|
|
Бүген кемнәр туган
|
|
Архив
|
17.04.2023 Матбугат
Казанда Эдуард Хәйруллинны соңгы юлга озаталарЭдуард Хәйруллинның тормышка ашырырга ниятләгән идеяләре һәм проектлары күп була. 15 елдан артык гомерен ул дәүләт хезмәтенә багышлый, республиканың беренче кешесе белән янәшә эшли. Бу хакта Татарстанның беренче вице-премьеры Рөстәм Нигъмәтуллин «Татмедиа» Республика агентлыгы җитәкчесе урынбасары белән хушлашу мәрасимендә белдерде. «Аның республика Президенты Администрациясендә эшләгән вакытында бик күп катлаулы, кызыклы проектлар тормышка ашырылды, барысында да ул актив катнашты, вакыйгаларның иң кискен ноктасында булды. Ул үзен дәүләт дәрәҗәсендәге теләсә нинди бурычларны хәл итә алырлык белемле, инициативалы белгеч итеп күрсәтте. Эдуард Хәйруллин үз коллективында һәм профессиональ журналистлар берләшмәсендә абруй казанган кеше иде. Ул чын патриот һәм югары профессиональ журналист буларак безнең республика файдасына эшләде. Ул һәрвакыт кешеләр белән кызыксынып аралашты, һәркем белән уртак тел тапты»,- диде Нигъмәтуллин.
Ул Эдуард Хәйруллинның актив тормыш позициясе һәм кызыксынуларының киңлеге аңа журналист һөнәрендә үзен чын мәгънәсендә хезмәткә багышларга ярдәм итте, дигән фикерен белдерде, дип хәбәр итә Татар-информ.
«Эрудицияле һәм искиткеч юмор хисле гадәти булмаган кеше иде, ул бар эшен дә якты һәм матур итеп эшләде. Ул интеллигент, тәрбияле, аралашуда җиңел кеше булды, әмма һәрвакыт үз фикере бар иде һәм аны һәрвакыт яклый белә иде», — дип билгеләп үтте ТРның беренче вице-премьеры.
Эдуард Хәйруллин 14 апрель кичендә 54 яшендә кинәт вафат була. Татарстан Рәисе Рөстәм Миңнеханов Һәм Аппарат җитәкчесе Әсгать Сәфәров танылган журналистның әнисенең тирән кайгысын уртаклашты.
--- |
Иң күп укылган
|