• 29.05 "Диләфрүз - REMAKE" спектакле онлайн. Камал театры. 19:00
Туган көннәр
  • 29 Май Әбрар Кәримуллин (1925-2000)
  • 29 Май Роза Әдиятуллина
  • 29 Май Гөлнара Тимерҗанова
  • 29 Май Әмир Камалиев
  • 30 Май Альфред Халиков (1929-1994)
  • 30 Май Гүзәл Гюльвердиева
  • 30 Май Мөдәррис Вәлиев
  • 30 Май Хәния Фәрхи (1960-2017)
  • 30 Май Рәниф Шәрипов
  • 31 Май Денис Куляш
  • Казанда сатам диван яна 20 менгэ алган идем бер тапкырда ятмаган кучеп киту сэбэпле сатам 15 менгэ тел89178840723
  • Казан Чапаева урамында 2 булмэле фатирны арендага бирэм.17500+ счётчики газ+ вода+ свет.т.89655931320.т.89872630522
  • Ищу девушку на подселение в комнату к девушке, в 2-х комнатной квартире. Желательно на долгий срок. По адресу Восстания/Ибрагимова. Оплата 4500 руб. в месяц. Оплата после заселения. Всё необходимое в квартире имеется. Без комиссий. Собственник! Не риэлтор. +7 917 873-82-13 или +79179361290 (ватсап)
  • Продаётся комната в Приволжском районе г. Казани по адресу ул. Роторная д. 9 на 4/5 кирпичного дома. В хорошем состоянии. Все удобства внутри. Общая площадь 18 кв. м. Хороший ремонт. Комната светлая, уютная. Пластиковое окно. Надежная входная металлическая дверь. Статус гостинки. Имеется горячая вода. Душевая кабина, туалет. Вместительная кухонная зона, в которой размещены раковина, обеденный стол, стулья, стиральная машина-автомат, шкаф. Совмещённый санузел/душ. Порядочные соседи. Инфраструктура развита. все рядом школы, садики , магазины, Остановки. Тихий , спокойный район. До ближайшей станции метро "Аметьево" 10 мин, до остановки общественного транспорта 5 мин. Ближайшие улицы Оренбургский тракт, Павлюхина, Даурская. Гвардейская, , Назарбаева , Даурская . В пешей доступности школы 73, 136, детский сад 161, женская консультация, детская и взрослая поликлиники. Рядом Казанский институт культуры и искусств, Казанская ярмарка, Управление гибдд. Есть парковочное место. Один взрослый собственник. Тел. 89674693287
  • Казанның "Яшьлек" торак комплексында өр-яңа фатир сатыла. 3 катлы кирпеч йортның 1 нче катында 60 кв. метрлы 2 бүлмәле фатир, бөтен уңайлыклары бар, күршеләр тыныч. Ашыгыч. Бәясе 2,9 млн сум гына. Тел. 89046656726
  • Газель Грузоперевозки 24 часа,город,межгород. Длина 4.2,высота 2.2,ширина 2.Офисные,квартирные переезды,грузчики,доставка стройматериалов.Быстро,дешево,надежно. 89178521958 Рустем
  • Минская 30 урамында 1 бүлмәле квартира сдавать ителә! Кап. Ремонттан соң,бөтен әйбер яңа! 13000+ квартплата! Собственник. 89274346231
  • Магистральная 16А урамында урнашкан (Азино)ботен унайлыклары булган 1 бүлмәле фатыйр озак вакытка арендага бирелә. 15 мең (бәягә коммуналь түләүләр кергән). Телефон: 89874072187 Фотоларны whatsap аша жибэрермен.
  • Минская урамында 1булмэле фатыйр сдавать итэм.Ремонты,мебеллэре хэм техникалары барда яна.89274317587
  • Б.касыймов урамында булмэ арендага бирелэ.бик жайлы урында.кибет.тукталыш.балалар бакчасы якында гына.хакы 9000сум.89270330512
 

 
Архив
 

               

02.05.2012 Мәдәният

Туфан Миңнуллин үзенең соңгы интервьюсында: Фәкыйрь язучыга акча кызгану – дәүләт эше түгел!

Быелгы шигырь бәйрәме башка еллардан үзгә дә, сәеррәк тә булды. Бөек әдип Габдулла Тукай туган көнендә, аның премиясен игълан иткәндә мөнбәрдә шагыйрь-язучыларның булмавы күңелгә ничектер авыр булып китте. Миңа гына түгел, әдәбият һәм сәнгать әһелләренең күбесе моның белән канәгать тү­гел. Мәйданда кырмыска оясындай гөж килгән халык арасында, бу бит архитекторлар премиясе түгел, диючеләрне дә ишеткәләдем.

Сүз дә юк, Кол Шәриф – изге урын. Казанның йөзек кашы булырдай архитектура һәйкәле. Бу өлкәдә хезмәт куйган сигез кешегә Тукай премиясе тапшырдылар. Лауреатларны Татарстан Премьер-министр урынбасары Зилә Вәлиева игълан итте.

– Һәрберегез тиенләп җыйган акчаны Кол Шәриф мәчетен төзүгә исраф иттегез, – ди Ту­кай премиясе лауреаты Зөфәр Галиуллин. – Шәмсебикә апаны гомергә дә онытмам. Мәчет тө­зегән урынга килеп, эшчеләргә икмәк күтәреп алып килә иде. Бу безнең генә премия түгел, ә татар халкына бирелгән бәя. Кол Шәриф Малайзия күргәзмә­сендә иң мәшһүр ун мәчет исемлегенә кертелде. Кәгъбәтулла, Зәңгәр мәчетләр арасында безнеке дә бар.

Әлбәттә, бу премиягә шатланабыз. Әмма бирегә җыелган халык мәйданда шагыйрьләрен, язучыларын, сәнгать әһелләрен көтә. Алар лаек түгелмени, унике кеше арасында мил­ләткә хезмәт иткән, Тукай исеме аталган премияне йөртерлек милләтпәрвәрләребез юкмыни, дип гаҗәпләнә. Быел бит дәүләт казнасында өч премиялек акча каралган булган. Мин исә халык шаулаушкан урыннан читкә­рәк китеп, унҗиде кешедән торган премия тапшыру комиссиясенең әгъзаларын эзлим. Ачылмаган серне, халыкның борчыган соравын аларга бирәсе иде. Әдәбият һәм сәнгать әһелләренең күбесе Төрекмәнстанда узачак Татарстан көн­нәренә сәфәргә киткән булып чыкты. Минем тел төбемне аңлагандай, каршыма бәйрәм тантанасына чираттагы сессиядән йөгерә-чаба килүче танылган драматург Туфан ага Миңнуллин очрады.

– Минем өчен бүген бәйрәм шомлы, күңелсез, – ди Туфан ага. – Бүген Тукай премиясенә лаек булган коллективка һич кенә дә сүзем юк. Ләкин быел нигезләмә буенча өч премия каралган булган. Һәм болар бирелергә тиеш иде. Минем ишетү буенча, лаеклы лауреатлар юк дигәннәр. Кем әйткән аны? Камил Кәримов, Нәбирә Гыйматдинова, Клара Булатова, Айдар Фәйзрахмановлар лаек түгелме? Премия тапшыру комиссия әгъзалары арасында татарча китап укымаган кешеләр бик күп. Анда татар китабын бары тик ике кеше укый. Шуңа күрә аларның татар әдәбиятына бәя бирергә хаклары юк. Икенче ишет­кән фикерем болай: имеш, тәкъ­дим ителгән кандидатлар арасында лаеклар күп. Берсенә бирсәң, икенчесе читтә кала һәм алар арасында ызгыш чыга, диләр. Чыксын! Нәрсәсе начар аның? Премияне хатын-кыз бүлешкәндә, һәрвакыт тавыш чыга, хәтта сугышлар була. Ызгышырлар иде дә, аннары тук­тарлар. Киләсе елга башкалар алачак. Фәкыйрь язучыга акча кызгану – дәүләт эше түгел. Татар әдәбиятын белмә­гән кешеләр премия тирәсендә шау-шу куптарып, әдәбиятның дәрәҗәсен тө­шереп, анда рәтле әсәр язучы юк икән, дип сүз чыгарулары кү­ңелгә­ шом өсти. Премиянең күлә­мен азайтырга җыенмыйлармы икән, дигән фикер дә килә. Бәлки, хоккеистларга акча җитми торгандыр?

Туфан абый үзе дә бик күп еллар бу комиссиядә иде. Бу четерекле эштән китүенең сәбәбен язучы болай аңлатты. Туфан абый әлеге дә баягы кандидатларның ыгы-зыгысыннан арынып тору максатыннан китсә, икенче сәбәп – комиссия әгъзалары арасындагы ризасызлыктан тәмам гаҗиз булган. Заманында Харрас Әюпка Тукай премиясе бирү өчен шактый кө­рәшкән. Ә анда татары да, урысы да, кем соң ул, дип сорау биреп, Туфан абыйны алҗытып бетергән. "Нишләп әле мин те­ләмәгән кешеләргә татар әдәбияты турында сөйләп утырыйм, дидем дә үтенеч язып, комиссиядән киттем", – ди ул.

Премия лауреатларына тавыш бирүнең төрле формалары бар икән. Туфан абый әйтүенчә, кабат-кабат тавыш биргән вакытлары да булган. Шунысы да бар: әгәр дәүләт өч премия билгеләгән икән, комиссия әгъзалары хәтта дүртенче премия бирүне яклый ала. Нәтиҗәгә ирешү биредәгеләрнең ничек итеп үтемле сүз әйтә белүеннән дә тора икән.

Танылган шагыйрь Ркаил Зәйдулланы да Тукай туган көнен лауреатларсыз үткәрелүе гаҗәпләндерә: "Премия "беренче" дигән сүз бит инде, кандидатлар исемлегендә куелган алты әдипнең берсе дә беренчелеккә тартмый диюләре үзе үк бик сәер".

Татарстан дәүләт фольклор музыка ансамбле җитәкчесе Айдар Фәйзрахмановның бу премиягә ия булмавы гаҗәп. Туфан абый әдипләрнең әсәрләрен белмиләр дигән кебек, Айдар абыйның иҗатын, куйган хезмәтләрен белмичә "Җырлыйк әле!" тапшыруының алып баручысы итеп кенә күзаллаганнар, күрә­сең. Ул куйган концерт программалары, Тукайга багышланган гаҗәеп эчтәлекле концертлар, чит илләрдә татарны таныткан милли хәзинәләре?! Ярар, комиссия әгъзалары әйткәнчә, быел премиягә лаек булырлык шәхес­ләр юк дип тә уйлыйк ди. Ә берничә еллар элек кон­церт программалары өчен шактый гына дирижерлар Тукай премиясенә лаек булды. Ә алдагы елларда премия алган әдип­ләр? Алар белән чагыштырып карасак, быелгы кандидатларның иҗатлары кайсы яклары белән ким? Кайтышрак булмаса әле. Халыкны, әдәбият һәм сәнгать әһелләрен әнә бу гаделсезлек борчый. Димәк, таләпчәнлекне алдагы еллардан ук башларга кирәк иде.

Алсу ХӘСӘНОВА
Ватаным Татарстан
№ --- | 27.04.2012
Ватаным Татарстан печать

Фикерләр

Исем:
E-mail:
Текст:
 
№25 (804808) / 05.05.2012 23:43:15

Язлар җитәр, бөреләр дә шешенерләр,
Яз каршылап гүзәлләр дә чишенерләр...
Тагын ни дим? Нәрсә әйтим?...Бәлки әле,
Көздән чәчкән кишерләрем тишелерләр.
(Туфан абый Миңнуллин)

№24 (804710) / 04.05.2012 11:50:36

Мактап туймаслык кеше иде мәрхүм мактаган саен аңа рәхәт буладыр бәрзахта, ләкин иң яхшысы аның өчен Фатиха уку, Ясин уку әлбәттә, халык буларак миллионлаган дога укысак рухы шатланыр мәрхумнең.

№23 (804639) / 03.05.2012 18:55:37

Премия тапшыру комиссия әгъзалары арасында татарча китап укымаган кешеләр бик күп. Анда татар китабын бары тик ике кеше укый.)))))))
Укучыларының да, укымаучыларының да исемнәрен беләсе килә бит әле! Нигә игълан ителми алар? Татар китабын укымаган кеше ул комиссиягә ничек эләгә??

№22 (804602) / 03.05.2012 14:02:58

Ап-ак карлар явып үткән үзәннәргә,
Ак төс иңгән без табынган гүзәлләргә...
Сокланып һәм моңсуланып карап торам
Бабай диеп үзәгемне өзгәннәргә.
(Туфан абый Миңнуллин. "Робагыйлар" китабыннан)

№21 (804580) / 03.05.2012 09:06:28

Янгыр ява, табигатьтэ сыкрый, эрни сыман - Туфан китэ, Туфан... Урынын ожмахта булсын!

№20 (804572) / 03.05.2012 05:49:55

Карт түгел мин һәм карт булмам мәңгегә.
Ышандырып нәрсә әйтим дәлилгә?-
Галиябану әби булмый һичкайчан,
Бабай диеп эндәшмиләр Хәлилгә.
(Туфан абый Миңнуллин)

№19 (804571) / 03.05.2012 05:44:30

Шундый җыр бар:бер битең ал, бер битең гөл.
Синең менә һәрьягың да бербөтендер:
Йөзең кара, эчең кара, эшең кара,
Һай-һай, бырат, яшәүләре бик читендер.
(Туфан абый Миңнуллин)

№18 (804570) / 03.05.2012 05:41:01

Туфан абыйның бер робагые:
Акчаң күпме?
Юк, юк, әйтмә, белеп торам.
Күп икәнен белгән килеш көлеп торам.
Телисеңме, кешеләргә өйтер өчен
Син, фәкыйрьгә бер җылы сүз биреп торам.

№17 (804556) / 02.05.2012 23:39:53

исраф тугел САРЫФ иттегез

№16 (804553) / 02.05.2012 23:17:42

Хак булса, Туфан (ышанып булмый, әлегә) әфәнденең урыны оҗмахта булсын.
Инде, килеп: беркемгә дә чиксез гомер бирелмәгән. Ходай биргән гомерне яшәп утәчәкбез.
Туфан - татарның тарихта калачак бөек ДРАМАТУРГы, депутаты, КЕШЕСЕ.
Гафу, татарның ике иң күренекле кешесенең берсе: \\\\\\\"Татарга дүрт клас татарча уку җитә\\\\\\\" не әйтүчесе.

Урыны оҗмахта булсын. Татар тарихында якты-матур эз калдыручылар рәтендә булыр, шөкер.

Әйтем бар: \\\"Татар башына татар җитәр\\\". Хак түгелмени?


Инде, татар булсагыз, хет(хоть) татарча хәрефләрне үзләштерегез, акыллы 6улыгыз: ул-кыз, ир-ат, әби-бабайлар, барчагызга кагыла.
Кайберәүләрдә *акыл* күп(уйма) фикер юк. Монда,матбугатка, җәмәгатьчелеккә фикер чыгарабыз икән, бераз чистартып (фильтрлап) чыгарыйк.

ТУФАН ага, ХАЛЫК ихтирамына лаек, ТАТАРның бөек драматурглары арасында урын алачак.

Хуш, без яраткан, без сүккән(без кыйнаган) милләттәшем, урының оҗмахта булсын. Синдәй уллар сирәк туа. Хуш.

№15 (804549) / 02.05.2012 23:02:06

Хәзер бернәрсәне дә ,татарча әйтергә кирәкми.

Алда баручы-Путин кебек булырга тиеш.Мин аны карап торам.Ишекләр ябык,бу дөньяда,аны ачар өчен,ни кызганыч,кеше -юк.Татар халкына -юл ябык.Резонанс кирәк.

№14 (804547) / 02.05.2012 22:49:18

Туфан Миннуллинга дзулэт акча кызганмады. Бер вакытта да!

№13 (804522) / 02.05.2012 20:46:58

Туфан абый турындагы хэбэр йорэкне телгэли.Бигрэк тэ миллэт жанлы кеше иде мэрхум.Урыны жэннэттэ булса иде,Раббым!Алар берничэ кеше \"татар\"дип жан атучылар.Разил абый канаты сынган кебек хис итэдер инде узен.Нэжибэ апага хэм якыннарына сабырлык,саулык телибез. Хуш туры сузле,кыю Туфан абыебыз!

№12 (804510) / 02.05.2012 18:50:47

Татарны яклап, бөек мөнбәрдән торып, түрәләргә ярарга тырышмыйча гына, татарча сөйләшергә мәҗбүр итүче, татарны яклап сүз әйтүче дә калмый ахыры. Калса, ике-өч язучыбыз калды, алары да хокумәт тарафыннан бик өнәп бетерелмәгәннәрдән. Әллә ничә чакырлыш Дәүләт Советында үз җаен карап утытручы, аумакай депутат язучы-шагыйрьләрнең барысын бергә җыеп өйсәң дә Туфан ага кебек татар өчен күп эшләгән һәм җан аткан кеше булмастыр. Кызганыч, бик кызганыч, урыны оҗмахта булсын!

№11 (804494) / 02.05.2012 16:42:30

26 нчы апрель 2012 ел.


Әдипләрдән
быел Тукай бүләгенә
Бер кеше дә, имеш,лаек булмаган?!
Лаеклар күп!
Тик аларны күрмәгәннәр,
Комиссия, ахры, аек булмаган...

№10 (804490) / 02.05.2012 16:33:08

Урының оҗмахта, авыр туфрагың җиңел, караңгы гүрләрең якты, рухларың шат булсын, Туфан абый!

№9 (804485) / 02.05.2012 16:22:03

Кама Тамагы өчен зур югалту, хәтта сүз табуы авыр.Барысын да йөрәгенә җыйгандыр шул, битарафларның йөрәкләре авыртмый бит.

№8 (804482) / 02.05.2012 16:13:17

Татар өчен күп эшләгән, бәхетле кешеләр шулай аңсат үлем белән бик тиз китеп бара шул!
Шамил Закиров!
Туфан Миңнуллин!
Урыныгыз Җәннәтнең түрендә булсын! Амин!

№7 (804481) / 02.05.2012 15:35:49

Туфан абый,бәхил бул!Урының Җәннәттә булсын! Бик зур кайгы барыбызга да.Асыл Затлар китә арабыздан,учта әрни дисбе төймәләре...

№6 (804472) / 02.05.2012 14:15:43

ОЛЫ ШЭХЕС, ТАТАР ХАЛКЫНЫН ЙОЗЕК ТАШЫ БУЛГАН ТУФАН АБЫЙ ИРТЭ КИТТЕ.ЧИКСЕЗ КАЙГЫ, ЧИКСЕЗ ЮГАЛТУ...

№5 (804471) / 02.05.2012 14:11:24

"Ә АЛДАГЫ елларда премия алган әдипләр? Алар белән чагыштырып карасак, быелгы кандидатларның иҗатлары кайсы яклары белән КИМ? КАЙТЫШРАК БУЛМАСА ӘЛЕ."
"Ике кат чыктым аркылы күпер" түгелме бу ВТ дәрәҗәсендәге басмага?!

№4 (804468) / 02.05.2012 14:04:04

Моңа кадәр тәлапчәнлек була алмый иде. Чөнки интернет әле бүгенгедәй киң таралмаган иде.Ни теләделәр шуны сөйләделәр ТВдан, басма матбугаттан. Дистә еллар буена татар китабын укымаганга укучыны гаепләп килделәр бит.Шундый томана кешеләргә әйләнгәннәр, алар гына артык агарган. Әле акчалары юк дип тә әйтәләр иде.Һәрберсе үзен гений дип уйлый иде.Иркә

№3 (804466) / 02.05.2012 13:53:27

Алдагы еллар - моңа кадәр дигәнне аңлата. Бик дорес әйткән!

№2 (804465) / 02.05.2012 13:51:10

Туфан абыйны сагынасы коннэр алда эле...

№1 (804459) / 02.05.2012 13:18:58

Бик милләтпәрвар кеше иде шул. 27.04.2012 Кушлавычта да булып "Аякта йөргәндә Кушлавычка килеп, Тукай эзләренә басмый калмыйм әле мин..." дигән иде Тукай туган көндә: http://qushlawich.ru/node/230

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте