• 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
  • 07.11 "Ак чәчәкләр кебек...", 12+, Кариев театры, 18:00
  • 10.11 Валерий Меладзе. Татнефть Арена. 19:00
  • 10.11 "Озын-озак балачак", 12+, Кариев театры, 18:30
  • 20.11-24.11 Гүзәл Уразова һәм Илдар Хәкимов. КСК "Уникс"
Бүген кемнәр туган
  • 26 Октябрь
  • Резидә Галимова - җырчы
  • Раил Өметбаев - журналист
  • Мамадыш районында иртә буаз тана сатыла, бәясе килешү буенча, тел.89172470972
  • Бер булмэле квартир,гостинка,студия снимать итэм,укып эшли торган татар кызы,ДРКБга якын булса бик яхшы булыр иде или якын-бирэ районрдан советский,и тд.2булмэле квартирга бер кыз янына подселениега да керергэ риза.тел:8962-575-68-53.
  • Корбанга, гакыйкә, нәзергә сарыклар бар. Казанга, Биектауга, Питрәчкә китереп бирәбез. Барлык бәясе 8000 мең. 89179113219
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ЗАРПЛАТА 15-17 МЕН ТЕЛ 89957664503
  • Открыта вакансия на должность бухгалтера , экономиста в бюджетное учреждение в с.Актаныш тел 88555232062, 88555232034
  • Ноябрь бэйрэмендэ суелачак яшь ярымлык угез итенен ике ал боты сатыла.кг 330 сумнан тел 89027113070
  • Телэче районы Шэтке авылында йорт сатыла.Газ, су кергэн. 89534073195
  • Торле породалы тавыкларны бик арзан бэягэ сатабыз. Кученеп киту сэбэпле 89274897219
  • В Казани семейная пара снимем однокомнатную квартиру, без детей и животных, РИЭЛТОРАМ ПРОСЬБА НЕ БЕСПОКОИТЬ!!! 89046705587(18+КУ)
  • Детскому саду №100 Советскому району требуются воспитатели,ст.медсестра адрес ул.Кирпичная 2а телефон 295-54-15
 
 

 
Архив
 
02.11.2008 Җәмгыять

КЕМ ӘЛЕ СИН ШУЛ ХӘТЛЕ?

"Өстеңә урам себерүче жилеты кигәнсең дә документ сорап маташкан буласың. Сиңа хәтта юньле форманы да ярты ел узгач кына бирәләр бит!" Иминлек каешын эләктермәгән өчен туктатылган машина хуҗасы "Ватаным Татарстан" журналистына әнә шулай дип кычкырды. Хәер, фәкыйрегез кагыйдә бозучы өчен матбугат вәкиле түгел, ә ЮХИДИ идарәсенең гади стажеры иде. Берничә сәгать эшләү дәвамында аркамнан сөючеләр дә, матур итеп елмаючылар да, хәтта ришвәт тәкъдим итүчеләр дә булды. Эчке эшләр министрлыгының махсус акциясеннән соң "гаишник"ларның ни өчен хәрам акчага кызыгуын да аңладым кебек.

Берничә көн элек Татарстанда "Журналист һөнәр алыштыра" акциясе башланды. Без эш урыны итеп халык теленә иң еш керә торган ЮХИДИ идарәсен сайладык. Дөресен әйтергә кирәк, милиция эшчәнлеген яктыртучы журналистлар "гаишник"ларга аеруча игътибарлы. Рульдә йөрсәң дә, җәяүле булсаң да, барыбер аларга эшең төшә. Шикаятьләр дә күбрәк инспекторларга кагыла. Шул ук вакытта ЮХИДИ вәкилләре үзләре дә каләм әһелләренә шикләнебрәк карый. "Ватаным Татарстан" хәбәрчесе эшләгән экипаждагы егетләр дә башта ук ачылып китмәде. Дөрес, бер эшне башкару барыбер үзенекен итте: уртак тел таптык.

 

"Менә сиңа жилет һәм таяк. Кагыйдә бозучыларны туктаткач, башта кем булуыңны әйт. Аннары безнең янга юлла", – ди Апас егете Данис. Юлга чыгып баскач иминлек каешын эләктермәүчеләрне туктатырга булдым. Беренче булып яшь кенә туташлар утырган "Дэу-Матиз" эләкте. Алар янына барып җиткәндә, каешлар эләктерелгән иде инде. Чи­бәркәйләргә нәрсә дисең ин­де? Документларын, кәгазьләрдәге исем һәм фамилияләрнең бер-берсенә тәңгәл килүен тикшердем дә хәерле юл теләп озатып калдым. Инде беренче нәтиҗәне дә чыгарырга мөмкин: ЮХИДИдә эшли алмас идем. Чөнки минем башны әйләндерү өчен чит кешенең ике йомшак сүзе дә җитә. Чын инспекторның беренче сыйфаты – таләпчәнлек.

 

Үзем "Дэу"да йөргәнгә микән, күбрәк шушы маркалы автомобильләргә игътибар итәм. Монысында "Нексия"не туктатырга булдым. Рульдә утыручы ир-ат та, янәшәсендәге хатын-кыз да каешларын эләктермәгән. "Әле менә яңа кузгалдык, каешка кул җитмәде. Җибәрегез инде", – ди ханым. Мин исә йөртүчегә, документларын алып, ЮХИДИ машинасы янына барырга кушам. Менә шунда башланды инде! Йөртүче үзен камерага төшерүләрен күреп алды: "Кем рөхсәт бирде сезгә?!" Менә шундый безнең халык – каешсыз йөргәндә, хокук бозуы турында уйламый да, ә камера күргәч хокукларын искә ала. "Каешлар эләктерелгән иде, – дип кирегә сукалый башлады ул. – Үзегез белән кешечә таныштыра да белмисез. Стажер булуыңны әйтсәң соң? Мондый жилетны урам себерүчеләр дә кия". Ул арада хатыны йөгереп килде: "Кем соң син шул хәтле? Сиңа хәтта юньле форманы да ярты ел узгач кына бирәчәкләр. Ә сез, лейтенант, мондарак борылыгыз әле. Менә хәзер жетон номерыгызны язам да тиешле урынга шалтыратам".

 

"Менә күрдеңме инде халыкның безгә нинди мөнәсәбәттә булуын? Барысына да түзәргә туры килә. Алар бит безне махсус котырта. Ә аннары йә без аларны кыйнарга маташкан, йә ришвәт сораган булып чыгабыз. Бик азлар гына үз гаебен таный", – ди лейтенант погоннарын йөртүче Александр. "Әгәр дә боларның барысына да игътибар итә башласаң, ГАИда бөтенләй эшләмәвең хәерлерәк, – ди Данис. – Халык безне бик яхшы яши дип уйлый инде. Минем иптәшләр арасында да бар андыйлар. Соң, мин әйтәм, килегез, эшләп карагыз. Күрерсез рәхәт тормышны. Тик килүчеләр генә юк". Чын инспекторның икенче сыйфаты – сабырлык.

 

Безнең экипажның эш урыны – Фучик урамы. Светофорның кызыл утына чыгучыларны, әлеге дә баягы каешсызларны туктатабыз. Суык, җитмәсә тонировкалар белән капланган машинаның эче күренми. "Кулыңны кесәңнән чыгар. Машина эченә дә утырырга ярамый. Бары тик шофер ягындагы тәрәзә аркылы гына сөйләш", – дип кисәтә Данис. Көн кичкә авыша башлады. Фараларын кабызмаучылар да очрый. Әһә, менә "сукыр" "Рено" килә. "Нәрсә, ут кабынмаганмыни? Әй, шу­лай икән шул, – ди хатын-кыз хатасын тө­зәтеп. – Ә безнең Мәскәүдә балаларны йөртү өчен махсус утыргыч кирәкми. Сезнең монда башка тәртипләр шул".

 

Кагыйдәләрнең барлык кешеләр өчен дә бер булуын Геннадий исемле кешегә аңлатам. Ул Федераль иминлек хезмәтендә эшли икән. Беркетмә төзүгә дә каршы килми, минем журналист булуымны белгәч, сөйләшергә дә ризалаша әле. "Әнә теге урам чатындагы даруханәгә барышым иде, – ди ул. – Гадәттә каешны һәрвакыт эләктереп йөрим. Тик бу юлы ансыз да барып җитәрмен дип уйлаган идем. Беләсез бит инде, "гаишник"лар һәрвакыт кирәкмәгән җирдә килеп чыга". Әмма үзенең гаебен дә таный. "Чекист" Геннадий белән күптәнге дуслар кебек кул бирешеп саубуллашабыз. Ә менә "Газель" руле артында утыручы яшь кенә егет миңа күзләренең агы белән карый. Янәсе, ни өчен нәкъ менә аны туктатканнар? Хәер, башкалар да шулай дияр иде. Чын инспекторның өченче сыйфаты – гаделлек.

 

Кичке салкыннан авария коткарды. "Ломжинская" тукталышы янында "Жигули" юл читендә торучы өр-яңа "Сузуки"ның артына килеп кергән. "Сине журналист диделәр, алайса моны һичшиксез язарга тиешсең, – дип бер-берсен бүлдерә-бүлдерә сөйли башлады шул тирәдәге ир-атлар. – Әнә күрәсеңме, тегендә чокыр бар. Элек ул тагын да тирәнрәк иде. Шунда көпчәкләрен ертып, күпме машина бәрелеште инде. Әллә кайларга мөрәҗәгать иттек. Чокырга бетон тутырудан башка чара күрмәделәр. Әнә ул тагын тирәнәя башлады. Кереп чуммас өчен машиналар чокырны әйләнеп узарга тиеш. Әкрен барсаң, "бөке" җыела".

 

Эшкә чыкканнан бирле машинадагы инспекторларны ришвәт турындагы сораулар белән аптыратам. Еш тәкъдим итәләрме, күпме бирәләр, һ.б. "Төрлечә була, хәтта әйберләтә дә тәкъдим итүчеләр очрый. Үзең күрерсең менә", – ди Александр. Мондый "бәхет" озак көттерми. Светофорның кызыл утына чыккан өчен олы яшьтәге бер ханымны туктатабыз. "Әгәр арттагылар сигнал бирмәсә, урынымнан да кузгалмаган булыр идем, – дип аклана ул. – Беләсез бит инде, яратмыйлар руль артындагы хатын-кызларны. Нинди тизлек белән барсаң, ничек йөрсәң дә, ир-атлар безгә карата "террор" оештыра". Дөрес, 1982 елдан бирле руль артында йөрүче ханым гаебен кире какмый. Тик беркетмә тутырып ятарга да вакыты юк икән. "Әйдәгез, 700 сум штрафны сезгә генә түлим дә, китим инде, – ди ул миңа. – Каян килеп бу сумма яшь "гаишник"ны бозсын ди? Ришвәт тә, жинаять тә түгел бу. Бөтен ил шулай яши. Көне буе суыкта торучы егетләргә бәйләнгәнче, миллионнар урлаучыларны эләктерергә кирәк. Элек тә тәкъдим иткәнем булды. Беркетмәдән куркуым түгел. Банкка барырга кирәк, аннары ЮХИДИ бүлегенә. Түләү системасын җиңеләйтеп булмыймыни соң?"

 

Казанда машина белән йө­рү тәүлекнең теләсә кайсы вакытында куркыныч. Рульгә яңа утыручылар юл билгеләрен белми, тәҗрибәлеләр исә үз-үзләренә артык ышана. Ә кагыйдә бозучылар арасында яше дә, карты да, хатын-кызы да, ир-аты да очрый. "Тегеләр яки болар күбрәк эләгә дип әйтү дөрес түгел, – ди Александр. – Безгә мөнәсәбәтләре дә төрлечә. Эштән кудырту белән куркытучылар еш була. Берсендә бер исерекне эләктердек. Башта яхшы гына сумма тәкъдим итте бу. Баш тарттык. Беркетмә тутыра башлагач, нинди сүгенү сүзе бар, барысын да тезеп чыкты. Ә берни эшләп булмый". Менә, ниһаять, аңладым кебек. ЮХИДИдә эшләү өчен, иң мөһиме нервы кирәк. Тик кайберәүләрдә ул азрак була һәм алар "сынарга" мәҗбүр. Мондыйлар "кем әле син шул хәтле" дип караучыларга үч итеп, алардан акча каера башлый. Ә моның дөрес түгеллеген аңлаганда, соң була инде. Инспекторның төп сыйфаты – намуслылык.

 

P.S. Төнлә йорт янына кайтып җиткәндә, мине ЮХИДИ машинасы туктатты. Сөйләшеп китеп, көне буена ниләр күргәнемне әйттем. "Ничек, ошадымы соң?" – дип сорады инспектор. "Егетләр, – дип җавап кайтардым мин аңа, – Эшегезнең бу дәрәҗәдә авыр икәнлеген белмәгән идем".

 


Илнар ХӨСНУЛЛИН
Ватаным Татарстан
№ 230 | 01.11.2008
Ватаным Татарстан печать

Фикерләр

Исем:
E-mail:
Текст:
 
№21 (8821) / 15.11.2008 13:12:38

Кит әле, рәсемдә афтыр үземени? Бер дә юрналистка охшамаган, тем более Ватанымныкына...

№20 (8646) / 11.11.2008 22:27:40

афтыр, Мондый гәүдәң белән дә булдырмасаң... Хокумәт гәзитендә эшлисең бит син. Матбугатның умыртка баганасында түгелме? Кызларның высший сортлары да синең яңга йөри...

№19 (8637) / 11.11.2008 17:31:27

Подряд булдыра алмам шул.

№18 (8635) / 11.11.2008 16:25:26

Уйлап утырам әле. Әллә минәйтәм Илнарга журналист булганчы пүлитцәй булыргадыр? кызларны да бик ярата икән. Тик торыр шуланы туктатып-җибәре!А...

№17 (8622) / 11.11.2008 13:39:39

Штраф арткан саен юлларда хэллэр яхшырыр дип котэсенме, Гыймранова? Ялгышасын. Зебра таяклар тагын да азачак кына! Ришвэтне артыграк ала башлаячак...Болай да аз сорамыйлар.

№16 (8619) / 11.11.2008 13:27:01

Лэйсэн, журналистларга тимэ инде син яме. Аларнын эшен тавык та чуплэп бетерэ алмый. Ай ахырында нормальный зарплата алыр очен, знаешь купме тырышырга килэ....

№15 (8456) / 07.11.2008 09:53:21

Язвы, минем сиңа ни зыяным тиде??? Тимә минем гаишникка, кирәк әле ул. Танышлар разный категориядән булса шәп бит. Яшәсеннәр гаишниклар да, шуферлар да!!! ну юристлар туже кирәк... Ә менә журналистларның кирәге шултиклем генә, яталар дөньяны бутап.... гаишник булып та эшли алмыйлар алар...

№14 (8449) / 07.11.2008 00:58:35

Leisen, монда берэу заманында отер нипочем дип яза иде, ноктаны да признавать итми иде..... Ул гаишнигын булган димэк синен аны мыни болай итэбез

№13 (8446) / 07.11.2008 00:18:17

Тотыш, бу принцип коммунистларныкы гына түгел инде, хурлама шуларны зинһар, алар туже шәп кешеләр иде заманында.
Аннан, гаишниклар булмаса ничек юлны аркылы чыгар иде икән улым мәктәптән кайтышлый дип уйлап уяндым әле ... Шуферлары да бик лихой бит ...

№12 (8439) / 06.11.2008 22:32:16

Leisen, эйбэт бит инде. "Каждая кухарка может руководить страной" дигэн коммунизм принцибы эшлэй, ызначит.
Мин ишшо алар азапланып протокол тутырганда (бик сирэк була бу хэл), тырнакларындагы маникюрга да караем...Кхэ-кхэ (тамак кырам).

№11 (8438) / 06.11.2008 22:11:28

Ну файдасы тия үземә шул танышымның, исеме тылсымлы... Үзе ярдәмчел , ну шәп кеше!

№10 (8437) / 06.11.2008 22:09:38

Мин белгән җыен икеле капчыгы гаишник булып эшли бүген. Берсен һаман ТВ дан күрсәтеп торалар, ә ул язганда җөмләләр арасына нокталар куеп тормый, баш хәрефләрнең ни өчен кирәк булуын белми иде укыганда... Бүген исә җәза биреп утыра кешеләргә...

№9 (8339) / 04.11.2008 16:20:39

Темага анекдот. Гаишник бер текә машинаны туктата. Моның алдына пожарный машинасы, артына скорый килеп туктыйлар. Гаишник боларга: "Сезне туктатмадым, барыгыз", - ди. "Минем белән алар, алайса, огнетушитель, аптечка дип теңкәгә тиясез", - ди икән теге "текә"

№8 (8324) / 03.11.2008 16:29:17

Татарстанда барлык гаишникларны да полиграф аркылы уздырганнар. 90 проценты ришвэт ала булып чыккан.

Аларнын ришвэт алуына каршы булучыларнын купчелеге - кеше акчасын санарга яратучылар гына. Мин, мэсэлэн, тотылсам, рэхэтлэнеп кулларына биреп китэм, алсалар эгэр. Мина шулай жинелрэк, чонки банкка кайчан барасын эле ул, анда барсан да, чиратны кургэч, борылып чыгып китэсен...Остэп, гаишниклар белэн бэяне киметергэ дэ була. Акча бирсэн, алар сина килэсе постларынын кайда торганнарын да эйтеп бирэ кайчак, хэерле юл телэп калалар.

Минем хакта "гаишникларны ярата икэн бу" дип уйламагыз. Эле кичэ генэ трассада каршыга машиналары килэ. Тизлек 60 куелган, минем дэ 60. Болар мина динамиктан туктарга кушып акыра. Мин туктадым инде, каян белэсен, бэлки алар артыннан борылыштан саммитка баручы илбашлары килэ торгандыр. Лэкин анда берэу дэ юк булып чыкты. ГИБДД машинасы мине утте, эз генэ барды да, борылды хэм минем полоса буйлап китеп барды. Мин калдым юл читендэ, монаеп. Эйтегез эле, менэ шушы хэлдэн сон яратыйммы инде мин аларны? Бу кечкенэ генэ "свижи" мисал. Анлавын анлыйм мин аларнын МГУ бетермэгэннэрен...

Бу темага бик сойлэшэсе дэ килми, чонки юлда кеше факторы бетми торып, ришвэтчелек тэ бетмэячэк. Шаяртып эйткэндэ, минем бер тэкъдим бар - эзлэп табарга берэр намуслы гаишникны хэм анын клоннарын ясарга. Яисэ ген инженериясе ярдэмендэ намуслы гаишниклар устерэ башларга.

P.S. "Мулла песие кебек утэбезме", - ди эби, пост яныннын узганда. "Болар булмаса, бу юлларда нэрсэ булыр иде икэн?", - дип тэ ости...

№7 (8321) / 03.11.2008 13:14:49

гыймранова, син нишлэп безгэ дошман Американы мактап утырасын? Син шуфер тоглдер шул. Шуфер булсан, башкача сулэшер иден. Син берочтан Америкадагы юлларны да, знакларны да, андагы гаишникларнын харктерларын да чагыштыр инде безнеке белэн. Бездэге юллар хэм знаклар нарушать итер очен махсус . Бездэ нраушать итми йореп булмый. аннан гаишникнын кыяфтен карагыз. Эй министр инде бар да... Чыгып сэлам бирергэ кирэк. чыкмасан димэк не уважаешь, бэйлэнергэ кирэк.
бу макалэдэ гаишникларны яклап, данлап язганнар, э мыни киресен курсэтуче фактлар тупланмасын мин бирэ алам. шуна курэ хэр профессиядэ бардыр, намуслылар, шуль исэптэн гаишниклар арасында да... Эшлэре авыр, тузан-газ сулап тора юлда. эле нервы.... ну доход мондый чуплэргэ генэ тузарлек.

№6 (8318) / 03.11.2008 11:01:59

болай да урам тулык гаишник, син де аларнын санын тутырып кеше рэнжетеп йоргэнсен икэн. Молодец, булдыргансын!

№5 (8317) / 03.11.2008 10:51:14

Менэ анладым хэзер бу смайликн кемнэн срисовать иткэннэр! Фото белэн 10 отличие тап!

№4 (8311) / 03.11.2008 03:22:23

ни дип кычкырыр дип коткэн иден сон ул машина йортучене? Гафу итегез, сезнен мин яратып укый торган Ватаным Татарстан газетасы журналисты икэнен танымый торам дипмени?

№3 (8310) / 03.11.2008 02:12:43

таптагын икэн кешене, тиешле жэзасын алсын, утырсын. юкса, таптыйлар да -- качалар, эзлэ аннан сон. шул жэзаны зур булмавыннан курыкмыйлар ич алар.

№2 (8309) / 03.11.2008 02:08:33

менэ, жэмэгать, ни дясэгез дэ дэ ярый, эмма, Америкада юл кагыйдэсен бощган очен чынлап та акчынны зурдан чыгарып саласын. машина тэрэзэсеннэн чуп ташлаган очен генж]э дэ штатына карап 500дэн 3 менгэ кадэр штраф. чупне беркем дэ ташламый, кагыйдэне беркем бозмый, каешсыз хичкем йорми. штраф ис киткеч буцлса --- бер кем штраф тулэргэ телэмэяэчэк, барсы да закон буенча йориячэк. шул гына. 100-500-1000 сум булсын, халык барыбер кагыйдэлэрне бозачак. шул.

№1 (8287) / 02.11.2008 15:37:44

Инспекторларнын эшлэре бик катлаулы. Житэкчелэре аларнын гел ришвэт алмады микэн дип тикшереп тора...

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar