акчага да мохтаҗ булмадым. Кыскасы, бернәрсә дә, беркем дә кирәк түгел иде. Университетка укырга йөрдем, стипендия алдым. Әмма шулай килеп чыкты инде, тора-бара фатирсыз калдым. Менә шулвакыт ир-ат җилкәсе кирәк булды. Хәзер егетем бар. Ләкин кияүгә чыгарга ашыкмыйм. Ир хатыны булып йөрүгә караганда, миңа егетле кыз булып йөрү күбрәк ошый, хатын булырга өлгерермен әле, – ди Ләйлә.

Мондый җавапларны күбрәк офис-та эшләп утыручы кызлар бирде. Араларында хисләр дөньясында яшәүчеләре дә җитәрлек.
– Миңа егетләр “иләгең бик вак” диләр. Беренче егетем бөтен таләпләргә дә җавап бирә иде, хәзер шундыйны эзлим. Ул беренче чиратта хатын-кызны хөрмәт итәргә тиеш. Перспективалы булсын. Фатиры да, гаиләсе дә кызыксындыра, – ди Назлыгөл.

Нинди нәтиҗә ясыйбыз инде? Димәк, кияүгә чыга алмый утыручы кызлар өчен, беренчедән, юньле егетләр юк. Барысы да чүпрәк! Гаеплене дә табып куйганнар. Алар үзләре! Тормыш дилбегәсен үз кулларына алганнар. Димәк, үзләренә югары бәя бирәләр. Икенчеләре, “кияүгә алучы юк” дип зарлана. Ләкин шул ук вакытта үзенә ошаган егет юклыгын да искәртә. Янәсе, чәчәк тә тотып килә белмиләр. Өченчеләре дә ерак китмәгән, ак атка атланган принцларын көтәләр. Имеш, иләкләре вак, таләпләре зур, принцны иләктән уздырачаклар. Мондый төр кызлар шул рәвешле бик тә озак утырырга мөмкин әле. Чөнки принц килмәячәк! Әгәр дә ялгышып сезнең тарафларга килеп чыга икән, иләк аша узарга теләмәячәк.

Ләкин бөтенләй башкача фикер йөртүче асыл затлар да бар. Бу төргә ир кирәкми.

– Бөтен әйбергә дә үз көчем белән ирештем. Кечкенә генә булса да бизнесым, фатирым, күп егетләрнең төшенә дә кермәгән кыйммәтле машинам бар. Хәзер ниндидер ирне фатирыма алып кайтып, оекбаш юа башлыйммы? Пешеримме, ашатыйммы? Өстәвенә, ирегем чикләнәчәк. Ирләр болай да буа буарлык. Очрашып йөргән кешем бар, ләкин кияүгә чыгарга җыенмыйм. Ярты көнгә килсә дә, арыйм, – ди Резеда.

– Ә картлык, балалар? – дим аңа.

– Миңа 35 кенә яшь, өлгерермен әле, – ди ул.

Соңгы сүз

Димәк, яшәеш байтак үзгәрешләр кичергән. Элек кызларны 16-18дә кычкыртып кияүгә бирсәләр, безнең заман кызлары 20-21дә ирле булып бетте. Шушы вакыт аралыгында тиң ярларын таба алмаганнар гаиләсез калды. Хәзер инде 24-25 яшьлек кызның кияүгә чыкмавы, ә егетнең өйләнмәве гадәти хәл санала. Сәбәпләрен алда ачыкладык кебек. Дөрес, 30га җитү куркынычрак. Чөнки бу яшьтә аларның таләпләре арта гына бара. Ялгыз яшәргә дә өйрәнәләр.

Иң кызыгы: мин, шәхсән, гаилә корырга ашыкмаучы яшьләрне хуплыйм. Нигә ашыгырга? Үзләре әйтмешли, эшләрен бетерсеннәр, үз көннәрен үзләре күрергә өйрәнсеннәр. Ир дә, хатын да, балалар да качмый ул. Барысына да өлгерелә.
Ләкин кайбер ата-ана башлы-күзле булмаган баласына карап борчыла башлый. Янәсе, улы эчә башламасмы, кызы утырып калмасмы? Аларда да хаклык бардыр. Ләкин моннан катастрофа ясарга кирәкми. Димәк, шундый заманда яшибез. Авыр хәзерге яшьләргә. Без әле ак хыяллар дөньясында очып йөрдек, киләчәгебезгә ышандык. Дәүләт фатир бирмәсә дә, тулай тораклы итеп, урамда калдырмаячагын, эш белән тәэмин итәчәген белдек. Ә боларга барысына да үз көчең белән ирешергә кирәк. Алар моны аңлый, алар безгә караганда акыллырак та. Шулай булгач, барысы да әйбәт булачак! 


Эльмира ФЛҮН
Акчарлак
№ |
Акчарлак печать

Фикерләр

Исем:
E-mail:
Текст:
 
№121 (878555) / 11.06.2014 10:51:19

Тукран,миңа килеп кит дип әйттем ич инде мин сиңа. Ошап китсә янә килерсең...
Ирләр турында фикерең үзгәрерие.

№120 (878550) / 11.06.2014 08:42:39

Борчэ. Адэм рэтле кеше булсан, кулдан кулга йортмэслэр иде сине

№119 (878549) / 11.06.2014 06:19:44

АЛСУ, хәзер секс ясарлык ирләре дә калмады бит аның. Хатыннардан үзләре качып йөриләр. Печелгән тәкә кебек ашарга-эчәргә булса шул җиткән, башка нәрсә кирәкми, шуңа күрә өйләнмичә гомере буе әниләре янында яшиләр. Һәркемнең үз язмышы, кайбер хатыннар гомер буе кияүгә чыкмый, ялгыз яшиләр, кайберләре кияүгә чыкса да ирләренеке эшләми, тоҗе ялгыз яшәгән кебек. Шулай да мәңге айнымаган алкаш белән торганчы, ялгыз яшәвең мең тапкыр артык.

№118 (878539) / 10.06.2014 20:27:41

син точно иргә чыга алмыйсыж инде.Синең кебек уйлаучылар ирсез кала,син тоҗе шундыйлар рәтеннән. Секс мәсәләсенә килсәк,ул катыннарга кирәгерәк бит. 18 ЯШЕНДӘГЕ КЫЗЛАРГА УЛ НЕ ПРОБЛЕМА,ә менә сиңа юк инде ул ,шушуы яшкә хәтле ир күрмәгәч. 28 яшендәге кызны (әгәрдә кыз булса)тишеүедә бик җиңел түгел,кирәге дә юк. Нигә син карт кыз булып калдың икән,беркемгә дә кирәкмәдең мени ҖАНЫЕМ ?

№117 (878537) / 10.06.2014 19:13:47

Эле кияугэ бару телэген калуы гажэп,Алсу.
Нишлисен, курмэгэннен курэсе килэ инде.

№116 (878533) / 10.06.2014 18:53:26

Чыннан да язманың темасына карата бер игътибарга лаек фикер тапмадым, бар кешедә әйтерсең секс кытлыгы! Мисал өчен, миңа 28 яшь тула, буем озын, зифа, хәтта урамда да таныш булмаган егет/ирләр чибәр дип комплимент ясыйлар, таныш-белешләр аптырыйлар: "Чибәр дә үзең, нишләп хаман кияүдэ түгел, егетең дэ гел юк?"-диләр. Иң кызыгы шунда, үзем дә тәгаен гына моның сәбәбен аңламыйм, ләкин шунысын икеләнмичә әйтә алам: егетләрдә хәзер инициатива юк дәрәҗәсендә-я гел мәми чүпрәк, я гел интим мөнәсәбәтләргә генә ыргылу!Күбесе сыңар чәчәк тә тотып килә белми, ә сексны "таләп итә" белә-анысына ойрәтеп куйганнар! Акча, фатир мәсьәләсен әле кузгатмыйм да, хет хатын-кызның кем икәнлеген аңласыннар иде!Күбесе сексуаль объект итеп кенә күрә шул безне! Ә ойләнергә "кирәк" булгач "невинный, чистыйларны" подавай аларга-тупик килеп чыга түгелме сон? Гаеп ике якта да бардыр билгеле, тик шулай да ирләр ир, хатын-кызлар хатын-кыз булып калсыннар иде! Малайларны әниләре 30 яшенә тикле бәби урнына тәрбияләп, кызлар ирләр урнына арба тартып ятмасыннар иде! Кирәк булса тартасың инде аны диярсез, ләкин кем кушкан ире булган хатынга ире алдында ат урнына эшләргә-мондый "рәхәткә" ир заты "түзә" инде ул! Сексуаль революөия үз ролен "яхшы" уйнады дияргә була... Аяныч донья! Мин кемгә чыгармын белмим, бер кандидат та күрмим!

№115 (860019) / 17.11.2013 23:24:45

ОРчык белән ялгыш тишкән-үзе.

№114 (859929) / 17.11.2013 19:58:28

Борчэ нишлэптер синнэн ботенесе котылырга тырышалар

№113 (859926) / 17.11.2013 19:54:53

И, Бөрчә шул вакансияга мине алмадың инде, бик сайланасың, әллә мин элекке хатыннарыңнан да яхшырак булыр идем.

№112 (859925) / 17.11.2013 19:52:39

Гадәттә ирләре энергетический вампир булган хатыннар тиз картая. Андый ирләр көннең көненә юк-барга бәйләнеп, тавыш күтәреп хатыннарының энергиясен алалар, шуннан соң хатыннары хәлсезләнә, авырый башлый.

№111 (859923) / 17.11.2013 19:49:40

Сезнең чәйнәүгә калдырам. Беренче хатыным үземнән 6 яшкә кечерәк иде, миннән бер яшкә олырак подруҗкасы белән очраштырды, никаһ укыттык.ике елдан миннән 5 яшкә кечерәк сеңелләре белән никахка мәҗбүр иттеләр (никахсыз бәйләнешкә кермәсне беләләр). хәзер бөтәһелә къәнәгать. Мин дә разый... бер вокансия бар)))))))))))))

№110 (859918) / 17.11.2013 19:35:18

№-99-ни эшлэп шулай тиз карттайтын хатынынны яшь киенэ,значет гаеп синдэ -ни эчен хатын кыз картая .
Ирлэргэ яхшы ул хатыннары ямсез булсалар алар гулят итмилэр и куркасы тугел китэр диеп ..Э ямсез ирлэр алар китэселэре булса китэлэр тотып торып булмый .Хатыннар раслабитса итмэгез ИЛЛЕДЭ ДЭ ЭЛЕ БЕЗ КИРЭК . Яшь кызлар кырыйда торсыннар .
Жавап -мин куп йрмэдем -укенэм йрисе калган икэн .

№109 (859858) / 17.11.2013 12:15:30

min, ирләре усалландыра!!собачая җизнь булганга...

№108 (859856) / 17.11.2013 12:08:38

yash vakytta barysyda aybat, usal hatynnar kaydan kila ikan.

№107 (859838) / 17.11.2013 08:33:58

Үзең Акыллы булгач, өйләнгәнче маймыл икәнен күрмәдеңме? "Маймыл" булгач ничек сафлыгын югалткан икән соң ул, ирләр андый яратмый бит. Чиләгенә күрә капкачы булгансыз инде, аннан да яхшыракны таба алмагансыңдыр әле.

№106 (859837) / 17.11.2013 08:28:52

Иркәгә,)))
сэламне алдым, кесэгэ салдым)))

№105 (859836) / 17.11.2013 08:14:47

Чит илләр дә яшәп ятучы Мосафир дан сәләм.

№104 (859835) / 17.11.2013 08:06:29

КАртаеп диәрлек өйләндем,бер яштә идек.Сафлыгын югалткан иде,үзе маймул белән бер иде.бообшем барлык туганнары маймуллар иде.Тартмый сузмый аерылыштык.Ничек башым эшләгәндер,бүген шуңа шатланам.Иначы,гүр иясе була идем ранше времени.

№103 (859834) / 17.11.2013 07:40:27

бөрчә, юкны сөйләмә, яхшы ирне бер хатын да иптәш кызына бирми, үзеңнең холкың начар булгандыр.

№102 (859833) / 17.11.2013 07:17:42

Гармун, сүләмә әкиятеңне, минем дә беренче хатын үземнән 6 яшкә кечерәк иде. Миннән ял мтү өчен, иптәш кызын сөйрәп алып килде...

№101 (859831) / 17.11.2013 07:02:40

Даааа, ин куп фикерле бит булгач, монда язып куйыйм инде...

Яшь чагымда Чынгыз Айтматовнын "Плахасын" укый алмаган идем.Котып дэрьясыннан 200кмда яшэп ятканда шуны укып чыктым эле менэ.
Админга шуны эйтэсе килэ, кон эпиграфы итеп эллэ нинди тузга язмаганнар элеп куя, менэ шул романнын кимендэ очтэн бер олешен эпиграф итеп алырга булыр иде.

Искитмэле тирэн, шул вакытта кин масштаблы эсэр.Жаннын бар булган чонгылларын актарып чыгара.

Хыялым бар - Казан узэгендэ энисенэ кулын салып Айтматов басып тора.Бу татарларнын исэн калуы хэм калачагынын символы булыр иде....

№100 (859826) / 16.11.2013 23:56:59

КЕМ БУ, үзең картайткансың. Гаепне үзеңнән эзлә. Гел өйрәтеп,указ биреп кенә яткансың. Карт ир хатынны картайта, карт хатын белән торсалар, ирләр дә картая. Бу табигать закончалыклары. Әгәр хатыныңа ышанып, үзенчә яшәргә ирек биргән булсаң, бергә булганда тестостеронны җитәрлек биргән булсаң, картаймаган булыр иде. Яхшы секс хатыннарны бары тик яшәртә генә.

№99 (859824) / 16.11.2013 23:26:22

31 яшьтә өйләндем, хатыным үземдән 7 яшкә кече.2 елга иртәрәк өйләнелгән, хатын картайды..

№98 (859822) / 16.11.2013 22:46:35

И мәхәббәтсез!

№97 (859821) / 16.11.2013 22:35:34

Ямсез кеше иске чабта белән бер. Матурларны яратам,алар кеше гөмерен озайталар. МАтур дустым янымда булса миңа шул биииииииик җиткән.

№96 (859812) / 16.11.2013 21:56:31

Безнең күршедәге Миңнур апа кайнанасына карата бик кырыс, рәхимсез булды. Мескен Сәрвәр әби рәнҗи-рэнҗи елый иде килене кыланышларына. )))))
Эллэ сон Сэрвэр эби яшь чагында, узе начар булды микэн кайнанасына,килен?
Берэр сэбэбе булырга тиештер бит?

№95 (859772) / 16.11.2013 18:19:14

килен!!!

№94 (859719) / 16.11.2013 10:23:40

Язмадагы Әлфия апа яшь чагында үзе яхшы килен була алмыйча, хәзер әҗерен ала микән әллә? Бу турыда уйлап караучы юкмы? Безнең күршедәге Миңнур апа кайнанасына карата бик кырыс, рәхимсез булды. Мескен Сәрвәр әби рәнҗи-рэнҗи елый иде килене кыланышларына. Менә хәзер Миңнур үзе кайнана булырлык яшькә җитте, ә малайлар яшьләре 30 дан узса да, өйләнерлек түгел. Бай булсалар да, кызлар алардан кача. Эш бит акчада, малда гына түгел, ә тәрбиядә, нәселең нинди булуда. Хатын-кызның акчалы ирдән дә болайрак акыллы,сабыр, игътибарлы, яратучы ир белән яшисе килә. Караваттагы вазифалар боларны алыштыра алмый бит. Акчаны ул үзе дә эшли...

№93 (859631) / 15.11.2013 14:30:14

Мин узем нишлэптер прыщлы хатыннарны яратам.

№92 (859602) / 15.11.2013 11:44:14

Ямьсез хатыннар да бик дэртле була.

№91 (859599) / 15.11.2013 11:13:38

Мина ин ошамаган кызлар,ботен бите прыщ белэн тулган булса,аннан да хэшэрэтерэк эйбер юктыр могаен.

№90 (859598) / 15.11.2013 11:11:50

урод кызлар сирэк була,но была.В основном хатын-кызлар симпатюшный.

№89 (859584) / 15.11.2013 07:10:07

Бәлки ямьсез ирләр дәртле дә буладыр, чөнки алар хатын-кызларның игътибарын җәлеп итәргә тырышалар. Әмма ямьсез хатын-кызлар гомер буе кимсенеп яшиләр, дөнья рәхәтен күрмиләр, ирләр дә андый хатын-кызны читләтеп үтә. "Их, ирем белән кочаклашып йокларга иде!" дип зарыгып яшәгәнче, бу дөньяга тумавың яхшырактыр.

№88 (859582) / 15.11.2013 05:17:18

"Ямсезлэр алар дэртле булалар . (бетенесе тугел )"

утеп барышлый , бигрәкләр дә распутая баба икәнсең,күп ирләр белән йоклап җергәнсең ....

№87 (859488) / 14.11.2013 18:50:48

Мина бер дэ чибэр ирлэр охшамый алар мина -кызлар к\к . Ямсезлэрне курсэм УФ УЛЭМ яратам шуларны . Ямсезлэр алар дэртле булалар . (бетенесе тугел ).
№81 -сез дерес язасыз кайбер сузлэрегезне .Мина бик тэ охшады УТЫРЫП СЕЙЛЭШЕРГЭ ДЭ бер якын кешен кирэк дерес . Гел секс -микс димэгэн бит . Кай вакыт телефоннан сейлэшэсен дэ и кунеллэр кутэрелеп китэ ,килеп эстэл янында серлэшеп чэй эчеп утырасын ана да эйбэт безгэ дэ .

№86 (859480) / 14.11.2013 18:26:23

анархия-мать порядка,карфаген жимерелергэ тиеш.

№85 (859479) / 14.11.2013 18:24:05

Гаилә - анахронизм ул.
Инстинкт обладанияның, накопителный инстинктның реликты, ниндидер бер кешенең икенче бер кеше (ир яки хатын-кыз) өстеннән собственност правалары дәгвә итүенең законсыз инструменты. Ул кешенең иреген, азатлыгын, хөрлеген боза, кеше хокукларын аяк астына салып таптый, шуңа күрә дә ул җимерелергә тиеш.
Балаларны барысын да гомуми тәрбия учреҗдениеләренә җыеп, шунда тиешле тәрбия бирергә, тиешле сыйфатлар, карашлар, белемнәр тәрбияләргә тиешле. Ата-ана, аруча ана тәрбиясе, баланы боза, җитмәсә, бозык, ялгыш фикерле ата-ана баласын да шулай ук бозык итеп, ялгыш карашлы итеп тәрбияли.
Бернинди дә гаилә калмаска тиеш.
Кеше ирекле җан иясе.
Ул кем белән тели шуның белән мөнәсәбәтләргә керергә хокуклы.
Гаилә - кеше иреген юкка чыгара торган соңгы богау!
Өзек ташлый шул богауны, яшәсен ирек, яшәсен хөррият!

№84 (859436) / 14.11.2013 06:54:40

12, 13, мин алсу да , фригидный да түгел, тик гомер буе үземә охшаган ирне очрата алмадым, ә сасы ис килә торган алкаш миңа кирәкми.

№83 (859423) / 13.11.2013 23:54:54

Мин бит синең кебек маймулга охшамаган .

№82 (859420) / 13.11.2013 23:39:26

син чибэр,син матур,сина карап туймыйлар,нигэ сине зоопаркка маймул итеп куймыйлар?

№81 (859416) / 13.11.2013 23:29:21

Булганмы,юкмы анысын белмими.ЛӘкин требованием дә калам. Мин юкны сүләмим,булган хәлне язам. МИңа бәйләнгәннәрне яратмыйм,үзем бәйләнергә яратам. Миңа да отпор бирүчеләр юк түгел,но мин уфтанмыйм. Чөнки мин үзем бик чибәр һәм дә затлы ЗАТ. МИне дәрәҗәле затлар кызыксындыра,кара-каршы сүләшеп утырыр өчен генә булса да. Бер затым бар иде,мәрхүм булып китте. Телефоннан серләшә идек,очрашырга теләмәде кеше күрер диеп.Биик олы дәрәҗәле затлуха иде. Татарстанның беренче затларның-заты иде.МЕнә шулай.

№80 (859413) / 13.11.2013 23:14:49

Гөмеремнең ахрында яшләргә әйтәсе сүзем шушы:Үлеп яратмасагыз кушылмагыз,гөмер буе газап чигәрсез.

№79 (859412) / 13.11.2013 23:06:52

Ир заты, буген бер чират кургэн идем узып барышлый,курэсен сина торулары булган!

№78 (859410) / 13.11.2013 23:04:45

МИн үзем хатыннар янына барсам,бик сайлап кына барам.Бренче требованием-матурлык(бите,арты-алды,аяклары,йөрү васуннары,елмаюы,буе,кулы-бармаклары,һ.б).Шул таләбләр туры килмәсә барлыкларын да белмим.Урамга чыгар хәлем юк,чибә хатыннар сүз куша башлыйлар. Ә минем үз спросым.

№77 (859407) / 13.11.2013 22:58:33

мин аны фригидный дип ишеткэн идем.

№76 (859406) / 13.11.2013 22:57:10

Аптырап утыралар, вәт ә, мужыт алсудыр ул? Бер хатын йөри иде улым никтер өйләнми дип, зәңгәрләр турында ишеткәне булмагач!

№75 (859405) / 13.11.2013 22:54:48

Тукран,

№74 (859371) / 13.11.2013 16:51:26

№47 аптыраш.12.11.:
"Монда..озобоченный затлар гына калды
А-у-у... кайда сез фикерли белуче кешелэр?
Языгыз эле фикерлэрегезне..."
----
юкка аптырама,аптыраш
"фикерли белүчеләр" ә-ә-әнә өстә, яза тора
"озАбоченныйлар" аларга тиешлесен әйтә тора

№73 (859368) / 13.11.2013 16:43:43

Гузэл, физзарядка дип чит ирләр янына бара алмыйм бит инде, хурлыгы ни тора. Өйдә йога белән шөгылләнәм, вакыт булганда намаз укыйм. стресс шулай чыгып бетә.

№72 (859366) / 13.11.2013 16:34:26

Гузэл,алай яшэучелэр куп инде ул!
Физзарядка очен генэ куршедэ кунып булмый бит!

№71 (859364) / 13.11.2013 16:30:09

Тукран,ничек сез зак еллар ирсез яши аласыз,шаккатам,бу бит хатын кызнын организмына зур стресс,мин кон аралаша булсада шогеллэнергэ тырышам,бигрэк тэ иртэнге якта,ул бит физзарядка сыман,хатын кызнын гузэллегенэ дэ бик зур тээсир итэ,.

№70 (859360) / 13.11.2013 16:08:02

берханым, Аллаһ сакласын, җыенмыйм. Күп еллар инде бер ир белән дә йоклаганым юк, менә дигән яшим. Мурат әфәндегә җавап кына яздым.

№69 (859358) / 13.11.2013 16:01:08

тукран, жирэнмичэ кон саен бер ир белян йокларга жыенасыз? Фу -у -ууууууууууу

№68 (859357) / 13.11.2013 15:46:13

Мурат эфэнде, ирләр хатыннарга караганда да иртәрәк картая, 40-45 яштән соң алар ир исеме генә күтәреп йөриләр, башка нәрсәләре эшләми. Мин моны үземнән беләм. Көн саен бер ир белән йокласам, мин дә тәмен белер идем, тик Прохоров белән бер дәрәҗәдә түгел шул. Гади кешегә андый нәрсәләр тәтеми.

№67 (859355) / 13.11.2013 15:26:09

Тукран,ирлэр бер кайчан да картаймый,тульке хатыннар тиз туза,Прохор дисез нигэ ойлэнми,чонки рэхэт ана шулай,бар бит шундый чир,зависимость дигэн,аракыга,тэмэкегэ,шулай ук бар зависимость кон саен яна хатын белэн йокларга,просто подсаживаешься наркоман сыман,кон саен яна ощущение,сез анын тэмен белеп бетермисез,белсэгез башкачарак карар идегез бу мэсэлэгэ.

№66 (859350) / 13.11.2013 15:15:08

Ярый сез егетләргә яхшы кызлар юк дисез, ә менә Михаил Прохоров иллегә җитеп тә бер тапкыр да өйләнмәгән, үзе матур, җитмәсә миллионер, нишләп аңа яхшы кызлар очрамый икән? Андый кеше артыннан гадәттә кызлар өере белән йөри, сайлап алырга мөмкинлеге бар.
Егетләр, вакытында өйләнеп калыгыз, картайгач берәүгә дә кирәкмисез.

№65 (859343) / 13.11.2013 14:51:20

Менэ шул шул бетенесен бай ирлэр бозып бетерде дэ инде . Узлэре ялгыз, эйлэнэселэре килми кузлэрен ачыбырак карсалар янэшэлэрендэгенэ менэ дигэн ялгыз хатын кыз , бетен хатыннар да кирле- мирле тугел бит их сез ИРЛЭР .Сезгэ шул шакшыланып ятарга яшь кызлар кирэк . Ул туккэн акчаларыгызга тормыш алып барсагыз жылы чиста эйлэрегезгэ кунелле итеп кайтып керер идегез . Сез эй жылысын тормыш тэмен сизмисез . Аннан хатыннар виноват .

№64 (859335) / 13.11.2013 12:34:56

Менэ шул, №61, бик дорес эйтэсез.

№63 (859331) / 13.11.2013 10:52:49

Ни эйтсэндэ ин мохим эйбер доньяда секс.

№62 (859330) / 13.11.2013 09:44:06

Тезелеп киткән монда фикерләр) Дуслар, әйтегезче, кеше ни өчен тормышка чыга? Сынауларны бергә үтәр өчен! Гомер буена торыр урынга акча җыярга була ул, ә өйләнеп (кияүгә чыгып) яши торсаң, бергә мал җыйсаң яхшырак түгелме соң? Тормышка чыккач кеше тынычлана, эшкә ныграк бирелә, йокысы туя башлый (баласы туганчыга тиклем инде)
Ир кешенең бурычы шул аның, хатынын, баласын карау. Ә инде кем дә кем килешми, димәк ул үз өстенә бурыч алырга курка.

№61 (859327) / 13.11.2013 09:26:02

Берэу хаклы бит. Кеше гомере буе, яннарында яшәгәннәргә хыянәт итә-итә,үзенең ярты җанын эзли. Шуны эзләп тапса гына ул бербөтен булып яши ала. Әгәр эзләп таба алмый икән, ялгыз булмаса да, үзен бәхетле итеп тоя алмый. Парлы парсызлар турында күпме җырлар иҗат ителгән, кинолар төшерелгән. Яратмаган кеше белән яшәргә мәҗбүр ителгән кеше ирекле була алмый. Бу безнең җәмгыятьнең хатасы. Бүгенге яшьләр шул хатаны төзәтергә омтылалар бугай. Шуңа бик ашыкмыйлар, һаман эзләнәләр. Ләкин күкләрдә язылган никах кешегә тиешлесен генә вәгъдә итә шул. Чиләгенә күрә капкачын әзерләгән. Ярата белмисең икән, мәхәббәтсез буласың. Менә шул.

№60 (859324) / 13.11.2013 08:04:03

Хризантема,җәллим мин сине.

№59 (859323) / 13.11.2013 08:03:27

Алар очен бирэ дэ белергэ кирэк шул. Бэхетнен олгесе юк.hэр кеше аны узенчэ кабул итэ.Бэхетенне саклый белгэндэ бик ачуын килгэндэ дэ узенне каршы якка куеп карау мешать итми.Парлы булыйк,бэхетле,тулы гайлэлэр белэн яшэргэ язсын!

№58 (859322) / 13.11.2013 08:02:26

Берэу, чын мәхәббәт киноларда, яки китапларда гына була. Бу тормышта юк ул. Бер генә чынлап яраткан ир кешене күргәнем юк әле. Аларга бары тик секс, комфорт кына кирәк. Ә аның өчен хатын кирәк. Хатын-кыз гына чын күңелдән ярата белә, ә башкалар шуннан файдалана, кызганычка каршы.

№57 (859320) / 13.11.2013 07:56:30

Чын мэхэббэт булса служить итмисен ул-э яратасын. Ярату ул узенне онытып сойгэнен очен яшэу. Эти =эни муенына утырмадык ул узегездэн тора инде-тэрбиядэн. Парлы булып яратышып яшэудэ-тормышнын рэхэте- эдэмнэрнен бэхете.Матур бэхетле тормыш итучелэр кон курешлэрен дэ матур алып баралар hэм эштэдэ унышларга ирешу тылын яхшы булганда баскычыннан биеккэ кутэрелуе жинелерэк.Яратышып кавышыгыз!

№56 (859317) / 13.11.2013 00:11:57

Улларын бэбэй урынына карыйлар да, аннары шул хезмэтчелекне продолжать итэрлек хатын эзлилэр. Эмма хатын-кыз буген хезмэтче булырга юлэр тугел))
20 яшьтэ кияугэ чыгу да минемчэ бик акыллы эш тугел - куп вакытта андый яшь гаилэ ана-ата муенына утыра, шул гына.

№55 (859309) / 12.11.2013 22:53:00

Менә тагын татар сүзләре сезгә.
Һәрбер тере җанда булган Жизне-душа(Е.П.Блаватская "Тайная доктрина" буенча, 306 бит, татарчасы - күңел)Нэфеш дип атала, ягъни Нәфес.
Ә Божественный Дух(Руах) дип язылган. Безнеңчә - Рух була.

№54 (859304) / 12.11.2013 21:28:04

Рәсәйдә бары тик селәгәйчеләр генә калды!

№53 (859302) / 12.11.2013 21:05:42

и аллакаем тагын талаша башладылар

№52 (859301) / 12.11.2013 21:04:24

Исбатланып язылса, дәлилләр китереп сөйләш. Авыл көтүчесе кебек чыбыркы шартлатып утырма. Менә шул.

№51 (859300) / 12.11.2013 21:01:09

Секс - татар сүзе!!!

№50 (859297) / 12.11.2013 20:55:11

Утырма Аллаһ белән авыз чайкап. Киләчәк белән ак көчләр идарә итәчәк. Ул тән төсе белән бәйләнмәгән, бәлки рухи камиллек дәрәҗәсе белән үлчәнә шул.

№49 (859289) / 12.11.2013 20:20:32

Секста берни аңламаган җыен әтрәк монда язып ята. Аңлаганнары мыек астыннан гына көлеп утыра, бәхәстә катнашмый. Менә шул.
Нигә парсыз? Чөнки кирәгеннән артык умныйлар. Андыйлар гаилә төземи. Элек тә шулай булган.

№48 (859284) / 12.11.2013 19:45:11

аптыраш

"килэчэк буын турында кайгыртучы кешелэр" кем турында кайгыртырга булсын өчен, сез әйткән "озобоченный хайвани затлар" яза торган эш белән шөгелләнәләр, сайтка керергә вакытлары юк.)))

№47 (859282) / 12.11.2013 19:23:39

Шундый житди темага да гел эшэкелек турында гына телэсэ нэрсэ язып утыралар,исем китэ... Мондагы коментларны укып,безнен обществода кешелэр калмады ахры,озобоченный хайвани затлар гына калды дип уйлый башлыйсын. А-у-у... кайда сез зыялы,фикерли белуче,килэчэк буын турында кайгыртучы кешелэр?Языгыз эле фикерлэрегезне...

№46 (859276) / 12.11.2013 18:08:37

бу шабашник каян килеп чыкты и ходаем

№45 (859271) / 12.11.2013 17:59:06

уф аллам эллэ сугышалар инде.

№44 (859267) / 12.11.2013 17:52:50

Белдең йомран башын..
Иң шәп хатын кызлар 32 -38 яшлекләр..Но малай шәп инде..Их.. сезнең күргәнегез юк.. селәгәй агызып карап кына торганыгыз бар дыр

№43 (859266) / 12.11.2013 17:51:54

До чего примитивны некоторые особы! Дело не в возрасте, а в качестве.ГОЛЫЙ СЕКС БЕЗ ЧУВСТВ- ЭТО ПРОСТО МЕХАНИЧЕСКИЕ ТЕЛОДВИЖЕНИЯ.Когда любишь--ни о ком другом не можешь и думать, а любовь со временем перерастает в уважение.Если нет того и другого- не стоит жиить рядом с чужим человеком.

№42 (859263) / 12.11.2013 17:45:03

Ин якшы кызлар 20 яшлеклэр,э карт хатыннар 40тан артканлар бик нык конлэшэлэр,чонки фигуралары да неважный,бик за редким исключением очратырга момкин идеаль фигуралыны,но бик сирэк,э 45 тэн сон хатын кызлар богелэлэр,сексуаль планда,кыяфэтлэренэ дэ хатта карарлык тугел .

№41 (859262) / 12.11.2013 17:44:33

Карт хатыннарны хурламагыз әле. Мин үзем бер дә симез түгел. Буем 164 см. булса, авырлыгым 60 кг., ә бу нормага сыя. Хәрәкәтчәнлек яхшы булсын өчен үзеңне тонуста тотарга кирәк, гимнастика белән шөгылләнергә, диета тотарга. Шулай булганда гомергә дә картаймыйсың.

№40 (859261) / 12.11.2013 17:44:26

Тема-гадэт буенча итэк астына кереп китте,гафу ит эни!

№39 (859260) / 12.11.2013 17:44:16

Өйләнмәгез егетләр..башыңны эшләтсәң бик матур яшәргә була, буйдак булып та..Тик акылыңны гына югалтырга, аны хәмергә алыштырырга түгел..))

№38 (859259) / 12.11.2013 17:38:19

темадан чыгасыз

№37 (859258) / 12.11.2013 17:36:15

Фэрваз,эбилэр янында йори торгач,син хатын-кызнын нинди булуын да онытып бетергэнсен!
40 та невсякий мужик раунд тота ала, э хатыннарнын барсы да маладис 40-50 нэрсэ сон ул?
Аннан хатыннарга виагра да кирэкми. Кэефе генэ булсын!


Симезлек яшькэ карамый бандеролог.


36 яшьтэ 18-20 яшьлэр кызыктыра.Чонки аларны син качество дип уйлыйсын. Юк,алар бары количество очен генэ ярарлык.

№36 (859257) / 12.11.2013 17:34:04

мин узем 40-45 яшьлек хатыннарны бик тэ сексуаль объект итеп кабул итэм.

№35 (859256) / 12.11.2013 17:29:51

Мин узем карт хатыннарны(40-45) сексуаль обьект итеп воспринимать итэлмим.

№34 (859255) / 12.11.2013 17:26:37

карт хатыннарга секс кирэкми,беренчедэн,алар кубесенчэ симезлэр,икенчедэн хэрэкэтсез,телэсэ дэ булдыралмый.

№33 (859254) / 12.11.2013 17:25:11

нишлэп ул эйберне генэ беренче урынга куясыз сон сез

№32 (859253) / 12.11.2013 17:24:19

фэрваз, хатыннар 40 яшьтә актив сексуаль тормышны башлыйлар гына, мин узем шундый, син бөтен хатыннарны да белеп бетмисең, ирләрнеке киресенчә 40 яштән соң окончательно, кире кабынмаслык сүнә, шуңа күрә хатыннар яшьрәк ирләрне сайларга тиешләр.

№31 (859251) / 12.11.2013 17:19:25

Рузилэ,современный хатыннар инде 40 яшьтэ сексуаль тормышларын тогэллэп килэлэр,бик сирэк 50яштэ актив хатын очратырсын,алар бик тиз арыйлар,тартылулары да югала,белгечлэр эйтуенчэ начар экология хэм телэсэ нинди некачественный продукция белэн туклану,шулай итэ икэн аларны,мужет авыл жирендэ калган дыр эле актив сексуаль хатыннар,белмим.

№30 (859250) / 12.11.2013 17:18:13

Рузилэ Апас, карт хатыннарга да секс кирәк, нигә алар кеше түгел мени? Карт хатыннар яш егетләргә тартылмый, биш-алты яшкә кечерәк кеше булса - самый раз.

№29 (859249) / 12.11.2013 17:14:56

потому что энинен пенсиясе юк

№28 (859248) / 12.11.2013 17:14:53

Рузилэ АПАС! Сез кайсы мэгарэдэн чыктыгыз?
Хатын-кыз нормаль сексуаль тормыш белэн улгэнче яши ала,нормаль партнеры,хэм сэламэтлеге булса!

№27 (859246) / 12.11.2013 17:12:35

Э хатын кыз ничэ яшькэ кадэр сексуаль тормыш белэн яши ала ,ишеткэнемчэ 50яшькэ кадэр?

№26 (859245) / 12.11.2013 17:12:14

Хәзерге егетләр гаилә корырга атлыгып тормый, шәһәрдә дә, авылда да кырыкка, иллегә җиткәнче буйдак ирләр әниләре карамагында яшиләр, әниләре картаеп үлгәч, озак та үтми болар да үлеп китә, чөнки яшәүнең мәгънәсе калмый.
Көнбатыш Европа бездән алгарак киткән бит, анда нинди хәлләр икән? Бер җирдә укыган идем, хатын-кызлар 40ны узгач кына гаилә кора дип.

№25 (859244) / 12.11.2013 17:11:51

Загска килучесе, хатыннын крышасына риза булып яшэучелэр инде эни. Торыр урын эзлэп интегэсе юк бит.

№24 (859242) / 12.11.2013 17:10:16

моны Загс тан чыгып эйтэлэр.

№23 (859240) / 12.11.2013 17:07:30

Гармун,кеше ботен ягы белэн ошарга момкин,тик эшлэр шунда килеп терэлгэч, ботенлэй ошамаска да момкин дилэр. бу ирлэр ясаган вердикт.

Яшь егет кирэк икэн карт хатынга Рузилэ,димэк ул алай ук карт тугел,дигэн суз!

№22 (859238) / 12.11.2013 17:03:08

Эни дигэн хатын,мин тагын бер эйберне анлап бетерэ алмыйм,э карт хатыннарга,кемгэ секс мохим тугел,яшь егетлэр нэмэстэгэ кирэк,э яшь егетлэргэ киресенчэ секс еш хэм куп кирэк ич?

№21 (859237) / 12.11.2013 17:02:20

Секс очен ошаган кеше кирәк башта, аннары гына дәрт вә теләк туа, шуңа үзеңнең гармуннарыңны да көйли белсәң, калганы үзеннән-үзе эшләнә.

№20 (859230) / 12.11.2013 16:50:55

бу бит реаль статистика.зато все готовенький

№19 (859229) / 12.11.2013 16:49:44

Рузилэ Апас. Секс очен генэ какрас та яшь эллэ ни роль уйнамый. Курэм,яшь хатын ахыры син.
Секс очен тэнендэ гармуннар биеп торырга тиеш. Ул гармун дигэннэре хэзер кайбер яшьлэрдэ дэ юк.

№18 (859228) / 12.11.2013 16:46:21

Мирсэит, синдә хайвани теләк кенә нык үсеш алган икән. Шуннан да артык фикер йөртерлек запасың булмагач, маташырга гына ярыйсың. Башкасы кулыңнан килми, димәк.

№17 (859227) / 12.11.2013 16:45:58

Мирсэет хатын алыштыра торган кешелэрнен акыл сатарга вакытлары юк. Хатыннар нэрсэнэ карасын синен акчан булмаса,кыяфэтен булмаса нигэ син кирэк?
Хатынын барга куан инде!

№16 (859226) / 12.11.2013 16:45:52

Эни дигэн хатын язган,яшьлэр карт хатынларга ойлэнэлэр,бу бит башка сыймаслык эйбер,э секс,секс ничек момкин олы апа белэн яшь егеткэ бер караватка ятырга,анлап бетерэ алмыйм?

№15 (859223) / 12.11.2013 16:40:59

Айсылу фикере бик дорес,бер хатын чыннан да тиз туйдыра,кон саен шунын йозен-тэнен курергэ бик авыр,эле житмэсэ чэйнэугеч-псих та булса,ботенлэй нерванны бетерэсен.Ин рэхэт эйбер ул хатыннларны еш алмаштырырга,кунелен дэ тыныч,узен дэ канэгэт.

№14 (859220) / 12.11.2013 16:37:55

Фэрваз,ирлэр ботенлэй привлекательный тугеллэр эле. Хатыннар картлары да ухоженныйлар бит.
Э менэ ирлэргэ карасан,утырып еларлык.Подъезд буенча йореп санасан да, кузгэ куренер ике-оч ир. Калганнары-сыра савытлары,аналарына кирэкмэгэн,хатыннары куып чыгарган,алименттан качып йоруче урам себеручелэр, грузчиклар.

№13 (859219) / 12.11.2013 16:36:02

Чаллыда наоборот яшь егетлэр зурракларга ойлэнэлэр.

№12 (859217) / 12.11.2013 16:33:26

Ирлэргэ дэ хатыннарга да,ин мохим эйбер иркен женси монэсэбэтлэр,ойлэнгэч яки кияугэ чыккач,син бит бер тэн белэн генэ чиклэнергэ тиешсен,э болай кон саен булмаса да,еш кына яна очрашу,яна монэсэбэтлэр.

№11 (859216) / 12.11.2013 16:33:15

сексуаль бэйлэнеш саен гаилэ кора башласан жаныкаем, загска йореп арырсын.Хотя хэзерге яшьлэр шулай яши дэ инде,кем белэн йоклый шуны улеп ярата. Бераздан икенчесен ярата башлый.
Э тормыш алып бару очен бергэ йоклау гына аз,икен бергэ тартырга да кирэк тормышны,берторле уйларга кирэк.
Квартир,машина дип кенэ карама,алар хэзер тормыш итэр очен ин кирэкле нэрсэлэргэ эйлэнде.Бигрэк тэ балалар кечкенэ булганда.

№10 (859215) / 12.11.2013 16:33:02

молодец Эльмира шушындый язмалар житми.

№9 (859213) / 12.11.2013 16:29:42

хатын кызлар бик тиз картая хэзерге заманда,хам сексуаль привлекательностен дэ югалта,егетлэрне 25 яштэн дэ картыраклар уже кызыксындырмыйлар,тем более хэзер каждый второй хатын мать-одиночка,э ирлэргэ хэзер кытлык.

№8 (859212) / 12.11.2013 16:25:42

Мэкэлэ бик туповатый,колхозчы фикерлэуе,фатир,машина,фэлэн-тегэн,монэсэбэт рухы турында бер лэм мим юк,сексуаль бэйлэнеш турында шулай ук бер язма курмэдем,бу бит ике кешенен топ бэйлэнеш эйберлэре,э автор суз саен фатир-машина,нинди меркантиль гэдэт микэн ул э?.

№7 (859210) / 12.11.2013 16:20:12

Хәзер квартираны бушка бирүче юк, гади кешегә квартира сатып алам дисәң, гомер буе эшләгән акчаң да җитми, димәк, өйләнә алмыйсың булып чыга. Бездәге яшләр өйләнешкәч, үзләренә аерым квартира снимат итәләр, буш квартиралар күп, халык эш булмагач, читкә китә, шуңа күрә күбесенчә яшләр квартплата хакы гына түләп торалар.

№6 (859207) / 12.11.2013 15:51:49

а то кайда торырмын , ничек яшәрмен икән диеп тормыш кормас борын кайгыра башлыйлар. Ходай җан биргән икән,)))))
менэ чын Рэсэй подходы инде бу!
Илназлар куп бу илдэ:
ойлэнмэгэн коенчэ нигэ торырга урын булдырыйм,эни сыйдыра бит эле! Аннан тотына инде проблемалар.Торырга урын юк,ике баланы остерэп фатирдан -фатирга йору башлана.
Кешелэр узгэрмичэ,проблемалар узгэрэсе юк!

№5 (859206) / 12.11.2013 15:48:24

Гаилэ корып яшэу купкэ катлаулыракка эйлэнэ баргач,ялгызлыкны сайлыйлар инде.
Узен очен эшлэп кара да,гаилэ,балалар очен эшлэп кара!

№4 (859203) / 12.11.2013 15:23:49

Яхшы кызлар күп ул, эзләргә түгел аларны, һәр икенчесе кияүгә чыгарга әзер. Сабырлык кирәк, бары шул. Егетләргә киңәш: озак сайланмаска. Ошады икән кыз-кулын сора. Кызларга: егет кулыңны сорады икән, риза бул. Ә авырлыклар бергә үтелә ул, хич тә кайгырыга түгел аңа, а то кайда торырмын , ничек яшәрмен икән диеп тормыш кормас борын кайгыра башлыйлар. Ходай җан биргән икән, туйдырыр.(Илназ, 25 яшь)

№3 (859193) / 12.11.2013 14:12:36

Язманың авторы Эльмира Флүн ягъни Нуретдинова Эльмира Флүн кызы

№2 (859192) / 12.11.2013 14:04:18

бик яхшы аналитический язма.авторы гына юк.

№1 (859191) / 12.11.2013 13:55:48

Хэзер яшьлэр узлэре очен узлэре яши, бэлки шулай дорестер дэ. Бала очен, ир, хатын очен яшэмилэр, гомер бер генэ бит, барлык рэхэтен дэ куреп каласылары килэ. Никахсыз ир-ат белэн хатын-кыз белэн йоклау гаепкэ саналмый алар ирекле, безнен заманнарда никахсыз якынлыкны эти-эни хупламый иде, тизрэк ойлэндереп кую ягын карыйлар иде.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar