Балтачта Тумашевлар гаиләсен искә алдылар (ФОТО)

Балтач районы Нөнәгәр авылында Кәшифә Тумашева белән Равиль Тумашевны искә алу кичәсе мәдәният йорты музеенда узды. Кәшифә Тумашеваның тууына 120 ел булса, Равиль Тумашевка - 100 ел.

Кәшифә Тумашева - беренче профессиональ хатын – кыз режиссеры, актриса, педагог, радио дикторы, Татарстанның атказанган сәнгать эшлеклесе.

Равиль Тумашев – режиссер, ТАССР ның атказанган сәнгать эшлеклесе, ТАССР ның Г. Тукай исемендәге Дәүләт премиясе лауреаты.
Кәрим Тинчурин театрында озак еллар баш режиссерлар булып эшләгәннәр.

Дәрәҗәле кунаклар арасында Тумашевларның кызлары, 96 яшьлек Зөмәрә ханым Тумашева, Казан шәһәре филология укытучылары, Кэрим Тинчурин театрының халык артисты Нуретдин Нәҗмиев һәм атказанган мәдәният хезмәткәре Розалия Чабатова да бар иде.
Әлеге чара тәмамлангач, Кәрим Тинчурин театры артистлары Исламия Мәхмүтованың “Син бит минем бергенәм”спектаклен куйдылар.
25 апрель көнне, Кәрим Тинчурин театрында, Тумашевларны искә алу кичәсенә сезне чакырып калабыз! Рәхим итегез!