• 26.06-28.08 Театрализованное фольклорное Казан-шоу. Туган авыл.
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 28 Июль
  • Айрат Акимов - җырчы
  • Нургали Булатов - журналист
  • Якуб Агишев (1899-1972) - галим
  • Рәшит Ибраһимов - язучы
  • Наил Мәганов - җәмәгать эшлеклесе
  • Рамил Нотфуллин - дәүләт эшлеклесе
  • Розалина Шаһиева - шагыйрә
  • Туй, туган көн, юбилей һәм башка уңайдан якын кешегез белән хәтирәләрне теләкләр аша үреп,оригиналь шигырьләр,проза,рәхмәт сүзләре,бәет,җыр текстлары иҗат итәм.Һәр кешегә индивидуаль караш.Кулай бәяләр.Заказлар алдан алына.89083405794 ватсап.
  • Сдаю 1 комнатную квартиру в Наб. Челнах в 62 ком-се молодой семейной паре или двум девушкам студенткам. 89093132683 вацап
  • 62 яшьлек Ир Яна гына пенсиягэ чыктым казаннан ерак тугел район узэгендэ яшим бакча яратам бераз гына умарталарым бар жыр монга гашыйк узем шикелле ялгызлыктан туйган 55 62 яшьлек хатын кыздан шалтырату кэтэм тел 89270417535
  • Исэнмесез. Метро Аметьева,горьки яки Карбышева,даурский,мавлютова урамнары тирэсеннэн 1 булмэле квартира озак вакытка снимать итэргэ эзли без. 89372982380
  • Исәнмесез. Яңа бал сатам. Умартам урман янында тора. Экологик чиста бал. 3л -1300, кәрәзле бал - 600скм/кг. Казанга китереп тә бирәм. 89600344439 нлмерына шалтыратыгыз.
  • Добрый день! Продаю мёд из своей пасеки. Пасека находится около липового леса, в отдаленном от основных автомобильных дорог. Мёд характеризуются экологической чистотой и повышенными лечебными свойствами. Мёд цветочно-липовой. Цена 3л - 1300. Имеется доставка по городу Казани. В продаже имеется мёд в сотах весом от 1кг 500гр - до 2 кг. (вес тары не входит). Цена - 600 р/кг. Оптовом покупателям (от 10 банок), скидки. Желающие пишите по номеру 89600344439
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
 
 

 
Архив
 

               

30.01.2009 Җәмгыять

КАЙСЫБЫЗ ЮЛӘР? (ФОТО)

Күпер аша Казансуны кичкәндә боз өстенә сибелгән балыкчыларны карап гаҗәпләнәсең: “Нинди юләрләр инде бу, шушы салкында балык дип өшеп йөрмәсәләр!”. Балыкчылар исә күпердән баручыларга гаҗәпләнә: “Чабыгыз, чап, дөнья мәшәкате бетми ул, иң мөһиме – җан тынычлыгы”. Иң кызыгы шул: тегеләр дә, болар да үзенчә хаклы. Менә шундый фәлсәфә...

26 гыйнвар, 14.00 сәгать, кояшлы көн, термометр “-8”не күрсәтә. Казансу балыкчыларының хәлләрен белеп кайтасы булдым. Күттә өч кат ыштан. Әмма боз кырында ул да ярдәм итми икән. Казансуда балыкчылар төркем-төркем утыра. Аларның урнашу рәвеше – аерым бер фәлсәфә. Әйтик, ялгызак балыкчылар... Алар төркемгә иярергә теләмәүче, үз юллары белән баручы горур кошлармы, яисә балыклы җирне кайда икәнен аңламаучы наданнармы? Шуны ачыкларга теләп бер ялгызак янына юл тоттым.

 

БАЛЫККА БАРА АЛМАУДАН АЛЛА САКЛАСЫН

 

– Бабай, ник яр буенда ялгызың утырасың?

 

– Эчкәрәк керер идем дә, “ходовой”ларым искерде шул, – дип аякларына күрсәтә бабай.

 

Илдар абый Айткуловка өч көн элек 72 яшь тулган. Үзен хәтерләгәннән бирле балыкка йөри, чөнки Бишбалтада су буенда туып үскән. Хәзер Кварталда яши. Балыкка барганда машиналы күршесе ияртә икән. Бабай монда җәяү яки җәмәгать транспорты белән килә алмый, бөтен өмете күршесендә. Балыкка бара алмауның нинди газап булуын аңлау өчен балыкчы булу кирәктер...

 

Илдар абый иртәнге унынчы яртыдан утыра. Бер тапкыр да чиертеп карамаган...

 

СУДАК ТА ДУРАК ТҮГЕЛ!

 

Киттем эчкәрәк. Яшьрәк кеше табасы килә. Менә 35-40 яшьлек бер татар абзые. Исемен әйттермәде, фотоны да арттан гына төшерттерде. Бу шөгыленнән ояла кебек сиздем. Янгын сүндерүче абзый төнге сменадан туп-туры балыкка килгән. “Ә кайчан йокларга өлгерәсез?”, – дип сорамакчы идем дә, янгын сүндерүчеләрнең эш “үзенчәлеген” исемә төшереп, тыелып калдым. Әмма запаста икенче сорау бар иде: “Хатыныгыз әрләмиме соң?”. “Хатыннар эчеп яткан, берни эшләмәгән ирләрен генә әрли ул. Балыкка йөрүнең ни әрләрлеге бар?”. Абзыйның борыннары шактый кызарган иде. Эчкәннән түгел, әлбәттә – салкыннан.

 

Сүз уңаеннан, боз өстендә кояш бик зәхәр нәрсә. Бигрәк тә яз көне. Нурлар кардан чагылып бөтен битне каралта. Игътибар иткәнегез бардыр, кышкы балыктан кайтучылар негр сыман була кайчак. Әмма балыкчылар бик тапкыр халык: бәйләгән башлыкларында күзләр өчен ике тишек ясыйлар да бөтен битләренә сузып кияләр. Шуңа күрә бозда бур тоткан (бораулау җайланмасы мәгънәсендә) шундый кешене күрсәгез, аны бур дип уйлый күрмәгез (карак мәгънәсендә).

 

Янгын сүндерүче иртәнге 11дән әле берни дә тотмаган иде. “Судак бер-ике көн бәрә дә аннан 5-6 көн тыелып тора”, – ди бу (“бәрә” – безнеңчә – яхшы чиертә). “Алайса графигын төзергә кирәк тә, “бәрү” көннәрендә генә килергә кирәк”, – мин әйтәм. Шундый эшлекле киңәш китереп чыгарганы өчен үземнең мантыйгыма сокланып куйдым. Әмма судак та дурак түгел икән. Аның “кәефенә” тәэсир итүче факторлар арасында башкалары да бар ди: һава һәм суның температуралары, басымнары, кояш булу-булмау һ.б.

 

БОЗ БАР КЕШЕНЕ ТИГЕЗЛИ

 

Ярдан 300 метр ераклыкта 10-15 балыкчы бергә күмәкләшкән. Әллә шулай җылырак микән? Юк, монда чыннан да чиерткәли. Балыкчылар кәрт суккан кебек түгәрәкләп утырганнар. “Уен диаметры” 30-40 метр. “Мунчада һәр кеше тигез” диләр. Чынлыкта бу әйтем боздагы кешеләргә дә карый. Суда йөзүче җанвар кешене аера белми. Шуңа күрә бабайның да – малай-шалайның да, байның да – хәерченең дә бәхеткә ирешү мөмкинлеге бер чама. Көндәлек тормышта табып булмаган гаделлекне балыкчылар суда таба...

 

Үзем фотога төшерәм, үзем балыкчыларның ничек аралашуын күзәтәм. Монда “исәнмесез”, “гафу итегез”, “хәерле көн” дип сүз башлау юк. “Бармы?”, “ничек?”, “ну?” – гадәттә исәнләшү сүзләрен шушылар алыштыра. “Сез” дип дәшүне дә ишетмәссез. Ул көнне “сез”ләүче мин генә идем бугай. Балыкчылар бер-берсе өчен “син” һәм бары тик “син”! Аларның таныш булу-булмавы мөһим түгел. Моны дорфалык, наданлык билгесе итеп кабул итмәгез. Сәбәп  башкада: бозда бар кеше дә бертигез...

 

ГЕРМАНИЯ УРЫНЫНА... БАЛЫККА

 

Ярослав Яшин – күңелле генә урыс бабае. Бабай диясе килми, әмма 65 яшьлек ир – бабай буладыр инде. Ярослав Яковлевич монда көн аралаш килә. Гомере буе теш табибы булып эшләгән. Казан дәүләт медицина университетында 8 ел эшләп ярты меңгә якын студентын укытып чыгарган. Хәзер алар илнең генә түгел, ә дөньяның төрле почмакларында эшли ди. “Кафедрадагы ике хезмәттәшем Германиягә күчкәч, мине дә шунда чакырдылар. Бармадым. Казаннан читтә тора алмыйм. Алар хәзер миллионер, ә мин менә балык тотып утырам”, – дип көлә Ярослав Яковлевич. Һәвәскәр балыкчы пенсиясен хатынына биреп бара. 5 мең сумның 500ен генә үзенә калдыра икән. Балык тотар өчен аена шул җитә ди.

 

Ярослав бабай ике тапкыр инфаркт кичергән. Шуның берсе әлеге дә баягы балык аркасында. Камада давыл чыкканда ул көймәсе белән елга уртасында кала. Дулкыннар арлы-бирле болгый моны. Соңгы көченә ярга ишеп җитеп җиргә басуы була – инфаркт бәрә.

 

Ярослав Яшин бүген бозны 25 җирдән тишкән. Менә сиңа спорт! Пакетында өч судак ялтырап ята иде. Ә Казансуда кыш көне тоткан иң зур балыгы – 10 килолы 1 метр 14 сантиметрлы чуртан. Көчкә тартып чыгарган.

 

Балыкчыларны ялганчы дисәләр дә, әйдәгез, ышаныйк инде, җәмәгать. Безнең ышануыбыз алар өчен бик мөһим...

 

Балыкчылар белән хушлашып, Казансу ярына менеп килгәндә вакытның күпме икәнен якынча да аңламадым. Һәм бу су һәм бозның тагын бер могҗизасы иде. Балыкта вакыт башкача агыла сыман. Әйтерсең, аның сәгатьләре башка. Ә вакытны оныту – күңел тынычлыгына ирешүнең бер билгесе.

 

Артыма борылып, яңа танышкан дусларым тарафына тагын бер кат карап куйдым. Аларның һәркайсы ап-ак карда нибары бер кара нокта булып күренә иде. Шулай да кем юләр: алармы, безме? Күңелемне шул сорау кытыклап узды.

 

Алда мине шау-шулы шәһәр көтә иде...

 

ФОТОЛАР:

 

 

Текстта телгә алынган Илдар Айткулов

 

 

Янгын сүндерүче төнге сменадан туп-туры балыкка килгән

 

 

Панорама

 

 

Су буенда балыкчылар

 

 

Бу кешенең балыгы шактый иде

 

 

Төрле сортта үзләре

 

 

Кайберләре кайтырга җыена

 

 

Мыеклы балыкчы

 

 

Ярослав Яшин балыкка көн аралаш йөри

 

 

Сулда - Слава бабайның аяклары

 

 

Балыкчы "кәнәфие"

 

 

Кайтырга вакыт

 

Автор фотолары.

 


Данил СӘФӘРОВ
Ирек мәйданы
№ 4 | 30.01.2009
Ирек мәйданы печать

Фикерләр

Исем:
E-mail:
Текст:
 
№8 (12343) / 02.02.2009 13:01:51

Боз остендэ нинди жалко яталар!!! Тотыш, ирлэр шулай инде, сам процесс дилэр. Элэктерэм башта , кирэге беткэч, тотып атам!!!

№7 (12303) / 01.02.2009 01:57:07

Шикле, син авыл баласы тугелме эллэ??? Мин узем тирестэн кызыл челилэрне чуплим башта, аннан аларны шырпы кабына тутырып, аннан балык тотарга дип кулгэ барып, шул челилэрне куреп, соенеп, аннан балыкнын чиерткэнен карап, аларны чуплэп, кайткач никтер мина монсу кузлэре белэн карап ятучы кэрэзлэрне ашаудан бизэм. Тотарга гына яратам мин аларны...

№6 (12294) / 31.01.2009 21:53:41

Ә мин балык тотырга яратмыйм. Чели кидерәсе бар

№5 (12281) / 31.01.2009 01:06:24

Тотыш, да... тормыштан лэззэт таба белэсен, малай... Кеше тэмэке тартып кайф кичерэ. Э мин тирлэп, пешеп, янып, сасып, сорсеп хэм арып кайтам да "ник шулкадэр шуарга инде?" дип, гырлый-гырлый тэмлэп йоклап китэм...

№4 (12280) / 31.01.2009 00:57:02

Танк, везет...э мина иртэгэ эшкэ барасы.. Кич йозеп кайтачакбыз..Йэзеп арып чыгасын урамга...хэм..тэмэкене кабызып жибэрэрсен - кайф!!!

№3 (12278) / 31.01.2009 00:48:30

Тотыш,
кышнын кадерен белергэ кирэк икэн. Буген чангы белэн тауда шудым, аннан шугалакта шудым. Ваще адреналин!!!

№2 (12277) / 31.01.2009 00:44:33

колоритный фотолар..таудан чангы шуасы килер китте..жил йозгэ бэрэ, э мин очам гына...

№1 (12276) / 31.01.2009 00:39:10

Яратам шушындый язмаларны. Мондый язмаларны укыганда вакыт сизелми узып китэ.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar