Әхмәт Халиков «Инфо Ислам» мәгълүмати агентлыкның баш мөхәррире итеп билгеләнде

Әхмәт Халиков 1 марттан «Инфо Ислам» мәгълүмати агентлыкның баш мөхәррире вазифаларына кереште. Ул шулай ук «Ислам info» Медиа төркеме ҖЧШ генераль директорының мәгълүмати сәясәт буенча урынбасары итеп тә билгеләнде.

Әхмәт Халиков соңгы 5 ел эчендә ТҖ МДНнең Матбугат хезмәтен (2011 елның 28 февраленә кадәр) җитәкләде, Татарстан һәм Россия журналистлары даирәсенә яхшы таныш кеше. Ул Татарстан мөселманнары гаммәви мәгълүмат чараларының (ГМЧ) башлангыч чорында аларга төрлечә булышты, ислами ГМЧның 3 фестивален үткәрүнең оештыру комитетына керде. Татарстан Журналистлары Берлеге әгъзасы. Ул «Роскомсвязьнадзор»ның Татарстандагы Иҗтимагый советы утырышларында катнашты.

Ике дини һәм бер дөньяви югары белеме бар. Ул ислам динен кабул итүгә 1000 ел исемендәге Казан югары мөселман мәдрәсәсен, Россия Ислам университетының Шәригать факультетын, Казан (Идел буе) федераль университетының Журналистика һәм социология факультетын тәмамлады.

«Ислам info» ҖЧШ «Медиа төркеме»нә «Ислам info» һәм «Восточный маркет» җәридәләре (газеталары), «Инфо ислам», «Татар Ислам» мәгълүмати агентлыклары керә. Илдар Баязитов «Ислам info» Медиа төркеменең Генераль директоры һәм аңа керүче ГМЧны оештыручы булып тора.