поиск новостей
  • 24.04 Хыялый, Тинчурин театры, 18:30
  • 24.04 "Муса. Моабит" Кариев театры, 11:00, 13:00
  • 26.04 Ай, былбылым! Тинчурин театры, 18:30
  • 28.04 Хыялый. Тинчурин театры, 17:00
  • 29.04 Кияү урлау. Тинчурин театры, 18:30
  • 30.04 "Шан кызы" Кариев театры, 12:00,14:00,18:30
Бүген кемнәр туган
  • 22 Апрель
  • Гөлнара Сабирова - журналист
  • Марат Әмирханов - язучы
  • Гөлназ Гыйниятова - журналист
  • Әлфис Кыямов (1960-2004) - җырчы
  • Илсур Сафиуллин - дәүләт эшлеклесе
  • Резеда Кадыйрова - җырчы
  • Телэче районы Шэдке авылында йорт сатыла, барлык унайлыклары булган. 89534073195
  • ИСЭНМЕСЕЗ. ЭТЭЧ САТАМ . ТЕЛ 89053184712
  • Казаннын Яна-Савин районында урнашкан 2 булмэле фатирга бер кыз эзлим. Бэясе 6500 сум 89376001290
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Казан. Дәүләт органына тәрҗемәче кирәк, рус-тат, тат-рус. Эшләү бары эш урынында гына, 9:00-18:00. Эш урыны шәһәр үзәгендә. З/п уртача 36000 сум. Тел.299-15-58
  • Жэйге язшы сыйфатлы Лукойл нефтегаз очен тегелгэн, бер дэ киелмэгэн спецодеждалар бар. Костюмнар чалбары белэн, чалбарлар серым да бар, 44 размеры резин итек 500 сумга, СУ уткэрми торган перчаткалар хэм башка эйберлэр. Барсы да Казанда Павлюхин урамында. Кыйммэт тугел. Шалтыратыгыз я ватсапка языгыз. 8 927 036 61 07
  • Исэнмесез! Биектау районы Станция куркачида 2 булмэле квартира сатыла 60 кв,м. Электричкага якын. Казанга 50 км. Тел 89625632681.шалтыратыгыз.
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
Архив
 
06.12.2022 Ир белән хатын

«Мин апагыз белән 1966 елда интернет аша таныштым бит»

Бер-берләрен гомер буе кадерләп, саклап йөрткән матур парлар бар. Шундый күркәм парларның берсе – Чистай районының Дүртөйле авылында яшәүче Әминә һәм Ринат Сәлаховлар.

– Мин апагыз белән 1966 елда интернет аша таныштым бит, – дип шаккатырды башта безне Ринат абый. «Ул заманда нинди интернет булсын инде?» – диештек. Ә хикмәт менә нәрсәдә булган икән.
 
Ринат абыйның армиядән кайткан чаклары булган ул. Ә яшь кыз Әминәнең укуын тәмамлап, шушы авыл мәктәбенә балалар укытырга төшеп йөргән мәлләре.
 
– Иске өебезнең кечкенә генә тәрәзәләре бар иде. Бозга каткан шул тәрәзәне эретеп, кечкенә генә тишек ясап, ара-тирә урамны күзәтеп ала торган тәртибем бар. Бер көн шулай карап торганда, чаңгы шуып баручы бер кызга күзем төште. Янымдагы сеңлемнән аның кем булуын сорадым. Ул әлеге чибәр туташның яшь мөгаллим булуын әйтте. Шул кечкенә генә тишектән бер күз төшереп алу җитте миңа апагызга гашыйк булыр өчен. Күңелдә ялкын кабынды бит. Шунда ук: «Бу кыз минеке булырга тиеш», – дигән уй керде. Ләкин тиз генә чыгып танышырга кыймадым. Безнең чорда гомумән ике яшь кешенең ялгызы гына калып сөйләшүе хупланылмый торган ят күренеш иде. Әминә укытырга күрше авылдан килеп йөрде. Ә мин колхозда шофер булып эшли идем. Ара-тирә машинага утыртып, алып кайтып куя башладым. Аралашуыбыз әнә шулай башланды безнең, –  дип сөйләде Ринат абый.
 
Мәхәббәт тарихы башланырга сәбәп булган мәктәптә исә Әминә апа 41 ел эшләгән. Балаларга математика укыткан ул. Биш балаларының өчесе әниләре юлын сайлауда да аның өлеше булмый калмагандыр. Сәлаховлар династиясенең гомуми укытучылык стажы 106 елга тулган икән инде.
 
– Кызларыбызның өчесе дә үземнең юлдан китте. Олы кызыбыз Әнисә биология һәм химия укытты. Уртанчыбыз Рүзилә мәктәптә директор урынбасары булып эшли. Өченче кызыбыз Казанда белем бирде. Әлеге вакытта балалар бакчасында эшли.
Үз юлымнан китүләренә сөендем генә. Эшем ияреп өйгә кайта иде, кызлар мөгаллим хезмәтен күреп үстеләр, – дип Әминә апа.
 
Авылларында мәктәп булмаса да, мәгариф өлкәсендәге яңалыклардан бүген дә хәбәрдар булып яши алар.
 
– Мәктәптә дә, гаиләдә дә, тормышта да бер-береңә яхшылык эшләргә тырышырга, яхшы мөгамәләдә булырга кирәк. Үзебез эшләгәндә хезмәттәшләребез белән бик дус-тату яшәдек. Әле дә чордашларыбыз белән аралашып торабыз. Мәктәптә эшләгән елларны сагынып искә алабыз. Алар белән бергә эшләү рәхәт иде, бик актив булдык. Укучыларым да бик рәхмәтле булды. Килеп, хәлемне белешеп торалар, – ди Әминә апа.
 
Ринат абый да – гомерен авылга, авыл хуҗалыгына багышлаган кеше. Шофер да булган, бригадир булып та эшләгән, ә пенсиягә чыгар алдыннан 20 елын агрономлыкка  багышлаган. Әлеге мөлаем, матур парның быел гаилә коруларына 55 ел булган. Кадерләп, саклап торырдай ныклы терәк булган биш балалары, җиде оныклары, дүрт оныкчыклары бар.
 
– Тормышыбыздан бик канәгать, пенсия килеп тора, балалар исән-сау, үзебез бәхетле, парлы гомер кичердек. Ураза тотабыз, намазлар укыйбыз, мәчеткә йөрибез. Болар үзе үк зур бәхет ләбаса, – дип шөкер итә Сәлаховлар бүгенге тормышларына.
 
Шулай булмыйни, ул әле дә машинасына утырып, кайчандыр тәрәзә ярыгыннан гына күзәткән Әминәсен дә янына алып, балаларының, оныкларының хәлен белешеп кайта. Өйләренә җиде-сигез газета яздырып, парлашып утырып укыйлар. Кадерле һәм бәрәкәтле тормыш шундый була торгандыр инде ул.
 

Зөһрә САДЫЙКОВА
Ватаным Татарстан
№ --- | 06.12.2022
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»