|
|
Бүген кемнәр туган
|
|
Архив
|
09.11.2022 Фаҗига
Алабуга янында булган фаҗиганең нечкәлекләре билгеле (ВИДЕО)Кичә 16.30 сәгать тирәсендә республиканың Алабуга районы «Алабуга» махсус икътисади зонасы территориясендә юл-транспорт һәлакәте булган. Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, «КАМАЗ» йөк машинасы белән вахта автобусы кара-каршы бәрелешкән. Юл-транспорт һәлакәте вакытында автобуста 20 кеше булган. «Татар-информ» мәгълүматлары буенча, 39 яшьлек хатын-кыз үлгән, биш кеше имгәнгән. Аларның хәле ачыклана.
Һәлакәт урынына Алабуга прокуроры Рөстәм Шәрәфетдинов барган. Юл хәрәкәте иминлеге турындагы закон үтәлеше буенча тикшерү оештырылган. Фаҗига килеп чыгу сәбәпләре ачыклана», - диде Татарстан прокурорының өлкән ярдәмчесе Руслан Галиев.
Алабуга Үзәк район хастаханәсе табиблары йөк машинасы белән вахта автобусы һәлакәтендә имгәнгән 11 кешене тикшергән. Өч кеше амбулаториядә дәвалануга җибәрелгән.
«8 кеше хастаханәдә, табиблар күзәтүендә. Хәлләре уртача авыр дәрәҗәдә дип бәяләнә. Барысы да үз аңында, аларның гомеренә куркыныч янамый», - диделәр Татарстан Сәламәтлек саклау министрлыгының матбугат хезмәтендә.
--- |
Иң күп укылган
|