поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 26 Гыйнвар
  • Зинира Рамазанова - җырчы
  • Әминә Бикчәнтәева (1913-1986) - язучы
  • Альбина Насыйрова - дәүләт эшлеклесе
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ. 89196271171
  • Үзебезенең умарталыктан бик яхшы сыйфатлы бал сатыла. 3л-1200 сум. Шулай ук крем-бал -450 грамм-250 сум, ПЖВМ да бар. Кирәк кешеләр 89625497103 телефонына шалтырата аласыз.
  • Фураж сатыла. 17 сумнан. 89539999493
  • Шушы коннэрдэ угез суябыз. Кг 360 сумнан. 89539999493.яшь ярымлык.
  • Гиссарский hэм романовский сарыклар, тэкэлэр, саулыклар (бикэчлэр) сатыла. Шулай ук торле поролы 6 айдан 8 айга кадэрле тэкэлэр, саулыклар (бикэчлэр) сатыла. Сарык итенен кг.400 сумнан. 89874245531 (Ватсап). Балтач районы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
 
 

 
Архив
 
10.12.2012 Шоу-бизнес

Һәрбер “йолдыз” үзенчә яна

Самараның Литвинов исемендәге Мәдәният сараенда татар эстрадасы йолдызлары катнашында “Татарча солянка” концерты булып узды.

Мондый тамашалар төнге күк йөзен хәтерләтәләр: сәхнәдәге җырчылар да һавадагы йолдызлардай җемелдиләр. Тик йолдызларның барысы да бертөрле булса, артистлар исә үзенчәлекле. Аларның һәркайсының үз образы, имиджы һәм, әлбәттә, үзенә генә хас тавышы. “Солянка” концертлары тамашачыга шул төрлелекләре белән ошыйлар да инде. Шуңа күрә быел да зал халык белән шыгрым тулы, бигрәк тә яшьләр бик күп иде.

Һәр җырчының үз имиджы, үз образы дигәннән... Әйтик, концертта чыгыш ясаган Ләйсән Гыймаеваны принцессага тиңләргә була. Озын сары чәчләрен матур итеп бөдрәләткән, алтын төстә матур, тыйнак күлмәк кигән. Тавышы да моңлы, үзе дә ягымлы. Сәхнәдә дә үзен затлы җырчы буларак тота. Аны ниндидер самими кечкенә кыздай кабул итәсең.

Ә менә шулай ук үзенчәлекле матур тавышлы, дәртле җырлар башкаручы Ландыш Нигъмәтҗанова, киресенчә, җилбәзәк хатын-кызны хәтерләтә. Аркасы, ботлары, күкрәкләре ачык күлмәк кигән бу җырчыга (сүз дә юк, фигурасы матур) ир-атлар бик тә сокланып, “Браво!”, “Молодец!” дип котырып-котырып кычкырып, үзен кәрәзле телефонга фотосурәткә төшереп, бик тә ләззәтләнеп утырдылар. Бигрәк тә бер җырын башкарганда залдан бер яшь егетне сәхнәгә чакырып алып биегән мизгелләр Ландышның чыгышының кульминацион мизгеленә әйләнделәр ахрысы. Хатыны залда утыргангадыр инде (кулында балдагы күренеп алды), оялып кына биегән егетнең кулын Нигъмәтҗанова үзенең биленә дә алып куйды, бит очларын да үптерде. Дөрес, бу дөньяда кем ничек мөмкинлек таба, акчаны шулай эшли, диләр. Җырчылар арасында да тамашачы мәхәббәтен кем ничек яулый ала бугай хәзер.

Ничек кенә булмасын, хәзер, бәлки, сәхнәдә Гыймаева кебекләр дә, Нигъмәтҗанова кебекләр дә бертигез кирәктер? Әйтик, кемгәдер шушындый тыйнак Ләйсәннәр, ә кемгәдер шундый җилбәзәк Ландышлар ошый бит. Монда инде сүз күбрәк яшьләр турында бара, чөнки “Солянка” күбрәк егетләр-кызлар өчен каралган тамашага охшаган. Ә инде бүген, яшьләр ана телен онытып барганда, бәлки, аларның шушы концертларга йөреп булса да, татар сүзен, татар җырын ишетүләре яхшыдыр. Кем әйтмешли, сүгенсәләр дә ярар, татарча гына сүгенсеннәр иде! Бары тик шундый концертлар аша булса да, татарлыкка гына тартылсыннар иде яшьләр, диючеләр дә булды халык арасында.    

Гомумән, тамаша үзе әллә нинди тирән тәэсирләр калдырды, дип әйтеп булмый. Дөресрәге, концертта күңелгә үтеп кергән берничә җырчы булды. Гәрчә биредә чыгыш ясаган һәр артист та залда үз тамашачысын тапты, чөнки бу юлы бөтенләй моңсыз, такмаклар гына җырлый белүче артистлар юк иде. Ә кайбер җырчыларның халык тарафыннан аеруча яратып кабул ителүе яхшы сизелде. Шулай, Ләйсән Гыймаева, Мурат Гайсин, Илдар Әхмәтов, Раяз Фасыйхов, Фирдүс Тямаев, концертта яңгыратылганча, татар эстрадасының Алла Пугачевасы Әлфинә Әзһәмовага табынучыларның даирәсе киң икәнлеге күренде. Чәчәк бәйләмнәре дә сирәк җырчыга гына эләкте.

Самаралыларны инде күптән үзенә гашыйк иткән Раяз Фасыйхов быел да үз репертуарында иде. Концерттагы кайбер андый ук тәэсир калдырмаган, аеруча тойгылар уятмаган җырчыларның чыгышыннан соң, ул залны дәртләндереп, җанландырып җибәрде. Буй-сыны да килешле аның, чибәрлеге дә бар, тавышы да моңлы, үзе юмор остасы да әле -  менә, ичмасам, артист! Күпме генә тыңласаң да, күпме генә карасаң да, сокланып туеп булмый аңа.

Бу юлы тамашада бик тә җанлы, бик тә дәртле, бик тә тере җырчы егет Фирдүс Тямаев та чыгыш ясады. Җырлаганда аның сикереп-сикереп биегәнен тамашачы елмаеп күзәтте. Гәрчә аны сәхнәдә күзәтүе бер дә җиңел түгел, чөнки ул бер генә минут та үз урынында басып тора алмый. Әле тегендә, әле монда чаба. Шул вакытта әле җырлап та өлгерә.  Ә тавышы моңлы үзенең! Самара тамашачысы Фирдүсне бик тә яратып кабул итте. Шуңа күрә тиздән шәһәребездә узачак аның сольный концертына, бәлки, халык күпләп җыелыр әле.

Тамашаны алып баручы  үтә дә шәп, җор телле Айрат Ильясов белән Айваз Садыйров турында да аерым әйтеп үтәсе килә, чөнки алар “Солянка”га яңа сулыш өрделәр. Аз-маз гына билдән аста мәзәкләреннән башка, үзләренә теш-тел тидерерлек түгел. Айвазның сәер прическасы да, кызыл ыштаны белән галстук күбәләге дә тамашага ниндидер гадәттән тыш үзенчәлек өстәде. “Туйлар.ру” сайтында урнаштырылган Лилия Йосыповага биргән әңгәмәсендә Айваз бу турыда: “Гардеробымда ниләр генә юк. Мин – шопоголик... Тик ничек кенә киенсәм, кылансам да, дөнья этикетыннан читкә чыкмыйм анысы”, - дип әйткән.

Алып баручыларның мәзәкләре дә инде йөз тапкыр ишетелеп туйдырганнардан түгел. Күбесенчә алар импровизация ясыйлар. Бигрәк тә шунысы белән күңелгә хуш килделәр дә бу егетләр. Үзләре тере, тамашачылар белән дә тыгыз элемтә урнаштырып, халыкны рәхәтләнеп көлдерделәр, аның күңелен ачтылар алар.

Тик менә музыкаль тамашаларда тамашачылар белән төрле конкурслар, уеннар үткәрү генә кайберәүләргә ошап бетмәде. Концерт булса концерт булсын инде ул! Мәҗлесләрдә модага кереп киткән конкурс-уеннарда катнашу өчен түгел, җыр-моң тыңларга килә бит бирегә халык. Бигрәк тә алар оятсыз мәзәк сүзләр кыстырылып үткәрелсәләр, конкурста катнашучыларга халык алдында оялып та куярга мөмкин. Һәм, гомумән, мондый уеннар, конкурслар концертның бөтенлеген, сюжетын боза. Программа җитешкән булганда, номерлар кырт итеп торганда гына тамаша бер моңлы җырдай тигез үтә бит ул.

 

1

2


Нурия МАНЗУЛЛИНА
Бердәмлек
№ |
Бердәмлек печать

Фикерләр

Исем:
E-mail:
Текст:
 
№7 (822255) / 11.12.2012 07:55:35

татарның зәүексезләнә баруын түбәндәге язмалар күрсәтә инде....

№6 (822249) / 10.12.2012 22:57:32

Концерт шундый яхшы булды! Яше дя карты да мен ряхмятляр жибяряляр. Нурия язган инде, узенен мнениесын, инде ун кон утте, халык искиткеч концертны оныта алмый!

№5 (822241) / 10.12.2012 21:37:57

Тапканыз чагышытырылык җырчыларны.Яшьләргә Ландышның җырлавы да, киенүе дә бик ошый. Җырлары бик матур, тиз истә калырлык.
Сез, Нурия, яшьләр рәтенә кермисез ахры, шуңа сезгә \\\"принцесса\\\" Ләйсән җырлары ошый.
Ландышны җилбәзәк дип атавыгыз белән килешеп бетмим. \\\"на өвет и вкус товарищей нет\\\" руслар әйтмешли!!!!

№4 (822225) / 10.12.2012 18:11:57

Нәрсә көттегез соң Нурия? Афишада язылган бит Әлфия Авзалова белән Мирсәет Сөнгатуллин килмәячәге?
Һәр җырчының үз репертуары,үз күлмәге инде!

№3 (822224) / 10.12.2012 17:59:06

Язган белэн сурэт туры килергэ тиештер инде ул,Нурия ускэнем.Лэйсэн бер дэ принцессага ошамаган.

№2 (822222) / 10.12.2012 17:43:34

Татарстаннан читтәгеләрнең зәүекләре,Аллага шөкер, бозылмаган шул әле. особы казан халкы "тозсызлыкка" өйрәнеп җитте. әнә бит Бердәмлек газетын сары дип атыйлар. зүекләр генә түгел төсләрне дә аера белми башлаганнар татарларның кайберләре.
дөрес бик урынлы итеп язгансың Нурия!

акны-ак,караны-кара дип язгансың.
Ландышның кыланашларын дөрес язган,бармактан суырып чыгармаган,ялган да юк. җур. этикасының катнашы юк,ә җырчы этикасы турында сүз.

бик яхшы һәм дөрес язгансың Нурия!!!

№1 (822221) / 10.12.2012 17:04:15

Моның Татарстаннан читтә яшәүче милләттәшләребез өчен чыгучы газета мәкаләсе икәнен белгән хәлдә, чын мәгънәсендә тетрәнү кичердек. Бу сары, урам телендә язучы эротик басмаларга бирә торган пүчтәк бер язма. Авторның журналист этикасы дигән әйберне уйлап та карамавы гаҗәпләндерә. Нәрсә, хәзер татарны зәвыксызлык белән тәрбиялибезмени инде, читтә дигәч тә алар татар телендә булган һәрнәрсәне оптом кабул итәргә тиешме...

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar