ТЕСТ: ИММУН СИСТЕМАГЫЗ НИ ХӘЛДӘ?

Иммун системасының халәтен төрле ысуллар бе­лән тикшереп була: кан анализы тапшырып, пульсны үлчәп, колактагы нокталар буенча, хәт­та чәч толымына карап та. Хроник авырулар вакытында, еш чир­ләгән­дә табиб-иммунологка мөрәҗәгать итәр­гә ки­рәк. Иммун системасының “кәефен” белү өчен тест яр­дәм итәр. Әгәр андагы мәгълүматлар сез­гә ту­ры килә икән, ди­мәк, иммун системагыз какшаган яки якын ки­лә­чәктә түбәнәя­чәк.

l Бик еш (елына 4 мәр­тәбәдән артык) салкын тидерәсез, температура күтәрелми, тик бик озак дәваланырга туры килә.

l Авырлыгыгыз нормада түгел.

l Аллергиядән интегәсез.

l Аз гына туңсагыз да герпес килеп чыга, гөмбә авырулары атлаган саен “кунак” була.

l Начар гадәтләрегез күп: тәмәке тартасыз, артыгын ашыйсыз, баллы тәм-томнан башка яши ал­мыйсыз, исерткеч эчем­­лек яратасыз.

l Уйламаган җирдән чы­гырдан чыгасыз да, аннан чак кына тынычланасыз.

l Спорт белән шө­­­гы­ль­­­ләнмисез, аз хәрә­кәт­лә­нәсез.

l Авызыгызны ачып йоклыйсыз, гырлыйсыз.

l Хроник авыруыгыз бар.

l Йокысызлыктан интегәсез, саташып уянасыз.

l Еш арыйсыз, ярсыйсыз, күңелегез төшә.

l Тиз генә капкалап алуны, кофе, баллы һәм газлы эчемлекләрне өс­тен күрәсез, ә яшелчә, җиләк-җимеш табынга бик си­рәк менә.

2-3 фикер сезгә туры килсә дә, иммун системагызга игътибарлырак булырга һәм яшәү рәвешегезне үзгәртергә ки­рәк. Алда санап үтел­гән­нәрнең яртысы белән килешсәгез, табибка кү­ренегез.