• 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
  • 07.11 "Ак чәчәкләр кебек...", 12+, Кариев театры, 18:00
  • 10.11 Валерий Меладзе. Татнефть Арена. 19:00
  • 10.11 "Озын-озак балачак", 12+, Кариев театры, 18:30
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
Бүген кемнәр туган
  • 28 Октябрь
  • Шәүкәт Биктимеров (1928-2012) - актер
  • Әлфинә Әзһәмова - җырчы
  • Марс Макаров (1939-2016) - композитор
  • Илфат Шәехов - баянчы
  • Таһир Гыйлаҗев - әдәбият галиме, тәнкыйтьче
  • Рафаэль Сибат (1946-2003) - язучы
  • Вәсимә Хәйруллина - шагыйрә
  • Гөлсем Болгарская (1891-1968) - актриса
  • Сдается однокомнатная квартира в Казани на улице Октябрьский городок(советский район) т.89872199861
  • Сдаю 1 комнатную квартиру в районе остановке Советская площадь город Казань на длительный срок.15 т.р.+ квартплата РИЭЛТОРАМ ПРОСЬБА НЕ БЕСПОКОИТЬ!! тел.89872199861
  • Казанда Грузчик, Газель хезмэте курсэтэбез! 89196271171
  • Мамадыш районында иртә буаз тана сатыла, бәясе килешү буенча, тел.89172470972
  • Бер булмэле квартир,гостинка,студия снимать итэм,укып эшли торган татар кызы,ДРКБга якын булса бик яхшы булыр иде или якын-бирэ районрдан советский,и тд.2булмэле квартирга бер кыз янына подселениега да керергэ риза.тел:8962-575-68-53.
  • Корбанга, гакыйкә, нәзергә сарыклар бар. Казанга, Биектауга, Питрәчкә китереп бирәбез. Барлык бәясе 8000 мең. 89179113219
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ЗАРПЛАТА 15-17 МЕН ТЕЛ 89957664503
  • Открыта вакансия на должность бухгалтера , экономиста в бюджетное учреждение в с.Актаныш тел 88555232062, 88555232034
  • Ноябрь бэйрэмендэ суелачак яшь ярымлык угез итенен ике ал боты сатыла.кг 330 сумнан тел 89027113070
  • Телэче районы Шэтке авылында йорт сатыла.Газ, су кергэн. 89534073195
 
 

 
Архив
 
07.08.2012 Җәмгыять

Бу бәхеткә исем кушып булмый

(Шигырьләр)

***

Бәрелеп китмәгез үткәндә!

Сөртмәгез яшемне — кипкәндә.

...Көттермә һичкайчан, мин сине

Өзелеп-өзелеп көткәндә.

 

Җанымның тәнемә сыймавы —

Күңелнең килбәтсез биюе.

Йөрәкне учыма кыстым да

Туйганчы йөгердем мин бүген...

 

Колакта уйнаган җырларның

Сүзләрен ишетмә. Ишетмә!

Буй җитеп, яшь белән үссәм дә,

Акылым һаман да бишектә...

 

Бәхетле чакларның вакыты

Сизелми үтә дә китә ул.

Тик күктә очынып йөрүләр

Бер якты һәм кыска күренеш —

Үтә ул...

 

Очасы килгәндә, тилмереп,

Оныту кирәктә күңелгә —

Юату сүзенә түгел лә,

Вак-төяк эшләргә күмеләм...

 

Бәрелеп китмәгез үткәндә!

Башкалар еласа, көлмәгез.

Кайгылы вакытта килмәгәч,

Бәхетле чакта да килмәгез.

 

***

 

Адымнар — вак кына,

Сүзләр дә сак кына.

Шулай да гомернең

Буталчык юлында

Еш кына

Абынам.

 

Күзләрдә моң гына,

Тавышлар тын гына...

Ә күңел шау-шулы,

Гөрләвек, ташулы

Язларны сагына.

 

Һәрбер көн — әкият,

Һәр гамәл — могҗиза.

Шулай да

Хыялга, өметкә

Язылган юлларны

Еш сызам.

 

Йөрәктә тибеш бар,

Кан дигән инеш бар.

Табигать-тәнемнең

Яшәеш чорында

Бары өч килеш бар:

 

Туасың, яшисең, үләсең...

Елыйсың, көләсең.

Һәм тагын еш кына

Яшәеш заяга узганын

Беләсең...

 

Кайвакыт, дусларың

Хушлашып киткәндә,

Тамак та кырмыйсың.

Ә кайчак, үкенеп,

Тик күккә багасың,

Җирләрне тырныйсың...

 

...Селкенми керфек тә,

Битараф, битараф!

Сиңа бит барыбер

Һәр тараф.

Һәр гамәл, һәр мизгел,

Һәр хәбәр — барыбер.

Тик күңел леперди:

Өмет бар — бары бер.

 

Бер сынык икмәктә

Яшәеш өмете.

Ә тормыш, хәйләкәр,

Җитәрлек чеметте.

Икмәккә үрелеп җиткәнче —

Кибектем.

 

Мәгънәсез сүзләрең.

Тырышма,

Сатылмас акылың.

Мин бүген

Йоттым да фикерне,

Юләрлек йортының

Ишеген шакыдым.

 

...Тәнкыйтең гаҗәеп,

Белемең югары,

Искиткеч!

Мактавың, ясалма елмаю өстәсәк —

Исерткеч!

 

Тик синең бу гаҗәп

Сәләтең бер тиен —

Асылын белмисең

Гамәлнең.

Бар, киен!

Сагынгандыр күптән

Буш өең.

 

Йөрәгең, акылың сугышы

Үткәнен көткәндә,

Соңарма.

Ә синең ясалма йөзеңдә

Катырып куелган сурәтең

Язмышның иң авыр сынавын

Үткәндә — чыдармы?

 

***

Бу бәхеткә исем кушып булмый,

Бу бәхеткә хәтта... сүз җитми!

Аллаһыма рәхмәт — бар күңелдә,

Касәсенә тулып җан түгелә,

Ярыймы, мин

бу халәттән китмим?

 

Мин һәрвакыт шундый булыр идем,

Шулай яшәр идем һәр көнне!

Әгәр күңел шулай якты торса,

Бу бәхеттән һәрчак аң яктырса —

Ярдәм, изге гамәл эшләр өчен

Куяр идем бөтен көчемне...

 

Аптырыйм да, кайчак, башкаларга...

Мондый бәхет бар бит күпләрдә!

Әмма бар да сукыр хисле бугай...

Ихлас тойсаң шушы бәхетеңне,

Яши алмас идең, карамыйча

Ходай сүзе, җиде күкләргә...

 

Белсәм дә мин бүген бәхет аша

Авыр көннәр чират аласын,

Бүген менә каршы дәшә күңел!

Килә минем шушы яктылыкта —

Бу бәхеттә мәңге каласым!

 

Ә авырлык килсен, ансыз булмас,

Тик бәхет тә барсын янәшә.

Яме, Ходам?

Күкрәгемнән чыгып көләч күңел

Күккә карап бүген мең дәшә...

 

Бу бәхеткә исем кушып булмый.

Бу бәхеткә хәтта...сүз җитми!

Авырлыклар килсә килер инде,

Ходай безне сынар, ә мин хәзер

Бу бәхеттән китмим!

 

Кирәкми

Кирәкми, елмайма, кирәкми!

Күзләрең пыяла — күрәм бит.

Сорама хәлемне, сорама —

Һич мөһим түгелен беләм бит.

Әйдә, кит!

 

Кирәкми ярдәмең, кирәкми!

Өметең — миннән дә җавап бит.

Кәгазьгә, сүзләргә түгел лә —

Күңелгә карап кит!

Эшеңнең мәгънәсе буш булса —

Харап ит!

 

Кирәкми мактаулы сүзләрең,

Кирәкми, кирәкми, кирәкми!

Миңа бер ихлас иҗегең,

Бер ихлас фикерең кирәк бит!

Сирәк бит...

 

Егылсам, мең рәхмәт сораучы —

Торгызыр кулың да кирәкми.

Мин түгел ул шундый бер кире —

Йөрәк бит!...

 

***

Күңелдә ут уйный.

Ә акыл һаман шул —

Йөрәкне тыймый.

Чарасыз ачуның дәрманы

Күңелгә сыймый.

 

Күзләрне яндыра,

сулышны өтә...

Тыныч бул, барсы да

Иртәме, соңмы —

бер үтә.

Йодрыкны йомарлап,

Сүзләрне тотып,

Күмер кисәген —

Ачуны йоттык.

 

Күңелдә ут уйный...

Тик сабыр булырга

Тиеш мин.

Кызларга һич тә бит

Усаллык килешми...

 

***

Ялгыз калдырып,

Дуслар киткәндә,

Тормыш газабы

Җанны өткәндә

Яшермә йөзең,

Качмасын күңел!

Син бит чын кеше,

Ә курчак түгел!

 

Хәйләкәр дошман

Чыркылдап көлсә,

Иң зур сереңне

Бар галәм белсә,

Борчулы көннәр

Өеңә керсә...

Ихласлыгыңны

Югалта күрмә.

Дошманнар йөрсен —

Син аны күрмә.

 

Читләр янына

Эләксәң килеп,

Ясалма сүзләр

Башыңа килер.

Тешләрсең телең,

«Тәртипле» булып,

Җаныңа керер

Корымлы болыт.

 

Бәлки оялу,

Ә бәлки башка...

Бик еш ясалма

Фикерләр башта.

Йөрәгең нәрсә

Сорап типкәнен

Оныта күрмә

Инде, үскәнем...

 

***

көлке хыялларны вакыт таптый.

күңел генә көлми - көрсенә!

кайчак, язмыш, хыялланып көткән

бер көнне дә безгә күпсенә.


Ләйсән ФӘТХЕТДИНОВА
Казан утлары
№ 8 |
Казан утлары печать

Фикерләр

Исем:
E-mail:
Текст:
 
№30 (812864) / 26.08.2012 23:04:44

"аңлар өчен кабат-кабат укырга кирәк" дип, без беләкәй чакта, аңлаешсыз, мәгънәсез нәрсә турында әйтәләр иде... Хәер, Малеевичның "Кара квадраты" турындагы рецензияләрдә дә, гадәттә, "көчле №29" язган постагы ише сүзләр өстенлек итә...

№29 (812861) / 26.08.2012 22:58:16

Шигырьләр бик көчле, дөресен әйткәндә, не для средних умов! Шигырьләрне аңлар өчен кабат-кабат укырга кирәк, бик тирән мәгънәле шигырьләр! Шигырьләр уйланырга мәҗбүр итәләр, тормышның шундый катлаулы, серле, могҗизалы икәнен исбатлыйлар. Бик зур рәхмәт, Лзйсән! Алга таба да уңышлар сиңа! Иҗат чишмәң саекмасын, синең яңа шигырьләреңне көтеп калабыз!

№28 (811809) / 17.08.2012 15:10:45

нишлисең м.да.
дөнья шулай корылган. бер нәмәстә дә җир йөзендә мәңгылек түгел. туа тора,үлә тора...

№27 (811800) / 17.08.2012 11:42:35

да.м!"яшлек" түгел,"Яшьти"!Сүз уңаеннан аны "тудыручы" да Ләйсән Фәтхетдинова,"күмүчесе" дә... Дөресрәге Сәйлән башларына тукмак белән орды бугай.

№26 (811796) / 17.08.2012 10:16:40

син укыйсың "яшлек"не м.да.
молодис Ләйсән,Мруда урнштыруың яхшы булган.

№25 (811794) / 17.08.2012 09:10:54

Сызгырт алайса!

№24 (811013) / 09.08.2012 18:53:41

Ләйсәннәргә:Монда бер генә Ләйсән кебек?!

№23 (811001) / 09.08.2012 17:02:34

Шигырьләрнең эчтәлеге - эш үткәч үкенүдән файда юк, терсәк якын да тешләп булмый, га ошап тора.
Ничек карасаң да шигырь кяфергә, көферлеккә каршы булмаса, шайтан сыбызгысы инде.

№22 (810946) / 08.08.2012 22:03:48

Иртә түгел, үсә торсын. Шигырь язарга өлгерер әле, качмас, безгә 1-2 бәби кирәк башта.))))))))

№21 (810936) / 08.08.2012 21:11:16

Шигырләрең матур яңгырашлы да, мәгънәле дә!
Булдырасың сеңлем!!!

№20 (810924) / 08.08.2012 19:29:11

Ялкын иртэрэк тугелме сон , лэк лэк смайлигын куярга ?)))

№19 (810919) / 08.08.2012 17:48:54

Сәйләннән шигырь түгел инде хәзер бәби көтәбез.)))))))
Админ, кая монда бәби күтәргән ләкләк смайлигы?

№18 (810918) / 08.08.2012 17:47:40

Алтын калэм,кем авторлыгында,нинди исемле китап аласы эйтеп яз.алайса оста авторлар шул кадэр куп,белмичэ башканыкын алмыйм тагы-)))

№17 (810914) / 08.08.2012 17:17:49

Ә минем никтер Сәйлән шигырьләрен укыйсы килә башлады...

№16 (810913) / 08.08.2012 17:15:45

Ләйсән ,бу шигырьләреңне бер ел элек "Яшьти"дә безгә тәкъдим иткән идең бит инде.Склеротиклар кебек яңадан авыз чайкый башлыйбызмы инде?

№15 (810911) / 08.08.2012 17:07:36

Песи син кем икэн? Язуын тогэл,осталыгын олгергэн. Шигерлэренне тагын-тагын да укйсы килеп тора. Алтын калэмгэ булган жавабын да кунелгэ бик хуш килде.

№14 (810865) / 08.08.2012 10:39:16

Ләйсән! Контактта күпме татар яшьтиләреңне хурладың.Килешми! Ә шигырь дигәннәрең -
пессимизм+ тәкәберлек.

№13 (810859) / 08.08.2012 09:15:12

Мин Песинең Мыруда күренүенә шатмын))))
Бик матру шигырь. Болй да кәеф юк дисәм алай түгел, күңелне күтәрүче нәрсә юк иде бу арада.Ләйсән шигырьләренә күз салган идем, кәеф гомумән аска тәгәр башлап, өч юлдан туктадым. Менә синекен укыгыч, кояш чыккан кебек булды. Рәхмәт. Остарасың син һаман.Куаныч күренеш.

№12 (810851) / 08.08.2012 02:59:59

Искиткеч матур!!! Бик шатмын синен очен. ТАГЫ ЯЗ!!!

№11 (810840) / 07.08.2012 21:59:01

Бик матур шигырьлэр...Унышлар бу саф кунелле,ак яулыклы кызга!!!

№10 (810838) / 07.08.2012 21:16:32

Кемдер, минем китапларны...
Куй әйдә китапларыңны, манырбыз.)))))

№9 (810837) / 07.08.2012 21:11:30

Алтын калэм! 
Тышың алтын йөгертелгән, эчең куыш.
Сүзләреңне исбатларга яле булыш.
Күңел күзең әгәр күрсә, Алтын каләм,
Шигъри юллар белән күрсәт, булма бәла.

№8 (810836) / 07.08.2012 21:01:49

Белмим кемгэ ничек,Лэйсэн сенелем ,мина сезнен шигерьлэрегез бик йорэккэ утеп керерлек философик карашлар белэн язылуы белэн ошады. Узегез бик яшь булуга карамастан,шигерьлэрегездэ гомер иткэн кеше акыллары.Рэхмэт сезгэ! Алда унышлар hэм ижади усеш телэп яна шигерьлэрегезне котеп каламын.

№7 (810835) / 07.08.2012 20:47:48

Ләйсәнгә.
Бу бәхеткә исем кушып булмый,(Л.Ф.)
Аңлатырга аны юк чара.
Бәхет тавын эзләп табалмаган
Бәхетсезләр генә бичара.
Бу бәхетне тоеп кына була,
Күреп кенә була үзеңнән -
Якты кояш кебек, тулган айдай
Нурлар чәчеп торган йөзеңнән.
Бу бәхеткә әгәр түзә алсаң,
Нигә кирәк исем табарга?
Башыңдагы кара яулыгың да
Нурга күмелеп, тәмам агарган.
Тулган айдай нурлы йөзләреңдә
Якты хисләр, уйлар биешә,
Ак күңелле, пакь күңелле кызга
Ап-ак төсләр шундый килешә.
Бу бәхеткә исем куеп булмый,
Күзләр, йөзләр сөйли барысын да.
Диңгездәге ап-ак кораб кебек,
Саф хисләрең йөзә башыңда.

№6 (810834) / 07.08.2012 20:46:17

ялгыш.вакыт таптый

№5 (810833) / 07.08.2012 20:45:12

Кемдер, минем китапларны сатып алып укый аласын.Кая монда смысл? бу шигырьлэре бн ни эйтергэ тели ул?тятя да тятя,одно и тоже.
"Колке хыялларны вакыт тапмый",нэрсэ дигэн суз,жомлэ бу? В смысле?

№4 (810832) / 07.08.2012 20:41:25

Искиткеч шигырьлэр, Лэйсэн!)) Бик мэгънэле, кунелдэгене эйтеп бирэ торган шигырълэр! синен узеннен фэлсэфэн, тормышка карашын бар, бу бик мохим!) Так держать дип кенэ эйтергэ кала) синен кебек яшьлэрне кургэн саен соенэм) Унышлар сина!)

№3 (810831) / 07.08.2012 20:26:09

Бик мэгънэле,матур язылган.анлаган кешегэ! Э син-алтын калэм булсан,яхшырагын язып курсэт ! укырбыз...

№2 (810829) / 07.08.2012 19:58:38

Никаго интересы юк,ни эйтергэ тели Лэйсэн бу шигырь юллары белэн,узе анласа ярыйла.Шигырьлэрендэ искитэрлек бер нэрсэ юк,СМЫСЫЛ нэрсэдэ?
Туфта...

№1 (810814) / 07.08.2012 12:40:25

А-фә-рин!
Менә шул юллар бигрәк ошады:)))
***
Бу бәхеткә исем кушып булмый,
Бу бәхеткә хәтта... сүз җитми!
***
Кайгылы вакытта килмәгәч,
Бәхетле чакта да килмәгез.
***
Кайчак, язмыш, хыялланып көткән
бер көнне дә безгә күпсенә.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar