• 21.08 "Зәңгәр шәл" спектакле. Камал театры. 19:00
  • 27.08 "Килә ява..." спектакле. Камал театры. 19:00
  • 28.08 "Әтәч менгән читәнгә". Камал театры. 19:00
  • 29.08 "Бию пәрие". Камал театры. 18:00
  • 29.08 "Казан кичләре". Филармония. 18:30
  • 30.08 "Кырыкта да кызыкта. Мунча ташы". Филармония. 18:30
  • 06.09 Хәмдүнә Тимергалиева. Өстәмә юбилей концерты. УНИКС. 17:00
  • 18.09 Рифат Зарипов концерты. УНИКС. 18:30
Туган көннәр
  • 11 Июль Хазбулат Шәмсетдинов
  • 11 Июль Алмаз Монасыйпов (1925-2008)
  • 11 Июль Денис Голубев
  • 11 Июль Данил Мостафин
  • 12 Июль Люция Хәмитова
  • 12 Июль Матвей Апросин
  • 12 Июль Альберт Борһанов
  • 12 Июль Илдар Арсланов
  • 12 Июль Мирсәет Яруллин (1938-2009)
  • 13 Июль Айдар Галиәскәров
  • Холодильник сатыла, двухкамерный, биеклеге 1,80, яхшы эшли. Казан, ул. Губкина. Тел. 8 953 999 72 00
  • Продаётся комната в статусе КВАРТИРа 21.8 кв.м в Казане в Московском районе(район Восстания-Гагарина).Комната чистая,после косметического ремонта,Вся мебель и техника остаётся,заезжай и живи!Цена 1490000. Телефон для связи 89393937375.Документы готовы.СОБСТВЕННИК.
  • Казанда эре Җир җиләге сатабыз 89518954298
  • шпаклевка,штукатурим оконные ,дверные откосы,плитка ,обои недорого.89178887212
  • Казанда Диван кроват сатам яна тел89520460614
  • Кулай бәядән шкаф-купе сатыла.Тел 89272488945
  • Казан шэхэренен Мэскэу районындагы ике булмэле фатирнын Бер булмэсенэ иптэшкэ тэртипле Кыз эзлим.Метро Яшлек,Тандем,Д.К.Химиков белэн янэшэ.89272469637
  • Сниму квартиру в Актаныше, без мебели на длительный срок. с.т.8-9534014521
  • Казан шәһәрендә Зур Урам, 1 К адресы буенча квартира озак вакытка арендага бирелә. Кер юу машинасы, холодильник, телевизор бар. Бәясе 15 мең сум. т.89274345719
  • Сдается комната в Казани ул.Можайского д.12 кв 4/1 (Кировский р-н),10кв/м,цена 7000р, Тел.: 89274298213
 
 

 
Архив
 

               

26.01.2012 Җәмгыять

Мин генә аңламыйммы?

Бәлки, укучыларга бу көлке тоелыр, әмма 23 яшемне тутыруыма карамастан, тәмамланган урта һәм тәмамланып ук бетмәсә дә, югары белемем була торып та, кайчак уйларыма чумам да үзебезнең илдә күп нәрсәләрне аңлап ук бетермим икән әле, дигән фикергә киләм. Нәрсә галәмәте бу: мин аңгырамы, әллә ил үзе шундый аңлауга бирешми торганмы?

Аңлатыгызчы миңа – илдә демографик хәлнең начар булуына борчылалар: янәсе, кешеләр күп үлә, ә туучылар саны аз. Гаиләләр бер бала белән чикләнеп, икенчесен алып кайтырга куркып тормасыннар өчен, беренчесеннән соң туган нарасыйлар өчен «ана капиталы» дигән нәрсә уйлап чыгардылар. Үрчүнең артуы булды, аңа бәйле икенче проблема баш калкытты: балалар өчен хәзер бакчалар җитеп бетми. Аның беренчесен кайгырткач, икенчесен дә баштан ук хәл итәргә кирәктер бит инде!

 

Кешеләр күп үлә дигәннән. Әйе, бу проблема бар. Аның сәбәпләре дә ап-ачык: сулаган һавабыз пычрак, ашаганыбыз, эчкәнебез – агу, әйләнә-тирә мохитебез – тоташ чүплек оясы. Инсульт яшәрде, яңадан-яңа чирләр барлыкка килеп тора, статистика буенча, ир-атларның күбесе, лаеклы ялга да чыгарга өлгермичә, үлеп китәләр, шул ук вакытта хөкүмәт пенсия яшен арттыру турында сөйләшүләр алып баруны туктатмый. Сафсата түгелме инде бу, ә?

 

Аңлатыгызчы миңа – авылларны, дәүләтнең төп «туендыручыларының» берсе саналган авыл хуҗалыгын саклап калу, үстерү турында сөйлиләр. Шул ук вакытта күп авыл мәктәпләре бөтенләй ябыла, икенчеләренең сыйныфлар саны кыскара. Бу сәясәтнең максаты балаларның белем дәрәҗәсен арттыру дисәләр дә, төп сәбәп укытучыларның хезмәт хакларында экономия ясаудыр. Әмма бер авыл балаларын икенчесенә йөртү өчен автобуслар яллауга, ягулык өчен һәм йөртүчегә хезмәт хакы түләүләргә шул ук чыгымнар тотыла түгелме? Бусы сафсата булудан тыш, балаларның тормышын куркыныч астына кую да әле, чөнки юлда туктаусыз һәлакәтләр булып тора.

 

Аңлатыгызчы миңа – ил буенча ришвәтчелекне тамырдан корыту турында чаң кагалар. Шул ук вакытта ришвәтчелек һәрбер өлкәдә чәчәк ата, хәзер күп мәсьәлә кемнеңдер кесәсенә акча салу юлы белән хәл ителә. Берән-сәрән генә кулларыннан эләктерелгән ришвәтчеләрнең кәнәфиенә нәкъ шундый икенче ришвәтчеләр менеп утыра. Күп очракта тегеләре дә реаль җаваплылыкка тартылмый, ришвәт юлы белән кергән акчалар бәрабәренә җәзадан котылалар.

 

Читтән торып укучы студентларга белем бирү системасында катнашучыларны «ата ришвәтчеләр» дип атарга буладыр. Студентларның сессия вакытлары – аларның икмәге. Читтән торып укучы студент укудан азат вакытта эшләп, акча туплый да шул сессиядә бөтен кесәләрен бушатып кайта. Ул студентлардан аннары җүнле белгечләр чыгасына ышанасы да юк. Бу хәлдә иң аңлашылмаганы: моны һәркем белә, тик ни өчен проблеманы чишү хәстәрен күрмиләр?

 

Аңлатыгызчы миңа – мөмкинлекләре чикләнгән кешеләрнең яшәү-көнкүреш шартларын кулыбыздан килгәнчә җайлаштырабыз дигән булып маташалар. «Уңайлы мохит» дип аталган федераль программа бу эш өчен регионнарга йөзләгән миллион акча бүлеп бирде. Тик кайда ул уңайлы шартлар, кайда ул акчалар? Никтер урамда йөрүче бер генә бәхетле инвалид та күзгә чалынмый. Коляскалы инвалидларны әйтәсе дә юк, аларның подъезддан чыгулары үзе бер галәмәт азап, урамга чыгуга исә, бөтенләй яшәү өчен көрәш башлана. Урамда ирекле хәрәкәт итү түгел, аларга кайбер хастаханәләргә керү өчен дә уңайлыклар эшләнмәгән. Өстәвенә инвалидларның мәнфәгатьләрен кайгыртырга тиешле Социаль яклау министрлыгы алар белән судлашып та йөри әле. Бу берничек тә минем башыма сыймый.

 

Аңлатыгызчы миңа – нишләп берән-сәрән генә калып баручы сугыш һәм тыл ветераннарына тиешенчә кадер-хөрмәт юк. Илебезнең хәзергесе өчен без бары тик аларга гына бурычлы бит. Сугышта илебез данын яклаган әби-бабайларыбызның гаиләләре, ниһаять, бөек Җиңүнең 66 еллыгына, ел саен зурлап тапшырыла торган рәхмәт хатларыннан һәм капкаларына кадакланган кызыл йолдызлардан тыш, яңа фатирларга да лаек булдылар. Тик әле ул фатирлар аларның һәрберсенә дә тәтемәде. «Үз йортларында яшәү шартлары яраклы», «кеше башына исәпләгәндә мәйданнары җитәрлек» булганнарга күз яшьләре түгеп утырырга гына калды. Нәрсәгә сугышта бертигез катнашкан, иңгә-иң терәп көрәшкән кешеләрне шулай аерырга, берсен икенчесеннән ким куярга?!

 

«Сугыш ветераннары авыл саен берәр-икешәр генә калгач, аларны, ниһаять, тиешенчә олылый башладылар. Безнең ишләр дә кырылып бетә язгач, безгә дә чират җитәр, Алла боерса», – дип шаярта сизелеп торган зар һәм үкенеч аша бер тыл ветераны саналучы абзый. Уйлап карасаң, корал күтәреп, дошманга каршы бармасалар да, алар да сугыш елларында ил өчен биниһая зур һәм авыр эш башкарганнар бит: эссесен-салкынын, көнен-төнен белмичә, ачлы-туклы карынга, тулаем бушка алар фронт өчен кирәк-ярак җитештергән. Аларны да сугыш ветераннарына тиңләргә вакыттыр инде.

 

Аңлатыгызчы миңа – мәктәпләрдә, югары уку йортларында татар телен сакларга, якларга кирәк дип туктаусыз тукыйлар. Шул ук вакытта Казан урамнарының атамасын күрсәтеп торучы билгеләрдән, юклы-барлы гына булса да, урыны-урыны белән күзәтелгән татарча тәрҗемәләрне бөтенләй юк иттеләр, алар урынына, Универсиадага әзерләнү булса кирәк, латин хәрефләре тезмәсеннән торган атамалар урын алды. Ни өчен?

 

Аңлатыгызчы миңа – безнең ил иң нефтьле илләрнең берсе санала. Шул ук вакытта нефть продуктларына, аерым алганда ягулыкларга бәяләр бездә иң югарылар исемлегендә. Мисал өчен, Ирак, Мисыр, Согуд Гарәбстаны кебек нефтькә шулай ук бай илләрдә иң популяр 92 нче маркалы бензинның бәясе, сумнарга күчергәндә, 10 сумнан да артмый. Ә ни өчен безнең ил нефтьне чит илләргә сату хисабына акча эшләп, үз халкына шул ук 92 нче бензинны 27 сумга сата. Өстәвенә ягулыкка бәяләр торган саен үскәннән-үсә генә бара.

 

Аңлатыгызчы миңа – безнең кайбер материклардан да зур илдә талантлар тулып ята. Ни өчен бездә аларга үзләрен күрсәтергә ирек бирелми? Алар чит илләргә китеп «кеше» булалар да, шул ил файдасына хезмәт күрсәтеп, хәтта Нобель премияләренә кадәр алалар.

 

Аңлатыгызчы миңа – ни өчен безнең ил гражданины чит илгә ял итәргә яки башка максатлар белән киткән булып, берәр нинди һәлакәткә юлыга калса, аны зурдан кубып сөйләп, Гадәттән тыш хәлләр министрлыгы хәтта «коткару операцияләре»нә кадәр оештыра, хөкүмәт акчалар бүлеп бирә?! Ә ил эчендә шундый ук күңелсез хәлгә тарыганнарның бар икәнен дә белмиләр. Чит илгә китеп чирли башлавың хәерлерәкме икәнни инде хәзер?

 

Аңлатыгызчы миңа – ни өчен безнең илдә гел «соң булса да, уң булсын» дигән принцип белән эш йөртәләр. Самолет йөзләгән пассажирлары белән җиргә төшеп бәрелгәч кенә шул типтагы самолетларның төзеклек хәле тикшерелә башлый, маршрут автобусы тукталышта кешеләрне таптатканнан соң гына парктагы бөтен машиналарга техник тикшерү уздырыла, клубта янгын чыкканнан соң гына башка күңел ачу оешмаларында куркынычсызлык таләпләренең үтәлешенә игътибар юнәлтелә, коллекторга бала төшеп үлгәннән соң гына торбаларны алыштырырга кирәк дигән фикергә киләләр… Хафалы ситуацияләрдән үзебезне саклар өчен, кеше гомеренә куркыныч янаган һәр нәрсәне вакытында тикшереп, төзәтеп, җайлап-майлап торырга кирәк бит инде, ә бездә күңелсез вакыйга булып узганнан соң гына башларына ябышалар.

 

Аңлатыгызчы миңа – ни өчен безнең илдә һәр нәрсә ялганга, үз файдаңа эшләүгә корылган? Ул һәр өлкәнең нигезен тәшкил итә сыман. Җитештерүдә сыйфатлы продуктлар урынына арзанлы начар алмаш кулланып, акча экономияләүгә омтылалар, төзекләндерү эшләре өлкәсендә бүленеп бирелгән акчаларның күпмедер өлеше бригадир кесәсенә кергәннән соң, ремонтның сыйфаты бермә-бер кими, сәүдә өлкәсе турында әйтеп тә торасы юк. Һәр нәрсә чын күңелдән, кешегә яхшылык кылыйк әле, кәефен күтәрик әле дип башкарылса, яшәргә ничек рәхәт булыр иде. Ә бит ышанасы килә – хөкүмәттә илнең якты киләчәге турында сөйләнгән сүзләргә дә, депутатларның һәркемнең тормышын яхшырту өчен кулларыннан килгән һәр нәрсәне эшләячәкбез, дип биргән вәгъдәләренә дә, табибларның операция уңышлы узачак дип ышандыруларына да, сатучыларның мактап саткан товарларының чынлап торып затлы, сыйфатлы булуына да ышанасы килә. Башта барысына да ышанып барсаң да, көтелгән өметләр акланмагач, ул ышаныч тора-бара бетә, сүнә. Күңелләрдәге шул ышанычны үтермәсеннәр иде.

 

Ни өчен безнең илдә ярлылар фәкыйрьләнгәннән-фәкыйрьләнә, ә байлар «симергәннән-симерә», ни өчен кануннар үтәлми, ни өчен юллардагы хәтәр урыннарда светофорлар яисә җәяүлеләр кичүе билгесе шул урында машиналар берничә кешене бәреп үтергәннән соң гына куела, ни өчен юлларга асфальтны кар өстенә җәяләр, ни өчен чүп контейнерлары тулып ташыгач, янында килеп булмаслык итеп өелгән чүп тавы хасил булгач кына түгелә, ни өчен ярдәмләшеп, туганлашып яшәү дигән нәрсә юк?

 

Дөресен генә әйткәндә, бу аңлашылмаучанлыкларның барысын да санап китсәң, бер газета саны да җитмәстер, мөгаен. Мине шунысы борчый: аларны мин генә аңламыйммы икән? Бу шулай булса, зинһар, аңлатыгызчы миңа чын дөресен тизрәк!

 

Мәктәптә укыган чакта безне рус теле һәм әдәбиятыннан бер ел гына бер яшь егет укытып киткән иде. Шуның дәреслектәге берәр кагыйдәне аңлатканнан соң, «аңлашылдымы?» дип сорыйсы урынга, шаяртып, гел «аңгырашылдымы?» дип соравы хәтергә кереп калган. Илебез эчендә шулкадәр чишеләсе проблемалар була торып, аларга күз йому, үз карының өчен генә яшәү, берәүләрнең өстен, икенчеләрнең ким булуы, алып барылган аңлашылмаслык сәясәт, эчке һәм тышкы мөнәсәбәтләр, кануннарыбыз тудырган хисне, халәтне гомумиләштереп, шул бер сүз белән «аңгырашылмау» дип атарга мөмкиндер, минемчә.  

Айнур ГАЛИМОВ
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№91 (794405) / 02.02.2012 21:12:59


Ян кисәгем,ничәнче тапкыр язам бит,пока элекке карт коммунист-ңитәкчеләр руководяшии поста утралар илебездә дөреслек булмаячак.Неуҗели шуны аңламыйсыз инде.Шулар барысыда ЕР членнары,алар бер-берсе белән тимер чылбыр белән бәйләнгәннәр,ул чылбырны киләсе сайлау гына өзә ала әгә ЕР оттырса.Уйлагыз,киңәшегез.

№90 (794401) / 02.02.2012 20:59:01


Киләчәк сайлаулар ни белән бетәр икә дип бөтен Россия халкы кайгыга төште инде.Путин калса илебездә шул караклар хөкем сөрәчәк дип уйлыйм.Барлык район башлыклары(Татарстанда) шул ЕД да торучы подставной бәндәләр,алардан гадый кешегә яхшылык көтәсе юк.Купме кирәк шул кадәр урлыйлар, аларга суд та юк- рәхәләнеп акча җыеп баеп яталар.
В основном аларны авыл халкы сайлый,шәхәрдә алар мәнге үтә алмыйлар.Пүтин килсә илебездә хәерчелек,караклык тагыда артачак дип уйлыйм. Зюганов килсә илебездә үзгәрешләр булачак анысына сүздә юк.Татарстандагы лҗебайларга кысанга киләчәк һәм урлап җыйган байлыкларыннан колакта кагачаклар.Мәскәү,Ленинград халкы аяк -үрә басып ЕР каршы чыгышлар белән шау килә.Бу сайлаулар тыныч кына бетсен иде инде.

№89 (794394) / 02.02.2012 19:35:47

Путин стремительно слабеет. Он предложил «коалиционное правительство»

Накануне Путин неожиданно объявил, что «готов ко второму туру» выборов президента России. Это признание чекистского главаря, который впервые публично признался в ослаблении своей власти.

В четверг стало известно, что Путин ведет переговоры со своими политическими оппонентами о создании некоего «коалиционного правительства».

Уже якобы обсуждаются претенденты на министерские посты, хотя конкретные фамилии называть пока рано. «Уверенности в исходе переговоров нет», сообщили «Ведомостям» два анонимных путинских чиновника.

В то же время член правительственной комиссии по подготовке управленческих кадров Юрий Котлер высказал мнение, что Путин ведет переговоры с Зюгановым, Мироновым, Жириновским и Прохоровым

Причем, как считает Котлер, прежде всего Путина может интересовать именно Прохоров. Напомним, что критики Прохорова с момента его появления на политической сцене, назвали его «путинским проектом».

Комментаторы указывают в этой связи, что должность премьера будущего правительства России Путин в случае своей победы обещал нынешнему формальному президенту Медведеву.
Медведев сразу же озвучил идею «большого правительства», состоящего из «абсолютно новых людей».
Однако спустя полтора месяца, вскоре после декабрьских выборов в госдуму, Путин особо подчеркнул, что в ходе перестановок и обновления правительства, которое последует в марте, важно не уничтожать «кадровый костяк» и не допускать «кампанейщины», дав понять, что прожекты Медведева ничего не стоят.

Более того, некоторые эксперты указывают, что в условиях нынешней политической нестабильности в России, которая может вылиться в нестабильность экономическую, Путин поставит во главе правительства не Медведева, а более приемлемого с точки зрения экономистов человека — Алексея Кудрина.

Причем ситуация, судя по всему, накалилась настолько, что против назначения Медведева предостерег даже патронируемый им Институт современного развития (ИНСОР), который все последние годы пытался сохранить Медведева в президентском кресле.

№88 (794005) / 31.01.2012 12:30:29

"Аңлатыгызчы миңа – ни өчен безнең илдә һәр нәрсә ялганга, үз файдаңа эшләүгә корылган?"

Чөнки безнең илдә һәр нәрсә ялганга, үз файдаңа эшләүгә корылган!

№87 (793821) / 30.01.2012 11:46:22

Ээй Кигэвен , ул Зюгановны Сез дэ мин сайласа гына инде,бэлки тагын берничэ кеше ,кемне генэ сайларга тырышсакта баребер Путинны сайлыачакбыз ,чонки ул ,бездэн башкада куптэн сайланып куелган .

№86 (793819) / 30.01.2012 10:57:38

Айнурга укып уйланырлык, моңланырлык, юанырлык комментлар булган инде монда.
85 коммент! Алары да күләмле, өчле-тугызлы гына түгел!
Молодец, Айнур шундый мәкалә язган өчен

№85 (793740) / 29.01.2012 10:34:12

кайчан "..мул белем туплап,..үзеңнең бик тә надан икәнеңне" аңлый башларсың икән?

№84 (793726) / 28.01.2012 22:37:18

Фикерли алуга сәләтле кеше, шактый мул белем туплагач кына аңлый башлый үзенең бик тә надан икәнлеген. Белемсез генә фикер йөртүчеләр, үзләрен, иң акыллы итеп тоялар. Диваналар - иң бәхетле итеп ...
Шушы яшендә, шулай фикерләп, җаннарыбызны селкетә алган егетне һич кенә дә, надан дип әйтмәс идем.
Җавабын, мондагы күпләребезгә карый алданрак, Айнур үзе беләчәгенә шигем юк.

Кемне сайларга соң?!.

Дистә елдан артык элек, Путин, Рәсәйнең иң бай миллиардерларыннан күбрәк миллиардлар (кесәсендә) иясе иде. Бер үзе генә бай булмас өчен (тирә юнеңдә синең сыман байлар, кечерәк байлар, ..., тупланмаса, чукып ыргытачаклар. Байлар катламы булса, менә дигән БУФЕР - сакланып калу чарасы), кем ничек урлый-талый ала, аларга киң мөмкинлекләр булдырды. Кыска вакыт эчендә, ил-халык байлыгы олигарх һәм караклар кесәсенә агыла башлады. Путин тагын килсә , байлар(халык байлыгын үзләштерүче миллиардерлар) артачак; Рәсәй пролетариатына(эшче, крестиян, ...) үлем якынаячак. Прохоров килсә - атнасына алтмыш, йөз сәгать эшләргә мәҗбүр ителәчәк эшче халык.

Кемне сайларга соң?
Иң кулае - Зюганов. Ни өчен?

1. Ике курчак, берсен-берсе президент итеп билгеләп утырмасыннар өчен.
2. Ил-халык талау, чагыштырмача, тукталсын өчен.
3. Аннан соң булачак сайлауларда, халыкның үзе теләгән, үзенә яраклы шәхесне сайлап куя алу мөмкинлеген булдыруга юл ачылсын өчен.
(бүтән санамыйм, үзегез фикерләп бетерегез)

№83 (793672) / 28.01.2012 09:52:16

\"Бигрәк тә укучыны уйландыру өчен. Югыйсә, кайберәүләрнең сорау бирерлек тә белеме булмый дип әйтә белүчеләр.\"


Әйе, Шәһри Казанның бар тиражы административ ресурсыз җыелган дип исәпләсәк ул сан гәҗит тираңына тигез. Проөентларда санасагыз күпме була? 0,3 процент тирәсе чыга. Бу сан пассионар кешеләр өчен дә әһәмиятеле була алмый. Тем более уйлый белмәгән белемсезләр күләме шатландыра.


Мондый мәкаләләрне мрнда элмәскә кирәкмәс дип әйтәсем килсә дә, икенче яктан хакимияткә үзләренең дураклар белән эш итмәвен әйтү өчен кирәк. Алайса анда халыкны тулаем дуракка санаучылар өстенлек итә башлады. Шундый Сурковны алып аттылар әнә.Әйе, халыкның дурак өлешен манипуляцияләүдә Сурков акыллы иде. Әмма халык арасында акыллы әхъләкълы, үз-үзенә ышанган самодостаточный кешеләр дә бар, бар гына түгел, күп һәм күбәя бара.

№82 (793671) / 28.01.2012 09:40:31

Авторның стиле һәм мәкаләнең эчтәлеге ятышлы.

Бигрәк тә укучыны уйландыру өчен. Югыйсә, кайберәүләрнең сорау бирерлек тә белеме булмый дип әйтә белүчеләр.

Мәкаләгә өстәп һәм язылганнарга әзме күпме җавап рәвешендә, һәм шулай ук автор югарыданрак уйлап карасын өчен дәвам итик.

Аңлатыгызчы - ни өчен татар, мөселман гаиләсендә туып та яһүд, насара хакимияте астында яши?

Ни өчен татар бу дөньяга Кем тарафыннан китерелгәнлеген һәм ни өчен яшәгәнлеген уйлап та карамый?
Ни өчен ул бер Раббысы Аллаһка гына буйсынасы урында, аның яши торган урынында, җирендә - мәмләкәтендә мыркылдык хайваннар һәм эчкечелек, зиначылыкны таратучыларга буйсына?

Ни өчен татар бүген киенергә киеме, ашарына ризыгы булып та, яхшы машиналарга утырып йөрсә дә, кәфергә буйсынып, җиреннән аерылып этажеркаларда, хәерчелектә, мескенлектә яшәргә мәҗбүр?

Ни өчен аның бүгенге дини җитәкчеләре, мөселманга хас динен яклап, яши торган җирләрен эчкечелектән, зиначылыктан, дуңгызчылыктан ничек итеп арындыру, аның өчен нинди адымнар ясарга, нинди гамәлләр кылырга чакырасы урында, мөселманнар арасына таркаулык кертеп, ялганчылар хакимиятен куәтләп, ваһһабичылык, экстремизм, толерантлык һ.б.ялган сөйләп, гади көн күрүчеләрнең башын бутый?

Аңлатыгызчы - ни өчен соң татар шушы кадәр мескенлеккә төшеп,беренче чиратта, үзен, үзенең динен, киләчәген(Ахирәтен) кайгыртасы урында, ялган системага ияреп, һаман адашуда?
Ни өчен ул үзенең Китабын югалтып, ялган система хакимияте сүзләренә иярә? Алар астыннан чыгасы килми, азаплана, аларга иярә?

Менә татарның кулланма булырга тиешле Китабыннан бер аять:
\"(129)Менә шулай итеп, кылган гөнаһлары өчен залимнарның бер 
өлешен икенсесенə ярдәмче, дусты итеп куярбыз.\"(\"Әл-Әгъраф\")

№81 (793668) / 28.01.2012 08:11:15

ике сыерга кибәк аерып сала белмәгәннәр,сүз сөйләп утырган булалар шул...

№80 (793661) / 27.01.2012 22:42:37

Айнур, балакаем, үзең эзләгән сорауларга җавапны мондагы комментарийларны укыгач тапкан соңдыр дип ышанасы килә.Комментарийларның эчтәлегендән чыгып фикер йөретсәң барда аңлашыла.
безгә баштан ике сыерга кибәк аерырга өйрәнеогә кирәк әле.

№79 (793660) / 27.01.2012 22:32:18



\\Аңлатыгызчы миңа – ни өчен безнең ил гражданины чит илгә ял итәргә яки башка максатлар белән киткән булып, берәр нинди һәлакәткә юлыга калса, аны зурдан кубып сөйләп, Гадәттән тыш хәлләр министрлыгы хәтта «коткару операцияләре»нә кадәр оештыра, хөкүмәт акчалар бүлеп бирә?! Ә ил эчендә шундый ук күңелсез хәлгә тарыганнарның бар икәнен дә белмиләр. Чит илгә китеп чирли башлавың хәерлерәкме икәнни инде хәзер?\\http://pomozhem-ajnuru.ru/
Эх сез МРу чылар берни аңламыйсыз.

№78 (793657) / 27.01.2012 22:16:03

Айнур, күңелеңә авыр алып торма тагын мондагы килде китте коментларны! Сүз боткасы ясап калдырырга гына торалар... Башны җүләргә салып

№77 (793635) / 27.01.2012 20:12:06

Беләсезме, бу мәкаләнең зыяны нәрсәдә икәнен?

Әлегә, без аның язганнарын за чистую монету дип комментлыйбыз. Эш бөтенләй бүтәнчә тора.

Әйдәгез психоанализ ясыйбыз. Бу кеше үзенең көлке язганын үзе үк әйтә. Ихлас кеше үзенең көлке язганын белә торып гәтиҗкә мәкалә бастырамы инде, җә? Юк, әлбәттә. Сорау туа – бу аңа ни өчендер кирәк? Ни өчен? Эш шунда? Бу 5 млн татар булып, тиражы 20 мең белән мактанып утыручылар стиле. Без турыдан –туры хакимяитне яманлый алмыйбыз. Башта дуракка сабышырга кирәк. Хакимият һәрвакыт акыллы һәм яхшы булып күренергә тиеш. Әмма укучылар да бар бит әле. Бүгенге көннәрдә кем хакимнәрне тәнкыйтьләми. Агымга кушылырга киршк бит. Менә шушындый мәгънәсез формада булса да.

№76 (793610) / 27.01.2012 18:44:16

67!!!
Халыкны ярык тагарак алдында калдырган олигархлар башлыгына тагын тавыш бирергэ чакырмакчылар.
Путин 12 ел рулит, сонгы 4е дә аныкы фактта,илдә яхшы якка узгәреш юк.

№75 (793607) / 27.01.2012 18:21:20

Айнур әфәнде!Сезнең сорауларга җавап табар өчен системалар теориясен һәм оештыру теориясен эченә алан"Тектология" -гомумоештыру фәнен
( грекчадан сүзгә сүз тәрҗемәсе "төзелеш турында гыйлем")өйрәнү сорала.Бу фән, теләсә нинди күренешне өйрәнү, аның оешуы ноктасыннан чыгып керешү зарурлыгын танудан башлана.

№74 (793602) / 27.01.2012 17:49:07

Шуны да аңламыйсыңмы?
Су атасы - Су анасының мыжыгы була инде!

№73 (793598) / 27.01.2012 16:29:12

Ай-яй,куеп та карыйсыз ә, исемне...Ни дигәнне аңлата соң инде бу сүз?Тагын нәрсә уйлап чыгарасыгыз калды икән?

№72 (793597) / 27.01.2012 16:13:30

Молодец, Доярка! Орден сиңа!
Күпме тавыш ясап, берсе дә тулы җавап тота алмаган иде. Урыссия Президенты урнына иң лаеклы кандидат син!
Теге пүчтәкләрнең берсе дә үтмәсә, кабат сайлау булса, СИНЕ президент постына тәкъдим итәчәкбез.
Президентка Путин үтмичә, Жора яки Зюган үтсә, Думаны кабат сайлыйбыз ди.
Сезнең кандидат ДУМАга да бер дигән!
Кемнәр за миңа,
тавыш бирегез!

№71 (793594) / 27.01.2012 15:12:20

1.Икенчесен башта хэл итэргэ белеп булмый бит.Эллэ бала табалар,эллэ юк.Закон чыгаручы булсам миндэ шулай эшлэр идем.40-45 яшьлек хатыннарда тилерде бит.Бала табалар.Ана капиталы эчен.Менэ тапкач садиклар эшлисен.
2.Кешелэр куп улэ дигэннэн.Электэ улде.Бала тапканда,эч авыртыпта,тэрле йогышлы чирлэрдэн,сугышта.Хэзер кешегэ кара 55 яшьлек апайлар 25-30 яшьлеклэргэ охшаган.Элек алар эби иделэр.Пенсия яшен узгэртмичэ нишлисен.Яулык бэйлэп,намаз укып утырмыйлар бит.
3.Авыл мэктэплэре ябыла.Безнен мэктэптэ 50 бала белем ала.9 еллык.Башлангычлар 2 класс бергэ укый.Шул хэл дэресме.Мэктэпнен укыту базасы ничек.автобус белэн барып уку дэресрэк тугел микэн.
4.Ришвэтчелеккэ син,мин,узебез гаепле бит.Бирмэ.Кем мэжбур итэ.Беренче буласы килэ бит.
5.Студент сыерчык белэн карга институтта укыганнар.Сыерчык кэндезгедэ,карга читтэн торып .Тавышларын чагыштыр.Эллэ кэндезге булектэ акча кирэкми дисенме..
6.Менэ монсы анлашылмый.
7.Улгэне улеп калды нинди рэхэт курде.Исэн калганнар болай да рэхэтне куп курде.Упкэли алмыйлар.Эйдэ ятып берэудэ китереп бирми.туган -тумачалар бик куп сугышты.Житэр.
8.Татар теле авылларда гына инде ул.Сездэ ,бездэ .Сез,без бетсэк бетэр.
9.Бензин алып таралар.Йэреп торалар.Миндэ кутэрер идем.Кара халык-кара сарык.Узебез гаепле.Риза ич.
10.Уз авылыннан уйлап кара эле.Килгэн кеше эллэ кем.Аларга икенче караш.Белмэсэдэ аларны зурлыйбыз.Кутэрэбеэ.
11.Берэр кешедэ рак дисэлэр .Бездэ дэ юк микэн дип уйлый башлыйбыз.Больницага йэгерэбез.Илдэ шул инде ул.
12.Барысыда узебездэн тора.Без кара халык-кара сарык.

№70 (793591) / 27.01.2012 14:05:32

Иркә ,
Айнур куйган бер генә дә сорауга да
җавап бирергә хәлеңнән килмәячәк!
Автор,комментларны укып чыкса,аңлар,ни өчен бу илдә кычкырып торган башбаштаклык,җүләрлек икәнен.

Ничә көннән бирле Тв да,военныйларга акча артканны сөйлиләр,ашагыз сарыклар,дигән сыман!!!!!!!!!!

№69 (793588) / 27.01.2012 13:31:27

Япуннар, американнардан без киммени дип, шулар кебек яшәбез киләчәктә дип сайлауларда капитализм юлын үзебез сайлап алдык бит. Нәрсә, америкада бушка укыталармы?
Японда бездәге кебек садиклар, җитмәсә бесплатный садиклар бармы?
Шулай булгач, күптән түләүле булырга тиеш инде. Үзе егылган еламас.
Күптән түләүле итәргә вакыт.
үзебез сайлап алган тормыш формасы.

№68 (793585) / 27.01.2012 13:19:28

Революциянен кирэге юк, лэкин медицина тулэуле инде, э менэ мэктэптэ уку да тулэулегэ эйлэнсэ, революция булмыйча калмыячак. Безнен халык барысына да тузэ, тырша, лэкин минемчэ ансына тузеп тормыячак.

№67 (793576) / 27.01.2012 11:48:42

Ихлас берәүгә!
Сез ялгышмагыз, дөнья беркайчан да берәүгә генә терәлеп калмаган. Президент булырлык башка кеше юк дигәнегезгә карата әйтүем. Ришвәтчелекнең ныклап тамыр җибәрүе 2000 елдан соң башланды. Кем иде соң ул чагында ил президенты? Нишләп, инде фәлән ел буе чәйнәп тә, ришвәтчелекнең тамырын корыталмыйлар. Теләмиләр, чөнки. Илдәге чуалышларның, революция ише вакыйгаларның кирәге юк югын, чөнки алардан һаман да булса шул гади халык кына зыян күрәчәк. Әмма ил башындагылар ил белән идарә итү ысулларын үзгәртмәсәләр, алдагы тормышның тыныч калуы да икеле. Хәзер инде Америкада да халык уянып килә, алар: \\\"Ни өчен әле ил байлыгы 1% кеше кулында гына булырга тиеш, без - калганнар 99%, без күбрәк тә, көчлерәк тә бит\\\", - дигән девиз астында хәрәкәт итәләр. Бездәге олигархлар да таланган байлыкларын гади халык белән җиңел генә бүлешмәячәкләр. Моны акыллы президент кына хәл итәләчәк. Ә акыллы кешене югары даирәгә үткәрергә тормыйлар. Әнә, бер яшь татар егете дә үз кандидатурасын куймакчы иде президентлыкка, үткәрмәделәр.
Мин сезне илнең җимерек чагын күргән кешедер дип уйламыйм, чөнки ул буын кешеләре фани дөньяга күчеп бетте инде. \\\"Спец.обеспечение\\\" дигән нәрсә чепуха булган ул, менә хәзер властьтагыларга \\\"Сверхобеспечение\\\", миллиардлаган доллар эчендә йөзәләр, нигә кирәк аларга \\\"Спец.обеспечение\\\". Әле бит 1980 елларда гына да райком секретаре хөкүмәт йортында торыр иде, аена 250 сум хезмәт хакы ала иде. Хәзерге район хакимнәренең байлыгы аларның төшенә дә кермәгәндер.
Хәзерге яшьләргә авыр замана килде, торак мәсьәләсендә дә, балаларны үстереп кеше итүдә дә. Гомерлек бурычка батып яшәргә кирәк. Җитештерү сферасында эшләп тормыш тарту ай-һай бик авыр, чөнки хезмәт хакын тамызып кына бирәләр. Ә зур акчалы эшләр исә бик сирәкләргә генә тәти. Авырмасаң бер хәл әле, авырсаң бетте, эшләгән акчаң дәваланырга да җитмәячәк.

№66 (793567) / 27.01.2012 10:15:42

Ни очен булсын, совет власте чорында сарык халыкнын анын коммунизм тэртиплэре б/н томалап, куркытып, буйсындырып тордылыр. Э хэзер халыкнын аны уяна башлагач, сугыш чыгу куркынычы туды, баш кутэрулэр, конфликтлар, кайнар нокталар барлыкка килде, шунын очен коммунизм урынына дин килергэ маташа, шул ук сарык халыкнын анын томалап, буйсындырып тоту очен. Э сез шуны анламыйсызмы?

№65 (793560) / 27.01.2012 08:20:17

Мин әле өстәп шуны әйтәм, мондый сорауларга караганда, без ни эшли алабыз дип сораучыларның, медицина термины белән әйткәндә, прогнозы яхшырак.Бу темага үз фикеремне пенсионерлар тәлабен канәгатьләндерү турындагы хәбәрдә язган идем.

Бу язма стиле сарыкның көтүчесенә сорау бирүе кебек, ник син безне чыбыркылап туда-сюда куып йөртәсең! Алга гына китереп сал ямь-яшел үләнне, без рәхәтләнеп ашарбыз. Ә ашаганнан соң пылау буласын сарык аңламый.


№64 (793557) / 27.01.2012 06:35:37

Иркә, Филэсуф 67 ЯЗГАН СИНЕН ОЧЕН,УКЫ!

№63 (793556) / 27.01.2012 06:09:42

Иркә, ((( Айнур Галимов, мондый сорауларны инфантиль кешеләр генә бирә ала. Дөньяны яшьләр үзгәртә. 23 яшьтә мондый сораулар белән яшисез икән, бүтән язып маташмасагыз да була. Балалар бакчасына барыгыз кабат. Җавап шул.))))ИРКЭ СИН БИК АКЫЛЛЫ БУЛГАЧ НИК ШУЛАЙ ИКЭНГЭ ЖАВАП БИР !ИЛДЭГЕ БОТЕН АКЫЛЛЫ КЕШЕНЕН БАШЫНА КИЛГЭН СОРАУЛАРНЫ КУТЭРГЭН АЙНУР.Э СИН КЕШЕ КИМСЕТЕП МАТАШАСЫН.КИЛЕШМИ!

№62 (793555) / 27.01.2012 05:09:27

Жулэрлэр куп булганда-акыллылар тук була. Тагын" Кем арбасына утырдын шунын жырын жырлыйсын"-дилэрме эле? МРУчыларны кимчетмичэ-уз фикерен яз-"ГАДЕЛ СУЗ"! Или дэ булса" МОЛЧИ ! За умного сойдеш-ди рус халык эйтеме?! Гаделлек ул-энгэмэдэшлэренне кимсетмичэ генэ-уз фикеренне эйтеп бирэ белу сыйфаты. Эйттем дэ ул суз дорес дигэн фикер тагын ялгыш. Ул уз фикерен генэ. Купчелек синен белэн килешсэ менэ шул ул ДОРЕСЛЕК. Монысы филосовларча булды инде. Чонки халкыбызнын бик матур эйтеме бар акылсыз фикер турында-Эйттен дэ кереп киттен.мине генэ-хур иттен-дигэн. Хур булмыйк.алда гомерлэр бар эле.алла боерса.Б

№61 (793548) / 27.01.2012 00:08:09

№ 22 гэ кереп Ялкыннын корэшуен укып чыктым,берузе мэш килеп утыра ...
Ихлас берэу - миндэ Сезнен кебек ихлас кунел белэн ватаным,халкым,туган телем очен яшим .Ихлас берэу рэхмэт Сезгэ !

№60 (793547) / 27.01.2012 00:06:24

АН-ӘН дигәне нәрсә була соң аның?)))))

Ихлас берэу, молодец, төпле синең фикерләрең.

№59 (793546) / 26.01.2012 23:55:15

бигрэк капризный булдын :
баштан отерне кая тыгырга,
аннары кушымчаны,
алайда ярап булмады,
тагы да дэ лэрне
ябыштырырга туры килде -
мондый очракта нэрсэ дилэр эле-
ярап булмый катынга...

Тыныч йокылар, хэммэбезгэдэ !

№58 (793545) / 26.01.2012 23:53:51

ХЭБИБЭ-исемегез бигрэк матур,лэкин фикер йортуегез бердэ дорес тугел минемчэ.чонки ходай безнен беребез белэн беребез анлашырга нинди момкинлек биргэн.Хэр кеше уз фикерен эйтэ ала ,ЯЛКЫННЫН да уз фикерен эйтергэ хокукы бар hэм кемдэ булса анарга ябырыла икэн бу зур гонаh динебез буенча да hэм кешелек кануннарына да сыймый- ГАФУ-билгеле. Политикага кермэм дигэн идем кермичэ булмады инде,хэдислэрдэ дэ \"артык кызулык та,артык сабырлык та- гонах\" диелгэн.Шуна курэ сабыр булып гонаhлы буласым килми. Язган гэделсезлеклэрне бетерер очен сез узегез ни эшлэдегез сон? Эллэ илебез белэн \"якты килэчэк \" тозегэндэ итэк асларыннан продукталар табыштырганны или дэ булса кай берэулэрнен спец.обеспечениядэ торганлыгын hэмдэ спец болницаларда даруланганын оныттыгызмы? Буген дэ\"Cвадьба в Малиновке\"-дигэн кинодагыча башлыгыбызны алыштырып киюдэн башка эшебез юк. Гыйбрэт китерэм-без бит илнен чын жимерелгэн чагын кургэн кешелэр.Буген шокер пенсионерларыбыз вакытында пенсиялэрен алып торалар бугенге вэзгыяттэ бу житэкчелэребезнен тырыш хезмэте чонки экономикабыз бик мактаулы тугеллеген узегездэ куреп торасыздыр ,тэгэрмэчкэ таяк тыгучылар да юк тугелдер. Мин ватаныма,халкыма,туган телемэ -улеп гашыйк кеше. Илебездэ бара торган узгэрешлэр дэ узебез дэ актив катнашырга таештербездер диеп белэм. Бугенге кондэ илебезне житэклэрлек ил башлыгы булырлыкВ.В.Путиннан да кулаерак кеше юк -минемчэ чонки плакат кутэреп-эллэ нилэр вэгъдэ итучелэрне куп курдек инде. Зур вэгъдэлэр иткэн меллиордер да шул кадэр юмарт булса кеше хакыннан башка мондый мал молкэткэ хужа була алмаганлыгы хак бит .Алай гына да тугел кем анарга комачаулый икэн узенен хэерле уй фикерлэрен президент булмыйча гына тормышка ашырырга? Ходай безгэ халык ара дус матур яшэсеннэр диеп нинди зур мэйданлы.олы байлыкка ия булган дэулэт биргэн.Илебездэге тынычлыкка куанып узебезнен мэнфэгатълэрне онытмыйча ТУКАЙЧА эйтсэк-мокэттэс эш белэн шогеллэник !Илебездэ матур узгэрешлэр бара.алла боерса. житэкчелэребез акыллы .батыр егетлэр.булдырырлар. Мин узем ышанган кешемэ.ул хитэкчелек иткэн заманда яши алуым белэн шатланып -В,В,Путинга тавыш бирэчэкмен. hэм сезгэ дэ ялгышмашуыгызны утенэм! Илебезнен тынычлыгы hэм алга китуе безнен тормышнын яхшыруы ул безнен очен.Дошманнарга безнен буталу.бездэ гауга булу кулай.Эйтуемчэ мин политик та .экономиста тугел э тормыш тэжрибэсе булган гади бер кеше. Ммнем фикерем белэн танышуыгыз очен зур рэхмэт.Унышлар узегезгэ!

№57 (793544) / 26.01.2012 23:43:26

Кем ул,буш куык !


х1 гэ

№56 (793542) / 26.01.2012 23:33:48

Бер кыз белән егет сөйләшеп торалар ялгыз кичке төндә.
Бераздан тынлык, аннары
- Син ни турында уйлыйсың?
- Ник син нәрсә турында уйлыйсың, мин дә шул турыда инде.
- Их, оятсыз!!!!

№55 (793541) / 26.01.2012 23:32:24

отер тыгучы да,
кушымча тозуче дэ,
Хэбибэне ойрэтуче дэ,
тагын нинди -сина
укытучы кирэк...
булдымы кунелен

№54 (793540) / 26.01.2012 23:30:15


Оятсызлар,мин татар грамматикасын әйтәм,ә сез ?

№53 (793539) / 26.01.2012 23:27:10

Уйлап табыгыз әле:
айнур галимов исеме астында ШКда кем ягеренгән?
Почеркны танып була ич

№52 (793537) / 26.01.2012 23:24:11

Ничек башын эшлэсен инде ,сыерда савып карадын,аргансындыр инде бэбкэм ,башынны катырма дидем бит сина ,юк очен.

№51 (793536) / 26.01.2012 23:21:59


Өтер тыга беләәм,менә ДА-ДӘ-АН-ӘН не ничек ябыштырыга ?

№50 (793535) / 26.01.2012 23:20:12

Рәхәтләндегез инде язып
Иртәгә эшкә барасыгыз юк мәллә?
Барыгыз да минем кебек пенсионер түгелдер бит!

№49 (793534) / 26.01.2012 23:17:01

отер тЫгучы,
кушымча тозуче ,
Хэбибэ ойрэтуче -
нинди сина -укытучы ?

№48 (793533) / 26.01.2012 23:15:52

Берни аңламадым

№47 (793530) / 26.01.2012 23:10:46

№42, түләмәячәк ул аны! Түләмәгән өчен берни каралмаган. Өч елдан глава гына булмас! Судимость алына бит бездә.Конфискация юк. Сайлаулар алдыннан Татарстан халкын тынычландыру. Адәм мәсхәрәсе бит инде, ике партиядән артык партия юк, шудхәтле шәп яшибез, хәтта ки ришвштчеләрне Рәсәйдә күрелмәгәче судитҗ итәбез...

№46 (793528) / 26.01.2012 23:07:42


Татар теле укытучылары бармы ?

Өтерне кая тЫгарга ?
Кушымча кагидәләре ничек ?
Хәбибәгә дә бик кирәк.

№45 (793527) / 26.01.2012 23:04:56

Эээй, каргышларын узенэ тошмэгэе,житмэсэ тонгэ каршы ,юньлегэ булмас...

№44 (793526) / 26.01.2012 23:01:28

Аптырагансын икэн ,булган н.з сы штрафына житэ анын,
юк очен башынны ватма..

№43 (793525) / 26.01.2012 23:00:29

Барысын да хәбибәгә сылтамагыз мин бу мин башсыз

№42 (793523) / 26.01.2012 22:55:44

Эстэгафирулла ! Монда надан Хэбибэлэр кубэеп киткэн...

№41 (793522) / 26.01.2012 22:53:35

Ике көннән бирле баш ватам. Теге ослан х-главасы 300 млн-ны ничек түли алыр икән.
Ул хәзер гава түгел. Дус ишләре 50 меңлек эш бирсә (кемгә тигән әле!) яртысын ашарга, яшәргә тотса, 25 меңен түләп барса ничә ай түләргә тиеш? Мең ел киоеп чыга түгелме? Минем башым эшләми ахрысы?
Әәәә! Запасы бардырмы. Глава вакытта 100 мең алып эшләгән булса. (оооо! нинди хезмәт хакы!)
Яртысын 50 меңен ңыеп барган булса!
Әбәү 500 ел чыга түгелме?
Күп булса 20 ел эшләгәндер 100 мең алып....
Ю уу к.. МИнем башым эшләми!!!!
Кәҗә саварга гына эшли ахры бу баш....

№40 (793520) / 26.01.2012 22:51:47

Хэбибэ, жаныем узендэ шылар рэтенэ керэсен тугелме сон?

№39 (793518) / 26.01.2012 22:43:21


Айнуур,әллә син бүген генә күзеңне ачтыңмы ????

№38 (793517) / 26.01.2012 22:38:58


Яздым ич Татарлар надан дип

№37 (793516) / 26.01.2012 22:33:00

Проблема булачак,янадан акча туздырып саулау уздырырлар.

№36 (793514) / 26.01.2012 22:29:23

Күз алдына китерегез әле, бөтен ил берләшеп шушыларның берсен дә сайламаса?

№35 (793510) / 26.01.2012 22:05:00

Ялкын, бәләкәй адәмне точно сайламыйм! теге миллиардер да шуның кешесе, гәрчә матур сүзләре булса да. калганнарының любоен сайларга була.

№34 (793509) / 26.01.2012 21:50:04

Хәбибә, аларның кайсысыннан файда булды һәм булачак соң? Апа җаным, ник башыңны эшләтмисең соң безерәк? Син кайсын сайлар идең, җә? Сайлыйм димә, шунысы яхшырак диген. Шәт шуны мин дә сайлармын. Үз кандидатыңны гына ышандырырлык итеп яклый аласыңдыр ич инде. Монда сайлаулар борын төбенә җитеп килә. Ашыгырга кирәк.

№33 (793506) / 26.01.2012 21:33:56

Ялкын, кит гыйберәт! Милләтеңне талаган, телеңне кыскан, хокукларыңны бетергән кешене сайласаң син тучны шулар шайкасыннан инде. бергә талыйсыздыр, татар җанлы кеше мондый сүзләр язмый.
мироновтан безгә ни файданы ничек аңларга? кемнән нинди файда бар милләткә? кеше котыртып, барлы-юклы акылың белән көлдереп утырмасаң иде.

№32 (793504) / 26.01.2012 21:28:18

Ихлас берэу, килешәм.

№31 (793503) / 26.01.2012 21:27:01

/...яңадан сайларга җыенучы Ялкын кебек.../
Явлинский списоктан төшеп калды;
Җириновскийның кыяфәте ошамый;
Зюганов - кызыл коммунист буларак шулай ук безнең мәнфәгатьләрне канәгатьләндерми;
Мироновтан бегә нинди файда;
Прохоров тоҗе череп баеган бзнесмен. Сез шуны сайлыйсызмы? Менә ул нәрсә дигән:В случае избрания президентом России Прохоров пообещал продать свой бизнес и направить вырученные средства на благотворительность[34]. В эфире телеканала «Дождь» Прохоров, в частности, заявил: «Если я стану президентом я продам все свои активы и большую часть денег отдам на благотворительность. Мне страна дороже, а жалко у пчелки»
Мин аңардан шикләнәм.
Путиннан кала бүтән кеше юк инде.
Әгәр урыннардагы җитәкчеләр кул астындагылар белән нормально идарә итәргә өйрәнә алмый икән, әгәр һәрбер аңлы кеше үз аңында революция ясамый икән,кем килсә дә тәртип булмаячак. Көтүдән аерылып кыргыйлашкан, үз законнары белән урманга яшәргә качкан мүкләкләр иртәме-соңмы барыбер сөзәргә өйрәнә, аларны кабат кулга ияләштерәсе кыен була. Күп кеше шундый кыргый законнар белән яши башлады. Димәк, мүкләк үзе ялгышканын аңлап, ашаган җиренә, үз хәленә кире әйләнеп кайтмаса, Прохоров та, Путин да, башкалары да аны җиңә алмаячак.

№30 (793502) / 26.01.2012 21:20:40

Ихлас берэу, 
Бик сирәк күренеш, аек акыллы, алдыңгы карашлы кеше. Мин сезнең белән килешәм. Безнең халык китереп биргәне көтеп яшәүче. Бары тик кемдер гаепле.Тик ул түгел..
Күбесенең үз фикере юк..

№29 (793500) / 26.01.2012 21:07:51

Айнур,мэкалэндэге куп эйберне ,кубебез анлатып бирэ алмабыз дыр могаен.Анлатыр очен куп кенэ эйберлэргэ тошенергэ-тирэнерэк-тобенэрэк карарга кирэктер диеп уйлыйм.Элбэттэ, мин политик та,экономист та тугел лэкин безнен бу хэлэтебез- озак еллар буе"Угез улсэ ит,арба ватылса-утын" -диеп яшэвебезнен нэтижэсе дер диеп уйлыйм. Без -безгэ кемнендер коммунизм тозеп бирергэ- тиеш дигэн буыннар алмашу агачынын жимешлэрен татыйбыз тугелме сон? Узен ук язасын бит -укымыйча мулла буларга-телэучелэр билгене сатып алулары турында. Мина калса, барысы да узебездэн-узебезнен тэрбиядэн "алганнан мы,биргэннэн ме " тора. Бар нэрсэ очен дэ турэлэрне гаеплэп утыруда дорес тугел. Турэлэр hавадан тошмэгэннэр бит-алар халык вэкиллэре,без тэрбиялэгэн кешелэр. Минемчэ, кешене тэрбиялэу мэсэлэсе hэр гаилэдэ,уку йортларында ягъни жэмъгыятебездэ- дорес куелса тормышыбызда сез биргэн сорауларга урын эзерэк булыр иде. "Житешкэн социализм "тозеп"Коммунизм" га барган чакта да куплэр аз эшлэп куберэк акча алу турында хыялланалар иде.Хэзер ул заманнар утте,шокер . Яшэр очен эшлэргэ кирэк.Элеге дэ баягы,кемдэ сина эш китереп бирми,узенэ тырышырга- башын эшлэтергэ кирэк." Эйтуемчэ ,мин политик та,экономист та тугел, жавапларым уземнен фикер йортуем мэгънэсе генэ. Шокер, бугенге кондэ динле дэ,эшле дэ,йортлы да,машиналы да h.б. да булырга момкинлеклэр бар . Милли мэсъэлэлэребезне дэ берэу дэ чишеп -тэлинкэгэ салып китереп бирмэс.Халык мэкале бит-еламаган балага имчэк каптырмыйлар ди-шулай бит! Чан кагуын бик дорес, уйландыра торган мэкалэ. Ометебезне озмик-эшлэргэ кирэк!

№28 (793496) / 26.01.2012 20:34:28

Аңлатам: Айнур энем!Дөнья белән идарә итү әлегә яхүд миллиардерлары кулында. 2030 елга бу илдә халык 50 миллионнан артмаска тиеш.Шуңа күрә дәүләт моңарчы исемнәре туганнарыннан гайре беркемгә билгеле булмаган КГБ сатлыгына һәм моңарчы дуңгыз көтүе белән дә идарә итмәгән юрист егеткә -курчакларга тапшырылган. Менә шуларны аңласаң,син бөтен бирелгән һәм әле башыңда йөргән сорауларыңа да җавап табасың.Һәр нәрсә үз урынына басар,бөтен аптырашларың таралыр.

№27 (793495) / 26.01.2012 20:33:20

Жавапны бу сорауга берәүдә бирмиячәк. Нигә?? Ник? Ни өчен?.
без үзебезне алдап, үзебезнең ялганга үзебез ышанып, күктән нәосәдер яуганны көтеп гөмер иттек. Болар шуларның җимешләре., бар теләк шул, тик чәчәкләре генә булмасын

№26 (793494) / 26.01.2012 20:26:22


Хәбибә карт булсада биик дөрес яза ,син малай кеше көлдермә инде !

№25 (793493) / 26.01.2012 20:22:24


1000-нче тапкыр язам,безнең ил әле Ил булып формалашмаган,шалтай-балтай гына.РФ нең бугенге идиологиясе үзгәрмәсә аның киләчәге юк.Бөтен җир шары илләре россияне яратмый,этим всю сказано !

№24 (793488) / 26.01.2012 20:00:34

Хәбибә, ул белемне кем бирсен соң? Югары уку йортларында шул ук бездар "профессор"лар эшләгәч.Иркә үз дулкынында. Уңга да. сулга да түләүсез киңәш тарата.:sm7

№23 (793487) / 26.01.2012 19:51:42

Гогольнең "Үле җаннар"ында Собакевич ничек дигән әле:
"Мошенник сидит на мошеннике и мошенником погоняет!"
Без барыбыз да шундый түгелме?

№22 (793486) / 26.01.2012 19:50:28

№21!!!
бу сорауларны ил белән 12 ел идарә иткән һәм тагын шуның кадәр идарә итәргә җыенучы ВВПга юлларга кирәк. ))))
Аңа гына түгел,аны яңадан сайларга җыенучы Ялкын кебек,яңа буын тәрбиялэүче укытучыларга да юлларга кирэк!
http://www.matbugat.ru/news/?id=5375

№21 (793484) / 26.01.2012 19:45:00

Айнур, бу сорауларны ил белән 12 ел идарә иткән һәм тагын шуның кадәр идарә итәргә җыенучы ВВПга юлларга кирәк. Ә Сез ШКдагы икенче мәкаләгездә Путинны яклап,Президентка кандидатларның барысын да (ВВПдан кала) ялганчылар дип атарга җыенасыз. Мәкаләдән берничә юл:"Сайлау алды ярышы барышында, кандидатларның, русча әйтмешли, «колакларыбызга токмач элүләре»нә ияләшеп беттек бугай инде. Халыкның күпчелеге ул вәгъдәләргә күптән ышанмый да. Кандидатлар да, сайлаулар узгач: «Менә мине сайламаган булып, нинди өстенлекләрдән колак кактыгыз!» – дип әйтә алсыннар өчен генә, бер-берсен уздырып, зурдан кубып вәгъдәләр бирәләр, үзенчәлекле хәйләләргә баралар. Болар сайлауларда җиңә алмаячакларын белгәннәр тарафыннан эшләнә. Ә халыкның күпчелеге үзен сайлаячагын белгән кеше, бу очракта Владимир Путин, күпкә тыйнаграк, хакимлек чоры дәверендә үтәлешләре реаль мөмкин булган вәгъдәләр генә бирергә тырыша. Аның сайлау алды кампаниясе барышында биргән вәгъдәләре гади һәм аңлаешлы: ул 5 ел эчендә илнең икътисадын нык үстерергә, хезмәт хакларын аңлы кысаларда гына арттырырга, алкоголь һәм тәмәке продукциясе белән көрәшергә җыена\". Что то \"аңгырашылмады\".

№20 (793482) / 26.01.2012 19:43:27

Айнур гафу, ну син аңгыра, анысы точно. 23 яшьтә андый сораулар биреп утыру көлке. Инде үзеңнең балаларың бирергә вакыт. Или син соң өлгерә торганмы дисәм)

Белем җитми сиңа егет! Укы, әле журфак бетерү югары белемле булдым дигән сүз түгел! УКЫЙ торган җирдә белем алырга кирәк.

Икенче мәкаләңдә шәт бу сорауларга җавап язырсың дип көтәм. әгәр язалмасаң, бизгайбә..

№19 (793480) / 26.01.2012 19:25:30

Хәтерем ялгышмаса, Евгений Шварцның "Голый корол"ен "татарчалаштырып" ясалган бу анекдот та минем фикерне раслый инде.

№18 (793475) / 26.01.2012 19:02:05

Гафу, авторның исемен дөрес язмаганмын: Айдар түгел, Айнур икән.

№17 (793474) / 26.01.2012 18:59:55

Иркә, син Айдарга алай ук каты бәрелмә инде. Минем уемча, ул бездән ниндидер конкрет җавап яки подсказка көтми. Аның сораулары сораудан бигрәк безнең тормыштагы проблемаларны тәгаенләү мәгънәсендә яңгырый бит. Ул шуларны күрә-тоя, гомумиләштерә белә икән,димәк, ул уйлый да белә, сансыз-гамьсез бала түгел.

№16 (793473) / 26.01.2012 18:49:23

Су анасы, 

алай булса, кемдер җүләр булырга тиеш була түгелме соң?



без шту ли?

№15 (793472) / 26.01.2012 18:45:52


Нәкъ менә бу анекдоттагыча:
Патша кунак кабул итү залын шабашникларга бизәргә боерып, зур суммага килешү төзегән. Шабашниклар стена-түшәмнәрне акшарлап куйганнар да, кәеф-сафа корып ятканнар.
Кабул итү көне җиткән. Патша вәзирләрен өеп кабул итәргә килгән. Шабашниклар беравыздан \"Монда шундый матур рәсемнәр ясалган ки, акыллы кешеләргә генә күренә ул\" диләр икән. Бераздан бер вәзир күрә башлаган бит: \"Карале, нинди гүзәллек!\"
Әкренләп башкалары да матур рәсемнәр \"күрә\" башлаган.
Ахырдан Патша үзе дә гүзәллекне \"күрүгә\" ирешкән.
Кайгырмагыз, Иркә! Айнур да һичшиксез күрә ул рәсемнәрне. Болай гына әйтә ул

.

№14 (793470) / 26.01.2012 17:56:09

Айнур Галимов, мондый сорауларны инфантиль кешеләр генә бирә ала. Дөньяны яшьләр үзгәртә. 23 яшьтә мондый сораулар белән яшисез икән, бүтән язып маташмасагыз да була. Балалар бакчасына барыгыз кабат. Җавап шул.

№13 (793466) / 26.01.2012 17:19:38

Бу темаларга 99 тапкыр сөйләштек сайтта.Тик җавабын гына таба алган юк.Син дә тапмассың аны Айнур.
Чөнки бу илнең халкы, хәлләрен бергәләп яхшыртасы урынга,һәрберсе булдыра алганча,аерым-аерым үзенекен кайгырта башлый.

№12 (793465) / 26.01.2012 17:19:06

Айнур, бәбекәм, барсына да без, үзебез гаепле. Барсыда безнең сүзсез генә, башны аска иеп ризалашубыздан..Әлбәттә бүген генә башланган хәл түгел.. Һәм бүген генә туктатып булмаячак.Без үзебезне үзебез алдап яшәдек.Безне очсыз гына сатып алдылар, юк бәягә сатылдык..
Гафу итегез, мин тормышның әчесен - төчесен татыган кеше, бу сорауга 20-25 ел элек җавап таптым.

№11 (793462) / 26.01.2012 16:59:11

Айнур балакаем, мин синнэн купкэ олкэнрэк булсам да син язган сорауларга жавап таба алмыйм. Бик утемле итеп язгансын, чыннан да талантлы журналист син, елыйсылар килде. Тизрэк терелеп яши башларга насыйп итсен сина ходай!

№10 (793456) / 26.01.2012 16:21:30

Афәрин, Айнур! Язмаларың белән таныш түгел идем - төпле егет икәнсең!

№9 (793453) / 26.01.2012 15:52:49

Автор сорауга җавап көтә! Аңлатыгызчы...

№8 (793451) / 26.01.2012 15:27:23

Шәһридә дә шундый язма булыр икән.Айнур әфәрин!

№7 (793450) / 26.01.2012 14:17:51

№6 (793448) / 26.01.2012 14:02:30

Монда добавить нечего. Кул чабам авторга.

№5 (793445) / 26.01.2012 13:52:22

Безнен ил, акча юю очен зуур бер лаган гына.

№4 (793443) / 26.01.2012 13:49:33

Бик тэ дорес язгансыз, илебез зур, табигый ресурслар куп, эшче кочлэр куп, рэхэтлэнэлэр, безнен хезмэттэн файдаланалар, очсыз бэягэ эшлибез, табигый ресурсларны сатып рэхэтен курэлэр. Э ил халкы, очсызлы хезмэтче генэ.

№3 (793442) / 26.01.2012 13:46:21

Сезнен фикерне шундый да нык итеп укыйсым килэээ, но нинди телдэ яздыгыз сон сез, анлый алмыйбыз.

№2 (793440) / 26.01.2012 12:56:22

Айнур энем, шулкадђр њзђккђ њтђрлек итеп язгансыћ язуын, књзлђргђ яшьлђр килде, чљнки мин дђ сезнећ шикелле шуларны уйлап йљрим дђ, ул уйларны кызу-кызу куам, чљнки бу темага кереп китсђћ, дљньяда яшисе килми башлый. шушыларны ќитђкчелђр укысын, чын књћелдђн укысын да, берђр нинди нђтиќђ ясасын иде дђ бит. Шул ук Сез язган капкорсаклар (симергђннђр) дђ укымый шул аны, тљкерђлђр алар барысына.
Нђфисђ ханым белђн дђ килешђм, кешедђ хђзер миџербан-шђфкать тђ калмады бит. Нђрсђ кљтђсећ инде бу дљньядан???

№1 (793437) / 26.01.2012 12:12:55

Бу аңлашылмаслак хәлләр хәзер ничә буын дини тәрбия алмаганга,харамны хәләлдән аера белмәгәнгә, нәфескә хуҗа була алмаганга килеп чыга.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте