поиск новостей
  • 09.12-18.12 Илсөя бәдретдинова. Уникс. 18:00
  • 10.12 "Ромео һәм Джульетта", 16+, Кариев театры, 18:00
  • 11.12 "Йосыф", 16+, Кариев театры, 18:00
  • 14.12 "Былбыл бакчасы", Лилия Зщйнуллинаның юбилей концерты, 6+, Кариев театры, 18:30
  • 16.12 "Мио, минем Мио", 6+, Кариев театры, 18:30
  • 16.12 "Милли моңнар" концерты. Тукай музее. 0+
  • 17.12 "Бәхетле көнем", 0+, Кариев театры, 13:00
  • 17.12 "Мәхәббәт күгәрченнәре", 16+, Кариев театры, 18:00
  • 19.12 "Агыйдел" дэулэт жыр-бию ансамбленен юбилей концерты.Г.Тукай ис.филармония концертлар залы, !8:30
  • 20.12-27.12 "Галәм кунаклары һәм яңа ел", 0+, Кариев театры, 10:00, 13:00
Бүген кемнәр туган
  • 09 Декабрь
  • Лениза Назлы - ди-джей
  • Хәсән Туфан (1900-1981) - язучы
  • Алексей Песошин - дәүләт эшлеклесе
  • Альбина Асылгәрәева - журналист
  • Нәҗибә Әминева - шагыйрь
  • Идият Әширов - шагыйрь
  • Абдулла Али (1925-2011) - җәмәгать эшлеклесе
  • Зөфәр Сәхәбиев - баянчы
  • Бюджет оешмасына библиотекарь кирэк. тел.8(843)236-97-91
  • Ремонт очков, ювелирных изделий, замена батарейки в часах, заточка парикмахерского и маникюрного инструмента. Качество и гарантия. Низкие цены. Опытный мастер. г.Казань, Амирхана, 71. +79600430099, Айнур Тулырак: https://matbugat.ru/ads/
  • Үзебезнең умарталыктан бик яхшы сыйфатлы карабодай һәм юкә балы сатыла. 1л-500сум. Шулай ук кәрәзле бал, огневка, чикләвекле бал, крем бал да бар. Казан буенча китереп бирү мөмкинлеге дә бар. Теләүчеләр булса, 89625497103 телефонына шалтыратыгыз. Күпләп алучыларга, бик яхшы яңа ел ташламалары каралган)
  • Гвардейская урамында урнашкан 2 булмэле фатирга озак вакытка татар кызларын,яки татар гаилэсен кертэбез.Бэясе 20 мен+ ком тулэулэр.89050259315
  • Ит өчен һәм асрар өчен нәселле буаз сарыклар сатыла. Телефон: 895200302799
  • Казан шэхэре батыршина урамында урнашкан 2 булмэле фатир арендага бирелэ.Яшэу очен барлык унайлыклар да бар.89274086591 Риелторларны борчымауларын сорыйм.
  • Зеленодольск районы, Карәтмән авылында (Казаннан якынча 40 км) 25 сутый тигез җир участогы сатыла. Йортка фундаменты да бар. Газ, су, электричество участокка кадәр китерелгән. Бәясе 850 мең сум. Тел. 89179068047
  • Бюджет оешмасына библиотекарь кирэк. тел.8(843)236-97-91
  • Продаю козу дойную нубийскую 15т Лаишевский район 89872137756 а также есть индоутки
  • Казан шэхэренең Киров районында фатир эзлим. Эшли торган татар кызына. Ватсап 89393966212

 

Архив
 

 

01.10.2022 Шоу-бизнес

Рафис Кәлимуллин: «Бөтен кешегә дә ошарга кәнфит түгел бит мин»

«Таңнарым да син минем, язларым да син минем» дип җырлаучы, сәхнәне энергетикасы белән «кыздыручы» Рафис Кәлимуллинны дәштек бүген кунакка. Татар эстрадасы, җыр базары, атлар арасында узган балачак, чын дуслык һәм зур хыяллар – җырчы белән ихлас әңгәмә әнә шулар турында.

– Ни хәл?
 
– Хәлләр начар түгел үзе. Холкым буенча позитив кеше мин, тормышның ачы мизгелләрендә дә елмаерга көч табам. Хәзерге вакытта җырлар яздырам. Тиздән концертларым башланырга тиеш иде, аларны кичектердек. Мондый чакта концерт куяр өчен гаять күп көч кирәк, халык та бүген әзер түгел моңа.
 
– Сезне эстрадага тиз килеп керде, тиз күтәрелде, диләр.
 
– Үземне тиз күтәрелдем дип санамыйм. Гомумән, күтәрелмәдем әле мин. Болай белемем буенча юрист булам. Укып бетерүгә, Мәскәүгә чыгып китеп, анда кем генә булып эшләмәдем. Ә иҗат белән Казанга кайткач, очраклы рәвештә диярлек кызыксына башладым. Юри генә яздырган җырдан башланды ул. Башта мәҗлесләрдә җырладым. Шуларның берсендә Фирзәр абый Мортазин белән таныштык. Ул миңа: «Энем, яхшы җырлыйсың икән. Сиңа туры килердәй җырым бар», –  дип, репертуарымдагы иң популяр  «Син минем» җырын бүләк итте.
 
Ә болай, шәп тавышлы җырчы дип әйтә алмыйм үземне. Шуңа да сузып җырлый торган, катлаулы җырларга алынмыйм да. Дөресен генә әйткәндә, хәзер бит тамашачы тавышка түгел, күбесенчә энергетикага карый. Ә анысы миндә көчле. Андый энергетика белән бүлмәдә эшләп утыра алмыйм, шуңа сәхнәгә чыктым.
 
– Мәскәүгә зур максатлар, зур өметләр белән киткән идегезме?
 
– Юк. Ул чакта бер кыз белән йөри идем, шуның артыннан киттем.
 
– Иҗатка мәхәббәт юктан гына барлыкка килмәгәндер инде?
 
– Минем әнием бик матур итеп җырлый. Районда да бик яраталар аның тавышын.
 
– Җырга сәләт әниегездән, димәк?
 
– Юк. Әнигә охшасам, җырлый белер идем мин (көлә). Энергетика дидем бит әле, безнең әти дә шундый кеше, мин аңа охшаган.

– Балачагыгыз турында да сөйләгез әле.
 
– Нурлат районының Кәкре Атау авылы егете мин. Эшләп үстем. Балачагым терлек карап, сыер савып, атка атланып узды. Әти – бригадир, әни сыер савучы иде. Бик бай яшәдек дип әйтә алмыйм. Бер генә ат ярышын да калдырмадым, беренчелекне дә бирмәдем. Буем кечкенә булгач, ат өстенә ялына тотынып, чабып киткәндә сикереп менгәнем әле дә хәтердә. Атка атланып урман-кырларда йөри идем. Безнең яктагы бөтен урманнарны яттан беләм. Хәзер дә авылга кайткан саен диярлек озаклап табигатьтә йөрергә яратам.
 
– Авыл турында бигрәк яратып сөйлисез. Шәһәр тормышын ташлап, авылда яшәр идегезме?
 
– Зур хыялым ул минем. Үз фатирыбызда яшәвебезгә дүрт ел менә, ә күрше белән утырып сөйләшкән юк. Ә авылда күршең туганыңнан да якынрак. Алай гына да түгел, Кәкре Атау авылындагы һәр кеше якын миңа. Беркөнне РКБда авылдашларымны очраткач, эчемә җылы йөгерде. Җаным, тәнем белән авыл баласы мин. Эх, авылда үз өең булып, атлар асрап яшә идең! Менә шул турыда хыялланам мин.
 
– Җырлар сайлаганда, иң беренче чиратта, нәрсәгә игътибар итәсез?
 
– Күңелемә йә ята, йә юк. Сүзләренә генә яки көенә генә карыйм дип әйтә алмыйм. Үземә ошамаган җырны җырламыйм, ихлас булмый ул. Минем бит инде күп җырларым, кем әйтмешли, яшьләрчә. И, әти сүгә инде, «Ике палкалы җырлар җырлыйсың», – ди. Шуңа күрә күп җырларымны әти яратып тыңлый торган «Болгар радиосы»на бирмим дә мин.
 
– Бүгенге җыр базарын Самосырово чүплеге белән чагыштырулары турында ни уйлыйсыз?
 
– Дөрес чагыштыру ул. Җырчылар мине гафу итсен, әмма берсен берсеннән аерып булмый торган, бер мәгънәсез җырлар бик күп бүген. Халыкның ихтыяҗына караганда күпкә артты. Үзем фәрештә түгел, билгеле, минем дә репертуарымда җырлар шактый. Шуңа да бер ел тирәсе яңа җыр чыгармый торырга булдым. Кеше тыңлап өлгерә алмый. Нигә Салават абыйның «Салкын чәен», Рәсим абый Низамовның «Каеннар арасында» җырын, Әлфия апа Авзалова, Илһам абый Шакиров җырларын барыбыз да яттан җырлыйбыз? Чөнки алар «штучный экземпляр» булган. Заманасы башка, дибез, халык шуны сорый, дибез һәм чама хисен онытып җибәрәбез.
 
– Бу проблеманы ничек хәл итеп була дип уйлыйсыз?
 
– Минем бу сорауга җавап бирергә хакым юк.
 
– Шулай да, сез нәрсә эшләр идегез?
 
– Җыр базарын контрольдә тота торган худсовет булсын иде, диючеләр белән килешәм мин. Радиога җырларны сайлап кына алуларын таләп итәр идем. Кем акча түли, шуны гына «әйләндерү»  дөрес нәрсә түгел.
 
– Сезнең музыкаль белемегез бармы?
 
– Кызганычка, юк. Ә белем бик кирәк. Җырлар өчен генә түгел, музыкаль белем бит ул сәхнә осталыгын да үз эченә ала. Халыкны көлдерәм, халыкка ошыйм дип, анекдот сөйләп йөреп кенә булмый. Җырчы уен коралларында уйный белергә тиеш дип уйлыйм мин. Аеруча баянда. Ә минем кечкенә чакта баянда уйнарга өйрәнер өчен мөмкинлегем бар иде. Әмма мин гитараны сайладым. Хәзер үкенәм менә. Инде хәзер вакытым бераз бушады кебек, уку турында уйларга иде.
 
Блиц-сораштыру
– Эстрадада дусларыгыз бармы?
 
– Якын дусларым юк, әмма хөрмәт иткән кешеләрем шактый. Үземне дә яратучылар да, яратмаучылар да җитәрлек. Хәер, бөтен кешегә ошарга кәнфит түгел бит мин.
 
– Сез бит әле – әти кеше дә. Булачак киявегез артист булса, каршы килмәссезме?
 
– Кем булса да ярый, иң мөһиме – кызымны яратсын, хөрмәт итсен.
 
– Нинди әти сез?
 
– Таләпчән. Алай да, без көн саен  балам белән озаклап кочаклашып утырырга яратабыз.
 
– Иң зур хыялыгыз?
 
– Аллаһы Тәгалә соңгы көнемә кадәр эшләргә мөмкинлек, көч бирсен иде. Бер көнемне, бер минутымны да тик утырып уздырасым килми.
 

Лилия ГЫЙМАЗОВА
Ватаным Татарстан
№ --- | 01.10.2022
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Глобэкс промоушен
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»
Piter.tatar