Путин баерак

Былтыр Медведев 3 миллион 378 мең, Путин исә 5 миллион 42 мең сум акча эшләгән.

Кичә Россия Президенты һәм Хөкүмәте башлыгының узган ел күпме керем алуы турында мәгълүмат пәйда булды. Шунысы кызык, Дмитрий Медведев 2008 елда 4 миллион 139 мең 726 сум акча эшлә­гән булган. Быел исә 3 миллион 378 мең генә. Әмма бу сумма узган елгыдан барыбер 40 меңгә күбрәк. Дөрес, Медведевлар гаиләсенең банкларда 5 миллион акчасы саклана икән. Моннан тыш, аларның 367,8 кв метр мәйданлы фатиры, 4700 кв метр мәйданлы җир участогы, 1948 елда чыгарылган “Победа” машинасы һәм 12 “яшьлек” “Фольк­сваген” автомобиле бар. Россия Хөкүмәте башлыгы исә былтыр 5 миллион 42 мең сум акча эшләгән. Путиннар гаилә­се­нең бер җир кишәрлеге, ике фатиры, өч машинасы – ГАЗ М-21, ГАЗ М-21Р, “Нива” һәм аталарыннан калган “Скиф” автоприцебы бар икән.

Президент адми­нистра­ция­сендә иң хәлле кеше – Александр Хлопонин. Ил башлыгының Төньяк Кавказ федераль округындагы тулы вәка­ләтле вәкиле узган ел 23 миллион сумнан артык акча эшләгән. Ә иң бай министр – табигый байлыклар һәм экология өчен җавап бирүче Юрий Трутнев. Ул былтыр 114 миллион сум акча эшләгән. Ике ел элек Трутнев 155 миллионга баеган булган. Вице-премьер Игорь Шувалов былтыр 14,5 миллион сум гына акча эшләгән. Аның каравы, Хөкүмәт Рәисе урын­баса­ры­ның хатыны узган ел 372 миллион сумга баеган. Калган Хөкүмәт әгъзаларының уртача кереме 4-5 миллион сумны тәшкил итә. Хәтта финанслар министры Алексей Кудрин да 7,8 миллион сум гына акча эшләгән.