поиск новостей
  • 08.12 "Алтынч[ае]ч", 16+, Кариев театры, 13:00
  • 09.12-18.12 Илсөя бәдретдинова. Уникс. 18:00
  • 10.12 "Ромео һәм Джульетта", 16+, Кариев театры, 18:00
  • 11.12 "Йосыф", 16+, Кариев театры, 18:00
  • 14.12 "Былбыл бакчасы", Лилия Зщйнуллинаның юбилей концерты, 6+, Кариев театры, 18:30
  • 16.12 "Мио, минем Мио", 6+, Кариев театры, 18:30
  • 16.12 "Милли моңнар" концерты. Тукай музее. 0+
  • 17.12 "Бәхетле көнем", 0+, Кариев театры, 13:00
  • 17.12 "Мәхәббәт күгәрченнәре", 16+, Кариев театры, 18:00
  • 19.12 "Агыйдел" дэулэт жыр-бию ансамбленен юбилей концерты.Г.Тукай ис.филармония концертлар залы, !8:30
  • 20.12-27.12 "Галәм кунаклары һәм яңа ел", 0+, Кариев театры, 10:00, 13:00
Бүген кемнәр туган
  • 08 Декабрь
  • Әхсән Баян (1927-2013) - язучы
  • Илдар Әхмәтов - җырчы
  • Резидә Сәлахова - актриса
  • Ирек Фәйзуллин - дәүләт эшлеклесе
  • Галимә Ибраһимова (1909-1984) - актриса
  • Наил Мөхәммәдьяров - штангачы
  • Николай Столбов (1910-1942) - хәрби
  • Габделбари Сәетбатталов (1883–1969) - галим
  • Бюджет оешмасына библиотекарь кирэк. тел.8(843)236-97-91
  • Ремонт очков, ювелирных изделий, замена батарейки в часах, заточка парикмахерского и маникюрного инструмента. Качество и гарантия. Низкие цены. Опытный мастер. г.Казань, Амирхана, 71. +79600430099, Айнур Тулырак: https://matbugat.ru/ads/
  • Үзебезнең умарталыктан бик яхшы сыйфатлы карабодай һәм юкә балы сатыла. 1л-500сум. Шулай ук кәрәзле бал, огневка, чикләвекле бал, крем бал да бар. Казан буенча китереп бирү мөмкинлеге дә бар. Теләүчеләр булса, 89625497103 телефонына шалтыратыгыз. Күпләп алучыларга, бик яхшы яңа ел ташламалары каралган)
  • Гвардейская урамында урнашкан 2 булмэле фатирга озак вакытка татар кызларын,яки татар гаилэсен кертэбез.Бэясе 20 мен+ ком тулэулэр.89050259315
  • Ит өчен һәм асрар өчен нәселле буаз сарыклар сатыла. Телефон: 895200302799
  • Казан шэхэре батыршина урамында урнашкан 2 булмэле фатир арендага бирелэ.Яшэу очен барлык унайлыклар да бар.89274086591 Риелторларны борчымауларын сорыйм.
  • Зеленодольск районы, Карәтмән авылында (Казаннан якынча 40 км) 25 сутый тигез җир участогы сатыла. Йортка фундаменты да бар. Газ, су, электричество участокка кадәр китерелгән. Бәясе 850 мең сум. Тел. 89179068047
  • Бюджет оешмасына библиотекарь кирэк. тел.8(843)236-97-91
  • Продаю козу дойную нубийскую 15т Лаишевский район 89872137756 а также есть индоутки
  • Казан шэхэренең Киров районында фатир эзлим. Эшли торган татар кызына. Ватсап 89393966212

 

Архив
 

 

19.03.2011 Шоу-бизнес

Язлар белән бергә килә алар безгә

Самараның Литвинов исемендәге Мәдәният сараенда татар эстрадасының танылган җырчылары – Илһам Шакиров исемендәге Халыкара татар җыры конкурсында бердәнбер Гран-при иясе булган Илдар Хәкимовның һәм Татарстанның атказанган артисткасы Гүзәл Уразованың “Язмыш тавышы” дип аталган концерты булып үтте.

Гадәттә, язлар белән бергә килә алар безгә һәм бу бик тә урынлы, чөнки яз – мәхәббәт вакыты бит ул. Ә Гүзәл Уразова белән Илдар Хәкимов кебек бер-берсенә шулкадәр гашыйк кешеләрне эзләп карагыз әле сез! Хәтта сәхнәдә дә алар бер йөрәк булып, күзгә-күз карашып кына җырлыйлар. Бүгенге көндә татар эстрадасы сәхнәсендәге ирле-хатынлы җырчылар арасында, минемчә, бу – иң матур пар.

 

...Бөек ата-бабаларыбыз яшәгән Шәһри Болгарда ике күршедә балалар туа. Берсенеке кыз булса, икенчесенеке – малай. Аларга Гүзәл һәм Илдар дип исем кушалар. Үсеп җиткәч, егеткә әбисе көмеш беләзек тапшырып, аны, үз тиңен эзләр өчен, озын юлга чыгарып җибәрә. “Серле беләзек бу. Сөйгән ярыңны тапкач, серен үзең дә тоярсың”, ди ул оныгына. Чибәр күрше кызы да, ата-бабай йоласы буенча, бирнәләрен әзерләгән дә тәрәзә янына сөлге чигәргә утырган. Вакыт-вакыт каядыр еракка күз карашын төбәп, үзенең язмышына язылган бердәнберен көтә ул шулай.

 

Кайларда гына булмый Илдар! Тик юлында очраган бер генә кыз да аның күңеленә хуш килми. Ә өлешенә тигән көмеше – күршедә генә яшәүче Гүзәл икәнлеген озын, бормалы юлларны үтеп, өенә әйләнеп кайткач кына аңлаган ул. Шулай итеп, егетнең ерактан эзләгәне якында булып чыга, ә кызның ерактан көткәне янәшәсендә генә булган икән бит. Чәчләрең чәчкә бәйләнсә, күктә укылган никах җирдә дә укыла шул. Пар җырчыларның изге Болгар, бөек тарихыбыз темасына багышланган яңа концерт программасының сюжеты нәкъ шундый иде.

 

 Җырчыларның үткән еллардагы концертларында күп урынны билдән түбән мәзәкләр, бер дә кирәкмәгән конкурслар алып торган булса, бу юлы артистлар җыр-биюләрдән генә төзелгән тулаем музыкаль программа күрсәттеләр. Сюжет сызыгы да, элгәрегечә, тамаша уртасында онытылып, югалып калмыйча, ахырга кадәр сузылды. Тик ул баштан бик көчле, якты булып башланып китсә дә, концерт барышында сүлпәнәя төште, ә соңга таба жырчыларның да, тамашачыларның да аңа игътибары сүрелде. Вакыт-вакыт Илдар гына серле беләзеген әле җырчы кызга, әле биюче чибәркәйгә кидереп карады, аннан соң инде аны Гүзәлгә бүләк итте дә сюжет сызыгы шуның белән чикләнде.

 

Ә менә, әгәр болгар бабаларыбыз темасын дәвам итеп, борынгы костюмнарга киенгән Гүзәл белән Илдар шул ук тирмәләр янында, берсен-берсе табып күрешсәләр, бергәләп мәхәббәт турында бер җыр башкарсалар, бу программаның җитдилеген дә саклап калыр иде, аны тулырак та итәр иде кебек. Кыскача әйткәндә, җырчыларга алга таба сюжетлары өстендә тагын да күбрәк эшләргә кирәктер.

 

Концертның шундый әһәмиятле темага багышлануы исә, чыннан да, мактауга лаек. Җырчылар татарларны бердәм булырга өндәп, дәүләт тоткан халык буларак милләтебез белән горурланырга, “үткәнне белмәгәннең киләчәге юк”, дип, данлы тарихыбызны, шәҗәрәләребезне балаларыбызга да өйрәтеп калдырырга кирәклеге турында акыллы үгет-нәсыйхәтләр бирделәр. Яшь булуларына карамастан, Гүзәл белән Илдарның репертуарларында да тирән эчтәлекле, мәгънәле җырлар тупланган: “Сабырлыкның төбе – сары алтын”, “Мең рәхмәт, Раббым”, “Бала – җимеш” һәм башкалар. Бер генә концертларының да татар халык җырларыннан, милли биюләрдән башка узмавы да җырчыларның сәнгатебезгә җитди мөнәсәбәттә булуларын күрсәтә. Бу юлы Гүзәл мәрхүм Хәйдәр Бигичев репертуарыннан “Йөрәк ярсуы” җырын алып килгән иде.

 

Бу парга Ходай моңны да, чибәрлекне дә жәлләмәгән. Һәм Гүзәл белән Илдар Аллаһының бу бүләкләреннән дөрес файдаланып, халыкны шатландыралар. Сәхнәдә үзләрен гади, тыйнак тотулары белән ошыйлар алар безгә. Җитмәсә, үзләре шаян сүзле дә. Юкка гына аларны, бигрәк тә Гүзәлне, Самара тамашачысы чәчәк бәйләмнәренә күммәгәндер. Җырчыларның моңлы тавышына гына да түгел, ә үзләренә сокланып, ирексездән: “Бигрәк тә пар килгәннәр!” дип куясың. Аларның үзләренә генә хас сөйкемле елмаюлары да ниндидер сихри көчкә ия. Шуңа күрәдер дә бу артистларның концертларына һәрвакыт зал тулы халык җыела. Бигрәк тә яшьләр ярата аларны.

 

Гүзәл белән Илдарның искиткеч матур, зәвык белән эшләнгән һәм тыйнак сәхнә костюмнарына да сокланмый һич кенә дә мөмкин түгел. Тик элеккеге концертларда җырчыларның киемнәре биючеләрнеке белән бертөрлерәк булып, бик гүзәл күренеш барлыкка китерсә, быел исә бу яктан сизелерлек җитешсезлекләр күренде. Әйтик, патшабикә күлмәген хәтерләткән костюм кигән Гүзәл янында биюче егетләрнең-кызларның урамча киемнәре бик үк килешеп бетмәде. Чын мәхәббәт үрнәге булган бу пар концертта бер-ике дуэт белән генә чикләнмичә, аларны күбрәк башкарса да, яхшырак булыр иде.

 

Ә гомумән алганда, концерт яхшы үтте. Киләчәктә дә Гүзәл белән Илдар бер-берсенә бердәнбер булып, шундый ук дәртле, көчле гыйшык утында янып, башкаларга чын мәхәббәт үрнәге булып калсыннар иде. Концерттан әлегә тиңнәрен очратмаган егетләр-кызлар тиз арада сөйгән ярларын табу теләге белән, ә инде парлылар бер-беренә карата тагын да көчәйгән татлы хисләр белән кайтып киткәннәрдер. Ә Гүзәлнең: “Безнең туган телебез, ата-бабаларыбыз саклап килгән милләтебез, динебез, данлы тарихыбыз, җырыбыз һәм кабатланмас моңыбыз бар! Шулай булгач, без - горур халык, бер-беребезне саклыйк!” - дигән хушлашу сүзләре йөрәкне бигрәк тә ялкынландырды.

 

Хәмзә МОРТАЗИН фотосурәте.


Миләүшә ГАЗИМОВА
Бердәмлек
№ 12 | 19.03.2011
Бердәмлек печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Глобэкс промоушен
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»
Piter.tatar